新記雞粥

营业中

休息中

💡多元化的粥店小编今次黎到旺角通菜街觅食，两边都有好多不同类型既美食比大家选择，今次就比呢间粥铺吸引住，因为除左靓粥之外，仲有唔同小菜选择😋🍽 驰名贵妃鸡粥 $51叫得驰名无理由唔试下，贵妃鸡咸香，肉质嫩滑，好新鲜，完全无雪藏味。粥底好香同好滑，淡黄色既粥，吸收晒鸡既精华，啖啖粥都渗出鸡嘅鲜味，性价比高，真心值得推介!🍽 香脆炸大肠 $52炸大肠份量多，而且系即叫即制，炸到外皮酥脆，香脆可口。猪大肠味道浓郁，沾埋个秘制酱，酸酸甜甜，简直系perfect !🍽 菠萝咕噜肉 $53咕噜肉大件又多肉，食落去唔会觉得成口粉，而且炸得啱啱好，再加埋三色椒、洋葱、菠萝，食落去酸酸甜甜，又清新又开胃。🍽 马来西亚咖哩猪扒 $59咖哩味香浓，唔会太辣。煎猪扒食落亦唔会干争争！配菜有三色椒、洋葱，口感丰富！ps/餐厅食材新鲜，而且价钱大众化，相信小编下次会再encore。