新華記小廚茶餐廳

营业中

休息中

今时今日，茶记食鲜茄乜乜乜真系赌一铺，不过胃仙you真系好钟意食鲜茄牛肉烩意粉，每去一间新帮衬茶记，总想要赌一铺。意粉黎到，果如所料系最大路嘅「萤光」茄汁意汁，预左架喇，或者味道ok呢？意粉基本上似捞多过似烩、鲜茄过生过硬及有青涩味、茄汁偏酸唔好味，牛肉偏靭但总好过有啲茶记嘅霉霉感觉。胃仙you最憎浪费食物，不过队左半碟都真系顶唔顺，要过隔篱队番两件出炉蛋挞浪下个胃。全店唯一可取嘅，系店员阿姐态度亲切，冻奶茶亦比一般茶记来得有茶味。