影片
以上资料只供参考，请与餐厅确认详情
自從搬出屋企，自己係出面租屋自己住后，就好少再入粉嶺，呢個周末唔洗忙於工作，可以有時閒陪下屋企人周末預左會多人飲茶，一早同阿妹就先黎等位。大概等左半個鐘就入座，由於多人所以環境都頗爲嘈吵，不過侍應應接的節奏仍然迅速又有次序，唔會踢曬腳螃蟹伊面-濃濃的醬汁使伊面更軟身，口感過軟淋，我會更喜歡爽口點的伊面西蘭花-好爽口，都幾新鮮。最中意呢個燒鴨，烤得火力剛剛好，外皮鬆脆，肉質嫩軟。
继续阅读
今日同屋企人心血來潮 突然間好想去飲茶 就去左粉嶺中心商場既呢間<新明苑>12點幾的時候未算多人 好快就有位啦！！望落呢度環境都唔錯 衛生又幾好除左點心之外 呢度都有好多特色小食同茶點 今次就叫左鮮蝦腸粉 鳳爪 牛肉球 咖喱魷魚 奶皇包 豬腳薑 超級豐富e個腸粉塊皮厚左少少 令到粉味重左 鮮蝦的料唔算好足 可以再多d普普通通啦呢兜咖喱鮮魷真係唔錯 淨係望落賣相就覺得好吸引見到d鮮魷大一大塊 真係好想一啖咬落去 魷魚食落咖喱味之餘 又唔會太咸岩哂一家大細食（不過個人覺得咖喱味可以再重少少 會更香）奶皇包 唔洗多講 每次飲茶必叫！！呢個奶皇包有少少令人失望首先咬到去的時候 無流沙的感覺（平時一咬落d汁咇哂山黎架） 圖片可以見到佢個奶皇餡有d杰 似糕狀多過流沙狀 所以整體算係一搬( 但味道都依然ok ge )豬腳薑望落比以前細碗左 不過賣相依然唔錯 上的時候遠一遠都聞到香味食落味道依然係度(ps略嫌佢比的豬腳無以前咁大舊
)呢碟鳳爪味道唔錯 份量都幾足夠牛肉球 中規中矩啦 其實都幾好味加埋喼汁堅係正整體黎講 呢間茶樓野食唔算話好出色 點心方面 味道係有既 但質素可以再好d 環境同服務都ok如果唔係十分有要求既話 都係個同家人飲茶的好選擇
继续阅读
今天全公司中午飯聚，成三圍枱人，只有酒樓可以容納，商場內嘅酒樓，地方光猛，附近都係做街坊生意！裝修唔算高級！一般水準！坐大廳靠牆一張大枱，店員取茶壺來時會攞埋洗碗大碗（其實都唔污糟！），洗好碗大家各自點點心，傾下偈食物好快到！好味正常：蝦餃--鮮蝦大隻爽口，餃皮煙韌！鳳爪--忟得入味，骨肉分離！牛柏葉--爽口，索晒汁，好味！咖哩魷魚--咖哩味香，唔辣，魷魚爽口！蝦腸--蝦大隻爽口，腸粉正常，比較厚，唔算好滑！奶黃千層榚--鬆軟，奶黃味香！馬拉榚--鬆軟，新鮮蒸起好彈！煎鑲茄子--魚肉煎得香脆，茄子軟身咸香！唔點汁都好味！燒鴨半隻--本來想叫燒鵝，但原來午市無，只有燒鴨，唔太肥，鴨肉濃味，皮有少韌！點酸梅醬好味！蜜椒雞翼--呢個好味，蜜糖甜唔黏口，帶黑椒香辣，雞翼肉質嫩滑唔乾！好味！油菜菜心--大碌唔韌，爽口帶甜，唔點甜豉油都好味！失手有：燒腩仔，其實味道唔差，不過明顯唔伙燒腩仔，係燒肉！大塊好多！所以肉質會粗好多！燒賣--蒸過籠！外皮爛！奶黃流沙包--爆開，啲流心漏晒出來！福建炒飯--汁好味，但飯粒好乾硬！！我們坐角落，店員都理唔到，好多時都要舉一陣手，先有人理，不過店員都好禮貌的，只要見到都即刻做！唔會拖或扮睇唔到！上點心速度好快，我們點心籠堆到成枱都係，好誇張！ 大部份都正常好味！係有一兩款失手！
继续阅读
一張中型枱搭4個戶口，搭到離哂大譜，隔離位傾偈傾到搖哂張枱，搞到我杯茶及成張枱都搖哂，想靜靜地食野都唔得，其次食物質素唔多掂。價錢頗貴，我食左5個點心，埋單都要$138。叫左個上素蒸粉果，淡而無味。鮮竹牛肉入面粉紅色，唔係好夠熟。蝦蛟皮略厚，食叮叮點心仲好食過佢。
继续阅读
今年年初二到公公婆婆家拜年，媽媽提議飲茶，不過有感婆婆家樓下的漁米之鄉也實在太無趣了，因此提議到稍遠的新明苑吧！我作為先頭部隊去等位，時近十二點左右，酒樓門外已擠滿了等位的茶客。我等了約一小時始有枱安排給我，而公公婆婆也已經來到了。時近一點多，大家都覺肚子餓了，點菜的事就交由一眾長輩負責吧！燒腩仔雖然名為燒腩仔，但賣相與一般的燒肉無異，不過份量頗多就是了。燒肉外皮鬆脆，但明顯與燒腩繁複的工序做出來的鬆脆有明顯的差距，燒肉肥瘦適中，肉質還算鬆軟，不過味道稍稍偏鹹，以燒肉論之，尚算不俗，但若灌以燒腩之名，則有點言過其實。（）佛山燻蹄除了燒腩仔，媽媽還點了燻蹄，賣相不是十分標青，不過份量頗多。吃起來外皮爽脆，肉質腍軟有肉香。搭了些頭頭尾尾的部份，雖然賣相較為遜色，但這些部份連皮的部份較多，吃起來更爽脆及有嚼勁，味道不俗。鮮蝦菜苗餃菜苗餃一籠三只，外皮晶瑩，吃起來餃皮軟糯，菜苗餡料頗多，配合蝦肉，吃起來相當清鮮。晶瑩靚蝦餃蝦餃一籠四只，Size適中，吃起來餃皮沒菜曲餃造的好，不過還算可以，蝦肉混入筍絲，爽口鮮味，味道不差。蟹籽靚燒賣燒賣一籠四只，顧名思義面上放了些蟹籽作點綴，賣相還算可以吧！吃起來味道倒是不錯的，蝦與豬肉的比例尚算恰當，吃起來還頗有鮮味，當中肥肉不算誇張的多，整體味道不俗。米皇白淨腸粉媽媽一向最愛吃素腸，說的就是能吃到腸粉最原始的米香。不過這裡的素腸似乎也加上無筋麵粉，腸粉是更容易成形，但吃起來就欠缺了腸粉應有的腍滑，而且米香不彰，令人失望。擂沙煎堆擂沙，顧名思義，應該是指外層鋪上一層黃豆粉，不過這款煎堆似乎跟擂沙沒半點關係。不過各長輩吃過後反應正面，外皮香脆軟糯，內裡的芝麻餡料香甜濃郁，味道十分不俗。美味煎南瓜鹹薄餅媽媽例必點的一道點心，原來混入南瓜，怪不得賣相偏黃（不說還以為是煎得過火了）我個人不大興趣，只見各人吃起來也不怎麼揚聲，也沒說很有南瓜粉香，猜想味道也不過爾爾。其實用上南瓜，做甜的會否更搭調呢？流沙奶黃包一籠三個的奶黃包，吃起來十分流沙，頗有驚喜，餡料香甜，滿有奶香，包質鬆軟，味道很好。蠔皇叉燒包叉燒包微微露餡，賣相不俗，吃起來，包身鬆軟，餡料頗多，鹹甜得宜，加上沒太多肥肉，食味頗佳。擂沙湯丸擂沙湯丸明顯不夠「擂沙」，外面只沾上一些黃豆粉，加上外皮搓得很薄，內裡的芝麻餡料也映襯出來；加上湯丸放在花紙上，沒像傳統的在碟中放有黃豆粉，可以給食客自行的「擂」一下，實在相形失色！不過湯丸皮十分軟糯，芝麻餡料香濃，甜度適中，唯一美中就是缺了一份黃豆香。明苑重新裝修過後，較諸以往更金碧輝煌，不過店內枱椅放得甚為擠擁，感覺不算太過舒適；而且相信生意太好，更在幾個鋪位以外另開別館，不過食物全部都是由本店運送過去，但侍應運送食物途中，往往沒將食物蓋好，似乎就有欠衛生。侍應人手不足，服務難免疏忽錯漏。食物方面，水準算是不俗的了，新春其間，結帳也只消四百多個大洋也很合理，整體比公公婆婆家附近的漁米之鄉（詳情請參閱食評---《無奈歸無奈‧依然會再來》）已經好得多了。不過今天婆婆一路走來也頗為費勁，打的也甚為不便，下次再飲茶時權衡輕重，還是到漁米之鄉會比較方便吧！Berlin
继续阅读