影片
更多
2010-11-24
55 浏览
早一排师傅同几个好友把酒言欢, 虽然期间又饮又食, 但师傅始终唔多够皮, 于是散左之后就决定揾个宵夜吃, 边行边谂; 突然间师傅记起呢间食店好似愈夜就愈美丽, 愈夜就愈旺场, 反正又未试过就决定试一试啦!入到去食店, 店内唔多食客, 反而外边就大把, 皆因坐露天可煲烟, 而师傅由于唔烟得, 所以梗系坐里面稳阵啦! 坐底后即刻睇下有咩食, 师傅饮到大大地, 味觉或多或少都会有影响, 所以呢个时候叫常餐应该系最保险, 就拣左个常餐! 常餐有方包, 师傅将方包改为多士, 仲有火腿奄列, 沙爹牛肉公仔面, 餐饮就拣左冻柠茶!呢款常餐最好就系唔使等太耐, 拿拿声食完可以返归训觉, 所以师傅好方就有得食, 多士都几脆几香口, 但冇咩牛油, 如果多少少牛油会更香口; 火腿奄列就比较干身, 煎得比较就, 不过油多都正常, 皆因冇咁易 “痴镬”, 餐茶厅系咁上下啦; 而火腿丝嘅份量都几多, 所以味道不错; 沙爹牛肉公仔面反而比较令师傅失望, 皆因汤底都几咸, 沙爹味唔香, 可幸系牛肉份量都几多, 而且松身唔韧, 所以沙爹牛肉尚可, 不过个公仔面就差, 最主要原因系煮唔腍, 仲硬硬地好似未煮熟咁, 令到公
入到去食店, 店内唔多食客, 反而外边就大把, 皆因坐露天可煲烟, 而师傅由于唔烟得, 所以梗系坐里面稳阵啦! 坐底后即刻睇下有咩食, 师傅饮到大大地, 味觉或多或少都会有影响, 所以呢个时候叫常餐应该系最保险, 就拣左个常餐! 常餐有方包, 师傅将方包改为多士, 仲有火腿奄列, 沙爹牛肉公仔面, 餐饮就拣左冻柠茶!
呢款常餐最好就系唔使等太耐, 拿拿声食完可以返归训觉, 所以师傅好方就有得食, 多士都几脆几香口, 但冇咩牛油, 如果多少少牛油会更香口; 火腿奄列就比较干身, 煎得比较就, 不过油多都正常, 皆因冇咁易 “痴镬”, 餐茶厅系咁上下啦; 而火腿丝嘅份量都几多, 所以味道不错; 沙爹牛肉公仔面反而比较令师傅失望, 皆因汤底都几咸, 沙爹味唔香, 可幸系牛肉份量都几多, 而且松身唔韧, 所以沙爹牛肉尚可, 不过个公仔面就差, 最主要原因系煮唔腍, 仲硬硬地好似未煮熟咁, 令到公仔面口感其差, 师傅食到一半都冇食了; 最后冻柠茶系普普通通, 一般水准冇大惊喜!
总括黎讲常餐水准一般, 环境清洁干净, 服务亦可, 价钱都相宜, 埋单二十七蚊, 比师傅觉得平左, 系咪收少左师傅都唔敢肯定, 皆因真系饮到大大地! 记得上次师傅见到佢地嘅小炒好似几得, 所以有机会都想试下, 虽然呢间食店系愈夜就愈美, 但是次笑脸未能一比, 不过机会仍是有的!
张贴
