新港明珠海鮮酒家 (已結業)

可能看我地係新客,把垃圾給我地吃,鴨都是霉味太難吃了我地睇到另一個台的人是熟客,佢地同員工有交流,然後見到佢地的片皮鴨是明顯地新鮮好多,太失望了。以後不想再去,東西平但超難吃,吃一點就想嘔。以及這家店明明是茶樓,早上一般都是老人進的,但它的門超重,對老人不好

🧔🏻‍♂️父親節緊係食老豆鐘意食既野，而老豆對尼間酒樓都有一種情意結，尼間酒樓真係由細食到大🙈主要都係做街坊同熟客生意1️⃣🥣紅燒花膠雞絲翅 (推介指數 ⭐️⭐️⭐️⭐️)第一啖入口好鮮甜，入面除左雞絲同花膠絲，真係有魚翅係入面🤤 成個羹份量好多，足夠分到8至9碗2️⃣🐷鴻圖乳豬併盆(推介指數 ⭐️⭐️⭐️⭐️)原來諗住叫燒鵝但賣哂🥲所以最後揀左併盆，併盆有乳豬，燒腩仔，燒鴨，油雞，每款大概有5至6件，乳豬同燒腩仔個皮都係勁脆卜卜，叉燒半肥瘦，咬落都好冧3️⃣🍖大澳蝦醬骨(推介指數 ⭐️⭐️⭐️⭐️)見個名幾得意就叫黎試下，上到枱勁香蝦醬味，開頭以為係類似金沙骨咁，原來有啲似牛仔骨😆炸到好酥脆仲要一啲都唔油膩，仲食到少少南乳既味4️⃣🦐上湯大蝦球伊麵(推介指數 ⭐️⭐️⭐️⭐️)見到個顏色以為會好啖，點知食落有驚喜，伊麵好香牛油味，好滑帶少少爽口，蝦球岩哂懶人，唔洗自己剝殼😆蝦球隻隻都好大隻，好爽口彈牙5️⃣🐟豉油蒸大鱔(推介指數 ⭐️⭐️⭐️⭐️)舊舊都好大舊，鱔肉好新鮮同肥，魚肉同魚皮都係爽，略嫌有少少唔夠咸6️⃣🥦碧綠蚌片帶子(推介指數 ⭐️⭐️⭐️⭐️)帶子雖然唔係好大粒，但好新鮮爽口，蚌片鮮味十足，爽口彈牙，西蘭花烚到唔會過熟自帶咸味，應該係用雞湯

之前寫一個一次晏晝午飯點心，覺得食品質素幾好，款式又多。今次帶齊一家人來試晚飯，點知菜式原來少過午市。阿仔佢對海鮮敏感，直情投訴我話呢個餐牌，點解大部份都係海鮮 🙄 都坐低咗啦，照去馬啦，咁佢點都有啲雞肉豬肉牛肉菜俾你點。叫咗幾個餸，全家一致認為佢煮得好好味，冇一般觀塘區小菜館咁肥膩及重豬油味⋯ 結果全部餸都食得清光⋯ 呢啲情況唔係經常在我家出現。食完本來諗住去隔離甜品舖，點知呢度原來有生果盤同埋紅豆沙送。紅豆沙D水準好高，食完真係唔再需要去甜品店。最後埋單，就算計埋茶錢同+1，人均消費都低過之前喺同一條街其他免茶錢免加一嘅小菜館。咁以後係呢條街食飯，我家應該都係再嚟呢間。

呢個魚翅撈飯，午市食到，碟頭都幾大，一個人要食晒都好吃力。中間個炒飯已經好優質，淨係食佢都開心。再加個魚翅羮係週邊，感覺土豪。@$138，個羹不用期望太多。見到有翅，唔算多味精，足矣。結果係兩個人，食到一粒飯，一滴汁都冇剩（之前食咗三籠點心個喎），超飽。

人哋話食過覺得幾好味，不過原來淨係某啲嘢值得食～唔緊要啦當食個風味試一次！叉燒腸好足料好好味，粉皮唔會好油膩，厚度適中而且叉燒幾足料，亦都唔會全部肥豬肉呢個$18值得食魷魚好明顯係打咗好多soda powder, 異常嘅爽口，亦都完全冇魷魚嘅鮮味，其實應該係話.. 冇味！發一啲淡淡嘅咖喱味，而且呢種咖喱味 係調製得麻麻哋嘅....$21 完全唔值得潮州粉果大粒好味！雖然唔足料，但係己有潮州風味皮厚不過口感唔錯鳳爪林啤啤，口感比較差～味道一般。呢個鮮蝦水餃真係令人非常之失望！未食已經知入面嘅料一定好少！睇落已經知入面係空氣，有嘅料當中，唔要得冇一隻嘅蝦溝好多肥豬肉超差...呢碗生麵麵質唔錯，邊條嘅口味都幾好！不過佢比嘅份量其實真係唔多...而且湯底極之鹹油雞睇落好似夠量，原來係完全冇肉食，一係皮一係骨仲有一個失望到冇影相嘅馬拉糕... 冇色水冇香味仲家非常之細舊嘢食其實呢度大部份都唔太好食，不過服務就非常好侍應經常自動加水/standby

原本 幾個人食飯 被人放飛機 只能獨自一人開餐當晚一個人叫咗 一個小菜 一個靚仔 酒樓啲侍應都好好人 都俾自己一個人 一個枱 開咗menu 15分鐘 最後決定 嗌佢哋嘅 豬腳 煲 豬腳十分 入味 非常好餸飯 最後一個人食曬

星期日天氣勁好，晨咁早想一個人飲茶, 想食鳳爪排骨飯，之後黎左啲間酒樓。 啲間野實係好旺，差唔多滿哂，全都係附近街坊同老一輩既叔嬸。 我入去啲樓面當睇我唔到又冇招呼，我見附近有張細既4 人台，埋去問個呀姐可否坐低，佢都好好人叫我坐低，我見佢都應該等緊人。之後樓面埋黎問我幾位我話1 位，其實唔知佢心情唔好定點，佢全程西我面同冇望過我一眼，就走去開茶。 佢拎壺茶番黎後，我問佢有冇鳳爪排骨飯，佢突然好似想發爛咁大聲講：「買哂喇！你睇番啲張紙啦！特價果啲冇哂喇！」之後轉身就走左。 我真係勁嬲！我而家比錢黎食嘢，唔係乞米呀！之後我對面兩對好人夫婦啲點心到哂食到一半，我果籠荷葉飯同山竹牛肉球先到；食物都叫過得去冇太差；之後我食到一半果對夫婦走咗，又黎左2個呀姐食客，佢地話應該4-5位, 有另一樓面好好招呼佢地， 咁叫佢地坐住我果台先，再聽到樓面係我後面話：佢應該就走架喇，其實啲一下，佢係咪趕緊我走？一早破壞左我星期日既美好心情，咁既服務態度，我以後都唔會黎！一肚食

本身比較多親戚住喺九龍區，特別係東九龍呢邊，所以我哋每逢過時過節都成日去觀塘食飯！而呢間酒樓係我哋每年一定會去嘅酒樓，而且一定係做節飯！佢嘅地理位置係喺近裕民坊，舊嘅中旅社附近，唔算難搵，又好近地鐵站所以都好方便！而我哋每次去到嘅時候都一定會點以下給到美食！由於唔係例牌，所以唔知道確實價錢，因為每次都會視乎我哋出席嘅人數而有所改變，而有啲海鮮亦都會因為時間唔同啲有平有貴！第一個係必點嘅燒脆鱔。佢外脆內軟，而且啖啖都有好香嘅蜜糖味，我哋每次都會食得晒成盤，係如果再有會繼續放入口嘅程度，絕對唔係誇張！不過要提提大家，如果想食呢道菜，係要預先訂的！令一道就係我哋好鍾意食嘅豬手配髮菜蠔屎生菜，豬手已經整到好林，好易入口，仲有大大隻嘅蠔屎，又好意頭又好食，而最後另外一碟我哋必點嘅就係冰鎮鮑魚！呢碟都要預先訂，因為製作要啲時間又要整返動去，但係佢哋真係整得又甜又辣林又好食，值得我哋每年都去食至少一次！但係因為我哋係10幾人嘅份量，除翻開一人都係幾百蚊，性價比好高，大家值得一試！同埋係舊式茶樓嘅關係，所以呢度嘅夥計都比較有人情味，我哋每次去都會送甜品俾我哋，而佢嘅甜品都係做得非常出色的！

朋友約食生日飯，剛好是牛一後的一個月，即是滿月。 因為自己早到，提前到酒樓拎位。點了几款點心，慢慢等美食呈上。香煎蝦米腸    原本平平無奇的煎腸粉，因為煎至金黃色，熱熱辣，帶有焦香和表面的脆脆口感，外脆內軟，煎腸的熱力，提昇了花生醬，甜醬，豉油的味道。已經很久未有嚐過如此美味的煎腸粉了！點心拼盤　由於不知這家食物質素如何，所以先點拼盤，可以多試几款。蝦餃　蝦餃餡料很Juicy。　不似某大集團的點心工廠大量製作的雪藏乾爭爭蝦餃。　燒賣　餡料爽口彈牙　潮州粉果　皮煙韌，要多點時間咀嚼。蜜汁叉燒包　　小小叉燒包，熱辣辣，燙手的！　馬拉糕　朋友食左！豉味蒸鳳爪　　鳯爪軟綿綿，無需牙力就可以吐骨。阿婆都食到。豆豉味不太強，無需馬上飲水過口。蠔油鮮竹卷　　又是軟綿綿的食物，我喜歡。享用之時都是熱辣辣的。每次傳菜阿姐呈上點心時，都識笑笑口，有禮貌，就連加滾水阿姨都識笑，服務比滿分。也許因為跟朋友飲茶，自己又有剔點心紙的權利，所以覺得萬事如意。　而各款籠籠點心都是熱辣辣上枱，蒸籠很熱，點心更熱。享用點心時也要特別小心。努力瘋狂食呀食，二人共吞了十款點心。離去之時，發現樓下坐滿等候入座的客人。此店很受

新港明珠是每個人食了之後都會再encore的一間酒樓帶了朋友和同事食過呢間酒樓之後佢哋都會自己再去幫襯 😍😍推介大家的是炸魷魚鬚，這間酒樓拍得住小炒王鑊氣一流🙌🏻煎炸食物是間酒樓最受歡迎的😊送杯啤酒一流除此之外帶咗個金銀蛋莧菜，清清地，送飯一流。再嚟一個黑椒牛坑腩，很有牛味，每一個送碟頭很大。溫馨提示，這間酒樓每次都會送糖水生果。侍應們也很貼心，😊如果大家住九龍區的話可以不妨試吓這間酒樓，多數係做熟客生意。

這是一間很不錯的街坊酒家，每次都要提早到達取位，如果在午時高峰時段來到，要等候很久才有座位，甚至因輪候人數太多而暫停派籌。這裡的點心款式較鄰近的酒樓多，每隔一段時間就會推出新款點心，蝦餃有水準，早、午市的價錢大眾化，每次結帳都覺得物有所值。廚味部的小食有吸引力，例如乳鴿。曾經在這裡吃過晚市，海鮮選擇多，價值也合理。

依間舊式酒樓係官塘已經好耐可以搭枱嘅～但一直冇機會試～今日2人行决定試試D㸃心叉燒腸粉配粒西蘭花～腸粉皮略厚唔夠滑～但好多叉燒粒～味道幾好蘿白糕過多粉冇咩臘腸粒、蝦米～食到一條條籮白絲～整體幾香口嘅叉燒包蒸到開晒口中間開始有D乾～加上有D叉燒肥肉唔太喜愛蟲草花灌湯鮫比較特别～就算係特㸃我都會試下～即叫即蒸所以要等25分鐘～賣相吸引分量略細～湯味幾清幾濃唔太鹹～有成廿條蟲草花算係多～灌湯鮫入面冇肥肉所以唔會油街坊酒樓算係咁～除咗不停叫加水～其他不過不失啦

幫襯咗成十年嘅觀塘區洒樓每逢新年過節大枱係無得訂 無得排隊喎枱係留比有利是打賞之客 如果唔係點會無?你唔好諗住可以去等位 經理話係唔比你嚟排 電話話 你唔使嚟喇 booking full 晒 (自打咀巴)我話你哋唔係話無得卜㗎咩經理即改口話 大枱無晒位喇 唔使等喇等都唔比 嘩 真係得你一間咩食物質素幾好都好 服務差 真係頂唔順你比錢請我都唔會去

與朋友午膳，點心勁多味精，飲勁多水仍口乾，服務員執檯態度勁差，檯布亦不乾淨，當埋單向收銀員查詢價錢時，收銀員一言不發拍單在檯面就算，亦不同你解釋。咁樣服務態度收加一不但止，還要收整數不收毫子。

爸爸最愛，節日指定酒樓，由細食到大，但味道不及以往，好多食過既菜式都無左最愛樽裝可樂(例牌) 乳豬雙併 - 另一樣揀左燒鴨，乳豬肥瘦岩岩好，個皮燒得好脆，燒鴨啲肉有少少君度香橙排骨 - 排骨啲肉好淋，酸酸甜甜，好香濃既橙味，好醒胃金銀蛋浸莧菜 - 個湯好甜，啲菜唔會過熟，所以好浸，咸蛋粒同皮蛋粒少左啲生燒BB鴿 - 乳鴿好入味，超細隻，無乜肉食了生劏生龍𧄌(兩味) - 翡翠炒球 : 成碟餸都好清，啲魚肉岩岩好熟，肉質都幾爽口，但就欠缺鮮味生劏生龍𧄌(兩味) - 茸蓉蒸頭腩 : 有啲過熟，啲肉有啲"鞋"鮮果盤 : 菠蘿同西瓜都好甜綠豆沙 : 尼到最好食既糖水係紅豆沙，但今晚已經無哂綠豆沙都唔差，甜度岩岩好，超起沙