新泰東南亞餐廳 (已搬遷) 新店位置

是日囡囡生日一大班家人齊慶祝飯局天氣實在炎熱,胃口麻麻,便想起食泰國菜酸辣1年前暑假時,同朋友共14人食過南瓜焗飯好大個,蛹蝦,豬牛雞串燒,椰青,金邊粉,軟殼蟹紙米卷,香蒜雞翼等其小菜今次再戰!南瓜焗飯細咗,蛹蝦仍不錯,牛雞串燒,金邊粉,香蒜雞翼(熱辣辣),香蕉葉烤盲曹魚(小心多骨),燒豬頸肉,馬沙拉咖哩牛肉配蒜茸包,泰國青芒沙律,參峇炒羊角豆(即炒秋葵);大拼盤(包括蝦餅魚餅春卷味道普通,生菜包超鹹肉碎,)見大細拼盤吾便宜,沒下次。飲品較貴寧願叫食物較好,總括而言服務員一般,店舖裝潢簡潔,希望繼續做好。

近日天氣太悶熱, 出街食晚餐,第一時間就諗起食泰國菜, 灣仔新泰有兩間,軒尼詩道新泰已經試過, 今次去盧押道20號其康大厦地下3號舖, 去到大門口已經感受到泰國色彩, 坐定定睇睇環境裝飾, 地方好舒服,點了菜, 等了幾分鐘開始上菜, 香芒軟殼蟹米紙卷,煙煙韌韌配搭芒 加埋軟殼蟹香香脆脆米紙特別燒西冷牛扒,肉汁保持,肉香和夠霖馬沙拉咖哩配印度酥餅,酥餅點了咖哩汁,咖哩好香有小小辣泰式蝦炒金邊粉,賣相非常靚好似個菠蘿真有心思,味道有甜酸好醒胃日本南瓜焗海鮮飯, 南瓜有咬口飯不太乾幾好食, 泰式炒椰菜仔 真係椰菜bb 炒得好夠鑊氣 麵包焗咖哩軟殼蟹 咖哩汁被麵包索咗啲汁 加埋軟殼蟹香香脆脆 最後來個甜品 椰青班戟 椰香味好好 還有啲椰絲口感,今晚的晚餐好豐富

夏天的節奏來了 想必熱辣辣的形象 泰國菜當然會佔首席之位 而這次我們到了位於灣仔盧押道的新泰泰式餐廳 去品嘗我們的晚餐 一進入餐廳後 泰國的風味瞬間湧起 原因是因為員工大部份都要泰國人 操流利的泰文 呈現出不一樣的風味 先說說前菜 我相當喜愛的生蝦拼盤 蝦隻的味道很新鮮 透過店舖的特製醬汁能夠均勻帶出鮮蝦的獨有味道 果然要泰式生蝦才能夠擁有這種味道 接著 我想向大家介紹 泰式南瓜炒飯 沒想到這項菜式的器皿居然要用南瓜盛着炒飯 以儲藏南瓜的香味於炒飯當中 令兩者的味道能夠更均勻 因此我選擇推介這項泰式佳餚給大家 此外 我還想向大家介紹泰式金邊粉 眾所周知 金邊粉絕對是泰式名菜之一 基本上嘗試泰國菜必需要吃 而這裏的金邊粉 相信你們絕不後悔品嘗過此餐館

夏天嘅天氣 ，令到人胃口麻麻地。 泰式菜 一向以 開胃醒神 。所以 今晚我哋 決定食泰國菜 。位於灣仔 盧押道 20號 其康大廈 地下3號舖 呢間 新泰東南亞餐廳。 地方寬敞， 座位舒適。泰式生蝦98元賣相吸引 酸辣適中 蝦肉彈牙 鮮甜香芒軟殼蟹米紙卷 88元香脆嘅軟殼蟹配上 新鮮嘅芒果肉 好正泰式炒椰菜仔95元清新嘅椰菜仔， 配上惹味嘅炒法。 別有一番風味燒西冷牛扒 108元呢度嘅燒西冷牛扒 水準都高嘅， 牛肉淋滑。 再加上 酸甜適中嘅配菜 醬汁。馬沙拉咖哩 78元咖哩香濃 ，牛肉淋滑。 令人胃口大開泰式蝦炒金邊粉 98元淨係睇相已令人食指大動，好像藝術品一樣呢種炒法 惹味 ， 酸甜適中嘅口味。 可以增進食慾 。令人胃口大開燒春雞香茅飯 168元燒烤嘅春雞 仲保持肉汁。 配上開胃的沙拉菜。可以解 油利感日本南瓜 焗海鮮飯 108元材料豐富 ，海鮮焗飯。 吃起來滿心滿足飯後甜品 椰青班戟 52元好鍾意餐後食甜品嘅感覺 ，呢款甜品椰香味濃郁又不太甜。是不錯的選擇

之前食過新泰其他分店，俾我嘅印象都幾好。今日去灣仔，又見到一間，唔洗多講，即刻入咗去。新泰間間分店嘅裝修都幾有泰國特色，全部都有泰式擺設。尼間都唔例外，環境幾好，坐得幾闊落。今次叫咗蛹蝦，雜錦串燒，奄列海鮮炒飯同埋咸檸七。咸檸七好快就到！大熱天時，飲返杯冰凍嘅汽水，好爽呀！咸檸咸咸酸酸，覺得好醒胃。啱哂，準備好個胃口食嘢。蛹蝦，顧名思義就係有個蛹套住嘅。外面個蛹係用麵捲成嘅，炸得通透，火喉啱啱好，好香脆。入面嘅蝦新鮮，肉質彈牙。兩樣食材夾埋一齊食，口感特別。雜錦串燒包括豬牛雞，都係啲大路嘢。牛肉肉質實淨、豬肉油脂四溢、雞肉嫩滑可口！三種肉類都燒得香噴噴！點埋個沙嗲醬一齊食，有花生味嘅配合，更加好食！奄列海鮮炒飯有啲似日式蛋包飯，都係有蛋包住個飯(廢話😂)。先講海鮮炒飯，入面有大蝦、魷魚、青口等嘅海鮮，材料豐富。炒飯炒得粒粒分明，味道亦惹味，再配埋個奄列一齊食，滿口不同嘅食材，口感複雜，但味道卻好襯！不過要彈一彈，就係個奄列煎得比較老，有啲嚡口...

食lunch 5個人，4個到左都唔俾入，態度又差😡😡😡😡😡😡😡😡😡😡😡😡😡😡😡同場都有一個姨姨2個又係唔俾人入野食又唔係快過人，等野食都等成半個鍾，🤷🏼‍♂️🤷🏼‍♂️🤷🏼‍♂️🤷🏼‍♂️食飯都要乞求你俾我入咁，請我都唔食，🙅🏼‍♂️🙅🏼‍♂️🙅🏼‍♂️🙅🏼‍♂️灣仔大把餐廳啦，我奉勸大家唔好貼錢買難受，既然佢唔想俾人入，咁就大家唔好入去食☺️☺️☺️☺️

今晚同友人路經灣仔區，晚餐想揾個靜靜地既地方, 食番個舒服飯傾下計，就係地鐵站附近，見到間幾靚既秦國餐廳，見價錢吾貴，就入去試下!~香芒軟殼蟹米紙卷 ($88)一上枱，米紙卷賣相非常精緻吸引，而且份量不少，一口咬落去，味道感覺非常清新，脆脆既軟殼蟹，配埋清甜芒果肉，同埋自家製酸甜汁，食完覺得好開胃，做前菜係不二之選!!~泰式串燒豬肉/牛肉/雞肉 ($88)整份泰式串燒總共有6件，豬牛雞每樣各兩串，可以滿足曬三隻味都想試既我。串燒隻隻味都烤得非常香口惹味，配埋泰式花生醬汁一齊食，係必食之選!!~日本南瓜焗海鮮飯 ($108)南瓜焗海鮮飯一上枱香噴噴，熱辣辣，飯質焗得好creamy, 充滿南瓜味同帶點微微泰式香料味道。南瓜飯用料非常新鮮同豐富，有魷魚，大蝦，青口等海鮮，海鮮用料上盛，大蝦大大隻，而且爽口彈牙，配合埋焗飯一齊食，非常好味!!~泰式蝦炒金邊粉 ($98)金邊粉即叫即炒，上面有蛋網包住，賣相非常吸引，金邊粉份量好多，而且食得出有鑊氣，大蝦份量同樣好多，而且隻隻都又大，又彈牙，又爽口，配埋付上既青檸汁，甜味同酸味都襯托得恰到好處，絕對值得一試!!~呢間餐廳除左d野食水準高，價錢亦

是都比較少去灣仔搵嘢食，有陣時去完書展係灣仔嗰頭都唔知食乜嘢餐廳好。今日朋友帶咗我去灣仔一間泰式餐廳，話好好食喎，叫我一齊試吓。放工去到灣仔大約7:30左右，可能因為呢間分店比較偏僻，所以都唔算爆場，好快就可以入到啦！坐低之後，waiter 好快上左水同埋menu。入面環境都幾舒適，枱同枱之間都隔得幾開。同埋d 裝飾都幾靚！泰菜必點：馬拉盞炒通菜勁好食，有少少辣味，但辣中又帶少少甜青咖哩配薄餅泰式蝦炒金邊粉熱辣辣，食嘅時候仲冒緊煙下次再去灣仔，可以再食過！食過返尋味

因工作需要到灣仔一趟，處理完事務就和朋友找找附近有什麼美食，見到新泰門面好有feel，感覺好舒服，看看餐牌都啱我們吃，我們就到樓上取位，一上到去就有個熱情的泰藉姨姨招呼你，聽到員工她們的對話應該大部分人都是泰國人，即時覺得我們選對餐廳，安排座位我們就看餐牌，我們點了泰式生蝦、冬陰公、綠咖喱雞肉加一份薄餅、一條泰式明爐烏頭魚、另外點了一個必食甜品芒果糯米飯。泰式生蝦必吃推介，非常新鮮，而且蝦刺身好大隻，配上泰式酸辣汁，絕佳配搭。另外點了一個冬蔭公湯，如果點大冬蔭公會有爐保持熱度，而且有專人服侍盛湯，我們兩人點了一份細的，冬蔭公湯料十足，這間的湯偏酸，好岩我們喜歡偏酸口味，酸酸辣辣好開胃。主食點了泰式明爐烏頭魚，烏頭肉質新鮮，完全無泥味，而且湯汁好鮮甜，好快給我們瞬間吃完只剩魚骨，愛魚人士必點菜式。另一個主食我們點了綠咖哩雞肉，咖哩辣度剛剛好，而且滿滿雞肉份量十足，我們加了一份薄餅沾咖哩汁吃，十分惹味！最後，必吃芒果糯米飯，新泰的糯米飯真得煮得非常好不會過硬，糯米飯煮得好軟身又QQ煙靭，芒果多汁又甜，完全有正宗泰國的風味兩人今次吃到捧著肚子回家，下次必定再光顧！

今日收工黎灣仔食飯，突然間好想食泰國嘢，咁就過咗嚟試呢間新泰，喺灣仔酒吧街附近，都好方便好易行過嚟，又近地鐵站。一上到去，見到裝修都幾靚，暗暗地，幾有氣氛。餐牌有好多選擇，花多眼亂，我揀咗一段時間先揀到。一開始上咗生蝦先，啲生蝦好肥美，個辣汁有好惹味，好快就一次過啪曬入口，一碟有六隻，兩個人食剛剛好。跟住就黎細碗嘅冬陰公，呢個超飽瞓，又辣又酸，仲有半隻蝦，如果再多啲蘑菇就好喇。而青咖哩雞我就覺得麻麻地，冇乜驚喜，不過啲雞都算滑，可惜青咖哩就未夠香，不過配薄餅食都好食嘅！因為薄餅熱辣辣，好好味！再嚟就係泰式明爐烏頭，少少辣，食嘅時候要小心啲，都有啲細骨，味道都ok，如果再入味啲同辣啲會更加好食！餐廳都好貼心俾左碟辣汁我地，又有湯，唔錯唔錯！最後食埋甜品芒果糯米飯，呢個不得了，糯米飯硬度適中，唔會太硬又唔會太淋，芒果又夠甜，好好食！一定要食！

最近轉工去左港島區返工今日放工好想食泰國野好好有同事介紹呢間餐廳都唔錯坐得又舒服今晚就去試下先灣仔地鐵站C出口行幾分鐘就到都唔太難搵環境舒適寬敞好有泰國特色每次去食泰國菜必叫的「椰青 $42」清甜解渴夏天消暑一流👍🏻「燒生蠔 $108」超大隻蠔而且好嫩口好滑配上炸蒜、芝士焗更香更好味呢個好正推介👍🏻「泰式炸春卷 $62 」配菠蘿汁春卷無理由唔食嘛蘸呢個菠蘿汁甜甜酸酸好開胃而且春卷入面好足料好正呀「芒果糯米飯 $62」暫時食過最好味既芒果糯米飯用左紫、白糯米做熱辣辣上菜既時候仲出緊煙架超好味椰汁甜度適中唔會漏超級推介👍🏻👍🏻芒果夾埋糯米飯黎食感覺超好一啖暖 一啖凍好味今次整體黎講係正既👏🏻5⭐️為最高味道：⭐️⭐️⭐️⭐️⭐️推薦：⭐️⭐️⭐️⭐️⭐️回頭：⭐️⭐️⭐️⭐️⭐️

已經好耐冇食泰國菜啦今次去呢間真係幾正，好多菜式都好啱我口味，一定會再去多次！我地叫咗香芒牛油果軟殼蟹卷 $88，勁多食，好足料，芒果、牛油果、蟹肉、紅蘿蔔、肉鬆、蒜片，係甜同咸味之間取得平衡，鮮甜得黎又唔會似甜品，因為有啲蒜香味。第一碟上既就係泰式生蝦$98，有5隻，大大隻，非常推介，因為真係好新鮮，一路有冰鎮住，而且有保鮮紙隔住。點返個泰式生蝦汁，辣辣地，可以為鮮甜既蝦味加多點口感然後就係好期待既馬來西亞肉骨茶 $78、鹹魚炒芥蘭$72，同埋加咗一碗白飯$20，因為肉骨茶同菜都適合用白飯黎餸，先唔會太咸。依個馬來西亞肉骨茶同新加坡肉骨茶好唔同，雖然我比較中意新加坡果種，以前係新加坡食過一間好好食就返唔到轉頭，但係依個馬拉肉骨茶都好有佢既獨特之處同味道。依隻係以藥材為湯汁，加豬肉、冬菇一齊煲，岩哂中意藥材湯底既人餸白飯一流！我個人中意食肉骨茶湯飯。

兩口子去左灣仔二德惠睇整麵包材料 順便食晚飯由於灣仔係小編媽媽嘅地頭 就問下佢有咩好介紹最後 佢就叫我地去食盧押道果間「新泰東南亞餐廳」門口裝修到好似泰國spa咁 淙淙流水聲好relax不過上層先係客人用餐嘅地方 冇升降機嘅 如果有行動不便既朋友就要留意一下啦～一貫較暗嘅spa風 裝修依舊充滿泰味兩口子叫左生蝦刺身($98)、豬肉生菜包($68)、南瓜焗咖哩海鮮($148)同印度薄餅($30)生蝦刺身就係食泰菜必食嘅 一共有6隻 爽口又新鮮 醬汁酸酸地好開胃生菜包既豬肉粒粒分明 香口又回辣  而且肉粒肥瘦適中 配埋鮮甜既生菜包埋一齊好正 絕不油膩一開始以為南瓜咖哩係焗飯黎 原來有飯果個係另一款(日本南瓜焗海鮮飯-$108)大大個南瓜從入面全部都係香濃但唔算辣嘅咖哩同仲有豐富嘅海鮮  包括青口、魚、墨魚同蝦等等由於原來冇飯跟 所以我地叫左個印度薄餅點咖哩食薄餅外鬆內軟 牛油味勁濃 配埋咖哩汁一齊食好夾好好食 感覺嗌左錯係賺左添果然係媽媽一星期要食3次嘅食堂搵次都要做乖乖女 陪媽咪黎呢度食lunch先～

新泰有好幾間分店，呢間喺MTR附近，幾易去~~$88嘅串燒比想像中大串，豬、牛、雞共六串可以自由配搭，除返開先$14串，街邊檔價錢，餐廳嘅環境同食物，CP值幾高。串燒燒得香但仲保持肉質嫰滑，而且已經用香料醃過。點埋沙嗲汁就更香更甜泰式炒椰菜仔口感好得意。因為啲椰菜一球球咁，炒落既上汁又爽口。飲品方面叫咗Minty Lime Lychee。呢杯特飲雖然$48，但比較大杯，可以兩個人share，而且賣相吸引，打卡一流。整體嚟講青檸味較重，但除咗酸甜味仲有少少薑嘅辣味，飲落一消暑氣~~最後唔少得芒果糯米飯。黑白糯米經典配搭冇得輸，一款有咬口，另一款較軟糯，加埋椰漿同鮮甜芒果，為呢餐泰菜作結~

之前食過尖沙咀店覺得唔錯，於是再戰灣仔店。呢度裝修充滿泰式風情，而且地點幾易搵，但入餐廳要行樓梯。我哋叫咗香口嘅椒鹽軟殼蟹。雖然佢用個盤仔裝住，但食食吓發現份量都幾多，都幾抵食。大量椒鹽、炸蒜啱晒撈飯，軟殼蟹炸得香脆，而且都幾多肉。泰式蝦炒金邊粉鋪上一層蛋網，賣相特別。同樣伴以唔少炸蒜，再擠上檸汁，酸味一解炸金邊粉嘅油膩感。金邊粉好黏韌入味，有油光但唔會滴油，炸得啱啱好。成碟份份量都幾多，足夠比3-4人share。兩款泰式經典飲品—凍奶茶同珍多冰都好大杯同地道。總括嚟講餐廳較適合多人聚餐，因為份量比較大，而且有唔少cushion卡位。人多啲去食就可以試多幾款喇~不過餐廳繁忙時段有可能限時食飯，最好打去問清楚同book定位。