新翠雅茶餐廳

营业中

休息中

收工之後太肚餓就去咗附近一間餐廳，呢度喺正地鐵站隔離，食完可以快啲返屋企！始終今日OT完之後都好攰正常茶餐廳餐牌，怕有嘅我都知可能會好多嘢唔啱食 但係冇辦法啦 要大家一齊選擇我諗住嗌個雜菜煲，一定冇死 點知都好多油，呢間餐廳好似比正常嘅茶餐廳仲要多油不過餐廳人幾有親切感 環境就都係麻麻哋乾淨㗎 有分男女廁，不過個廁所都不是太乾淨，而且好似唔係好有廁所水呢個應該係海鮮豆腐煲，上咗幾個枱之後我哋開始分唔清 發現佢好似所有嘢都係將啲材料炒埋一碟， 因為佢主要都係有少少海鮮蝦，魷魚 同埋一啲豬嘅內臟，譬如豬肚同埋豬潤 雜菜煲就係有多少少先有吧同埋有粉絲 就太油膩！小炒王反而幾出色 呢味餸一定係油啦 不過好香口啲腰果勁脆椒鹽燒魷都幾大嚿 薯仔牛柳粒好油嘅都正常因為呢間嘢嘅特色但係呢間 有啲同事就話重手咗少少有啲甜 但係我就覺得唔會啦 因為我都鍾意食甜嘅餸整體而言都算服務充足

天氣凍凍地梗系去打翻個羊肉煲，舊年已經去東大街食過一次，覺得回味無窮。今年繼續~ 黃金蝦：酥脆金黃，咸蛋黃味十足，食材新鮮彈牙。 沙拉骨：分量大，沙拉汁酸甜適中，肉質偏少，唔會有太油膩既感覺，適合小朋友摞離食飯。 脆皮炸大腸：大腸洗得好乾淨，炸得好脆，而且醃制得好入味，食得放心 黑松露帶子煎米：米粉炸到金黃香脆，醬汁用料多。 煲仔飯（臘味）：惹味非常，尤其我最喜歡既飯焦，金金黃黃。 羊腩煲：羊腩鮮香軟糯，每一塊都裹滿佐湯汁，一啖落去肥而不膩，齒頰留香，再食埋靈魂支竹同蘿蔔，吸收曬所有醬汁同羊腩既精華，真系欲罷不能。 豉汁蒸白鱔：肉質爽嫩細膩，有陳皮香氣，豉汁香濃入味環境：大排檔風味，非常接地氣。服務態度好，餐廳寬趟，位置多。如果不怕冬天大風，還可以坐餐廳外面更有風味。

昨天買咗個外賣五六個餸全部都好難食大家樂都不如，未食過咁難食嘅生炒排骨自己煮都好食過佢，唔會再有下一次送都唔食。全部都係骨又淋，蠔餅全部都係粉。鵝腸就洋蔥青椒多好少鵝腸

三五知己食晚飯，平日係筲箕灣都冇留意到呢間餐廳！見佢有煲仔飯，於是去試下，估佢唔到好好食！見佢都都幾多人去食架，一試就比佢吸引住連佢啲小菜都一流！我地最喜歡佢既黃金魷魚，正得好好食🤤

成日聽到人地話筲箕灣東大街既小食好味，有幾多個人知道東大街其實仲有好多唔同既小店，而我會推介一間好有地道特色既大排檔。講得大排檔當然個環境一定係嘈雜，好彩既係大排檔入面係有冷氣既，咁先食得更舒服，我地當日叫左3碟餸，碟碟都清👍🏻真係不得不讚，係幾有鑊氣📍蜜椒牛仔骨 $98味道都係比較重口味同濃，如果大家鐘意重口味就可以試下呢道菜，而我就覺得偏鹹，食完要配飯先可以中和下個味道📍椒鹽鮮魷 $88呢道菜都比較出色，而且份量多，令我不停食，鮮魷炸得好脆口，而且有口感。📍沙礓雞腳 我見每一台客人都有叫，我都叫一份，果然係冇介紹錯👍🏻雞腳好入味，而且都好多份量

今個星期下雨不停,難得夜晚開始細雨就出去搵食.成日去東大街食野,有時經過呢間店都見到好多人幫襯.因為冬天有時店外都擺幾張枱,一早已經有想入去試食既念法今日難得唔算多人,就入去試下,的確好多熟客.而我簡單點左幾味小菜.第一味係椒聯鮮魷, 味道不過不失接住落黎, 點左碟薯仔牛柳粒,但係我發現上到菜時個啲牛並唔係牛柳粒....唔同我傳統出去食一舊正方型既牛肉粒. 不過味道都可以,只係牛肉有點少而且並非牛柳粒既傳統形狀豉椒炒蜆就完全冇咩特別.最後豉油王炒麵作結,呢舍炒麵略為濕,我個人意見,呢間店並非想像中咁好食,份量較細,價錢較貴, 以呢個價錢一碟小菜,其實同酒樓差唔多.總括而言,試過就算.

冬天到就緊係要去食羊腩煲啦！約埋三知己一齊食，夠晒溫馨😍羊肉煲（內附枝竹，馬蹄）我自己食羊肉煲「羊肉」並不是我的主菜，主菜反而是「支竹，，蔥段和生菜」，因為炆羊肉既汁十分濃郁，美味，配料吸晒啲汁，簡直好似吸晒所有既精華咁。不過這間餐廳的羊肉不是太多，我們4人去食，羊肉不是太夠食。但味道不錯！沒有羊肉很「騷」既味道，肉質柔嫩，軟稔稔。good!Order羊肉煲會附送一碟生菜。這裡的煲仔飯，也很有名的哦！(可以另加臘腸或潤腸）不過沒有太多飯焦的。椒鹽九肚魚好味，好夠熱，不會食落有大舊炸粉的感覺。建議加一兩粒辣椒絲加埋一起炒，味道會更香濃和野味！

好多人呀又限時 不過訂枱前講明ok啦 一行四大一細 叫左四個小菜同一個豉油皇炒麵 我地選左檸蜜牛仔骨 起初都覺得好似唔夾咁點知食落喜出望外 另一個餸係平時唔太食雞亦嘅mama同表弟婦竟然話叫腰果蜜脆雞亦出奇既甜脆惹味 另外更係試下我最愛嘅粟米班塊啦 last 叫埋北菇生菜鴨掌 係地方較迫 大部份係熟客 聽講可自攜海鮮處理 下次了解再報告吧

好奇怪，呢間舖已經幫襯過好幾次，幾好食，但食評小得可憐…今次又同屋企人黎光顧，一行4人…由於有人訂枱，坐低限食90mins………但係呢間野手快腳快，45MIN都食完啦。大排檔式經營，大家就唔好講衛生同服務啦！生炒骨係我最愛小菜之一，基本做中菜既都有做，但要炸得好就唔係間間得，兼且好多地方要香口兼慳皮，一係粉多過骨，一係肥肉多，瘦肉少！呢間D肉排2成肥、8成瘦，茄汁唔太酸，味道岩岩好，正！排骨滑雞煲仔飯, 天寒地凍，煲仔飯肉多過飯，雞肉香滑，排骨得兩舊，未食清楚。飯粒乾身，吸收左雞味，開胃！不過想食飯焦就無啦…唯一投訴就係少左少少飯，唔夠皮。琵琶豆腐，外皮香脆，份量唔少，白菜墊底，但係個稠汁就真係好鼻涕下…砂鍋魚頭，大牌檔，都唔會慢慢執碼，唔好彩，呢鍋無咩魚肉食，燒肉多過魚肉…不過反而配角豆腐好香好滑又好食，補補數。上湯豆苗正路，無咩值得寫…不過竹笙好多，唔錯！其實早兩次黎食海鮮，都好正，可以街市買完帶黎整，手勢唔錯。

充滿地茂feel的茶餐廳，比大排檔舒服少少蝦米粉絲蒸水蛋：由於太好吃的關係，吃了一大半才發覺沒有拍照 好多蝦米好足料，水蛋很滑，再配上粉絲和甜豉油 蜜汁黑椒牛仔骨：上桌的時候已經聞到很香的蜜糖味，加上粒粒的腰果（吃了很多才拍的），牛仔骨是甜甜的，不會很韌啫啫通菜煲：通菜炒得很爽口，另外就是份量非常多，加上椒絲和小蝦干，十分惹味！沙薑雞腳：唯一敗筆，雞腳沒有沙薑味，雖然份量也是很多，但等了差不多４０分鐘才上桌（最後一道），我不明白為什麼要這麼久？難道沙薑雞腳是現叫現做的？

十二月下旬‧晴這不是新餐廳了吧？不過見Openrice加了新紀錄，又寫個簡短的食評啦。在這裡搞飯局，原本不參與其中的，不過臨時決定也來趁趁熱鬧。五款煲仔飯，幾款煲仔菜，際此寒冬，實在令人吃得無比受用。羊腩煲就是人人都喜歡的吧？汁底濃，所以務必要滾起後立即先吃羊腩件。羊腩沒有什麼羶味，但肉質軟熟可口，不錯。再放生菜，此時汁底會再杰身一點。跟索滿了醬汁的腐竹及馬蹄等同吃，能不好吃？是痛快的一局。