新華記小廚茶餐廳

营业中

休息中

門面殘舊，但野食ok的，價錢親民，份量大碟，可以一試的！叫左碟涼瓜餐肉炒蛋飯，勝在好有鑊氣，食個lunch $50算係咁！美味指數：😋😋😋環境指數：⭐️⭐️回頭指數：👍👍👍地址：新華記小廚茶餐廳 (北角)北角和富道82號地舖

今日到北角逛逛，不經不覺已過5：30，想吃少少嘢，因晏啲8點要做節，心想下午茶應該都無要散叫行到和富道有間新華記小廚茶餐廳仍有提供下午茶餐(ps. 供應時間2pm - 6pm)，入去醫醫個肚。坐得舒服有電視睇睇睇下午茶餐，宜家已經好少可堂食嘅地舖仲有$28起嘅茶餐，我揀咗A餐什果沙律配豬扒跟奶茶$30，好快我嘅餐便到什果沙律嘅薯仔萍果好爽脆好新鮮，好正，豬扒剛炸起，豬扒外面脆脆地，內有肉汁都幾好味，加上杯醒神奶茶，已經令我好滿足

今時今日，茶記食鮮茄乜乜乜真係賭一鋪，不過胃仙you真係好鍾意食鮮茄牛肉燴意粉，每去一間新幫襯茶記，總想要賭一鋪。意粉黎到，果如所料係最大路嘅「螢光」茄汁意汁，預左架喇，或者味道ok呢？意粉基本上似撈多過似燴、鮮茄過生過硬及有青澀味、茄汁偏酸唔好味，牛肉偏靭但總好過有啲茶記嘅霉霉感覺。胃仙you最憎浪費食物，不過隊左半碟都真係頂唔順，要過隔籬隊番兩件出爐蛋撻浪下個胃。全店唯一可取嘅，係店員阿姐態度親切，凍奶茶亦比一般茶記來得有茶味。

今天的下午茶我和同事選擇了裝修外觀非常經典的新華記茶餐廳，叫了2款經典的下午茶餐，什扒餐+揚州炒飯，本來下午茶份量偏少屬正常，但應在餐牌上列明是迷你份量給顧客知道是常識吧，問題係好好的一碟的揚州炒飯，變成揚州撈飯，因缺乏誠意去炒而把材料浪費掉材料係足夠的，但冇鑊氣，勁味精，水份太多，基本上係撈出來的什扒餐確有點揾笨....如圖示冇說話講總結係食物質素算失望......有極大的改進空間但32元的價錢又有甚麼質素可言呢？