影片
港铁铜锣湾站 C 出口, 步行约7分钟
继续阅读
电话号码
2573 3378
开饭介绍
新森林為一間以焗飯麵為招牌菜的西餐廳，款式眾多，另外亦有小菜及拉麵供選擇。
继续阅读
营业时间
星期一至日
07:00 - 23:00
以上资料只供参考，请与餐厅确认详情
每天一早上班，匆匆忙忙。要食早餐，必選是其中一間，早餐選擇多配搭，我最喜歡叫它的鮑魚火腿通粉配午餐肉蛋。價錢$34包飲品。餐廳上餐都快速，可能知道大家講趕着上班。為大家加加油👏
继续阅读
最近開始儲錢, 出街食飯都盡量選擇平價食肆。不過灣仔區要好坐又便宜的餐廳確實選擇不多。放工後同男朋友漫無目的由灣仔行去銅鑼灣揾食,無意中發現到這間新森林焗之專門店。店舖座位寛敞整潔, 燈火通明, 餐牌款式多, 價錢大約在$40至$80之間, 尚算便宜, 值得一試。我本身超級鐘意食芝士, 所以見到個餐牌已經流哂口水~~我最後選了邪惡的:漢堡扒白汁芝士焗飯(免費餐飲: 熱峰蜜; 加$8配餐湯連餐包) 是日餐湯羅宋湯。本身不太喜歡羅宋湯, 因為普遍味道偏濃, 會涸喉。但哩度味道不濃, 不太咸, 飲完不會勁口渴。餐包因為賣哂, 所以自動upgrade做蒜蓉包。 麪包不乾身, 鬆軟好食!好飲, 健康之選不過飲到底會有些少甜。芝士芝士, 終於出現!飯面被厚厚芝士覆蓋, 每一口飯都好creamy, 好邪惡~~ 最過份是漢堡扒裡面都有層厚厚芝士, 一切開芝士仲溶溶地十級邪惡!! 一個人食一個會濟, 同男友開心share就最適合不過。男朋友就選擇: 芝士豬柳漢堡焗肉醬意粉 (加$8轉益力多乳酸特飲) : 芝士同樣勁多。一捲,一絲絲芝士會滲透意粉中間, 好食。肉醬酸酸甜甜, 好開胃, 可以中和芝士油膩感。益多力特飲令人失望, 酸味重, 益多力味淡, 果肉似即開罐頭。額外加多個小食: 釀糯米雞翼雞翼細, 感覺$15兩隻不太抵食。不過味道比預期中好好好好多, 雞肉好淋, 又多汁。糯米超級之少(因為雞翼太細的緣故), 外甜, 內辣, 好惹味。最後結賬$142。送兩張$5 coupon可以留待下次使用。
继续阅读
原條鰻魚海鮮芝士石頭鍋飯（$78）Blblmbap with cheese whole Japanese eel& seafood🐟原條鰻魚真係好大條😍好吸引❤夠哂睇頭，睇到草根一家👪都流哂口水💦鰻魚肉質好肥美👍燒汁又好夠味😙中意鰻魚嘅你地s唔好錯過啦！🎵🎵🎵🍽由於用石頭鍋，所以個飯熱辣辣🔥飯內有芝士🧀紫菜，令個飯底更惹味💡真係唔錯嘅！低温慢煮鴨脾冬陰功雜菜鍋配手打烏冬（$68）Slow cook duck spleen in jeongol with tomyum soup & handmade udon呢個低温慢煮鴨脾食落有煙燻味👏鴨脾大大件😋睇圖都覺得吸引仲要鴨肉都幾嫩嫁喎😙真係估佢唔到鴨肉做得唔錯！手打烏冬個底同鯛魚石頭鍋一樣有魷魚等海鮮🌊🐟手打烏冬都好滑身份量足夠草根飽飽lu不過冬陰功湯底唔夠香同辣🔥呢點有少少失色😢韓式柚子肉梳打 ($跟餐+8)Grapefruit Soda in Korean style整體上柚子味唔太出俾梳打味蓋過咗，好在有柚子肉係飲品嘅底，感覺上都幾有新意!巨峰提子藍蝶粒粒梳打 ($跟餐+8)Grape Soda with Honey Molecule巨峰提子味都唔錯，夏天飲更清爽!招牌蒜茸飽 ($8)招牌蒜茸飽外面脆卜卜，蒜茸味好香，價錢又平，性價比高皇帝蟹棒肉蟹籽凱撒沙律 ($15)蟹棒肉加沙律醬一定冇得輸，最有趣嘅一定係沙律上放左甜甜的爆谷，第一次食沙律有爆谷嫁炸!!! 幾有創意
继续阅读
早上既交通真係難以預計，同一個時間出門有時會遲到，有時就早左成半個鐘都有。因為今日又早左幾多返到灣仔，又唔想咁早返公司hea⋯⋯所以就快快手去就近茶記食快早餐！岩岩搭完程車都未訓醒，個胃都無開，所以少少地叫左個咸牛蛋治同埋熱奶茶，盛惠廿四蚊～～野飲好快就上，飲d 熱野暖下胃先～～呢杯熱奶茶好唔好飲呢我就覺得唔好飲架啦，個人認為佢個味同大快活好似。有飲過大快活奶茶既人鐘意就會鐘意呢杯，唔鐘意既人如我就唔鐘意呢杯。不過都可以既，都未至於難飲，我都會飲的。再等多一陣個咸牛蛋治就上啦！我又唔記得左食完前要影相，食到一半先醒起其實我自己鐘意烘底多d 既，但係要加一蚊，咁我人有d 姑寒所以就無加到個咸牛肉唔會太咸，都有spread開佢，唔會一舊舊食到角仔位無餡，呢part 係ok既但係美中不足係d 蛋太熟啦，我個人比較喜歡有d 蛋汁既咸牛蛋治，所以個三文治扣左少少分快食完個早餐hea多陣就又要迎接一日既工作了！多謝咸牛蛋治給予我力量⋯⋯
继续阅读
今日第一次去試新森林，我曾經在電視睇過介紹，所以都去一試，入到餐廳都覺得舒服，餐牌以芝士焗為主，望落樣樣都好似好好味，我最終揀選一個芝士茄喱牛腩飯， 好期待，等待其間我四周望吓，就發現間餐廳頂部冷氣有多個位都滴水，如果個待應將食物運送途中，有可能唔覺意碟食物會些冷氣水，因為大家都唔知部冷氣幾時會滴水落嚟，呢個問題要好好跟進。
继续阅读