新記雞粥

营业中

休息中

環境超污糟，坐多陣都feel到個身痕痕地，地下油淋淋，基本上個污糟程度係你肉眼見到嘅任何一個地方都係有污積，成個地下都係垃圾同食物碎。食物方面，叫左個碎牛粥同肉餅，叫左唔係雞粥嘅食物都真係失策嘅，但都真係冇諗到會咁差。碎牛粥冇味唔夠熱都算，30幾蚊可以接受。但個肉餅擺明就係雪到硬晒嘅肉再攞去蒸嘅質地，個味道完全已經冰到冇左肉味。最好笑都係咸蛋蒸肉餅，連咸蛋白都見唔到，似係蒸肉餅+5蚊送咸蛋黃嘅感覺真係唔會再黎

why Xin Kee Chicken Porridge so famous? Because his original imperial concubine chicken is made from the freshest and tenderest hens, cooked with more than 20 kinds of medicinal herbs, plus top-quality dried shrimps and scallops. The imperial concubine chicken has a smooth mouthfeel, with a hint of medicinal herbs and a hint of wine. A simple bowl of chicken porridge with rich chicken flavor and chicken fat. It is definitely the best chicken porridge I have ever tasted!chicken porridge with pres

星期六約1:30到訪這店，點了雞粥配蝦米腸跟熱飲午餐，再點了雲吞麵配湯餐，雞粥好食，好多雞，而且雞好滑，又醃咸左，整體係水準以上； 雲吞麵就失望d,雲吞豬肉多不太爽口，湯底及麵都沒有特別，而且唔夠熱！當日例湯係霸王花湯，好多材料，但整碗湯比較油膩。食物基本係合格嘅。但店內嘅管理十分之差，收銀位置嘅店員由我們坐下進餐到離開，總是不停吵吵鬧鬧，整間舖比街市更嘈，她理應是好勤力，而且好落力嘅員工，但情緒似乎有點over, 她不停放聲指責其他同事，在進食過程中更目睹，因為她沒有守好自己收銀位，而放走了一枱未付款嘅客人。 好明白飲食業真係好難請人！

今次去到一間胡同裏嘅粥鋪，濃濃嘅人情味撲鼻而來🤤。話唔定就係因為呢種人情味，令到粥鋪當中嗰碗粥，特別嘅滋味呀！🍲舊式牆磚摞成嘅小店，一進去就聞到米香。我叫咗一碗皮蛋瘦肉粥，熱氣騰騰送上檯。粥靚得嚟，綿滑得滯，真係好入口；皮蛋夠香，瘦肉又嫩，一啖粥一啖肉，真係心暖暖。😌邊食粥邊夾啲濃香鹹蜀骨，啖啖肉骨汁，鮮味夠晒撩人。腌制得啱啱好，唔鹹過頭，又帶點微微甜，外皮脆卜卜，肉質卻軟嫩。仲有，呢間舖頭嘅油條特別爽口，唔似外面啲油腻腻，反而係外酥內軟，好似剛剛好搭配我班綿滑嘅粥！總括嚟講，這間粥鋪冇花巧裝潢，但係食物真材實料，係咁嘅寒冷天氣中，給人暖笠笠嘅感覺。食得飽心又飽肚，下次仲會再嚟添！💯

13.00叫左雞粥同米粉，等左20分鐘先有碗米粉仲要催左個姐姐幾次先有。位置空空，人流唔多，都系要等20分鐘甚至半個鍾以上，十分不建議食飯你唔趕時間久可以，返工人士最好唔好服務十分差，等候時間耐到一個點我都唔會再食女人街分店。

今日同啲同事去食下午茶, 叫咗皮蛋瘦肉粥及炒麵，另外再叫咗個炸兩。味道唔錯，粥底好軟綿，之前食過佢既雞粥好正仲有雞油嘅油香，雞肉又滑又夠味，雞粥絕對係佢哋嘅名物。炸兩嘅油炸鬼都脆口味道ok，而炒麵就正常水平。其實佢呢間餐廳嘅炒嘢都好味，好似星洲炒米同埋XO醬豬扒炒公仔麵都好正，都係我常叫嘅嘢食。特別一提佢有個咖哩豬扒飯，真係估佢唔到啲咖哩又香，豬扒又好食喎。上次我聽到有兩三個人叫咗炸魷魚鬚外賣，下次等我都試下好唔好味先。

天氣凍凍地最適宜食雞粥，今晚同朋友去左旺角呢間新記雞粥食中菜，食完個人暖笠笠就最正~鯪魚球即叫即炸既鯪魚球非常香脆可口，外脆內軟既口感，魚肉彈牙唔會腥，配埋旁邊既蜆介醬汁，鹹香十足新記雞粥餐廳名叫做新記雞粥，佢地既招牌菜當然係馳名雞粥啦，粥底好綿密，原來餐廳係用上泰國高級絲苗米煮成，難怪食落特別香，雞件啖啖肉又多汁，而且夠哂入味，果然係餐廳既招牌菜XO醬叉燒炒蛋飯見到隔離枱叫左個叉燒炒蛋飯好吸引，忍唔住叫左黎試下，食落好驚喜，炒蛋嫩滑送飯一流，叉燒肥瘦適中，配埋XO醬更覺惹味

3:35分鐘落單，一碗魚蛋粉+熱華田外賣，等左25分鐘都未有! 裡面得果3枱客食緊嘢，又唔係爆場做唔切！追問又答唔到你，叫退錢又扮聽唔到 呢個時期重係咁嘅服務，不如摺左佢啦。

超大份又有折雪菜米正常味道，不過不失豬潤米有勁多薑絲同豬潤，豬潤唔算粉，係爽口個種，薄切，因為有勁多薑絲，所以唔腥肉丸粥料勁多，感覺肉丸係自己整咁，唔乾，粥底好軟綿綿炒麵唔會乾，有勁多芽菜同洋蔥，唔算油，好味呢間d 野好大份，野食唔算難食，正常味道，d 粥唔錯食完唔口乾。早餐本身跟炒蛋同麵包及飲品，仲未計佢d 米及麵勁多，以為佢d 料更多，基本上4個人食3個餐都好飽。佢仲勁貼心咁主動分湯，即使你叫外賣d 麵都唔會太淋依家外賣仲有9折

💡多元化的粥店小編今次黎到旺角通菜街覓食，兩邊都有好多不同類型既美食比大家選擇，今次就比呢間粥鋪吸引住，因為除左靚粥之外，仲有唔同小菜選擇😋🍽 馳名貴妃雞粥 $51叫得馳名無理由唔試下，貴妃雞咸香，肉質嫩滑，好新鮮，完全無雪藏味。粥底好香同好滑，淡黃色既粥，吸收曬雞既精華，啖啖粥都滲出雞嘅鮮味，性價比高，真心值得推介!🍽 香脆炸大腸 $52炸大腸份量多，而且係即叫即製，炸到外皮酥脆，香脆可口。豬大腸味道濃郁，沾埋個秘製醬，酸酸甜甜，簡直係perfect !🍽 菠蘿咕嚕肉 $53咕嚕肉大件又多肉，食落去唔會覺得成口粉，而且炸得啱啱好，再加埋三色椒、洋蔥、菠蘿，食落去酸酸甜甜，又清新又開胃。🍽 馬來西亞咖哩豬扒 $59咖哩味香濃，唔會太辣。煎豬扒食落亦唔會乾爭爭！配菜有三色椒、洋蔥，口感豐富！ps/餐廳食材新鮮，而且價錢大眾化，相信小編下次會再encore。

上次去食十三姨既時候見到對面有新記雞粥今次決定要試吓果然係名不虛傳旺角有兩間新記嘅我哋去咗少人啲嗰間畢竟而家疫情又唔使等位雖然佢係一間粥店但係原來都好多選擇仲有麵添不過嚟到粥店當然係要食粥啦落單姐姐態度親切有善仲叫我哋慢慢睇添值得一讚我哋叫咗叉燒腸粉（$24）都幾好味未至於驚為天人但係腸粉夠薄夠滑叉燒都係瘦嘅（我比較鍾意食瘦叉燒）最重要係冇芫荽我好憎食叉燒腸有芫荽畢竟唔係個個人都食我覺得佢其實個腸粉爭乜嘢呢係個豉油囉唔夠鹹哈哈如果唔係佢會係好好食嘅叉燒腸炸兩都係一樣（$20）豉油唔夠鹹但係入面油炸鬼夠脆腸粉皮亦都夠薄其實兩樣都高質嘅不過呢個就唔夠熱無叉燒腸咁好食鄧鄧鄧鄧！煲雞粥嚟啦（$52）好大碗㗎！我諗三個人都夠食個粥底夠棉又夠味！雞亦都好夠雞味喎冇雪藏味亦都好足料㗎食到最尾都仲有雞 哈哈哈值得推薦$52有好食嘅雞粥食碟頭飯都要啦好啦當然唔係樣樣都好食啦呢個火腿炒米粉我就唔推薦啦點解呢因為真係好油又好乾身真係唔好食就好似出面魚蛋鋪$10一碟米粉一樣但佢賣$29完全唔值嚟到可以唔使嗌服務方面一流主要係姐姐態度全程都好友善店舖環境亦都好坐裝修光猛新淨食物亦都大多數好食性價比高喺旺角租金咁

廣東餐桌上嘅四大發明「粥粉麵飯」，入到嚟呢間食店你都可以食得到！嗰晚我地去旺角辦事，辦妥後就喺附近搵嘢食。見到佢大大個招牌寫住「新記雞粥」，就俾佢吸引咗入去啦。～～～🐨入到去打開個餐牌睇吓先，嘩，都幾多選擇！除咗「粥粉麵飯」之外，連大牌檔風味都有喎！～～～🐨咁我就點咗我最鍾意嘅「皮蛋瘦肉粥」，此店係用砂窩嚟盛粥，因為我食嘢較慢，所以食到最後啲粥都唔會凍曬。粥底綿滑，皮蛋同瘦肉都頗多，食完唔覺得太口渴，相信冇落太多味精做調味。而男友就點咗揚州炒飯，啲飯炒到粒粒分明，亦唔算太油，可以接受！～～～🐨另外，我地再點咗大牌檔風味「香脆豬大腸」，店員端上嚟時仲標緊煙，可見係即叫即製！豬大腸味道濃郁，香脆可口！下次再嚟想試吓推介嘅「海蜇手撕雞」！

今日同朋友經過呢間新記雞粥，門囗既招牌菜式menu都好吸引而且菜式都好似幾啱我地食,所以膽粗粗就試吓。入到去餐廳位置尚算寬趟座位有好多,而且見進餐既人都人人一鍋粥品・感覺呢度既粥品都應該非常唔錯。我哋點左一客炸魷魚鬚、一隻乳鴿同埋一鍋雞粥。炸魷魚鬚面有一浸金黃色一粒粒鬆脆外皮,食落咬囗鬆脆裏面既魷魚彈牙而且好香,再加上佢哋嘅酸甜醬非常之夾,食完一條就停唔到口,好快就成碟食晒。乳鴿亦都係店既推介・成隻乳鴿都幾肥美而且好有肉,外皮燒到好脆口,食落去肉質鮮美,味道一流。另外我哋亦點左一鍋粥,粥既配料係可以加錢去配搭，每餸係$6-$15蚊・我地點左一鍋雞粥再加田雞同皮蛋，雞粥鮮味非常一流好鮮甜而且雞肉好有雞味加上我地加左蟹同田雞每餸嘅鮮味突然倍增而且同個粥好夾食到舔舔脷。呢間餐廳嘅食材好新鮮而且味道一流加上平民嘅價錢下次一定再繼續幫襯。

以前住元朗時常到元朗新記雞粥 ， 十分懷念綿綿的粥。現在旺角也有分店十分方便， 午飯時間也可以抽空來嘗一嘗這有水準的粥店，真是幸福。進入店舖店員十分殷勤的招待客人， 雖說是老字號，但店內的環境十分時尚。我點了招牌菜貴妃雞雞粥，炸兩和手撕雞海蜇。小食香辣手撕雞配上爽口彈牙的海蜇，份量也不少十分足料。炸兩香滑又香脆，即叫即造很新鮮。重點項目是貴妃雞粥滑滑的雞肉配上綿綿的粥品，粥底也充滿著啖啖雞油香，粥品入口即化。

走時太累，忘記了給你們說聲多謝感謝你們給醫護人員9折的折扣這個不關乎金錢多與少而是心意💗感謝你們的支持與鼓勵都收到了我點了雞粥，好味有雞味，不太咸也不太淡👍