新福星潮州打冷火鍋菜館

营业中

休息中

以前入元朗打冷都係食開潮豐今次試吓隔離依間新福星我個元朗fd過依間仲好食過潮豐咁就試試 睇吓係咪位係好似好坐啲既食就都係咁可能期望愈大 失望愈大又唔係唔好食 咪一般般囉冇以前潮豐好食不過我都好鬼多年冇去唔知依家仲keep唔keep到一開頭碟烏頭就麻麻地冇乜黃油 唔係好滑 味道一般可以唔叫都得炒豆苗就好少炒得唔好食既依碟冇過火 唔老 幾好食 正常發揮碟鹵水鵝件就正正常常 唔算滑 唔係好多肉 唔似係獅頭鵝椒鹽骨就幾大碟下 又係正常小炒 不過不失不過成餐就幾抵食下印象中3個人食三百蚊左右不過食唔落蠔餅 要試埋個蠔餅先分到高下

平均一個月都會黎一兩次，份量多，又夠味道，今次簡單d叫左一個餸 . 油鹽水花甲，有絲瓜 大花甲 粉絲 份量都好足 其實一個人食會超飽 再飲埋d湯 可以飯都唔駛叫 個湯清甜帶小小胡椒味 讚

一家三口平均每星期去1-2次，次次都係叫我哋過隔離房又冇窗又迫，我同2位老人家坐最後張細檯，今次叫蠔餅份量多次次都食唔晒咁滯/蠔仔粥一鍋足料/鵝片拼大腸暖暖哋上檯送可樂一流/炒花甲（炒花甲雖然大隻又多但好多沙），之前仲叫過瀨尿蝦比較細隻味道夠鑊氣，椒鹽鮮魷都好多舊最慘突然間食食吓整間房煙霧彌漫，原來門口入嚟張檯有3個男人抽煙，因為老人家有氣管敏感，我哋叫侍應可唔可以請佢整熄枝煙或者出去行遠啲食，眼見侍應行2轉想冇叫，我再問同一個問題，佢話唔方便叫！我哋即刻埋單！以後都唔會再去了！真係好失望，明明室內禁煙，點解好似我哋先有問題。

呢2日要執屋，因為請咗印傭，要準備好房間。舅仔及佢朋友都有過來幫手，執到夜晚大家都想叫外賣送來，慳番啲時間，就決定食新福星。4個人都叫咗唔少的小菜：- 咕嚕肉, 好味但份量可以多番啲- 魚香茄子煲, 唔會太咸，茄子都算多- 瑤柱肉碎蠔仔粥, OK, 蠔仔的份量雖然唔多，但味道取勝- 韭菜豬紅, OK- 啫啫時菜煲, 夠惹味- 沙嗲金菇肥牛煲 - 好味，材料多，推介- 潮州煎蠔仔餅, 呢款小菜好一般除蠔仔餅外，食品大致上都美味。可能稍為落得過多，最後好努力先清晒。

滷水拼盤都幾大份，紅腸就有啲切到有啲簿，不過送酒一流韭菜豬紅韭菜都幾多，豬血就唔係一夾就散失敗中既失敗嗰隻，都幾有口感豆豉鯪魚炒油麥菜喱個咸咗少少，不過油麥菜幾入味，加埋啲汁撈飯好食京都肉排喱個係最失望嘅，佢個汁一般，不過啲肉出事喇，啲肉好乾，唔係好咬得開蠔餅喱個都係送酒菜，喱個新鮮炸起，熱辣辣，蠔仔份量算係咁，落埋椒鹽粉又唔會太咸，點少少魚露又岩岩好環境今次坐室內，環境又唔會好污糟，又有冷氣。不過最主要食大牌檔都係同一班朋友一齊食，先有氣氛

《🍻宵夜記》～ 喜歡大排檔風味，小炒有鑊氣，可是，天氣有啲熱🥵，唯有揀間有冷氣有室內位置的打冷店，反正都有小炒配啤酒🍻 ～放鬆一下。2個人宵夜，係咁易叫2碟，飲吓啤酒🍻就算🤗豉椒炒花甲 ～ 一心諗住叫炒蜆，點知售罄😑，變咗花甲😌，味道當然唔錯👍🏻，有鑊氣，香噴噴，只是價錢當然貴啲🤑滷水雙併 ～ 梗係揀咗我最鍾意食嘅紅腸啦，配豬頸肉，因為無得併鵝片😆，份量唔算少喎，送啤酒🍻一流😋店舖仲有其他小炒，餸菜，下次可以試埋😋

蠔仔粥 （細）$68蠔仔好乾淨，好鮮甜，肉碎，紫菜，蔥粒等材料份量好足，令整個粥都很鮮甜，不停想吃。生腸、豬耳、鴨翼 滷水三拼$118生腸好爽口，豬耳、鴨翼好入味，加埋佢有啲花生豆腐墊底，真的很滿足。

朋友聚會，食餐好！ 今日入到元朗都唔知有乜好食，好彩有元朗友介紹返本地打冷店， 食好西都係有人介紹至安全😂 食咗勁多嘢，但以下菜式特別推介返～ 真係好鬼出色🥰🥰🥰🥰 鹵水鵝片拼盤 好味而且鹵水種類多，仲有朋友至中意食的紅腸 😂😂😂 煎蠔餅 口味唔會太咸又香脆 金銀蛋菠菜 勁大碟，唔會太咸 韭菜猪红 老闆娘推薦！ 油浸筍殼魚 好耐冇食過油浸筍殼，呢度整得外脆內軟 😍 蒜蓉蒸扇貝 大大大大大大大大大扇貝！加多兩枝啤酒， 食到飽飽好滿足

好耐無食潮州打冷，今日去開元朗，聽聞元朗都有好多非連鎖餐廳既食店。車經過見到呢間「新福星」門面幾乾淨，食物賣相及價錢似乎都可以，今晚就食潮州嘢啦😁叫左唔算好多嘢，共四個餸，但兩人都食到幾飽😃。四個餸之中，最正既係油浸筍殼魚，熱辣辣上檯，一夾食落口😬魚肉好滑😋。蠔仔粥都係夠料夠味，二人都有兩三碗🙂。另外兩樣係潮州滷水拼盤以及煎蠔餅🤩。我覺得滷水拼盤就一般味道，而蠔餅嘅蠔仔都算大粒，尚算抵食！其實食潮州嘢最鍾意除咗啲餸之外就係潮州辣椒同埋啲漲了飲埋啤酒就絕配！

我同朋友心血來潮想打冷，就揀左哩間，第一次去。嘟完針卡，就叫我地去隔離舖上樓坐，條樓梯又窄又直，要好小心行。上到去，感覺好似密室咁，冇窗，好多人大大聲聲在吹水，各種回音焗住一間房，好嘈。。我同朋友坐近出口的細枱，還好，可以將就一下。。叫左滷水拼盤，炸鯪魚球。。滷水拼上枱時是暖的，不錯，肉也很軟很入味。炸鯪魚球是新鮮即炸，睇到佢漲卜卜上菜，慢慢縮番，食落熱到辣口，好味。。。但最後都一樣啦，返到屋企又要狂飲水。。

Despite the not big space, this restaurant offers quite yummy cuisines. Highly recommend 黃油烏頭($140)、潮州鵝拼盤($140)etc. It is because they are really 入味!!!Yet, the price may be a bit higher than the similar restaurant.

新福星都係元朗其中一間潮州打冷老字號，個條街其實都有幾間類似嘅店舖。閒日夜晚唔洗拎位，店員態度都幾好，我地等埋朋友先再落單都冇唔耐煩(非週末旺場日子)。款式都多，小菜、小炒、煲、火鍋都有。🔸韮菜豬紅 $60★★★☆☆豬紅爽滑，質感幾好，但係個味道唔夠！豬紅本身冇咩味似冇醃過或用鹽水浸，再加上個汁都唔算好濃，令到成件事唔太夠味！但份量幾多下，唔會得韮菜多豬紅少，抵食。🔸滷水鴨片拼盤 $158★★★☆☆拼盤有紅腸、鵝腎、生腸、豬粉腸、豬脷、豬耳、花生、豆腐，幾豐盛咩都有啲咁，滷水鴨肉質軟腍，唔會太鞋，但整體個滷水汁唔算特別濃同出，冇花椒、八角香味。其他野食都係新鮮正正常常，真係差在個滷水味，如果呢個價錢加上潮州舖會期望佢個味道更好。🔸豉汁炒肥鵝腸 $88★★★★☆鵝腸份量多，夠哂爽脆，食落「索索」聲，洗得乾淨冇異味。每條鵝腸都好均勻地沾上豉汁，食落好惹味，加埋有三色椒、洋蔥一齊炒，又有鑊氣，正！🔸炸蠔仔餅(細) $68★★★★☆叫左細份，但上枱都係好大一份，有兩大塊。即叫即炸，包保夠哂香脆。蠔仔正常大細，冇咩腥味同冇沙，分佈算平均，唔會有一忽正係得炸粉，炸粉亦唔會太厚，都唔錯。熱食好正！🔸

當晚家人想吃久違的潮州打冷，於是又來這裏。我們共點了5道菜。上湯金銀蛋時菜味道不錯，不過鹹蛋略嫌沒有香味。時菜吸了湯底味道，吃後有一點點口渴。黃油烏頭外皮用鹽醃過，內裏略為偏咸一點，不過魚肉很滑，黃油油脂很香，若配上潮州粥，會更不錯。韮菜豬紅方面，味道不過不失，豬紅尚算入味，但整體一般。沙嗲金菇肥牛煲，味道方面沒有太大問題，只是略嫌肥牛煲醬汁太多，可炒得乾身一點。滷水鵝片拼盤，滷水汁不夠香，鵝片肉質教老，下面配料未能吸收滷水汁的香味，較為失色。

黎到元朗，就試下地道潮州打冷。原來打冷配清酒都唔錯，大眼雞魚都okay, 本身我麻麻地打冷，唔太中意食凍魚，熱豬腳仔都okay, 豬紅都唔錯。蠔餅好多酒，但都幾脆魚好咸好多骨

今日同朋友們去咗元朗行山 行完佢帶咗我呢千色廣場後面嘅呢條食街 見到呢間潮州菜館非常多人於是就入去食下啦呢間新福星潮州打冷火鍋菜館 地方光猛 而且餐牌價錢寫得實實在在 十分均真豉椒炒蜆 十分考師傅工價 炒得夠唔夠鑊氣就係睇佢 炒蜆惹味微辣 用嘅汁料同蜆都好好食蜆肉大粒粒粒飽滿 食落鮮甜 冇沙好重要潮式蠔仔粥(大) 兩個人叫咗大有少少後悔 因為真係超級大兜幾乎食唔曬 入面水同米嘅份量掌握得好好 米冧身得嚟夠粒粒分明 入面再加上惹味配菜同埋超大粒嘅圓碌碌蠔仔 成碗粥鮮甜無比 好有風味