新景園咖喱小廚

营业中

休息中

初次由朋友帶去呢間食，話要試下D咖喱舊式小店一間，牆身掛上餐牌，咖喱類佔咗八款，亦有其他炒粉麵或小菜目測呢客咖喱豬扒飯出鏡率相當高，係出面等外賣嘅客有一半都有點呢個飯加$10可以有汽水，咖喱配可樂，絶對岩數先上咖喱汁，內有薯仔一舊，之後就豬扒飯就要等耐少少終於出場啦…………哇……豬扒量之多，係舖滿半隻碟，份量足夠二人用。豬扒係連骨，唔算太厚身，即叫即炸所以要等耐少少，入口鬆化，唔算太油膩，值得等待。個咖喱汁入口有香濃咖喱味，辣度可接受，用黎撈飯或點豬扒食都好味，難怪咁多人叫。溫馨提示: 個人最低消費係$76

係灣仔食野一定會見到有post推介呢間新景園咖哩小廚 以咖哩豬扒飯出名嘅佢被人封上必食之名 我個frd都話呢間成日食開 係星期六嘅lunch time 店門外排隊人龍都唔短 好彩好快就有得入 D店員都係就快伯伯婆婆嘅年紀 但係都好客氣😙首先會有一兜咖哩上來先 再來一碟豬扒飯 講真真係無預料到份量會咁大 仲要係嗌左少飯嘅情況下 $90真係性價比高到爆🤣坐係度仲會係咁聽到斬豬扒嘅聲🍛咖哩豬扒飯💰90咖哩入面會有幾塊薯仔 個底料偏辣 應該類死巴基斯坦咖哩咁 都幾濃味 跟著就要講下最出名嘅豬扒！佢至少有9大塊 每一塊都超級大 驚死唔飽🥺炸到酥脆真係最貼切嘅形容詞 完全覺得個皮就係依附係豬肉上面 又唔油膩 乾乾爽爽咁咬落口 肉質好似醃過咁鹹鹹地 齋食唔食咖哩都別有一番風味！有D脆皮位係冇豬肉嘅 但係個殼都真係必食 炸到乾脆咁好似魚皮嘅口感😍如果飯量唔係特別大建議真係嗌少飯就夠食 因為豬扒份量真係好大！配埋咖哩會好飽肚 同埋見到隔離台有嗌乾炒牛河 都係特色 同樣都係咁大兜 D牛肉大片到🥺 呢種舊式茶餐廳擁有自己特色菜式真係超值得去探寶！📌 新景園咖喱小廚 (灣仔)灣仔春園街20號地舖

🐷咖哩豬扒飯$90剩睇價錢 我覺得係幾貴嘅但食咗我三餐 就覺得抵咗🤣首先 佢會上咗飲品先由於係即炸嘅關係所以會上咗咖哩汁先咖哩汁有一大舊🥔呢到嘅咖哩辣度都有2-3🌶但又唔會食到搶口/有層紅油唔係愈食愈辣/會出汗個種食落會有椰汁香味湧上香得嚟又保持到咖哩味都算係近年食過最好味嘅🍛🐷豬扒大份到大男人都夠飽份量夠我食到三餐😂😂😂用咗吉列做法 但出奇地薄粉唔會刮咀 都冇出現到分離現象係同🐷緊貼一齊 就算翻熱都同樣肉汁鎖住哂喺🐷到 唔柴身係塊連骨🐷扒 但飯就略嫌唔夠濕身不過都係個人喜好可能驚太濕 會影響口感熱奶茶都唔錯 $14-17 唔記得😂但個人認為未至於要特登入嚟食如果係附近番工/唔使點排隊係可以一試❣️❣️❣️🗣過咗12點 就開始有小人龍外賣會抵啲 但堂食味道更佳❣️

係附近返工成日聽到新景園大名每次經過都總係大排長龍🤯終於的起心肝去排一次 試到馳名既咖喱豬扒飯因為新鮮炸既關係 都等左接近半個鐘先上菜碟飯大過我手掌 可以兩個人share😹豬扒新鮮炸起熱辣辣 一入口啲熱汁爆晒出黎咖喱係辣嗰種 不是港式甜咖喱辣既程度應該係譚仔五小辣左右🤣唔太食得辣既朋友都應該接受到👍總括而言，值得排隊一試熱辣辣既上豬扒飯👍如果唔想等太耐而又係附近返工既朋友可以試下叫外賣，聽聞一樣都係咁好食😋價錢仲要平啲🤣

知道新景園好出名，一直未有機會試，趁去開附近決定去試試。可惜撞正午飯時間，附近好多打工仔，排隊都排了接近半小時。雖然要搭枱，但每組食客都有隔板，感覺安心。目測大部分人都點最出名的咖哩豬扒飯，我當然都要一試。上枱畫面好震撼，兩塊大豬扒真係好大塊，熱辣辣，炸得好鬆脆，肉質夠淋，質感滿分。咖哩汁甜甜辣辣，撈飯食一流。份量實在太大，最終只食了一半豬扒，要打包拎走。我見好多其他食客都要取外賣盒打包。

慕名而來試下被譽為全香港最好味既咖哩豬扒飯仲揚威海外開埋分店係英國🇬🇧新景園深受街坊歡迎 長期排長龍我地星期五晚黎試足足排隊排左1個鐘有多...咖哩豬扒飯份量真係超級足料豬扒份量甚至多過飯比起平時茶記足足多左一倍豬扒量😮炸豬扒外皮夠薄夠脆火喉控制得好有技巧炸完咬落口都唔會覺得成口油😍裡面肉質依然好淋肉既厚度應該有成吋咁多醃料入味唔會太咸👍🏻咖哩汁比較流質所以飯相對較硬 夾岩撈埋咖哩汁食咖喱辣味幾重 叫定罐汽水啱啱好.黎之前聽聞過呢度既咖哩豬扒飯出名大份原本都有考慮兩個人share不過餐廳設有最低消費$74/人所以最後都揀左一人叫一碟食淨嘅打包第二日食一樣好味😋

次次經過都見到呢間店大排長龍，今次趁得閒就即管等下位，一個人食所以好彩都算快有位。呢度出名嘅係牛河同咖喱豬扒，不過牛河已經賣晒，所以就食咖喱豬扒啦。咖哩汁係另外分開上，份量都幾多，味道香濃得黎唔算太辣，豬扒份量亦大，大到蓋過晒碟飯，炸得香口，啖啖肉，加埋野飲$109咋，值得。

放工即刻搭車黎，希望門口唔好咁多人，點知第一輪啱啱入座，全部由頭開始食，喺門外排足45分鐘先入得，而且排排下，店員話冇哂粉麵，只係得返飯。其實平時唔多食咖哩，亦唔好豬扒...不過!!! 呢到的豬扒真係一試難忘。份量係兩塊巨型豬扒，絕對係二人份，但唔好諗住叫一個飯兩個人分，因為有最低消費，每人$72。咖哩係有後勁的，唔重椰香，好好好好味，用黎送飯真係好易食哂啲飯。配埋啲豬扒，炸粉好薄，鎖實肉汁，勁好食。沙爹粉絲魚柳煲，呢個相對比較普通，因為食左咖哩咁濃味，再食沙爹根本冇咩感覺，而且魚塊的炸漿比較厚，冇豬扒飯咁吸引。

最近開到去英國嘅新景園咖喱小廚🥢一直心得香港人喜愛，當然唔少得我。最值得一試嘅，當然係招牌咖喱豬扒飯🐷豬扒，超級大件，而且每次食到嘅肉質都係好鮮嫩，好軟稔，我真係未失望過。而且我都好鍾意佢嘅咖喱口味，濃味唔會太辣，對我嚟講係啱啱好。另外我都好推介俾大家，佢哋嘅乾炒牛河，一樣都係大大份，牛肉係用鮮牛肉，好軟嫩，又唔會太油膩🤤我最怕食到成口油。去呢度食飯，排隊係基本，多數我都係過咗午飯時間過去，大概2:00 ，不過都係要等至少15分鐘左右。仲有無論係老闆定係店員，佢哋嘅服務態度都係非常之好🥹呢樣我係十分欣賞嘅，無論幾繁忙，都會以顧客為上。

每個星期日都會嚟灣仔， 但係呢間餐廳就係星期日休息。咁啱平日去開灣仔，就搵個兄弟食午飯，早 少少12點到，排隊四個字左右就入得去。都唔使點諗㗎啦，入到去嘅都係叫咖喱豬扒飯，再唔係就係乾炒牛河， 話晒出面都有個招牌寫晒呢兩樣嘢。等入去20分鐘，等上菜10分鐘， 要有心理準備。 一開始會上咗一碗咖喱汁俾你先嘅， 之後再上豬扒同埋飯。 咖喱汁椰香味比較重， 同埋應該加咗芥末， 辣度大概係三小辣到五小辣之間。豬扒包住薄薄嘅一層炸粉， 出面炸得香脆，入面又多汁。 個人口味覺得白飯再濕少少腍少少會好啲， 同埋食完之後會口乾，維持咗幾個鐘，可能係個汁重口味咗啲。 總括嚟講個豬扒飯都係推介。

之前有同事介紹我食lunch可以試下新景園咖喱豬扒飯，個時都有聽過佢大名，但因為堂食要排好耐隊，所以我地同事一大班一早趁lunch hour，叫定外賣。之後拎番公司食。路程唔算遠，所以拎到office再食，都非常滿意。首先要講，佢個厚豬扒係少粉，食落去啖啖肉，好滿足。佢個豬扒炸得唔乾身，有水粉😳😳再加上咖哩汁係偏少少辣。對我嚟講係刺激味蕾嘅時候🤣但你食上癮，每一啖都覺得係滿足。繼咖哩豬後，都有同事食咖哩雞。但就認為無咁好食，因為雞扒個粉就偏厚，雖然雞扒本身都好嫩滑，但炸粉太厚了，搶走咗少少分。因為lunch time去食，外賣都非常抵，依家堂食已經加價到$100碟差唔多，但真係好大碟好抵食，同即使要排，我都覺得值得嘅。

新景園咖喱一向出名，次次行開都見到有長長人龍，堂食唔成功，就決定買外賣返去，一試咖喱有幾好味🤤堂食一份$90蚊，午市外賣有優惠$50就有得食。不過等外賣都要半個鐘，趕時間嘅話就要留意返，或者可以打電話落定單。一心諗住食咖喱，所以一次過揀咗豬扒同魚柳：▪️咖喱豬扒飯▪️咖喱魚柳飯咖喱係港式口味，唔算好深色但有辣得過癮。不過有少少失望嘅係兩份咖喱汁入面都無薯仔🥲🥲或者要堂食先有啦。雖然外賣豬扒無兩塊，不過切開五件，份量都夠晒送飯，如果堂食的話應該都會食唔晒，要打包。至於魚柳飯，個汁應該係一樣嘅，魚柳有三大嚿，唔厚粉，拎走返去食都未腍晒。

老公話想試下呢度嘅咖哩豬扒， 佢話呢間嘅豬扒超大份量 所以就試下叫完等五分鐘左右就到， 咖哩同豬扒係另上， 豬扒有兩大塊， 咖哩有椰香有少少辣， 但飯量真係好大， 如果一個女仔嚟食一定食唔曬😂

新景園既咖喱豬扒飯好出名 到底係唔係咁好食呢？答案係 真係好好味既😋😋😋 今次係平日6點幾過黎 等咗成個鐘先排到入去 後尾先留意到佢地晚市6:30先開 我去到既時候應該啱啱入滿哂第一輪所以都等咗好耐 想黎食既朋友就要留意下啦‼️第一次黎 諗都唔洗諗一定係叫咖喱豬扒飯🤩🤩咖哩好香 辣度夠 椰香味唔會太搶 Balance得好好豬扒真係好出色 唔會炸到乾爭爭 啲肉仲係好juicy炸粉厚薄適中 份量更加係大到食唔哂 🤣🤣🤣除咗等侯時間耐咗啲之後都無咩好批評🤓🤓

人生營營役役，在辦公室佔了不少光陰。每天中午，總有一個不能迴避的問題：「今日食咩好呢？」好好生活，選些好吃的，為自己充充電。在灣仔工作十年，竟然未有品嚐過灣仔名物「新景園」，就趁下雨天踫踫運氣。今日吃的是招牌「咖哩豬扒飯」，熱量超級邪惡，但值得為她多跑幾圈。有別於一般的炸豬排/ 吉烈豬扒，新景園的豬扒外層鬆脆，肉質竟出奇嫩滑。難得的是，多吃兩口都不覺得有油膩的感覺。香港風味的咖哩汁呈淺黃色，但卻不能少看她。剛入口的是一陣微微的椰香，經過舌尖流入喉嚨時，一股充滿力量的辛辣突然展開，像坐過山車般的刺激。炸豬扒的粗糙有咖喱汁的滋潤，咖喱的辛辣則被豬扒的油份融化掉。借用food and wine pairing的術語，他們倆是天生一對，是well balanced的mariage。剛好兩點鐘，AirPods在播 - 馮允謙的「報復式浪漫」。