新星海鮮酒家 (已結業)

十一月一日, 今日埋數要返工, 一早已搵定資料, 特登走嚟試吓呢間新星飲茶得唔得!坐底落單覺得啲嘢都幾貴, 但好多選擇, 不過啲食物嚟到後,先發現原來呢度啲份量比一般酒樓既多, 所以可以叫少幾籠點心,而且個楊州炒飯仲好多料, 四十幾蚊咁大碟, 我哋五個人都唔係好食得晒呀! (呢度只係一部份)呢個脆炸鮮什果, 初時以為係去飲食嗰啲, 點知原來啲什果喺面架! 唔係包係裡面既!賣相就幾靚, 但食落真係麻麻, 唔建議大家食囉~Anyway, 佢其他點心腸粉炒嘢都好得, 用料靚啲, 份量大啲, 食到個個飽到郁唔到都係五十幾蚊一位, 咁樣計, 根本一啲都唔貴架! 一定有下次!更詳細資料及圖片請看 : http://hk.myblog.yahoo.com/joycewai616/article?mid=11450

到這裡飲茶，人山人海，我們都是點了一些慣常點心。但看見有一些點心「蝦皇餃」(好似是這個名稱，不太記得)，寫明是得獎作品，便心思思點了。終於來到，比其他點心慢少少，侍應解釋原來每籠得獎作品都是師傅親手整的，絕不欺場。真的是一隻隻蝦，有眼睛有鬚，做得好細緻，真的值得等一會兒。我爭著吃第一隻，哇，啖啖蝦肉，不似平時蝦餃有少少豬肉，好鮮甜，個個都爭相影相，哈！$22.8其實有少少貴，但看得出是誠意之作，所以也值得一試！

Happy Friday，一個星期的last工作天，所以lunch同同事去飲茶。又嚟到我最愛的其中一間酒樓---新星。竟然俾我發現有新野! 就係一隻好似蝦樣既蝦皇餃! 好可愛! 好得意! 晶瑩剔透，仲有蝦鬚架! 個餃裡面全部都係蝦! 應該都有兩至三隻! 中間個薯仔波，都好好味! keke....一籠只得1個，俾我食左!!!果然真係得獎作品!!! 勁!!! 雖然賣成$22.8，但物有所值!仲叫了我至愛之一，叉燒餐包，軟軟腍腍的，裡面多叉燒又多汁，好滿足!!!

夜晚睇佢地個廣告,叫埋幾個朋友去食飯,又為左慶祝,其其求買幾支紅酒,原來要收錢。晚飯有孖寶,即係兩個小菜一組,不過好抵,叫左荀殼同埋滷水拼盤,油炸野食幾時都咁好味,滷水野算係咁啦,又叫左d小食,個餚肉又幾好味喎,又整左個特價例湯,十蚊一煲,真係好抵,又有湯渣食下,燒雞都好脆,因為有人牛一囉,其他d送不停咁叫,最後根本食唔晒,可能生意差左,成晚都唔係咁多客,最後壽星公請客!

今晚又出街食飯! 行完街街，就去食附近的新星酒樓。知道佢地火鍋好出名，d火鍋料好新鮮，但近排有d熱氣，都係食小菜就算。今晚叫左d有營健康小菜清清地，個服務員另外介紹佢地既招牌小菜，稱為拳頭產品既蝦味骨($58)，話同招牌流沙包一樣咁出色。真係有驚喜!!!!個蝦味骨好有蝦醬味!!! 外脆內軟，又入味!!!食完一舊又一舊，停唔到口!!!用嚟佐酒一流!!!又係滿足的一餐!!! 開心開心!!!

一行七、八人到銅鑼灣新星吃午飯，新星的燒味很好味，燒味新鮮，加上香濃的燒味汁，實在令人回味 ps: 最令我一試難忘的是........叉燒 (基於我是叉燒的好朋友..haha)推介各位朋友，下次到新星惠顧時，不妨試試他們的燒味，的確出色！

打波後一行八人老遠的走到新星祭五臟，我以前也到新星吃過多次火鍋，水準都算滿意，這裹的任食火鍋很受歡迎，但價錢不包括湯底，其實跟散叫價線也相去不多，印像中沒有吃過這裹的小菜，今天因同行波友有人怕熱氣，所以就叫小菜吃。"無飯"的A姐負責點菜，叫了很多款菜式，記得有:1. 清蒸黃立(魚倉) - 大約一斤重左右，不算大條但蒸出來肉質夠滑，火候剛剛好。2. 蝦仁豆腐 - 豆腐很滑，友人說是百福豆腐，我懶理是甚麼貨式，最緊要是好味道。3. 梅菜扣肉煲 - 是用五花腩肉，因為怕肥膩只是淺嚐一口，味道都合格。4. 北菇炆鴨掌煲 - 大大隻的鴨掌炆得夠冧身，肉已炆到唔黐骨，冬菇夠大隻份量充足，味道很不錯5. 蝦干煮娃娃菜 - 蝦干真的很乾沒有香味，真是味如嚼蠟，而娃娃菜也煮得唔夠火侯而且菜身不夠嫩所以較硬身一些，食友們反應很大，但其實十隻手指有長短，不可能全部都合口味而且又煮得好滿意呢！，take it easy!6. 燒味拼盤 - 燒肉和豉油鷄味道一般，但用海浙頭就較一般切條較有咬口。侍應生數目充足而且夠勤快，雖然全場客滿也沒有招呼唔到的情況出現，不用提點便及時添茶，服務挺不錯！ 我發

6月7日, 呀菲媽媽生日話想打邊爐~ 所以一早就揀左幾個地方比媽媽揀! 最後新星以9點後$78位任飲任食湯底另計突圍而出~ 我地8點10去到已經見到門口超多人等位, 好彩訂左台, 好快就比我地入左去~ 坐低見到有兜花生, 原來每人仲要收$8茶芥醬油(其實即係豉油)錢. 落左單之後好快就上湯底, d材料仲係一大兜咁擺埋一大碟... 場面真係超壯觀!!!湯底 ::: 皮蛋元茜+沙爹湯底雙拼::: $148隨湯底附送 美國桶裝生蠔5隻+生力啤1大支!!基本上我地再翻查帳單, 發現其實個湯底只係$38… 不過佢硬sell埋d蠔同啤酒落個package度. 一定係咁揀. 好彩佢d蠔都真係好大隻!! 錄完都仲有成半隻手掌咁大, 不過味道就只係一般~::: 肉類 ::: 有肥牛, 手切牛肉, 豚肉, 豬下青, 羊肉, 滑雞等~ 特別的仲有有駱駝峰, 駝鳥肉等.基本上好多隻肉個味都差唔多... 我地都唔係好知佢乜野打乜野. 不過豬下青幾特別~ 好似豬頸肉~ 但係食得多會好膩~ 所有肉類都唔會話成舊冰咁拎黎::: 海鮮類 ::: 有海蝦, 墨魚, 鮮魚滑, 鱔片, 鯇魚片, 九肚魚等. D魚都幾新鮮~

諗住難得可以偷一日懶就盡情吃喝玩樂，記得近日某網站曾經推介此食肆如何招呼好、如何抵食，就相約至親幫襯以表孝心，點知結果與上述情況完全相反，罪行如下：叫茶：個侍應好似啞既，你同佢講佢一啲反應都無，你講完佢就走左去，都唔知佢聽唔聽到點心：有唔好食不特止，我叫八個點心就嚟得五個，我哋都坐左個幾鐘，追亦追過兩三次侍應：嗰個都唔係侍應，應該都算部長或經理，我哋追點心，佢問都唔問有無啲咩點心嚟左，佢攞起張單就調頭走左去，返嚟就話已經幫我哋加左單，莫名其妙都唔知佢想點最後，唯一可讚就只有個叉燒餐飽真係幾好味

琴晚同同事去左打邊爐,講左好耐,終於打到邊爐了.$78位,原來湯底另計的,湯底很多種,我們選了醉雞湯底,但係唔係好得.冇味的,人地個d係煲好d雞先比我們的,但係佢唔係.佢係比個紅紅的湯底我地,之後比左碟醉雞我們自己落的,咁同自己叫醉雞有什麼分別?食物方面都冇咩問題,都好好.汽水啤酒任飲,啤酒係ICE,都算係咁啦.西洋菜蜜冇味的,同事仲加錢叫左碟$38蚌同流沙奶黃包,他的流沙奶黃包真係流沙的.好好味$38半打,唔知食左幾錢,因為有人請..好似4個人食左五百幾.哈哈..多謝曬,

老表生日, 出去打邊爐宵夜慶祝. 叫了satay 湯底. @.@... 好satay, 個湯底好濃. 朋友們都好喜歡. 食物有好多選擇, 樣樣都好新鮮, 不過又講唔出邊樣最好食.不過有班超嘈既青少年打邊, 足足有七至八圍.如果唔計果班o靚仔, overall, ok 啦.

朋友話試下哩到，咪試下．點知個沙Ｘ湯勁淡同咸！！肥牛勁肥．．淨係哩兩樣都已經令我唔會再去食了．．．．．

之前食過紅磡間新星打邊爐...好好食不過銅鑼灣分店就唔同...d野食唔夠standard!肥牛一時好靚..一時就麻麻.,...叫野食..成日都冇黎而且仲要幾3次以上.......又係太多人d staff唔得閒應人........

係2個星期前.....我女朋友既同學生日....佢地諗住打邊爐..本來話去有骨氣既....不過佢同學既朋友一早已經係新星book左枱...咁我諗住無所謂啦...咁佢都比我地坐房......點知我地坐底.....足足等左個幾字先至有人黎招呼我地都算啦....睇在佢一個人要行2間房....但係我地order個湯底同埋D野食後....野食到左....但係湯底都仲未到...我估計由落order個湯底開始....要成2-3個字先至到.....咁我地就差唔多用左成半個鐘先至可以開始食野不過我覺得最過份既係我地再order野食時....D野食完全係唔齊囉.....5個人order4碟肥牛....1碟肥羊...等等...淨返一碟肥牛....肥羊就唔知飛左去邊度....佢仲要係一大碟裝哂D野食.....用意係好既...等我地唔駛用咁多位去放野食但係就可能唔係咁好睇囉野飲就我建議飲汽水啦因為D西洋菜水D味唔係咁好...好似西洋菜湯...不過加左好多糖落去咁...不過...都有讚既地方既....就係咁多人食火鍋..D空氣都好流通...同埋汽水佢唔係用大陸汽水....比返7up同百事....都一樣係任飲最重要

上星期六同女友睇完戲, 行o左去銅鑼灣廣場德興諗住食特價打邊爐, 嘩, 上到去一出lift, 嚇到傻o左, 多人到不得了, 又未開始攞飛, 算, 去番新星, 因為幫襯過好幾次.去到即刻可以攞飛, 坐底等o左20分鐘附近就有位, 坐落之後叫o左沙嗲拼莞茜皮蛋湯底, 個沙嗲幾好味, 不過越食越咸. 火鍋料就普普通通, 最唔掂o既我覺得係個粉絲, 佢浸水浸得太耐, 上到枱面已經發到好粗, 放落個湯到一陣已經軟晒, 入到口一"pat pat".而家加o左價, $78一位任飲任食, 另加湯底, 是日埋單$262二位