新港海鮮火鍋

营业中

休息中

己經第四次食呢間👍今次同老公兩個人食當日星期六很多人好彩等一陣有位象拔蚌豬骨孖寶是每次的首選😋象拔蚌非常新鮮👍豬骨湯OK手切肥牛有牛味是有咬囗那一種👍桂花磅也非常新鮮👍整體食物質素都新鮮😄價錢合理啤酒朝曰有特價如果鍾意飲啤酒的人確實是抵飲有下次

今日同朋友去咗旺角花園街行街，買咗好多戰利品，衫褲鞋襪，非常重🤧想好好地搵一間火鍋店坐下慢慢享受晚餐😬從朋友口中得知喺太子地鐵站附近有一間火鍋店只係喺街頭，非常方便，而且呢間火鍋店仲經常做孖寶優惠😬，一坐低就叫咗個優惠孖寶$348有豬骨煱湯底加埋象拔蚌，非常抵食!象拔蚌好新鮮爽口，好可惜呢個刺身並沒有Wasabi提供😩我呢個牛魔王點可以唔叫一碟大嘅本地肥牛，牛肉和脂肪遍布平均，牛肉味又重😁鮮紅色嘅牛肉🤪望落去都知非常新鮮！叫咗竹庶水，味道不夠太清淡了🤧每一位都要收帳人$13加一碟酸菜花生$13，脆鯇魚腩$68，都好新鮮爽口，滿意

已經是嚟過N次幫襯，但可惜好多嘢已經縮咗水，好似象拔蚌刺身咁，每片份量已經細了一倍，以前一口而家得半口，真係好考師傅刀功，仲有本地手切牛肉，部位已經唔係以前咁脂肪分佈咁均勻咁靚，係似雜拼部位砌埋一碟， 因為好多片都有點un, 他食物雖然價錢咁上下，但份量和質數已少了和差了，其實明白租金上升這個問題，我寧願佢加價而質數不變，好過唔加價質數降低和份量減少，咁樣會比客人覺得 偷工減料，希望佢地會改善一下啦! ^ ^

公司活動黎呢度食晚飯~店鋪門面望落好簡單~ 唔係有人介紹我都唔會望到或吸食我入去既~不過食落就合係好野黎~鋪仔細細但原來有兩層~我地就安排左上層舒服D~MENU 有好多選擇. 真係大鑊, 我呢D 選擇困難既人, 花多眼亂~見到呢個COMBO 都唔錯. 有象拔蚌食.伴菜.同醬料.豬骨鍋 X象拔蚌. $348沙巴龍躉X 手切肥牛 $368個牛好靚~鮑魚 $48 蚊只~~~~ 必食呀!!!!!!好抵食又大只, 放埋個湯勺去睇下個SIZE 幾大~~~~食得喇.好大只. 勁想ENCORE ~~~ XDDD水餃. $42響鈴. $40芝士蝦丸. $68墨魚丸. $60魚皮餃.  $42話說呢度D 丸類同餃子既份量都算多, 對得住個價錢, 出面好多同樣價錢但係得5-6粒, 我地一行6個人就都可以ENCORE 少少~之後再ENCORE 多個牛. $188.蘆薈蜜. $28 要WELL SHAKE 先好倒出黎~重有甜品送~咁樣食法, 每人除開都係. $288~ 但有鮑魚, 象拔蚌, 沙巴龍躉喎~所以我覺得真心抵食, D 海鮮又新鮮. GOOD 呀!!!我就食到好飽喇. 然後D 佬同事呢, 就話死都要去食

男友大力推介，帶我來吃這一家食店。食店雖小，但食物質素也蠻驚喜的。我們先點了優惠孖寶-豬骨湯煲加象拔蚌刺身，共$348。豬骨湯有濃郁的胡椒味，裡面還有其他蔬菜：粟米白蘿蔔。另外，刺身簡直是滿分💯，非常新鮮。除了孖寶以外，我們還叫了炸魚皮，油麥菜。值得一提的是手切牛肉和鯇魚腩，男友讚了牛肉非常有口感數次，我則覺得魚腩魚脂適中

老闆下午向旺角打波🏸，話夜晚想打邊爐🥘。第一時間諗起新港，中午打去book位又book得到喎👍🏾8點到等左一陣，入座後立刻點左個象拔蚌孖寶，因為上次來食過豬骨鍋，今次加錢試左個火焰海鮮牛肉鍋，真係向你面前點哂火的🔥。象拔蚌新鮮無得頂😋😋😋，湯底都好清甜，裡面的牛用粒一D都唔韌，好食👍🏾👍🏾因為得我同老闆食，冇點太多餸，牛百葉一般，手打肉丸一向正👍🏾😋，娃娃菜👌🏽，本身想食韭菜餃但賣哂😭，轉左點水蛟(唔記得映相😢)都好好食，不過得不到的是最好的，下次去一定要食到韭菜餃👍🏾

小女一直都好愛打邊爐，前排老闆請食飯，話食左一間正野食話翻層味咀話！帶埋我地成班細去食好西一黎個鍋已經好勁啦玩晒火咁有蟹有蝦仲有牛柳粒炒，炒到熟晒就加湯打邊爐lu..唔係講笑，d鮑魚真係好鬼大隻嫁！好鮮甜跟住有好多刺身，象拔蚌刺身冇得頂呀，跟住仲有帶子啦蝦啦北寄貝！見到都嘩一聲啦打邊爐海鮮料都不小，有蠔有魚片有蚌，d蠔大隻到呢，出街食飯好難會有咁大隻！又到剌身啦~見到都留晒口水啦係咪, 有海膽呀份量好大, 仲有帶子啦同埋刺身蝦, 我宜家一路打一路都留緊口水!!間唔中仲有D 水食...有燒蝦啦有炸芋頭....打邊爐D 料我覺得牛丸真係好X正呀總括黎講呢間野我會係咁推介比朋友, 又會係咁再食過~真係好回味

成堆舊同學開始麻甩化😂冬天約食飯諗親食乜嘢都係打邊爐🙈呢間平時我收埋唔話比人聽，因為呢間鋪頭好細，已經次次都要訂定枱先，但啲果勁新鮮又好味成日返桌🤤打邊度當然要食鮮～一坐低就叫個孖寶好抵食。豬骨煲~勁大煲好多料本地象拔蚌刺身~多人先叫爽到爆手切本地牛肉~今日叫碟大既就靚仔返，上次少人叫左個細碟啲牛部位唔靚油唔平均一片油🙈生蠔～好新鮮熟左都仲好大隻鮑魚～其實要訂但忘了🙈因爲超大隻上枱仲見係咁郁架。今日哥仔唧左幾隻俾我地真係thank you萵筍～唔係間間有得食架有就當然叫黎食黑松露墨魚滑～上錯左蟹子蝦滑🙈都好味既⋯⋯但我想食黑松露多啲響鈴～正常脆北海道黑毛豬片～唔肥有肉味羊片～唔蘇鵝腸～仲有啲肥膏痴住呢啲先係正野蔗汁～普通，除左蘆薈汁（台灣果啲）無其他無氣野飲間野細地踎feel無裝修，雖然漏咗單後尾追返，其實都無咩服務😂唧左啲限量鮑魚補返數🤤成堆人埋單每人兩百幾呢啲先叫性價比高🤤邊個話打邊爐唔好食，食新鮮野咪識食囉。出面啲邊爐差唔多價但食埋啲急凍野即食野，食新鮮野咪識食囉。

四條麻甩佬約食飯，食乜好？緊係邊打邊爐邊吹水啦。揀太子呢度除左位置方便之外，都想食下呢度嘅手切牛。今晚食左兩款孖寶，海鮮同牛肉質素都好好，環境樸實，係人多打邊爐好去處。豬骨煲+象拔蚌（$348）：豬骨煲有好多湯料，例如粟米，蘿蔔，仲有主角豬骨敖成湯。打邊爐之前飲兩啖，骨膠原豐富。之後用嚟打邊爐，湯底越嚟越出味。呢個優惠仲有象拔蚌刺身，鮮甜爽脆，無論就咁食定淥落豬骨煲度都一樣咁好味。但我始終覺得刺身食最正，原汁原味。活鱆紅魚一條+手切雪花肥牛一碟（$688/一份）：鱆紅魚原條起肉，每塊薄薄地，輕輕一淥，吃得到的魚鮮味。魚骨會幫你椒鹽炸，送酒一流！牛肉係本地手切牛，肉味濃，灼一灼，口感好，我一塊又一塊咁食！我地四條麻甩佬唔夠喉，追加多碟牛呢（$218）。蟶子皇（$18/隻）每人限叫一隻：大大隻蟶子皇，好厚肉架！

個人好鍾情火鍋 基本上一個月都最少2，3次 呢間係朋友去過之後介紹，之後就成為左我同朋友間其中一個聚腳地 佢有2層，樓下就比人數少既坐，上層就大圓枱，但我地比較喜歡下層，因為上層比較焗，下層坐得舒舒好多每次去都一定係叫個孖寶 因該抵食又好味（豬骨湯底+象拔蚌刺身） 個象拔蚌刺身係好好味，介紹d朋友去都話正好正既芝士墨魚丸唔建議大家叫韭菜餃 因為麻麻哋牛頸脊非常正 ，未試過唔好食食到最後埋會有牛奶布丁送，我唔食甜野，但個牛奶布丁我係可以食哂 因為好好味

好食的東西幾款已足夠, 必食推介有兩個孖寶,1.豬骨鍋湯底, 豬骨味香濃, 湯底壞煲越濃2.象拔蚌刺身, 新鮮清爽甜3.沙巴龍躉, 新鮮抵食4.最後一定要試係"本地手切牛肉:, 爽口彈牙牛味濃, 超抵吃冇特輸甜品心太軟, 訂位時最好Request埋, 限定出品

跟朋友兩人一起到新港用膳。點了惠顧＄328的孖寶套餐套餐中包括新鮮象拔蚌刺身及豬骨煲另外還點了魚片，新鮮手切牛（$148）皇帝菜，聖子，鮑魚兩隻價值$48 鮑魚超新鮮落水滾四分半鐘爽口彈牙。下一次一定會再推薦朋友來這餐廳！

吹水講秘密揾個地方 諗起太子有間抵食火窩 佢地出名有個孖寶 就係象拔蚌+豬骨湯底 $328 咋真材實料 其他食材也非常新鮮 揀左鮑魚 響鈴 手切牛 選左兩種丸 外表豬肉丸內餡係鹹蛋黃芝士墨魚丸好好味呀 值得推介

已經是第三次幫襯，寫編食評支持下吧！今次同埋家中兩老黎用餐 四個人可以叫多啲嘢食嘛😁今次都係叫咗個孖寶 豬骨煲+象拔蚌刺身 $328豬骨煲 入面有粟米、雞腳、少量蘿蔔、豬骨加咗少杞子紅棗韮菜煲成，味道濃郁。象拔蚌刺身 入口爽脆 鮮甜👍還有 宜家做緊優惠 凡打邊爐都會送三文魚 鮑片刺身（大概六片左右）但略嫌不夠新鮮，不過是送的 不要太高要求了。生料點了 崩沙腩 經理話廚房之前已經蒸過兩個鐘 所以上枱時只要陸一陣已經夠稔 的確是的蝦丸 夠彈牙 好多蝦响入面 響玲 不過不失吧 浸一秒已足夠極級安格斯牛頸 新鮮 肉質夠稔 無特別美國黑毛豬腩片 呢個真係麻麻 一個 鞋!(點菜紙上的特叫推介) 椰菜雲耳白肉餃 隻隻漲卜卜 但略嫌味淡 朝日啤酒 $25/2支 抵飲最後最後 每位送甜品心太軟 綠茶味/朱古力味 份量細細粒剛剛好 好食~店員服務做得好好 有禮貌 加湯快 回應快 唯一不滿 配料沒有莞茜提供