新森林焗之專門店 (已搬遷) 新店位置

每天一早上班，匆匆忙忙。要食早餐，必選是其中一間，早餐選擇多配搭，我最喜歡叫它的鮑魚火腿通粉配午餐肉蛋。價錢$34包飲品。餐廳上餐都快速，可能知道大家講趕着上班。為大家加加油👏

最近開始儲錢, 出街食飯都盡量選擇平價食肆。不過灣仔區要好坐又便宜的餐廳確實選擇不多。放工後同男朋友漫無目的由灣仔行去銅鑼灣揾食,無意中發現到這間新森林焗之專門店。店舖座位寛敞整潔, 燈火通明, 餐牌款式多, 價錢大約在$40至$80之間, 尚算便宜, 值得一試。我本身超級鐘意食芝士, 所以見到個餐牌已經流哂口水~~我最後選了邪惡的:漢堡扒白汁芝士焗飯(免費餐飲: 熱峰蜜; 加$8配餐湯連餐包) 是日餐湯羅宋湯。本身不太喜歡羅宋湯, 因為普遍味道偏濃, 會涸喉。但哩度味道不濃, 不太咸, 飲完不會勁口渴。餐包因為賣哂, 所以自動upgrade做蒜蓉包。 麪包不乾身, 鬆軟好食!好飲, 健康之選不過飲到底會有些少甜。芝士芝士, 終於出現!飯面被厚厚芝士覆蓋, 每一口飯都好creamy, 好邪惡~~ 最過份是漢堡扒裡面都有層厚厚芝士, 一切開芝士仲溶溶地十級邪惡!!  一個人食一個會濟, 同男友開心share就最適合不過。男朋友就選擇: 芝士豬柳漢堡焗肉醬意粉 (加$8轉益力多乳酸特飲) : 芝士同樣勁多。一捲,一絲絲芝士會滲透意粉中間, 好食。肉醬酸酸甜甜, 好開胃, 可以中和芝士油膩感

原條鰻魚海鮮芝士石頭鍋飯（$78）Blblmbap with cheese whole Japanese eel& seafood🐟原條鰻魚真係好大條😍好吸引❤夠哂睇頭，睇到草根一家👪都流哂口水💦鰻魚肉質好肥美👍燒汁又好夠味😙中意鰻魚嘅你地s唔好錯過啦！🎵🎵🎵🍽由於用石頭鍋，所以個飯熱辣辣🔥飯內有芝士🧀紫菜，令個飯底更惹味💡真係唔錯嘅！低温慢煮鴨脾冬陰功雜菜鍋配手打烏冬（$68）Slow cook duck spleen in jeongol with tomyum soup & handmade udon呢個低温慢煮鴨脾食落有煙燻味👏鴨脾大大件😋睇圖都覺得吸引仲要鴨肉都幾嫩嫁喎😙真係估佢唔到鴨肉做得唔錯！手打烏冬個底同鯛魚石頭鍋一樣有魷魚等海鮮🌊🐟手打烏冬都好滑身份量足夠草根飽飽lu不過冬陰功湯底唔夠香同辣🔥呢點有少少失色😢韓式柚子肉梳打 ($跟餐+8)Grapefruit Soda in Korean style整體上柚子味唔太出俾梳打味蓋過咗，好在有柚子肉係飲品嘅底，感覺上都幾有新意!巨峰提子藍蝶粒粒梳打 ($跟餐+8)Grape Soda with Honey Molecule

早上既交通真係難以預計，同一個時間出門有時會遲到，有時就早左成半個鐘都有。因為今日又早左幾多返到灣仔，又唔想咁早返公司hea⋯⋯所以就快快手去就近茶記食快早餐！岩岩搭完程車都未訓醒，個胃都無開，所以少少地叫左個咸牛蛋治同埋熱奶茶，盛惠廿四蚊～～野飲好快就上，飲d 熱野暖下胃先～～呢杯熱奶茶好唔好飲呢我就覺得唔好飲架啦，個人認為佢個味同大快活好似。有飲過大快活奶茶既人鐘意就會鐘意呢杯，唔鐘意既人如我就唔鐘意呢杯。不過都可以既，都未至於難飲，我都會飲的。再等多一陣個咸牛蛋治就上啦！我又唔記得左食完前要影相，食到一半先醒起其實我自己鐘意烘底多d 既，但係要加一蚊，咁我人有d 姑寒所以就無加到個咸牛肉唔會太咸，都有spread開佢，唔會一舊舊食到角仔位無餡，呢part 係ok既但係美中不足係d 蛋太熟啦，我個人比較喜歡有d 蛋汁既咸牛蛋治，所以個三文治扣左少少分快食完個早餐hea多陣就又要迎接一日既工作了！多謝咸牛蛋治給予我力量⋯⋯

今日第一次去試新森林，我曾經在電視睇過介紹，所以都去一試，入到餐廳都覺得舒服，餐牌以芝士焗為主，望落樣樣都好似好好味，我最終揀選一個芝士茄喱牛腩飯， 好期待，等待其間我四周望吓，就發現間餐廳頂部冷氣有多個位都滴水，如果個待應將食物運送途中，有可能唔覺意碟食物會些冷氣水，因為大家都唔知部冷氣幾時會滴水落嚟，呢個問題要好好跟進。

好耐冇做gym，見今日happy Friday當然約老死玩一玩。灣仔做完gym後，係度諗食咩好，最後選擇左好耐冇死而且平時另一半麻麻地嘅新森林。對上果次食應該係5年前了，味道都唔記得晒。好啦，講返今次食左咩！我老死叫左珍寶大胃王飯，有雞有猪有腸仔有午餐肉。總括黎講，味道可接受，猪比較軟熟易入口，其他就一般般，還可接受。而我就叫左牛坑腩飯，出乎意外味道入味，牛坑腩肉質軟熟。總括來講，2個飯都唔錯但略嫌份量少左dd。

素食文化真係愈來愈盛行，宜家不少食肆都有素食選擇了。就好似呢間新森林咁，都有三款，但有點瓜望係三款都用曬素肉。查實素食又唔一定同素肉掛鉤，簡簡單單一個忌廉雜菜焗飯或者番茄豆腐焗飯已經好好食。加10蚊叫多左個雜菜湯，原來係有肉…咁樣都幾唔細心、唔夠關注素食者要求。其實何不煮一個全素雜菜湯呢，素湯都可以好好味，咁就適合曬全陪客人飲啦。而且侉個湯仲有一大塊紙巾在入面…算啦我都係唔飲。三款素我試過兩款，肉丸意粉還可以啦，番茄汁味道唔夠濃、汁亦唔夠多。肉丸個樣睇落都靚仔，但一食就示全係傳統素肉隻味、厭！無咩新意。反而芝士豬扒真係值得一讚，塊扒大大的、味道又好又充實。醬有好多種選擇，我簡左松露鵝盰菌醬。都係果句，汁係唔夠多，如果可以多三份一就好。呢個好食，下次可安哥試其他汁既味。

中學時成日去食呢間既焗飯, 今日突然想食下, 發現原來灣仔有新森林, 即刻就去食。依家個裝修靚左好多，仲有棵樹係度原來佢地都有做Ｄ慈善活動，良心企業餐牌都好有心思，令人有食慾感，款款都好好味咁，唔知點揀好叫左兩個主菜同兩款配菜。先黎特飲－荔枝藍碟花蜜 (跟餐叫$8)好濃郁既蜜糖味，好清甜，再加上藍碟花淡淡甜味，幾好味中間仲有Ｄ爆珠，兩個味道都好夾，有驚喜！而我朋友飲既凍檸茶，呢個就普通，正常味道，唔講太多了。好！到主菜！開邊芝士焗龍蝦伴松葉蟹膏芝士焗飯熱辣辣！好濃郁既芝士味，炒飯略有蛋味，炒得幾好，粒粒分明。面有粒粒魚子，但隻蝦就馬馬地，冇咩蝦味，好在有Ｄ芝士搭救，吊一吊味但以呢個價錢都算值，份量都好大，芝士味好rich，整體不錯而我朋友就食－扒帶子煙鴨胸伴紐西蘭牛扒份量都幾大，個牛扒肉汁都幾多，仲有一塊鵝肝好好食，而鴨胸都好林，唔會好乾。薯菜都好多，幾大隻，但略微唔夠熱，如果熱反Ｄ就最好。整體個扒覺得幾好，男仔都夠食，好足料，值得一食但估唔到最有驚喜係佢既小食－－－－－－－－－－－－－－－－－－－－－－－－－－－－－－自選小食：我地叫左－香辣雞肉焗招牌芝士大啡茹　同　迷你安格斯牛肉芝

lunch食飯趕客，個經理服務態度勁差，唔係開係條軒尼詩道就可以咁，不如開間好似7仔咁賣焗飯快靚正算，呢間列入黑名單，絕對唔會再幫襯！咁大個人都係第一次食到咁受氣，茶記都不如！------------------------------

今日第一次來食晚餐。見佢門面貼唒d乜獎乜優質咁以為好野。唔使等五分鐘就有位。同男友叫左個二人晚餐$128。服務麻麻，啪一聲掉低d碗碟就走，好似係大排檔咁！忌廉湯一般，羅宋湯麻麻。叫左牛魔王芝士焗飯，本人好鐘意食辣，但lee個飯係得個辣字無其他味，仲要得少少芝士。三重奏拼盆叫左雞翼同紫薯。紫薯好好食，夠脆夠甜。雞翼「窿」到深啡色，味道一般。甜點係蛋糕仔，非常一般。另外仲有迷你安格斯牛漢堡，味道一般，凍到芝士都唔融。之後黎多碟芝士焗西蘭花，好多水係底……之後佢發現俾錯左我地想加我地錢，叫佢即刻拎走……最後凍檸茶都出事，得個糖字！完全無茶味……以後唔會再來！！！

態度差、服務差、水都冇杯比人，問佢攞隻碗仔都只是即棄外賣碗，很不環保，我的女兒不小心打翻了杯飲品，那位收銀員的態度甚差，眼啤啤咁，其次是那焗飯的份量也不多，所以，本人不會再有下次幫襯！

很久之前來過新森林，今日到來，Menu 款式多到花多眼亂，最後決定試新野。開邊芝士焗龍蝦伴松葉蟹膏芝士焗飯（$78）焗飯烘得有微焦的，加上芝士邪惡的食材，令人難以抗拒。 開邊芝士焗龍蝦肉雖不算很多，但這個價錢來說已是超值的。 煎鵝肝煙鴨胸伴紐西蘭牛扒意粉（$62） 這個煎鵝肝煙鴨胸伴紐西蘭牛扒份量超大，鵝肝煎得香香的，煙鴨胸肥厚夠香，加上紐西蘭牛扒入口嫩滑，味道香濃，配上爽滑的意粉一流！ 套餐加餐湯連餐包加（$7）揀左羅宋湯，好味！ 自選小食：凡惠顧晚市套餐，一律可用優惠價，任選一客精選拼盆！跟餐價 （$28），非常抵食！迷你安格斯牛肉芝士漢堡 香蒜墨魚軟骨串 香辣雞肉焗招牌芝士大啡菇 芝士松葉蟹膏海鮮焗帶子 味道提升追加：惠顧各款套餐，即可自選追加一款！炸雞翼（3隻）（$ 10）大大隻的雞翼炸得金黃香脆，肉質嫩滑。 麻辣無骨鳯爪（$10）麻辣味道唔會太辣，鳯爪爽口，味道唔係太正宗，但都唔錯！ 飲品款式仲有好多選擇，有唔同款式配搭！跟餐加$6 涼粉紅豆冰（$18) 跟餐加$8仲有特式飲品選擇！雪梨紫貝天葵分子料理梳打（$20） 巨蜂提子蜂蜜分子料理梳打（$20）

Where to have a Christmassy dinner when you are so bankrupt?Here is your place.The restaurant is offering their winter special: baked lobster and baked baby chicken both served with riceMy husband and I tried both!Before that we had a salad.Love the dressing so much!! Kinda like the Japanese saseme sauce. It added a lot to the greens.So this is the chicken. Not a big one but definitely can share with your partner. Not really juicy but strong flavor! Savory!Half a lobster. Much creamy sauce! love

慢煮技術越來越普遍，好處係烹調中唔會流質食物營養纖維，keep到原汁原味！呢間新森林焗之專門店一向以做焗飯為主，最近推出咗一系列慢煮菜式，繼上個月嘅鴨脾後，今次有呢份慢煮原隻春雞。燒春雞食得多，慢煮春雞真係第一次，慢煮完全唔肥膩，係健康啲！切開肉質係偏紅色，生熟程度剛剛好，當中雞胸雞髀部份最嫩滑多汁，不過略嫌爭咁啲醬汁，好似寡咗啲！跟埋招牌芝士焗飯，真係好豐富！如果食量唔算大，建議兩人sharing就啱啱好！

年輕時到旺角夾band, 完事後都會與band 友們一起到新森林吃焗飯。事隔多年，在灣仔碰巧見到分店，便走進去嘗試找回遺忘了的味道。叫了一客黑咖哩牛坑腩飯，果然沒有令我失望，熱辣辣的送到我面前。今時今日，五十多塊錢可以在灣仔吃一個包凍飲的焗飯，性價比高。飲品餐牌設計也很有心思呢！