新牛屋餐廳 (已結業)

如本一心諗住搵間餐廳坐低食飯，打開門先知係一間bar，真係估唔到！入到去都幾嘈，因為咁岩有兩檯玩“six”，而且咁岩我又係坐佢地隔離，所以根本唔可以同我朋友坐低傾計！食物方面，set dinner既價錢，有番咁上下份量，都算抵食，不過我就覺得d野食咸左d，食完之後都好thristy，或者佢始終係一間bar，所以佢d小食可能會好d，不過試過一次都未必會再去。

呢度其實之前黎食過幾次，但因為懶既關係，都無寫到，但應該短期內唔會再去食lu第1次黎呢度，已經係大約半年前既事，係因為男友介紹，話呢度d牛扒ok，價錢又唔貴，所以黎試下，之後就間唔中會黎食一次上星期5，有野要過油麻地，所以之後黎左呢度食對上一次黎食，已經覺得無以前咁好，份量好明顯少左，所以今次再去，比多次機會試下星期5，基本上好多人，所以比左個角落頭位，咁岩又開始左台慶，睇電視既睇電視，傾計既傾計我同我男友2個都order左牛扒意粉餐，7成熟，上次唔夠食，所以今次問佢可唔可以多少少意粉，之後佢話要加2蚊，無問題丫先黎個餐湯，我地2個都叫左羅宋湯，同之前一樣，有少少辣，又有d牛肉粒之後黎左個蒜蓉包，夠熱，因為佢會整返熱，都ok既，唔會話淋，都脆既，所以趁熱食跟住佢黎左個小食 --- 春卷，之前次次黎食，都覺得佢炸得幾香，可能雖然係叫貨既，但起碼佢炸得好食，但今次一食，點解無之前咁脆既，無咁好食既可能一時失手啦之後等左一陣，就黎左2個意粉餐，佢真係多左意粉比我地囉，份量其實同初初黎食既差不多，牛扒同之前一樣好食，但唔知點解我果碟意粉太淋，試左男友果碟，佢果碟又岩岩好wor不過因為太餓既關係

其實中學時代巳經知道依間餐廳,但一路都無去食過,十年後既今日,男友提議下就到此一會,入到去裝修好老英式酒吧feel,d燈好暗,可能有d人覺得有特色,但我不懂欣賞我地兩個人食左:生蠔--食左蘇格蘭($28)同加拿大($30)既,每款2隻,都ok喎,幾甜幾鮮加拿大海胆一份...比上次係土瓜灣一間蠔吧食過既無咁鮮...今次麻麻地鵝肝--煎得唔夠脆,淋身既,底既法包亦唔脆焗青口--不過不失西冷--男友要4成熟,太生所以我無試...Hoegaarden啤酒一杯埋單$5xx,唔太貴,可以接受既...見佢menu都幾多野食,下次會再去試下

很久沒光顧這類西式餐廳，令我想起中學...巧合地餐廳名有個“新”同很近一間只差一個字午餐有四款，A-D，當日我選的是B蒜汁魚柳跟薯菜，其實跟飯才是我首選可是當日吃了兩次早餐，到中午12:30 實在不能吃飯了才選薯菜並可期待食薯條。羅宗湯或忌廉湯: 羅宗湯有點辣味，好味道! 湯底看似夠濃但一飲之下蕃茄味不夠濃，可能是被辣味蓋過了吧餐包:熱熱的放在籃上，熱騰騰的，要快快食否則冷氣吹冷了就唔食，令我想起中學時期到西餐廳食西餐的那個餐包，相信是本港最大麵包供應商提供的吧主菜: 蒜容龍鯏柳: 蒜容汁蒜容少而橙色的應該是加入了少許茄汁，印象中是較黃色的，麵粉炸皮太厚了，同魚的比例幾乎是1比1，起皮食才發覺魚完全無味可言，全靠蒜容汁和炸麵粉皮的味道薯菜有炸薯條無什麼特別不吃不夠飽唯有吃掉芥茉雞拱意粉: 起初聽芥茉以為會是黃帶青綠色的，但上台一看這所謂芥茉像極茄汁，芥茉汁有芥茉辣味，雞扒不過不失，伴意粉最夾餐飲: 咖啡很苦味，奇奇奇很奇怪，難飲 奶茶本人覺得茶味淡奶味夠，若茶味濃多些少就好了，即以一杯茶份量計再加多1/5 茶的濃度應該完美了埋單每位 $35無加一

放左學來呢度食...叫左蒜蓉汁龍脷柳配飯+芥茉雞扒配意粉,都係要紅湯個湯都幾好飲,辣辣地咁,龍脷少少雪味啦...雞扒幾好,飯較少個度暗暗地都幾好架...waitress態度麻麻啦,有待改善

星期日和男友去左敦食晚餐,選擇這餐廳最初原因是因為價錢唔貴,門口棟了set dinner 的餐牌$53就可以据扒,所以便內進試試.~店內黑漆漆的,很有酒吧feel, 每張都點有燭光,氣氛算不錯,七點鐘店內不算多人, 只有3-4食客. 其實店內餐牌食物算多, 但我們還是點了set dinner: 一份黑椒牛扒和一份白汁魚柳, 此外叫兩客set dinner 有一款免費小食---春卷. 食物味道一般, 不過勝在即叫即做, 熱餐湯點了紅湯, 蕃茄味濃, 但喝一兩口後有點辣, 餐包是法式蒜蓉包,配紅湯一起吃很好, 春卷是即炸的, 脆pop pop, 但入面是什麼料則吃不出 至於正餐, 男友說牛扒不錯, 但我的白汁魚柳,白汁很咸, 而魚柳沒有調味, 並不太好食, 反之跟餐的薯菜做得好好味, 是薯皮不是薯條, 而且食得出是即炸的, 頓覺這餐是不錯的^o^

朋友Y今次帶我去呢間新牛屋食扒*一開始緊係羅宋湯or忌廉湯啦我要左羅宋湯幾辣下/口\但係又幾香幾好飲最好味係個薯蓉田螺超好味!!!!蒜蓉包就好香不過唔夠硬身而春卷就淡左d一定要加埋茄汁就好味好多＝)我叫左布袋牛柳frd好似叫左叫左西冷ok呀幾唔錯*不過如果無人食煙咁就perfect喇^^

中午想食西餐，上次試了牛屋，今次便去附近的新牛屋試試。入去覺得間隔同牛屋的十分相似，都是少少黑，有點酒巴feel的。點了set lunch，沙爹金菇雞扒、薯菜、羅宋湯和餐包，好快便上湯，少少濃，少少酸，整體都算不錯，但就是沒有加了牛腩那種的甜味。餐包沒有什麼特別，但就烤了一會，入口脆脆的，比未經處理的好。至於主菜雞扒，上來時已經幾乎找不到金菇，別說食的時候了，只可見大量的菜。沙爹汁方面就太稀了，說真的，食完都不知道有沙爹味，這是比較可惜的事。雞扒是用雞腿，大大隻，肉質極軟和『林』，相信膠刀都可以把它切開。可能有人會認為它太『林』，不過我就覺得它不錯，如果汁濃一點會更好。Set lunch附有飲品，份量都不少的，但是總覺得牛屋食的比較好味。

早幾日帶左女友黎左呢度食晚餐, 因為唔知去邊度食野好同埋記得呢度d野食唔差, 所以決定試試! 不過去到去門口, 都係睇下個餐牌先, 見個晚餐都好似幾食, 咁仲有波睇, 仲要係紅魔鬼添, 咁好配搭, 決定入去!入到去人唔多, 所以有好多位, 咪搵一張可以方便睇到波! 招呼都幾好, 環境就似酒吧多過似餐廳, 不過氣氛都可以, 係d位就逼少少! 跟住叫左兩個晚餐, 一個係黑椒西冷, 一個係丹麥雞扒!食西餐照例係食飽同飲餐湯先, 麵包係蒜蓉包, 之前係唔知, 有少少喜出望外, 蒜蓉包都夠熱夠脆, 蒜蓉不多不少好, 好香好味; 餐湯係白湯, 有磨菇同埋粟米, d料幾足, 不過咸左d; 主菜就係黑椒西冷配意粉同埋丹麥雞扒配白飯, 黑椒西冷差唔多六成熟, 肉質都幾好, 夠香夠鬆; 丹麥雞扒就差少少, d雞扒唔得滑, 但都算煎得香, 可以啦; 但係黑椒汁就差少少, 唔算香同唔算辣! 不過睇見紅魔鬼贏波, 加埋d野食唔差, 總括黎講我都覺得可以接受, 下次timing再黎睇下波食下飯都唔錯架! 埋單$120連貼士, 睇波兼食飯, 雙料娛樂, 抵玩!

早幾日帶左女友黎左呢度食晚餐, 因為唔知去邊度食野好同埋記得呢度d野食唔差, 所以決定試試! 不過去到去門口, 都係睇下個餐牌先, 見個晚餐都好似幾食, 咁仲有波睇, 仲要係紅魔鬼添, 咁好配搭, 決定入去!入到去人唔多, 所以有好多位, 咪搵一張可以方便睇到波! 招呼都幾好, 環境就似酒吧多過似餐廳, 不過氣氛都可以, 係d位就逼少少! 跟住叫左兩個晚餐, 一個係黑椒西冷, 一個係丹麥雞扒!食西餐照例係食飽同飲餐湯先, 麵包係蒜蓉包, 之前係唔知, 有少少喜出望外, 蒜蓉包都夠熱夠脆, 蒜蓉不多不少好, 好香好味; 餐湯係白湯, 有磨菇同埋粟米, d料幾足, 不過咸左d; 主菜就係黑椒西冷配意粉同埋丹麥雞扒配白飯, 黑椒西冷差唔多六成熟, 肉質都幾好, 夠香夠鬆; 丹麥雞扒就差少少, d雞扒唔得滑, 但都算煎得香, 可以啦; 但係黑椒汁就差少少, 唔算香同唔算辣! 不過睇見紅魔鬼贏波, 加埋d野食唔差, 總括黎講我都覺得可以接受, 下次timing再黎睇下波食下飯都唔錯架! 埋單$120連貼士, 睇波兼食飯, 雙料娛樂, 抵玩!

今日同男朋友去佐敦食lunch。想試新食肆, 想起上次食咖哩王時隔壁的牛屋幾吸引, 於是特地一試。門口絕對望唔到裡面係點樣的, 入到去至知裡面迫到嘔, 塵位間格密麻麻, 一大陣味焗住o係入面, 麻麻地。落單的男侍應是新來的, 慢得交關之餘不熟悉餐牌, 落一張單要我重覆幾十次, 其他檯的女仕都有此等情況, 哈, 可能女仕比較無耐性啦。叫左個蒜蓉牛扒拼薯菜同香橙豬扒配飯(男侍應仲問我個蒜蓉牛扒係咪要黑椒汁喎, 我跟住個餐牌叫架咋喎), 兩個餐的汁都一味死鹹, 味道可謂無厘特色。豬扒是一塊充滿雪味的有骨肉, 還帶著陣陣加工味, 飯更加少得可憐, 反而鹹得要死的汁就多多都有。牛扒中心還生的, 坦白講, 對quality低的牛肉, 不太喜歡吃生的。味道方面相信都唔使問啦。唯一優點是薯條份量都幾多, 薯條亦無不好吃的道理。檯頭枝茄汁得一成滿, 倒唔出的, 叫男侍應換過, 換來一枝兩成滿的。枝茄汁拎上手仲痴立立, 哈哈!快快吃完快快閃人為上著。

午餐$30, 凍飲+$2, 埋單加一total $35. 叫左個蒜茸汁龍利魚配飯, 先上餐湯同麵包, 紅湯好夠份量. 但個主菜就好少白飯, 龍利魚仲多過d 飯, 所以之後叫侍應黎加飯. 個蒜茸汁龍利魚好重蒜茸味, 亦煎得幾香.

我多吃中午(因為都幾平)$30-40左右佢\D份量,成日唔同,有時少到暈根本唔夠飽(女仔就可能夠)上次佢\比錯D汁我地都唔換過份

我都推薦佢地既布袋牛柳,的確唔錯,值得一試

近排去過一次牛屋(東昇)，發覺來了批生蜆order o左兩隻蜆同兩隻蠔同招牌扒布袋牛柳發現ｄ蜆有ｄ似北寄貝，但係比北寄貝鮮味生蠔保持水準，全部都係新鮮開，原來ｄ蠔都有分咸同甜味，幾得意，好過去buffet 食" 死蠔”