新蒲坊 (已結業)

-【車仔麵🍜x 串燒 🍢】..#🍋👧🏻 呢間舖頭喺沙田都好多年啦😶 除咗車仔麵仲有串燒 👧🏻一於兩樣都試吓～-🔻三餸車仔麵🍜 ($34).<白蘿蔔 蝦條 牛柏葉>蘿蔔幾清甜 冇渣👍🏼 蝦條好似蝦滑咁 彈牙嘅 牛柏葉切到好幼 但係都好爽口唔會韌~湯底冇乜特別 可以加腩汁/辣汁<白蘿蔔 魷魚 鳳爪>魷魚普普通通 因為佢冇乜味🤣 鳳爪都係還好 👧🏻最推介都係蘿蔔🙈-🔻雞肉串燒🍢 ($14)🔻豬頸肉串燒🍢($14)🔻墨魚丸串燒🍢 ($14)雞肉好大嚿😋 👧🏻推介豬頸肉串 超好食! 勁大嚿 唔韌好爽口🤤串燒有沙嗲醬 同蜜糖🍯可以搽 記得加蜜糖 會好食好多！呢度啲串燒 有部份係預先燒好左 所以唔係全部都熱辣辣🤭///環境同服務都唔好期望太多😌 但勝在性價比高😼－－－－－－－－－🍴食物：7/10🏝環境：8.5/10🛋服務：3/10💲價錢：5/10💥翻兜指數：7.5/10-🍴餐廳名稱：新蒲坊📍地址：沙田橫壆街1-15號好運中心3樓109C2號舖--

呢一間舖由我小學到而家都係好多人幫襯每一次行經呢度 都會聞到佢個陣好香嘅燒肉味好香好吸引 佢哋嘅串燒有幾種 分別係豬頸肉、雞肉、牛肉另外仲有其他小食 好似思華力腸、魚蛋、燒賣、煎釀三寶嗰啲咁 每串都係好多人十幾蚊佢哋嘅串燒係即刻整 所以食落口都係熱辣辣佢有沙嗲醬比你自己查 鐘意落幾多自己決定沙嗲醬味道好香 好特別 甜得黎唔會太辣不過食嘅時候就要小心d 因為啲沙嗲醬好容易滴到周圍都係 佢哋嘅雞肉串燒都好滑好香好好味 路過可以試下

沙田好運中心旁的一小店，一眼睇晒間鋪其實係賣車仔麵同埋串燒不過我相信串燒係比較受歡迎我唔係呢區長大，不過都不時走過來食一食，由以往第一次食$10一串到而家14一串，不過我都明白香港鋪租係好離譜所以我都唔怪佢其實質素唔可以講得非常之高但抵食夾大件呢種心態就好開心，牛肉雞肉豬頸肉，每串都大大件配上沙嗲醬同蜜糖真係唔錯唔錯，希望香港仲可以keep住有呢啲小店繼續生存到，希望疫情盡快過去小店得以繼續保存落去

住港島隔中會出下省 今次去👦🏽講左好多次既串燒店 好遠已聞到陣陣燒烤香味 串燒選擇吾多 叫左牛肉 雞肉同豬頸肉 睇件頭都知有幾大份 仲要只係$13 $13 $13 ！！！ 雞肉🐔就冇乜特別 反而個人特別鐘情牛肉同豬頸肉 好厚好爽口🤤仲要加埋蜜糖🍯同秘製沙嗲醬冇得彈🤤🤯

自己很喜歡燒烤，今天推薦一間沙田平民燒烤小食店，就係沙田馬會旁，佢叫新蒲坊。新蒲坊係一間又細食到大既燒烤店，佢有得堂食車仔麵，不過如圖位置相當狹窄，所以大部分人都會選擇點串燒在旁邊吃。今天收工時間到，已經有一大班人在等。首先你要同呀姐講要咩，然後另一個呀姐燒好叫你先再俾錢。我最鐘意呢度既牛肉串，肉質軟腍易咬，可能加左好多鬆肉粉，不過味道口感都令人喜歡，可自行掃上蜜糖沙嗲汁，更野味。一串有成8舊，雖然加左少少價，但12蚊都仲係好抵食，口痕之選！

其實新蒲坊我已經食過好多次，但係就第一次寫食評，呢度嘅串燒牛肉真係好好食，嗰種肉質同我平時喺第二D小食店食到嘅好唔同，呢度嘅牛肉好有牛味，D沙嗲醬又好正，而且好大串，每串都只係$11元，抵食！除咗牛肉外，豬頸肉同雞肉都係相當有水準！

窮遊香港-佛系隱世小店.呢間係我最鐘意既串燒店但點解我話佢又佛系又隱世呢....因為如果想食串燒....‼️佢係16:00開始 做到大概19:00好多時我8點去到個姐姐就收檔啦經過幾次撞板後我就問個成日西口西面既姐姐....佢竟然好nice咁講（一間再講點解用竟然）呢到有馬跑就開耐d（旁邊係馬會）冇馬跑就早d收咖啦 （有生意都唔做呀）.開始講野食⭐️串燒$12 一串👍🏻串燒串串燒到金黃色 （可睇圖）再加上 自己任加既蜜糖同沙嗲汁堅好食 冇吹水⭐️推介豬-牛-雞豬係豬頸肉 係彈牙既識食一定明果種口感.‼️串串岩岩好 唔會燒黑 係因為一個秘訣就係店員既西口西面.......每次落單果時 店員都係西口西面其實佢地好專心咁燒緊.....你只要過去大叫 ：豬牛各一串如果人多 即使佢冇反應.....其實佢地聽到 仲可以記埋邊個買先同後買慣接受左.......‼️總結去開沙田一定要食番串試下.#新蒲坊地址：沙田好運中心 馬會旁邊.⭐️評分：味道：5/5 高質美味環境：3/5 企係到食既小食服務：-/5 衛生：3/5 抵食：5/5 咁多年都冇咩加價

🍢雞肉、牛肉串燒各$12/串🍢食肉獸們最愛的串燒😍燒得香口，雞肉嫩滑💓牛肉有筋位，有少少難咬，但都算不錯👍🏻最開心係一咬落去啖啖肉，沾滿了惹味沙嗲醬同蜜糖🤤💓感覺好似翻返去以前放學掃小食咁👧🏻.食物質素: 🌕🌕🌕🌕🌑食物顏值: 🌕🌕🌕🌕🌘性價比: 🌕🌕🌕🌕🌑回頭率: 🌕🌕🌕🌕🌑

我平時食串燒既時候 都會搵番沙田呢一間串燒做比較呢一間就係係好運中心 後面 馬會旁邊既小店新蒲坊呢一間小店平均10-12蚊就有一串串燒人流都好多小食店 要企係到食 夏天既會好熱但有好野食 冇所謂啦佢所有串燒都係即燒既 所以人多果時要等好耐大概15分鐘到啦同埋落單果時d呀媽十問9唔應佢地會好專心咁燒串燒其實只要直接走埋去大叫 我要 牛豬！咁就得。佢地會記得 同識分排隊先後 好勁！ps.我每次都同老婆食牛肉 同豬頸肉2串肉質口感都好好 最正既係佢d沙嗲汁同蜜糖汁唔落唔得每個去既人都會自己落手加好多 正

串燒食唔飽，邊個話😏呢間車仔麵既舖頭，耐唔耐都會擺架車係門口賣串燒🍢星期日下晝去碰運氣，咁岩又開喎😍 咁當然要食啦🤤🤤🤤嗌左司華力腸($13), 牛肉($12), 雞肉($12）串野篤到肉同肉之間無虛位，重要大碌過司華力腸！燒得香口之餘同時又鎖住肉汁！如此重量級串燒。。真係唔講得笑！😍😍😍正正子💕不過舖仔細細又無咩冷氣，怕熱既我買外賣番去嘆🙈🍢🐷🍢🐮🍢🐷🍢🐮🍢🐷🍢🐮🍢🐷🍢🐮🍢

平日好鍾意食小食，去開沙田，喺openrice search下有咩小食好食，見到有間啲 commend 唔錯嘅小食店，當然要試下啦!小店鋪位位置唔算旺，都要搵左一陣先搵到。呢間小店，出名嘅係串燒，晏晝4點幾去到，都有唔少人排隊幫襯~我約左人食飯，所以淺嘗左一串燒雞肉$12。雖然雞串唔係好熱，入口啱啱好，皮脆肉滑，再加埋放喺枱面，可以俾顧客自行加嘅蜜糖同沙嗲醬~回味無窮我見佢仲有牛肉串，豬肉串，墨魚丸，四寶丸串等等，款式眾多，每次都試唔同款，應該都有排我試

次次經過都一定買幾串佢既串燒食💁🏻‍♂️亦都係放LUNCH既選擇，麵非常嘅彈牙同餸有好多選擇，又入味😳串燒又唔會燒得過老👌🏻岩岩好通常串燒我都會叫豬頸肉串燒🐷雞肉串燒🐔牛肉串燒🐮，依三種都係比較多人叫既串燒💁🏻‍♂️但如果唔想等太耐最好4點左右就要到，同佢地既串燒姐姐💁🏻‍♀️要幾多串左右，唔係遲下就一大推人圍住🤦🏻‍♂️果時就會等一段時間🙎🏻‍♂️總括嚟講呢間餐廳我會推薦比朋友🙋🏻‍♂️

有一日我喺沙田行街買嘢，路經好運中心嘅時候，遠距離聞到好濃烈嘅燒烤味，果一刻我真係忍唔住就走咗過去睇吓有咩好嘢食，一行到去睇一睇，確實有唔少燒烤美食，有豬肉～牛肉～雞肉～司華力腸～豬頸肉～煎釀三寶～魚蛋燒賣同車仔麵等等各式美食，我買咗一串🐮牛肉試吓，覺得幾好食，牛肉燒得剛剛好没有過火，咬落鮮嫩多汁，而且蜜糖又可以無限添加，再加埋惹味沙爹汁伴食，真係食到停唔到口，下次我再經過沙田嘅話，一定會再去幫襯

未行到過黎已經聞到香噴噴，串燒真係一樣好有風味既美食串燒牛及串燒雞肉　各$11牛肉食到有用鬆肉粉醃過既質感，一般般。雞肉就好好食，好嫩滑又juicy。食之前要查佢既沙嗲醬同蜜糖，超級惹味。

沙田市中心呢邊都冇乜小食店，新蒲坊算係其中一間，亦喺沙田經營左好多年。細細嘅舖位孕育咗好多人嘅集體回憶。以前串燒只需要6蚊，慢慢、慢慢變到而家10蚊一串，所以都唔係成日黎食。今日喺沙田拍下拖嘅時候就去買幾串串燒黎咬下。等候嘅人相當多，但舖頭好細，而且冇明顯嘅隊比人去排，所以呢如果客人諗好叫咩就要比啲勇氣上前同啲姐姐講食乜，因為有好多人都係等緊野食或者諗緊食乜。多數人黎呢度都係食串燒，不過呢度其實都有車仔麵，但我就從來都冇食過。呢度有幾種串燒，雞肉、豬頸肉、牛肉、司華力腸、煙肉等等，你諗得出嘅都有架喇。諗定就快啲嗌喇，因為都好多人叫等一段時間架！呢度係即叫即燒嘅，好佩服啲姐姐係嗰熱熱嘅火爐前燒咁耐。今次叫左豬頸肉同雞肉，等左大約5分鐘左右，點埋呢度特制嘅蜜糖醬同沙嗲醬就食得喇！串燒用發泡膠盤仔裝住，如果淨係叫一串嘅話係唔會提供盤仔嘅。客人都係企喺度食嘅，行出啲就係沙田公園，有啲人都會拎落去坐喺度慢慢食嘅。嗰兩隻醬又係百搭嘅，點咩都咁好食。豬頸肉一如以往咁爽口，有咬口之餘又唔會太un，而且肉汁好juicy，而雞肉就好嫩滑，而且多肉，味道就好似BBQ咁樣，好香，好想食多幾舊。