新濤園茶餐廳 (已結業)

旺角食肆琳琅滿目，但要找到好味的卻有點難度。在朋友介紹下，我來到這間「新濤園」。因為不是假日的關係，基本上不用等位。之後，我分別叫了一碟椒鹽金菇菜，避風塘鮮魷，黃金蝦。這碟椒鹽金菇菜不得了（右邊）.. 香味四溢... 金黃色的外表真叫人垂涎欲滴.. 口感鬆脆.. 而且也不油膩... 最神奇的是完全吃不到金菇菜的味道.. 不過味道一流.. 令人回味無窮.. 絕對推介..避風塘鮮魷也不錯（中間），味道不濃不淡，剛剛好，適合大部人略嫌辣味有點不足。黃金蝦（左邊），對於第一次品嚐的我而言，真的是極品！在蝦的外面塗上了一層厚厚的鹹蛋醬，經過油炸後，口感更佳！而且，廚師也很細心的去掉部份蝦頭，方便食用。不過，我覺得蝦不太新鮮，而且因為他是原隻炸的關係，沒有去掉腸的部分。其中一隻腸的部分很肥大，所以「蝦屎」也很豐富，超級影響味道及賣相（不過也只有一隻是這樣@@）。基本上這碟黃金蝦味道佳，外層的鹹蛋黃醬令人回味，不過略嫌蝦肉味淡。若能在中間切一個開口，去掉蝦腸及增加其沾鹹蛋黃醬的表面積便更佳。整體而言，新濤園真的不錯，值得推介，它有大排檔的美味及鍋氣，卻有大排檔沒有的整潔及舒適，價錢也合理，真的很棒！

成日黎旺角行，雖然旺角多野食。。但耐唔耐都會照去返呢間食！星期日，晚飯時間係一定人多嫁啦。要食就唯有等啦。。唯有企出門口，都仲有幾檯等緊既。。點知居然人地後來先入座，搞到男友燥。。服務上係差左啲囉！*“面醬豬頸肉+臘腸煲仔飯“*-熱滾滾上檯淋啲煲仔豉油再焗一焗，一打開蓋香噴噴，飯香／蠟味香／面醬香。。聞到都好開胃*“醬爆西芹雞球“-西芹好爽口，醬爆好惹味。。可以撈多碗白飯呢間既食肆的小菜係有水準既！ 會定期光顧既，撇除服務態度。。食得愉快既！

新濤園服務態度超差,仲話番客 我今日去旺角新濤園叫左2碟野, 其中一碟係xo什菌豬頸肉, 但黎係西芹豬頸肉, 我咪要求換, 點知其中一個男伙記話黎隻就係xo什菌豬頸肉羅,我話出面食唔係咁, 唔覺有什菌羅, 佢咪話有,但我眼見得2,3條菌羅, 西芹勁多羅, 我話我唔會要, 佢話唔得,我話投訢你,叫人唔好黎幫親, 我以後唔會黎羅, 佢仲話你咪叫羅, 投訢羅, 仲話我打橫黎講, 如果 個個好似你咁話唔似就換, 咁咪唔得掂, 我咁勞氣係佢態度羅,仲,話我錯, 你地千其唔好幫親黎間茶餐廳

上一次食係去年嘅冬天食煲仔飯，味道唔錯，即叫即煮，約要等十五至二十分鐘，同埋沙薑雞腳。 兩次去都好多人，坐滿人，要等一陣，鋪頭出面開有8-10張枱，有大有細，鋪裡面就茶餐廳咁，四人枱，兩人要坐埋一邊，一定要搭枱。兩個人去，今次叫咗細羊腩煲 （ $ 18X ）包一碟生菜，有爐俾你打住邊爐，羊腩好「林」，唔使點出力咬，好容易就可以骨肉分離，只略嫌味道唔夠濃，好似沖淡咗小小咁，枝竹得幾件，唔入味，應該唔係同羊腩一齊炆的，應該係上枱前至加入掛，因為食到一半嘅時候食，都仲未索到啲味入去，有馬蒂同大朵的冬菇。略嫌貴咗啲，我個人認為佢嘅羊肉份量值$ 140樓下（賣$ 128就差唔多）。好在之後唔算多人，無人同我地搭枱，如果唔係都唔知對面人地點擺嘢食，個爐都佔咗大半張枱啦。排骨+臘腸煲仔飯 （ $ 4X )排骨醃咗比較深色入味，有飯焦豉油自己加。

是日沒有什麼飲食目的, 又不想同同事老是食同一間餐廳. 於是就在豉油街, 花園街找找看. 不過, 作為尋找隱世味道的一員, 總愛行到一些人煙稀少的街仔, 找找食, 在少人的地方, 減壓一下.雖然豉油街不是什麼橫街窄巷, 不過, 近染布房街, 廣華街交界的一段, 的確是只有學生仔女, 同一些住在附近酒店的人士. 而在這一個似乎不容易做飲食生意的地段, 竟然有一間大大間的茶餐廳. 有粥, 有粉, 有麵, 有飯. 既然你說到自己乜都有, 咁就吸引到我來試一下啦.選擇是非常之多的, 一時間, 真的想不出自己要食些什麼, 當我還三心兩意時, 店方已放下一碗老火黃瓜湯. 頓時, 我就決定了要一個生炒雞絲飯. 沖野飲既服務, 認真的快, 當我正準備拿出相機為碗湯拍照是, 奶茶也飛快的上了. 此湯, 不算老火, 而且一看就知道是濃湯寶的美妙傑作. 因為不覺湯底老火, 但味道十分老火. 現在的商業飲食, 大多這樣的裝假狗了. 不過, 雖然是假老火湯, 但味道真的呃到人, 加上老黃瓜, 而且又煲得腍, 飲落, 的確幾好味道. 炒飯, 當你有湯有茶時, 一碟香口鑊氣炒飯, 醫肚是一流的

夜晚经过豉油街， 见到周围都系人 本来打算去食 吉野家， 不过果度要排队 费事等 就去第2间见到呢间有位， 但系街度坐， 老婆都行到累， 唯有就呢间啦坐左30秒都唔够 就吹我地叫野啦我都未想好， 有无搞错~见我地唔出声， 个伙计就甘走啦过左几分钟后， 我地没人都叫左2个煲仔饭等左好耐， 见后面果台迟过我地D煲仔饭都到， 但我地果D都未到真系 有无搞错！ 唉。。 无言啦食完拉拉声走人， 以后都唔来啦~ 无服务， 环境差！

個日，天氣凍，我同女朋友都諗住食煲仔飯，行左旺角幾間都好full，見呢間當時有枱，就入左去。。。先講坐位，迫。。。差唔多就來連行既地方都無，之後叫左窩旦牛肉煲仔飯＋臘腸雞煲仔飯。。。可以一讚既係野飲好快就上，不過差唔多等左35分鐘先來煲仔飯，重點係個老細好似當我地透明咁，可以問隔離位／隔離枱仲欠咩未到，但完全無問過我地。。。之後終於要小一小佢，問佢我地等左好耐，竟然hea 答問我地睇睇，但自己就去做左第2樣，ignore 左我地咁，之後再追問個伙計先真係去睇下。。。。等左咁耐，上到面前個2煲。。。質素有待改善，又無俾豉油。。。＠＠埋單＄99。。。唉。。。之後我地決定以後都唔去呢間。。。

早一排師傅同幾個好友把酒言歡, 雖然期間又飲又食, 但師傅始終唔多夠皮, 於是散左之後就決定搵個宵夜吃, 邊行邊諗; 突然間師傅記起呢間食店好似愈夜就愈美麗, 愈夜就愈旺場, 反正又未試過就決定試一試啦!入到去食店, 店內唔多食客, 反而外邊就大把, 皆因坐露天可煲煙, 而師傅由於唔煙得, 所以梗係坐裡面穩陣啦! 坐底後即刻睇下有咩食, 師傅飲到大大地, 味覺或多或少都會有影響, 所以呢個時候叫常餐應該係最保險, 就揀左個常餐! 常餐有方包, 師傅將方包改為多士, 仲有火腿奄列, 沙爹牛肉公仔麵, 餐飲就揀左凍檸茶!呢款常餐最好就係唔使等太耐, 拿拿聲食完可以返歸訓覺, 所以師傅好方就有得食, 多士都幾脆幾香口, 但冇咩牛油, 如果多少少牛油會更香口; 火腿奄列就比較乾身, 煎得比較就, 不過油多都正常, 皆因冇咁易 “痴鑊”, 餐茶廳係咁上下啦; 而火腿絲嘅份量都幾多, 所以味道不錯; 沙爹牛肉公仔麵反而比較令師傅失望, 皆因湯底都幾咸, 沙爹味唔香, 可幸係牛肉份量都幾多, 而且鬆身唔韌, 所以沙爹牛肉尚可, 不過個公仔麵就差, 最主要原因係煮唔腍, 仲硬硬地好似未煮熟咁, 令到公

今日六點上完堂~兩個朋友都想食少少野先~咁岩記得依間野既下午茶係去到六點半~所以黎左依度食~~~~三個人叫左三個麵餐~一個係煙肉煎蛋~一個係沙嗲牛肉煎蛋~一個係沙嗲牛肉腸仔~佢初初拎黎~見到都幾好樣~諗住唔差啦~又有條菜送~好似好好咁~點知一夾D公仔麵~同出面個D好唔同~細勁多咁都唔緊要~~~~食住先~唔要求佢咁多啦~點知食食下有D好污糟既野係碗野入面~仲要兩碗都係咁~衛生真係好差呢~最衰今次無影佢相~唔係一定去食環處投訴佢~味道同環境已經唔好~仲要衛生情況惡劣~咁既情況~幾多錢都唔抵食啦~!!!!!!我都好少畀喊面~今次真係唔畀唔得~真係頂佢唔住~

貪呢度有齊打冷 / 小菜 / 粥品 / 煲仔飯 滿足各同行貪濫性格鵝片好味片得薄，食落至唔會有渣雞潤粥加$10就可以變一窩豬潤煮得剛好，嫩滑雞件只怪香冰鮮雞存在，沒有鮮雞味道！炒麫差！沒味道，冰的！食發寶膠條咁窩蛋牛肉飯 & 羊腩飯waiter熟手勢幫我哋淋豉油 good焗一陣wow~~~~飯焦味陣陣撲鼻好好好好好好食3mins 冇晒P.S 碗筷一定要熱水洗過至用因為有嚴重漂水味同其中一位waiter反眏佢淨係俾一杯凍水我地洗五個人嘅碗筷搞到我哋要*偷水*洗

呢間餐廳由於佢既位置太偏僻，所以一般人去到旺角都唔會見到佢亦都唔會食佢，只有我呢d住係佢附近既人先會黎食，所以到現時位置呢間野既食評有 1/2 都係我寫既...哈哈今日由於太晏，所以媽咪煮唔切飯，我地都係落去樓下食就算啦，所以就黎左呢度。因為太肚餓啦，所以都係決定要小菜食飯，叫左個蝦仁炒蛋同埋八珍豆腐煲，份量勁多，所以我地係完全食唔哂，好彩有自己帶飯盒...可以拎返屋企。個蝦仁炒蛋好好食呀，d蛋唔算係好滑... 但都ok架啦，好有蛋味，而且d蝦好鬼大隻，連埋d蔥一齊食味道好夾。八珍豆腐煲勁多料，媽咪話好高膽固醇喎，有豬潤，豬腸，蝦，魷魚，草菇，豆腐等等，味道好濃，好似味精多左少少，但個豆腐幾好，因為清清地，中和返個味覺。佢d白飯好大碗.... 我食左半碗已經飽哂。不過今日佢個例湯個味道有d怪怪地，有d酸味，媽咪話可能佢D冬瓜有少少問題喎，講到我都唔係好夠膽飲，飲左幾啖就算。

今天由於下著大雨，又非常的趕時間，所以便在屋企附近求其吃個午餐便算了，想著便決定來新松園吧，反正有一段時間沒來了今天是第一次在這裡吃午餐呢，平時多數是吃晚飯的，來到有四五檯客人，不算太多，大概是天氣惡劣的關係吧這裡下午也有頗多東西吃呢，不同的茶餐和飯餐等，最後我們兩個人由於不慣太早吃東西，所以只叫了:揚州炒飯"勁足料既揚州炒飯，D火腿多到我啖啖飯都食到。佢個飯炒得好乾爽，一粒粒的，而且真係一滴油都難搵......平日好怕食炒飯個底見到好多油，但佢真係無呀，一D都唔油膩奶油多士"嘩，呢個多士唔平架，要$15，不過就幾好食就真，佢個多士好厚呀，雖然我鍾意薄D多D，烘左佢咬落去脆卜卜，加上奶油，d牛油溶哂落塊多士度，真係好味!呢度既制作真係一d都唔求其，價錢又唔貴，坐得都ok舒服，黎親食任何野好少食到難食的，希望佢唔好執啦!!! =P

大約8點去到見到黎間rest既門口好多人坐, 行近d原來室內仲有好多位. 我地叫左1. 香橙骨 - 其實無咩骨, 好多肉, d肉好tender好多汁. 不過個橙汁比較酸左小小.分量好夠, 正.2. 芥蘭炒肥牛- 估佢唔到有甘多牛肉, d牛肉片係有一個飯碗甘多, d 芥蘭好嫩好好食. 最得意係佢地用埋青椒及菠蘿去炒黎味菜.2味菜唔油唔多味精, 好值得讚.

今日要去旺角做野, 呢度門口又可以泊車, 所以就同個同事黎左呢度食飯..我地點左兩個餐share黎食.... 肉醬腸仔焗飯 ( $28 ) + 菜干白菜湯 + 凍檸水 ( +$2 ) =$31. 椒鹽豬排飯 ( $34 ) + 蓮藕湯 + 罐裝可樂 ( +$3 ) = $37 ....因為有湯飲, 所以要罐裝可樂拎走.. 如果飲凍飲就加 $2.... 肉醬腸仔焗飯 ( $28 ) + 菜干白菜湯 + 凍檸水 ( +$2 ) =$31 : 飯底係炒飯底, 唔會一pat pat, 仲炒得幾香, 肉醬係牛肉, d汁甜酸度適中, 腸仔都有兩個半條 , 好食..個菜干白菜湯都好好飲, 飲完都冇口渴~~凍檸水 ok啦.. 椒鹽豬排飯 ( $34 ) + 蓮藕湯 + 罐裝可樂 ( +$3 ) = $37 : 豬排炸得唔會太干, 食落都仲有肉汁, 有dd辣, 好香口, 白飯淋左dd... 蓮藕湯都係好夠火侯, good..整體都幾好食..會再食

哈哈這間食店...對上一次是我的食評今次繼續是我的大概這間店真的太偏僻了所以大家實在不會去呢~與媽媽兩個人來吃晚飯不太肚餓，所以叫了:一碗蠔仔肉碎粥咸蛋蒸肉餅他給了我們兩碗例湯媽媽說是 冬瓜淡菜蜜棗鴒煲瘦肉(其實也是看見這些湯料啦)很好喝，很足料，絕對不是味精湯 =)蠔仔肉碎粥:嘩....D蠔仔大到呢....真係超大隻!!!所以個湯勁有蠔味! 佢D蠔好肥美呀，又多汁.....不過都有食到一兩隻有少少腥...咸蛋蒸肉餅:唔駛等好耐就黎到啦。個似餅好滑....因為好似有頗多肥豬肉....不過真係好香，要黎送飯勁正....哈哈唔知再下一篇會唔會都仲係得我寫呢?