新寧餐廳

营业中

休息中

由我出世前，父母已幫襯開。年幼時在利園食，果時得幾歲，初步接觸西餐，之後餐廳搬左去禮頓中心，都繼續去食。到依家搬去利舞台，都是貴店常客，即使身處海外，都經常念念不忘幫襯，不經不覺已屆數十載。嚟到例牌點個招牌菜：田螺餐，上有薯蓉，非常好食，加埋辣椒仔仲惹味。羅宋湯也很美味，調校很好。牛扒中規中矩，以前在西雅圖食過最靚牛扒，係唔使用蒜茸汁，可以的話這裏牛扒可以做得更好。侍應態度很友善有禮。保持到水準，請繼續加油。

一路幫襯左好多年 雖然食物質素無咩點變都keep得幾好 但係服務態度越 黎 越 差 d員工態度好唔耐煩 仲呼呼喝喝 好敷衍咁回應 由帶位個姐姐開始已經係咁 要催侍應比麵包 sour cream 好似去左茶餐廳 完全無曬以前親切嘅感覺 建議餐廳好好正視呢個問題 唔想食餐飯都要受氣

friday night walked in,came with dinner of;baked snails,six pieces sat on top of mashed potatoes,inner of the snails are marinated with herbs and butter in a big shell and remained fresh,minestrone soup,kinda thick tomato basedwith those chopped mix veggies, pleaseadd in some pepper for enhancing of taste,pan fried sole fillet,side with a whole boiled potato and fresh lettuces & tomato slices, it could be better with some sauce but i have added some tabasco which turns more interesting,along wit

高級港式西餐，須然係貴左啲，但佢啲扒真係有質素。就算係便啲嗰隻牛扒都好好味。田螺係必食招牌菜，個汁同田螺加埋薯蓉係絕配。好想知個汁係點整。羅宋湯都好好飲，夠濃郁又夠酸。龍蝦湯嘅龍蝦味唔算太重，較清，無咁溜。餐前包記住揀圓轆轆嗰個，好好味😉

純粹阿叔👨🏻自己個人觀點，呢間西餐廳級數雖未至於到太平館，但兩者亦屬同一傳統老字號類型，而且論名氣佢都唔弱㗎😏！開業於1948年嘅佢，可以話跟隨著利舞臺嘅變化。舊址位於禮頓中心地庫，隨住嗰一帶嘅變遷，宜家已搬到利舞臺商場入邊。阿叔一家人👨‍👩‍👧‍👧真係好鐘意嚟呢度開餐，由舊址食到新址，幫襯起碼超過廿年🙈，只因餐廳價錢經濟實惠，食物質數又高。🤤🤤🤤.🍴#法國田螺餐($230)，套餐除咗田螺外，仲有任食餐包多士🍞🥖、餐湯🥣、主菜🥩跟飲品☕️。阿叔每次嚟都只會叫呢個餐，原因好簡單，就係為咗呢份半打焗田螺，田螺粒粒手指頭咁大，好香蒜蓉味☺️，薯蓉就夠香滑，牛油味濃郁。另外，亦不得不提呢度嘅羅宋湯🥣好正，落足料去煲，味道帶少少辣🥵，濃郁惹味，連名人倪匡都讚呢度嘅羅宋湯係最好飲。😊.比起田螺同羅宋湯，隨餐嘅主菜🍛就相對失色咗啲😅，你可以揀西冷牛扒🐮、煎龍脷🐟、炸豬扒🐷或者芝士焗雞麵🐔，味道不過不失，無乜驚喜，不過份量就一定食得你飽！.由於香港地租金貴，呢類型嘅老字號餐廳真係賣少見少，所以絕對要去支持一吓嘅！😙

當想食傳統港式西餐時，一向去開太平館 ，第一次嚟新寧餐廳，印像很不錯。侍應都很有禮貌，麵包籃有幾種麵包選擇，但始終也是愛傳統餐包。金必多魚翅湯、焗田螺 、焗薯牛扒， 淡咖哩焗雞扒飯都做得不錯，小時候的夢幻西餐，現在隨手可及，應該要感恩了。環境服務和食物都不錯，應該會再來。

這餐廳久違了，今天在波斯富街流連，想起去懐舊，選擇了這餐廳，這裡佈置很高雅，環境寧靜，侍應很有禮䘽，朋友點了一個牛仔肉套餐，我要了一個焗豬扒飯，羅宋湯。跟著侍應拿著一籃不同種類的麵包給我們選擇，揀選后，湯來了，友人是牛尾湯，我是羅宋湯，味很濃，很多菜，頂好飮。主菜來了，友人是牛仔肉配芝士，焗薯，味道恰好，但焗豬扒飯則有點失望，豬扒同飯都淡而無味，雖然食物一般，但環境，服務都令人可以接受

這所傳統扒房是老公的至愛；今年生日，他亦不例外揀了在這裡食生日飯；難得放下小寶貝；兩個人撐枱腳；當然要對自己好啦，吃豪一點吧！老公每次來都是選擇田螺餐配牛扒、升級龍蝦湯。先講個龍蝦湯，真心好飲；真材實料；蝦湯味濃中帶蕃茄的微酸；醒胃。對女士嚟講，飲個湯食個餐包；已經夠飽了。這裡做的焗田螺亦十分出色；野味非常；香草及牛油味；最愛沾薯蓉一起吃。小寶都喜歡食這裡的薯蓉啊！主菜牛扒；每次都保持在水準、恰好；我當日本來想點蒜蓉大蝦餐；可惜無貨；改為芝士焗龍蝦；份量是足夠的；可惜太多奶；越食越滯；蝦肉亦不夠新鮮、不爽口。係失望的。因為太滯了；要點檸水解除胃悶感覺。整體來講；環境舒服的、食物中上啦！係老公喜歡先會陪佢來。

早兩星期突然想起了這間餐廳、今天沒有攪攪陣的銅鑼湾一片寧靜、正好上來懷舊吓…… 搬左咁多次而家坐落响利舞台廣場都未嚟過、一入到嚟見唔到熟口面的那個部長、的確少了份親切感、坐低望望餐牌、食開的田螺餐雖然加左價很多、但仍然抵食的……点了杯紅酒、入口還可以、餐前麵包轉了餐包、惜日特别的蒜蓉包則欠奉、餐湯我當然要改飲經典的金必多湯、入口感覺跟以前一樣、好味！ 反而那碟半打田螺就唔多似樣、完全冇蒜蓉及牛油的香味！主食是周末先有的燒牛肉、可能我早叫、有少少似開頭的cutting、令到我件牛肉有少少過熟、及邊位的奄料過剩而咸左、略為遜色！整體的環境、服務、及食物都尚可、以咁平民的價錢能夠嘗到扒房的享受、仲想点？

這間扒房好像很有歷史的，但我從未試過，今日就要試一下這間扒房。選餐後，店員先給我們麵包，麵包有多種款式選擇，我選了多士及 最傳統的餐包，多士香脆，而餐包軟熟，算是合格。再來就是焗法國田螺，真是使人驚喜這個田螺完全沒有一點點騷味，最重要是肉質鮮味配合蒜蓉汁簡直是極品，還有薯蓉是香脆脆的很好吃。跟著來了餐湯選了羅宋湯，這個湯的材料是足夠的，但味道就不太鮮美。主角是燒法國骨扒，不能不讚一句這個七成熟的骨扒肉質軟熟，沒有渣的感覺，另外肉汁多而味濃，可以感受到肉的纖維感覺，另外份量非常足夠，大滿足。味道: 超讚環境: 企理衛生: 尚可服務: 一般價錢: 食物質素跟價錢成正比

今晚約了一位客人在這裏食晚飯，因為佢公司喺附近，佢點左佢平時食開嘅a la carte單點羅宋湯、焗豬扒飯和熱檸茶。我點左一個澳門原條龍利魚餐，將好好味嘅金必多魚翅湯改咗好好味但係健康啲嘅羅宋湯，還有凍檸茶少甜。1) 羅宋湯好濃郁，酸酸地甜甜地，還有牛肉的香味，有很多蔬菜。2) 澳門原條龍利魚沒有雪藏味，應該是半煎炸的，因為很金黃，但是不會硬掘掘，香噴噴，好有魚的鮮味。伴菜有一個細細地嘅焗薯，整得非常好食，比Dan Ryan的還要好很多，佢溶左少少牛油，有酸忌廉、蔥花及煙肉，細細個唔會太飽！因為成條魚其實好大。另外還有幾片西生菜和一片蕃茄，因為太飽，食咗快蕃茄太稔所以冇心機食埋啲生菜。3）凍檸茶少甜，做到少甜，有茶香，不會過酸。4) 自選麵包籃，多士好鬆脆，唔搽牛油就咁食都好好食，法包切片內脆外軟。雖然話最近香港的經濟差左，因為最近的遊行暴亂事件令大家心情可能麻麻，但係今晚呢度全滿，就知道呢度啲嘢有幾好食！我嗰個套餐$258，每人一杯嘢飲每杯大概$23，另外再加一，由晚上7:30食到晚上10點，可以慢慢傾，慢慢享受食物，這個價錢來說並不貴。兩個人總共花了$537，每位平均消費$267，

又到星期五，食一個豐富又愉快的午餐，人的心情都會好啲。一向食扒餐的我都唔會選擇牛扒做午餐，但今日破例，唔想食龍脷柳，就揀咗牛扒。侍應捧住一盤麵包俾你揀，有普通餐包，但我就揀咗個多士，多士唔夠熱，又唔脆。餐湯羅宋湯或者磨菇忌廉湯，羅宋湯似雜菜湯我就唔係好覺有牛味，有少少辣，幾好飲。牛扒賣相好靚，肉質呈粉紅色，都幾嫩，上面舊牛油有啲邪惡，不過我由它自然咁溶， 薯條即炸夠熱。有埋甜品，不過好似朱古力慕絲，味道一般啦!凍檸檬茶幾好飲，有茶味檸檬香。午餐$98加一都幾抵食。

銅鑼灣返工既好處係無中環咁多人，食野又多選擇，真心推介大家尼呢間Sunning Restaurant 到食。午餐100蚊唔洗，食排都係三百蚊高質靚排。佢d面包先係重點，有toast、甜包、麥包等無限量供應！！唔知有無人好似我咁好喜歡食餐廳既包呢？熱辣辣 香噴噴。菜式一：Veal steak我擇左芝士焗，好香。聽waiter講塊排係荷蘭牛，肉質都幾鮮嫩，唔錯。食完牛排後有甜品，果日係啫哩，整體算幾好，坐得又舒服，唯一改進既係，服務員要多點笑容。

由第一次去食新寧到而家，都依然好鍾意呢間西餐廳。耐唔耐就會同老公去呢度二人世界一下。環境昏暗幾浪漫，食物質數又唔差，而員工既服務態度都非常好又細心。每次我哋都會各自點一份set dinner ，然後share 食😋 首先，會有幾款餐包俾你揀，（好彩嘅時候，麵包仲係熱辣辣好軟熟），跟住有餐湯，再上埋主菜，飲埋杯餐飲。真係唔駛食甜品，都已經好滿足😍不過話時話去咗新寧食咁耐，又好似真係未食過甜品，下次試吓先。

在銅鑼灣要搵一間比較好味又算太貴的餐廳比較難，今日約咗兩個喺銅鑼灣返工嘅食lunch,佢哋約我去呢間餐廳，話喺飯堂。我叫咗lunch set，黃瓜忌廉湯，麵包可揀餐包或者多士，我就揀咗多士在查牛油，好好味。lunch set 我原先揀牛扒薯條，但係賣晒，所以轉左龍利柳薯蓉，個魚超級好味，又大件又滑do do ,我兩個朋友就叫咗黑椒雞扒意粉， 雞扒都好大件，仲有甜品朱古力慕絲蛋糕好味。其實個湯比較特別，清清地，好飲嘅。餐飲就叫咗咖啡。每人埋單$108 ，在銅鑼灣食有質素的午餐，highly recommend👍🏻