新森林焗之專門店 (已結業)

午餐D焗飯就食得多,早餐就未試過,原來都好多款式,食咗沙嗲牛肉麵,煎旦腸仔,厚多士同奶茶($19).價錢算平又算多嘢食,不過晨早唔算多人,一人一張檯.講番食物,水準好普通,樣樣都唔係差,最低限度,每樣都係熱嘅,即叫即做,以咁嘅價錢算抵食,不過就此而已.

新森林一共有4間元朗個間, 已經執左旺角, 地方OK, 但出品一般灣仔, 未試過佐敦 : 水準KEEP得最好星期六下午兩點半, 店內還是全滿, 牛扒現飯 / 薯菜 $30 價錢無得頂另加$3 要了餐湯及麵包, 什菜湯夠味, 麵包夠軟夠熱牛扒, OK啦, 三十蚊不能要求太多, 但好過一般快餐店/茶餐廳了而且係不收加一的, 抵讚環境方面, OK啦, 比較窄, 近廚房廁所的地板, 因為有水漬, 有少少滑 要注意

焗薯..& 軟殼蟹天使麵..

＄２３的下午茶餐，有很多選擇：焗飯麵、拉麵、小食！焗飯麵之餘還有一款小食，例如餃子或雞肉串，真的很滿足～我們已光顧過幾次，每次都很滿意～例如焗豬扒飯，老公說比那連鎖快餐店還要好味！只嫌冷氣太凍！！

之前於甲級寫字樓附近食lunch, 同現在相比, 實在係有落難的感覺。好在, 原來佐敦有間咁正的茶餐廳, 係環境麻麻, 但佢的牛扖配著菜, 實在太美味喇, 價錢又合理, lunch唔錯的選擇!

之前有聽聞過此間食堂焗飯吾錯. 扮晒食家的我, 於是到來一躺.由於小弟知道每一間食店都總有好未吾好未的食物, 於是頭也不回, 望了餐牌, 點了蕃茄牛脷焗飯... 等了不久, 就來了..果然佢裡面焗過的炒飯, 又不是太"過"乾身, 加埋有焗過的茄汁, 簡直色香味俱全. 很想很想再食多一躺. 可惜, 我的念頭被一條牛脷打消了... 我從未想過牛脷, 牛最軟的部份, 會如此的像炭一般, 又黑又硬(加了少少誇張手法... 但真係吾掂)...下次再食的話, 會試過第二隻焗飯...

第二次來了,上次係一個人唔知食咩,見佢幾好生意,所以試下. 上次食焗飯.味道一般,可以入口,服務不錯,價錢不貴. 今次於是encore啦! 點知.........今次我坐係條巷既位,叫左蒜蓉包同吞拿魚意粉,等梗個時望到廚房入面,當堂嚇傻左.....個廚房原來好污穢,酒煙漬好似一年無清洗,個師傅件制服勁污穢,佢用來抺隻碟個條白色早安毛巾係....灰黑色嫁!!!!!死火!個餐我剩係食左好小....眼尾一路望到個廚房同d師傅做野就唔想食> <無下次啦!

見D網友寫得又平又好味道, 於是17/8 同老公兩人去食啦! 叫了: -煙三文魚天使面- OK !大蝦沙律- 沙律醬太多!焗田螺- 一般, 薯蓉冇味!辣酒煮花螺- 好辣!煙鴨腔- 一般!焗萍果( 甜品) - 唔好味!

i love its 芝士,薯蓉~~~!!!miss them a lot!!!

好友忽然約我游水,好奇怪,以前叫親佢游水都唔會去,因為佢好怕水,今次約我係想我教佢游水,細問之下原來係為左男人,愛情魔力真大大家都未食飯,就食d野先,唔係空肚游水好易抽筋,見呢度d午餐幾啱食,就試下啦因為陣間游水唔可以食得太飽,就叫左個芝士焗石斑日式咖哩雞扒鴛鴦飯大家分食好友要湯,我就要餐飲,佢選擇白湯,無評語,我睇落就同普通餐廳的差不多,雖然個飯份量唔大,但大家分食剛好,因為焗野通常都會幾膩,如果我自己食呢個餐一定食唔晒,芝士都幾足,魚就一般貨式,好友喜歡芝士,佢鍾意呢面,我就覺得咖哩的好食d,一來我鍾意食雞扒,其次日式咖哩甜甜地少少辣,味道唔錯,其實我覺得鴛鴦飯幾好,一次過可試兩種不同味道餐飲要左涷檸茶,一般啦,埋單一人十幾,都好夠食(我地都細食的),好抵呀,食完抖一陣,出發去游水!!

友人介紹，一行四人來到位於佐敦的焗飯專門店，聽了店名熟口熟面，原來灣仔也有一間。茶餐廳格局，坐位比較迫，不過出品才最重要。個人點了一個簡簡單單的咖喱牛腩飯，咖喱與飯呈分體式。咖喱非典型港式，汁濃好送飯。而牛腩切成粒狀，肥瘦適中，沒有黐牙、沒有韌口，比起很多牛腩麵店的牛腩要好。

來焗之專門店, 當然食焗飯焗芝士海鮮豬扒鴛鴦飯$33忌廉湯: 罐頭貨再杰少少, 不飲也罷蒜蓉包: 可以熱奶茶: 太稀, 比茶餐廳還不如幸好鴛鴦飯有驚喜.蛋飯有香味, 夠熱. 豬扒值得一讚, 已切件方便食, 又鬆軟, 味道淡淡但加蕃茄幾好. 芝士那邊都唔錯, 但原本炸帶子焗後自然變淋.最不好的太少位, 又逼. 今次一個人去, 要搭枱, 枱又細, 和陌生人面對面, 坐得極不自然, 等飯時眼望四周免大家尷尬.可幸服務算勤快, 但都等了10分鐘才有得食.還有看到其他人點其他餐, 蘋果沙律透明膠盒飛機餐沙律size, 鴨胸意粉鴨胸像幾片熱狗腸切片, 有點貨不對辦.奉勸大家一句: 還是叫焗飯穩陣.

今次黎到新森林,叫左個焗芝士海鮮豬扒鴛鴦飯,有個餐包同湯,我揀左羅宋湯,其實叫之前都估到八九成係罐頭開,不過為左有d酸野醒下胃,都係咁而"mei"左一兩啖...=.=另個蒜蓉包涷的,不過對呢d野都本身都無咩大期望,反而杯涷奶茶幾好咁,夠茶味,夠涷,唔錯~不過個焗飯都等左幾耐下囉...本身都知焗野要等,但就真係耐左少少....等呀等.....等呀等.....個飯黎lu見圖(呢次影得衰....)以為個飯咁細會唔飽,但食完之後係非常之飽的....講返個食,兩邊汁都幾好食,豬扒有d咬口,幾好,另外果邊好似得舊帶子同蝦,都唔記得仲有咩野,不過個帶子炸得幾好食....服務方面只係一般,侍應d多謝太過"行"....返而收銀果個就幾好

我今晚31/03係左敦經過，朋友記錯左同我試過呢度，所以約左我係度等。小小的一間食店，坐位算不少，所以人多的話相信會比較逼，不過可能我地早去，只係6點多，冇客！呵呵！第一次去都係試d基本野先，所以試左以下幾樣傳統既焗豬扒飯份量唔夠，味道偏淡，豬扒口感一般，飯底有碎蔥粒，睇得出用心做，不過焗得唔夠乾身。有改善空間。特價既焗青蠔加田螺（各兩粒）田螺味道ok，細細只，口感不俗。青蠔冇試，睇個樣好似唔錯，但係鋪底既薯蓉幾正！多左小小油，但係味道幾好！肉醬意粉冇試，size同我個飯一樣，但係我朋友話肉醬份量唔夠，味道唔錯，夠乾身，不錯。焗大頭蝦，又係特價的只得一只！賣相老實講唔係咁好，只蝦size我覺得都幾細，不過只蝦又幾彈牙喎！12蚊如果有兩只我覺得比較好d。凍奶茶唔得！一杯唔好飲既酒店式奶茶，冇奶味、茶味唔香！茶餐廳好飲好多。總括黎講，一般啦，以咁既價錢，咁既質素其實算唔錯，特登去食就唔會喇，久不久食下都可以場內2位員工都係後生仔，睇個樣唔係咁友善，但係做野又幾好喎，仲好有禮貌，"唔該"、"多謝"今晚聽左好多次，值得一讚！另外一位相信係經理或老闆既男人亦都好好禮貌，後面一台落單既時候，聽到佢

懷著期待的心情同老公再次黎食我心愛既焗薯蓉, 佐敦店似乎是四店之中口碑最好的一間, 但上星期五食過之後覺得水準下降了, 不知是否轉了老闆和大廚呢?! 我們叫了一客芝士焗海鮮薯蓉及芝士焗石斑薯蓉, 一個跟羅宋湯, 一個跟檸水。羅宋湯太辣了, 變左好似飲冬蔭公, 個人認為羅宋湯只需有少許\香辣便足夠。至於薯蓉就不及從前的水準, 味太重、似是用薯粉開的, 不夠香滑、新鮮; 份量亦比從前的少。非常失望呢!! 全晚值得讚的只有蒜蓉包及檸水--包夠香及非常軟熟、檸檬夠新鮮, 冇澀味。其實這裡的服務蠻不錯的,所以最後有寫低意見書, 希望可以從善如流, 再隔一段時間會再黎\"視察\"一下的。不過由於冇俾貼士, 本來服務蠻好的店員(可能是老闆)最後只有目無表情地說多謝, 再一次美中不足啊!