新興記美食小廚

营业中

休息中

在葵興的KCC上班，午餐出外用膳永遠也是一個極大的煩惱，通常在午飯時間，附近所有餐廳一律爆滿，不論是好的還是不好的，也很難覓得一座。這天與一位同事居然走上了和宜合道看看有什麼吃，在還是想不到的情況下，看到熟食市場便入去頹一番。新興 — 午餐有六至七款，$25元包凍飲，在這年頭真的很難有這麼便宜的快餐吧，當然我也不期望會吃到什麼啦。吉列豬扒腸仔飯 (黑椒汁) — 份量頗大，吉列豬扒也有五大塊。好不好吃? 在不看價錢而言，吉列豬扒雖炸粉很薄，但這脆皮的味道吃得出是較低質的用料，豬扒雖有豬味，但肉質較硬且沒有任何肉汁。黑椒汁也頗淡且稀，整體一般。就像普通茶餐廳一般，可是以$25元來說，絕對超值!

早餐都算大份抵食，出品都好快，老闆好識做，生意唔錯，不過熱奶茶就麻麻啦，日日飲都唔同味，今日我就覺得茶味太重，味夠滑，不過水吧新請條友就唔多掂，我感覺做早餐又細份又慢，如果每日杯茶可以保持水準就唔錯。

omelettes唔算太油,有蛋味(出面有啲茶餐廳為求好睇會溝浠隻蛋等佢大啲又唔使落咁多蛋), 多士金黃得嚟唔太乾, 朋友既兩味米,太陽蛋火候剛好少少燶邊但又唔會好乾亦唔會太油,奶茶夠滑若茶再濃多少少會好啲,不過咦家都ok都有茶香, 凍飲加埋錢都係廿五蚊有找,抵食!!另外值得一提係環境及餐具, 若嫌出面熱可要求去冷氣室嗰邊坐,枱及餐具超乾淨唔會好似出面啲茶檔咁"黏黏的",感覺好衞生,食得好安心!!