影片
港铁炮台山站 B 出口, 步行约4分钟
继续阅读
营业时间
星期一至日
05:30 - 12:00
以上资料只供参考，请与餐厅确认详情
係皇都附近行街打卡,之後行到好熱求其搵間小店食,見到有間粥鋪就入黎啦~以前黎過食一次飯,粥就無咩特別,類似D小店制作,味道平平勝在價位合理,但求飽肚係OK的外賣櫃有好多唔同款,另外再叫左油條外賣,8蚊一條賣相對稱幾大條,但味道淡味,但油味唔重,咬落唔夠薄脆反而係個種厚實質感各有各好啦,一條油條飽半日,真係窮人救星?阿姐D態度就麻麻,真心應該無下次不過佢又真係幾多人幫襯,北角區可能少粥店選擇吧~新興發粥店北角電氣道308號地下
继续阅读
我同朋友叫咗兩個盅頭蒸飯（梅菜蒸肉餅and 臘腸蒸雞)，滿心歡喜等左十分鐘，終於有得食，結果係凍嘅，一啲都唔熱。個餐牌寫住即叫即蒸，但好明顯係一早蒸好然後擺喺度，等有人叫再喺咁易整熱佢(因為啲餸係熟嘅）。我地食左兩啖就放棄，因為越諗越唔妥。個門面裝修得再好都無用，垃圾食物。本來諗住下次去再叫煲仔飯食，不過一定唔會再嚟，點知佢會唔會又係晨早整好，然後求其加熱。最嬲係餐牌寫明「即叫即蒸」，我地就係因為呢四隻字先行入去食。如果做唔到，就唔好咁寫，欺騙消費者。
继续阅读
吃一個快速的午餐，到新興發叫個豬红粥配齋腸$26。豬红粥，豬红很幼滑，切成一粒粒入口容易也不會太碎，粥底有味也滑正。腸粉，蒸得很軟滑，自己加入各種醬料，計有麻醬、甜酱、再沈些芝麻吃，很滑口，若是能夠熱一些會更好吃。
继续阅读
到北角上堂，快速來個輕快晚餐，又唔想幫襯大XX例牌套餐，又貴，所以周圍貢，見到這粥店門面企理，價錢尚可，就衝進去。因時間尚早，秋天晚上氣溫仲係熱辣辣🔥，粥就留番下次試，只點了個腸粉+熱豆漿。1)先講食物:魚片腸粉 -> 叫左之後先知担心，魚片會否太熟會嚡?！ Mm...魚片唔可以話just make滑溜，但未至於嚡拾拾，可接受，腸粉皮係軟糯嗰類，滑但易散，整体7分 (10分滿)。豆漿-> 豆味不多，一杯甜飲吧了。2)員工工作氣氛及服務:我經常注意這點; 個人覺得在好嘅工作氛圍下吃飯，比較在靚靚裝修中進餐，吃得更舒適。 眼見幾個員工阿姐各自補位，動作又快，當我落完單 (我以為阿姐姐落左單)，繼續八下菜牌有咩食時，另一個阿姐姐主動走來問我落單未，好彩佢一問，先知道之前個阿姐太忙未去打單，我試過低、中、高檔餐廳，望住餐牌好耐，周圍揮手示意點菜，侍應見到當見唔到，有啲員工晌度咬交😓，咁對比下，我識揀。 在場有新員工，個同事就好耐心咁教佢工作步驟，咁和諧氣氛，真like架👍下次有機會，再試下粥、煲仔飯😋
继续阅读
依間原本環境幾惡劣嘅粥舖竟然裝修，煥然一新，見佢乾淨左就打算試吓🤔魚腩 排骨 雞 炒麵（$50）炒麵比想像中好😮炒得幾乾身唔係太油膩，啲餸方面份量都幾足。牛肉 豬丸 牛丸 粟米 米粉（$47）收得咁嘅價錢份量係足嘅。好多粟米好似食極都食唔完🤣牛肉都算腍。雞蛋 雞 蝦球 菠菜 米粉（$52）一碗咁嘅車仔麵都幾貴，但係米粉都多，料都足嘅。雞都幾滑👍🏻蝦球有啲失望因為要加$5但係俾蝦仁😓菠菜都好多😍好新鮮。鳳爪排骨盅飯（$37）叫咗最後尾一盅，其他盅頭飯都冇晒😓望落比較細碗，但係其實飯都幾多，飯都白雪雪。排骨就有D比較肥冇乜肉，但係都幾多舊。滑牛 公仔麵（$29）普普通通一碗麵，牛肉算腍，湯底唔會太鹹👌🏻。因為得兩個侍應，佢哋好忙碌，我個碗蝦米粉就等左好耐先到😶。環境係相對乾淨左但係都係粥舖一間。雖然價錢比較貴，但係份量都唔少嘅。食物質素又唔算差，但係唔會特登嚟食。
继续阅读