新聯豐粉麵家

营业中

休息中

11/9( 五) 8pm深井之旅暫告一段落.黃昏時份,坐公車重返市區.晚飯時間,胃納看來仍容不了重型食物,隨意蕩入位於十字街頭的"新聯豐".我倆要了淨水餃$18及鯪魚球粥$20作晚餐.鯪魚球粥--粥底一如概往的綿身,味精輕度,而不圓滿的球體鯪魚富陳皮香,魚肉彈牙,原味不賴.淨水餃--一碗六隻,薄皮的水餃稍稍黏口,鮮蝦木耳豬肉餡則食味尚合意.儘管不能跟彼岸的劉森記同日而語,畢竟水準著實不容看輕...

新聯豐呢個名，係深水埗冇人唔識既一間小店...劉x記出名，因為佢有明星光顧...雖然呢度冇明星出沒，但呢度既粥粉麵，好多人都係由細路仔食到做左老豆...講返食物，我一個星期起碼都有一兩日來食~雲吞麵係首選 - 唔敢講佢係最好，但係已經好過好多旺角的大店子豬潤 - 粉嫩而爽口，新鮮冇血水生滾粥 - 味精一定有，但用料新鮮份量足黑栢葉/鵝腸 - 食到厭左，可以轉吓口味食呢個，爽口彈牙咖哩魚蛋/八爪魚(怪獸) - 係好好既餐前小食，味道好之餘，八爪魚質地真係熟得岩岩好椰汁 - 新鮮做，夜左就賣晒呢度惟一唔好就係撈麵，係梘水味比較重~Overall價錢味道同埋份量，我行完旺角都會返來呢度食~

因為係附近返工, 所以成日都會去哩頭食lunch劉森記去過兩三次, 但每次都覺得又貴又唔好食返而新聯豐就會成日去~而且每次都係食炸醬面 (除左無哂炸醬要叫第二d )新聯豐ge炸醬唔太辣, 但很惹味肉條唔會太多肥膏$18 一碗唔算貴會繼續支持

2009年04月18日，17:20在深水完成所有購物目標。回家前先到這老牌麵店，要了牛筋麵，麵極速到位。嘩！牛筋好粗壯啊！有"腳趾公"般粗湯底清中帶獨特的鹵水味，不會有過濃和混濁的感覺。店雖不標榜麵的質量，但麵底確是好清爽，不帶鹼水味，也許是湯底蓋過了一切。牛筋口感一流，腍、滑、彈，像在吃蒸軟了的阿膠。牛筋外，還發現了兩小件牛腩，食味豐滿、甘膩吃完這碗麵，好滿足，蛇王芬的不快，一掃而空。廿年前已到這店吃麵，當時附近食店不算太多，周記仍是街檔。起初祇賣麵食，後期才賣魚彈、墨魚等小食，她的辣汁亦是一絕。題外話：深圳公司是街鋪，經常有人誤當做大廈入口；亂推亂撞，大門偶然關不到位，所以便要加裝磁石，希望成功。

2009.1.21呢篇野真的好耐好耐了, 已經是新年前吃的東西。記得是夜與男友去了吃粥, 是宵夜了。我叫了艇仔粥, 本來想與他一起分享的。但是他竟然自己又叫了一個皮蛋牛肉粥。哇, 兩個人吃兩個粥作為宵夜真的很多。我嘴饞, 點多一個芥蘭加腩汁。艇仔粥是即整的, 熱辣辣, 多材料。 天氣凍冰冰吃粥是最好的。我吃了一半就沒有吃了, 因為我要留肚吃甜品。芥蘭很新鮮, 沒有渣。 腩汁怪怪的, 不是我平時吃開的味道, 不過男友表示沒有問題。在吃粥的同時, 還點了2份油條, 剪碎。記憶中, 好像是$5 一條, 因為便宜又好吃, 故點了2份, 使我們飽到上心口。價錢是約數吧

呢間店無論位置及食物質素都不差，但始終名氣唔及附近一間出名麵店，可能因為咁，反而冇咁多人，每次黎都唔使等位。早兩日又黎食，呢到既雲吞麵及黑牛柏葉係我至愛，門外仲有好正既咖喱魚蛋魷魚柏葉叫，每次同老婆兩個人黎都食過百蚊，其實佢D粥品都好多人食，不過我怕熱反而未食過，有次天冷試下先。(想請問這個食評點解唔批？？可否給一個原因？)

很久沒有幫襯這家食店,因為多了去對面的劉森記,今天又想重温.今天下午的人客不多,只有三人.叫了牛筋撈麵, 24大元.五分鐘有得吃.哂士不差,足夠普通男士的胃口.牛筋很腍滑,入味,今日比較意外的是麵的梘水味沒有了,這是以往驅之不去的.麵身爽口,比劉森記不輸蝕,腩汁十分濃香,加上小許師傅下的豬油,真是一絶.湯底不算精彩,以前也不是,只是可以給ok.不過假如其他店要排長龍時,可以選擇這裡.

黃昏5,6點經過必食佢門口檔既魚蛋/墨魚串,一定係要辣既! 佢個辣汁好重薑味,不過真係幾辣下!魚蛋粉呢,佢既粉底,河粉無隔離德豐茶餐廳咁滑,麵底呢劉森記右好過佢!所以我食米粉多!有D送呢就真係GOOD喇.牛筋--好夠軟,入口即化..]鵝腸--肥美多汁呀鮮牛肉---最常吃,唔會UN,有牛味,好食過牛腩呀.湯底一樣可以叫佢加腩汁啦.夏天可以食當造既通菜! 大大條夠爽口(我鐘意食莖部份),加多D辣腐乳汁最正!!半夜呢..唔怕肥可以食生滾北菇雞粥! 唔鐘意薑C,蔥花要講定(不過佢有時真係慣左手勢照落...)會有少少雞油係粥面,好香好香架..不過肥死,注意有時會有雞骨碎! 講平呢...真係唔平,魚蛋粉要17,18蚊碗,食完唔夠飽啦,粥都要20蚊架..真係好食..附近都唔會食到喇!

星期日到屯門遊覽,看見一座皇宮在眼前,原來是間酒樓,於是入內參觀及食了一餐豐富的午餐,抵食又大件,蝦餃皮靚原蝦鮮美,腸粉又滑又香,雞粥好鮮甜,我們選了瑤柱蛋白炒飯和鮑魚汁五味雞一隻,飯味很香,及入口香瑤柱令人難忘,雞肉是新鮮,加上鮑魚汁澮入,其味無窮,要吃這美味食品,假期就到屯門龍華皇宮吧!

晚上有任務, 被迫犧牲my good Friday nite.求其坐低食一餐.鯪魚球河- 鯪魚球唔香, 淨得鯪魚肉, 無果皮, 河粉偏鞋, 分量比劉森記少.衛生麻麻.

一睇就知八爪魚鬚較受歡迎呀叔將佢地好似香蕉咁一梳梳擺定係度同朋友驚整污糟都彎住腰撥起頭髮咁食相比其他地方呢度較為大舊同多汁唔太辣但鹹左少少下次經過應該會整番串哈哈

食完合益泰既腸粉, 我地又轉戰黎開餐, 差唔多大半年無黎食野, 踏入門口老闆娘大大聲問我點解o甘耐無黎幫襯呀, 攪到我都有d尷尬... 因為已經飽飽o地, 我只係叫左及第粥, 朋友就叫左水餃撈麵.我鍾意佢地d生滾粥底, 夠綿; 豬潤熟到o岩o岩好, 粉腸又夠粉, 豬肚又夠爽口, 掂!!!以前半夜三更想食粥次次都會過黎買, o個陣愛上佢地既雞粥, 我同煮生滾粥既叔叔講我唔識lur骨叫佢俾多d肉俾我, 嘩, 每次成碗粥d雞肉多到食半碗已經夠飽!!!講番朋友既水餃撈麵, 朋友話d麵雖然成陣梘水味, 但係d水餃唔錯, 好快已經見到佢面前只係淨返隻碟, 哈哈!!!

今日我經過福榮街和桂林街交界,見到有一間店舖,人山人海,想行都行唔到,以為有咩大新聞,就過去睇睇! 原來係個魚蛋檔,果個魚蛋檔係系新聯豐粉麵家旁邊,我就好奇去試返串魚蛋同八爪魚。嘩!!D咖哩汁好好....味齒夾留香,篤吓篤吓食左六串，同志們不防試吓！

未識得幫襯劉森記之前己經幫襯這店,身為深水步老街坊,知道這店已開了廿多年,因為在小巴站隔離,這店日間客人不多,但夜間郤越來越旺,食物的選擇頗多,粥麵與小食也很多,價錢不貴,粥類的供應以前要晚上六時後,現在日間也有.粥底很棉滑,材料也新鮮,十多元至廿多元,很抵食.但說到麵,首先牛筋是我的至愛,味道好,夠淋夠滑入味,永不失手.豬手也很好,這兩樣連劉森記也不及他.其他的配料也絶不差.但敗筆郤是麵,雖然爽,不過常常有很重的梘水味,有時甚至要加醋才能入口.十分可惜.湯底很清,很足料,味精不多.如焦點在餸方面,我取這裡,如在麵底尤其是水餃方面,我取劉森記.所以如果後者多人,我便走過對面.

21/1(日) 7pm再次流連於鴨寮街的相機電話舖,依然未能挑出極合心意的.逛畢鴨記,我倆選址於此來個輕便麵食.此店正位處劉森記斜對面的十字路口,店內環境不太適宜久留,食客流量某程度挺高.我倆點了醬爆丸鵝腸米$20,魚腩粥$19,九棍魚皮$13,灼芥蘭$8.醬爆丸鵝腸米--湯底標榜用的是蝦子上湯,呷一口,亦覺得不外如事,味道清淡;而米粉質地幼滑鵝腸其爽口且沒多餘肥膏及異味,2粒醬爆丸則平平無奇.魚腩粥--魚腩份量頗多,肉質相當滑溜,鮮味豐富!粥底是超乎水準的綿滑而沒味精,令人吃得樂道非常!九棍魚皮--呈泥黃色的魚皮口感其香脆可口,沒油溢味,$13物有所值!灼芥蘭--份量不算多,芥蘭灼得過久之故,不夠爽口.至於服務水平不要抱太多厚望,跟劉森記的是南轅北轍;論食物質素,兩者正是棋逢敵手!