新森林焗之專門店 (已結業)

係門口見到佢貼左好多剪報，介紹佢有咩招牌菜，一心入去諗住試下食，點知個侍應話個d報紙唔update，見到牆上有好多焗飯既相，咁就諗住叫個d食，但係個侍應都話冇喎，要睇張menu先準確。千揀萬揀，終於揀左勁辣牛肉焗飯同雜菌肉醬焗薯蓉(連飲品或湯)。個湯係有假魚翅既忌廉湯，d味好似怪怪地。個勁辣牛肉飯其實係咖哩牛腩+黑椒牛仔骨飯，兩種味道加埋一齊食都幾特別，但係好似黑椒味重左d。另外一個焗薯蓉都幾好食，但係就冇乜菌，肉醬都係少得滯，多d會更香。門口貼滿哂咁多所謂「招牌菜」原來都已經停止供應，咁應該收番埋佢，以免誤會啦! 埋單每位40，都算幾貴，但係成十點幾都有五、六食緊，生意算唔錯啦!

我叫左個芝士海鮮焗飯　ｄ蝦吾係太新鮮　都吾係特別太好食吾係海鮮既野可能會好ｄ其他野食賣相右真係幾靚杯奶茶出奇地好飲　同埋都ｏｋ貴

好耐無黎食啦~今日放工就去左食個午餐~焗椰汁咖哩石班+飯+凍飲($29)我記得我以前食係一齊焗,但而家係分開架~D椰汁,咖哩好香,不過可能咖哩味重,我食唔到D魚味,但D魚的肉都好白,應該都好新鮮~

其實呢間都食過好幾次, 特別愛吃它的招牌局飯, 因為比起"紅螞蟻" ,它便宜很多, 而且份量很足. 去過旺角, 和佐敦呢間, 但呢間就服務比較多失誤, 我試過好幾次晚飯時間去吃, 好多時等好耐都未有得吃, 局飯我明白係要時間, 但這不是等飯時間, 而是人為出錯, 好多時同一味野多人叫, 人地一吹OR 廚房出錯, 就去了其他台, 正所謂遲黎先上岸....... >.<前2晚約21:20,又去到呢間, 因為真係好鍾意吃局飯, 叫了一個局豬扒芝士海鮮飯和羊膝局薯蓉..小食就叫了芝士局西蘭花... 那時應該不算太忙, 台不坐滿..但可惜.... 上了個餐湯後..... 就直到21:50都未有其他食物,,,, 唯有再崔, 因眼見有些遲叫都有得吃..... ~.~ 其實我估我地原本個份"豬扒局海鮮飯"已比錯其他台,所以人地遲叫都已食緊... 結果幾乎22:00先上呢個飯... 但個羊膝薯蓉就重未得WOR... 連附近D台的食客都在催, 又係欠薯蓉呢個餐..... 她們就續台講話因為局薯蓉係要甘耐, 請耐心等候.... 心想...唔係麻, 等足半小時都重要耐心等???????????

同公司同事同埋客戶去食佢地食晚餐, 個龍蝦酥皮湯幾得(加五蚊), 龍蝦味幾濃, 而主菜賣相ok, 但小弟冇食到.而小弟叫左茄汁石班漢堡扒鴛鴦焗飯, 真係好好味啊, 咁耐未食過咁正的焗飯.然後再叫個白菌薯蓉, 芝士味濃, 都好好味.

最鐘意食薯蓉, 其次有個日式金菇牛柳飯都好好食.

叫了個芝士焗雞扒飯and 葡汁焗豬扒... 唉~! 我覺得很普通，不是如口啤般好吃~ 芝士焗雞扒飯很少芝士味, 汁有點怪怪的~ 葡汁焗豬扒ok ~ 不過豬扒有點老~_~||| set lunch 那個菠菜田螺忌廉湯都ok ~ 總結: 不太好吃~ 應該都不會再去~

個紅湯好飲, 餐包又好食.豬扒加海鮮焗飯幾好味, 有好多粒小帶子, 豬扒個汁都Good.

次次去到旺角唔知食咩好既時候,都會去呢間餐廳食焗飯~焗飯保持到水準, 選擇亦好多,特別推介"香蒜豬扒菜飯" ,飯面有好多炸到好香既蒜片, 配左個甜甜地既汁,而且o的豬扒份量好多~ very good !一個餐包埋DRINK, $40~$50 都算OK...美中不足係座位有少許逼,而且企門口排隊等位成日都好混亂....都唔明點解唔用寫紙仔o者

有次同個frd o係度食，叫左煙三文魚波菜麵同銀鱈魚栗子炒飯. 前者味道ok, 但「漏」咗d. 後者好salty...同埋d栗好硬...d魚仲好多骨tim... 擺到明唔係咩銀鱈魚, 銀鱈魚扒邊有咁多細骨架...

The baked sole fillet with fried rice is just OK, but not so outstanding as mentioned by other critics.

估不到在這樣的橫街可以有這樣高質數的小店..佢地的焗飯好好,焗飯的飯粒很乾身,不太淋,好合做焗飯,而且汁都做得好好...配料亦是....小吃叫了蟹球...好好味..好有蟹味..而且打得很好,肉質好彈(可能入貨入得好)..但其後的雞扒就要改善,肉質不好.不新鮮..好似雪了好久...但焗伙飯好掂

呢間餐廳聽過好多次,因為旺角個間太多人, 好多次都卻步,今次去佐敦食到啦!!各個焗飯都係三十五至四十零蚊包一杯飲品,ok抵.食了燒汁金菇牛肉飯同焗肉醬吞拿魚飯, 金菇飯唔錯, 肉醬飯好似無咩肉, 唔係好夠飽!我"及"過其他檯, 好似都係有扒個d飯會抵同飽d,個d焗薯容同牛仔骨飯都好大碟,下次試下先!!

都食左呢間野幾次,完全唔差都ok,價錢ok,食物又ok,尤其係個午餐都幾抵,你唔揀set每一樣飯,noodle個d都會送湯or野飲,d焗野真係幾正架~,去呢間食一定要食焗野喇。

聽閒呢間野o既口碑都唔差,於是去試o下...叫左個芝士焗海鮮豬扒鴛鴦飯,同焗吞拿魚螺絲粉...d芝士一d都唔香,冇味。豬扒勁老,又淡,好難食。d蜆霉霉地。而且個螺絲粉焗得唔夠熱,又淡又冇咪,令人失望...