新釗記 (已結業)

20071007汁裏用了蠔油，粘稠略帶甜，陪著軟厚入味的冬菇片，愈發襯托得出黃花魚清香細膩的質感，不錯~~不過汁過稠了一點，吃到一半就有些“結”住了，美中不足。

這裹有燒味、一般炒粉麵飯、粥品及一般港式茶餐廳食品給食客挑選，選擇算是多元化的了，今晚午睡後醒來已是晚飯時候，不想去太多客人的食店，一個人又走到這裹。今天叫了一客只是三十二元的鐵板黑椒雞扒餐，包一客羅宋湯或熱飲，加一杯熱飲就加六元，價錢比大家樂更平宜而且不用自巳排隧候餐，這個扒餐有兩大塊雞扒跟薯菜，份量足夠大胃王享用，如果仍然不夠有四十五元的扒餐包飯或意粉及餐飲供選用。質素跟大家樂差不多，但份量較足及較平而且有TABLE SERVICE，是這間新釗記最抵食的食品。

20070824形勢逼人，什麼都加價，最終還是轉嫁到消費者身上……憤而舍豬牛等物，叫了一碗鯪魚球粥，要等六七分鐘左右，六粒鯪魚球若隱若現，生菜絲清新翠綠，中間一撮花生豆，嗯，分量還是很足的，又不會太多味精，對於不是專做粥品的茶餐廳來說已經不錯。看到餐牌上普遍都加了兩元，想來也是不得已，不過還好，相比較分量來說，依然抵食。

難得到上環做野, 9點仍坐滿食早餐的客人, 早餐價錢略貴, 平均$20-22, 叫了奶醬包+凍檸茶($20), 面包夠軟奶醬亦好味, 不過檸茶比較淡, 不夠茶味亦不夠檸檬味, 只是一般, 而且侍應服務態度亦不好, 不知是不是人多關係, 總是叫幾次才應一次.

周日brunch，陰差陽錯之下，就坐在了這間新釗記一個窗邊的卡位，雖然已經十二點，但一直落著雨，天色沉沉的，整個城市都好像還沒醒過來，更何況是本就人氣欠奉的假日上環。人客少少的，侍應懶懶的……Honey點了“西式午餐”，其實就是常餐，一個麥兜的遊戲：）我的是一個薑蔥魚腩粥，另外加一個芥蘭，蠔油另上。Honey的那份不知味道怎樣，不過大大盤的沙爹牛肉公仔面、火腿煎雙蛋、多士加熱鴦，至少看起來熱氣騰騰，令人胃口大開的：）至於我的粥嘛，其實可能是自己的錯，要吃最地道風味的粥，本就應該去一些老舊不堪的專門粥鋪，這裏的，樣子都在，味道，始終略輸一籌，魚腩有些腥，是辟味的薑蔥不夠。另外，芥蘭不記得叫全走，結果臨尾還是加了一勺油，嫩與不嫩就一半一半。未必精彩，但一定是穩鎮之選。憑經驗來看，小菜更加出色。

這天家裡沒開火鑽，因好久沒有到這裹吃飯，所以走入去再試吓，侍應推介鴛鴦扒版，有大大片的猪扒和牛扒各一，淋上熱的燒汁，跟一大碗粉葛豬骨湯，有幾大件粉葛，入口真的很粉，不錯！盛惠三十五蚊，比以前平了少少，水準只是一般但份量十足。

睇左咁耐open rice, 我都冇留言, 但為左大家唔好再受害, 真係不得不提上個月同同事去食quick dinner, 好可怕...首先, 叫極都冇人理, okok , 唔緊要, 佢俾我地的食具, 係污糟到冇人有, 好多野痴住, 勁dirty, 叫d 呀姐換, 佢俾面色你睇, 仲要當住你面檢查d 食具, 好似好懷疑你咁(口中唸唸有詞: 邊有呀), 仲捽下d dirty... 可怕...跟住黎個牛肉米, d 牛肉係'lone" , 一陣"long"味, 叫佢換, 佢又話係咁架味架喎, 換左都係咁, 咁唔緊要, 我地轉火腿啦, 到換左返黎, 竟然得淨米, 冇左d 餸, 我地又問佢點解冇左? 我個同事又好好又唔想再煩(因為己經好多野唔妥當), 佢就話: 算啦唔緊, 冇就算。果個女人就話: 係囉, 冇都係一樣啫, 唔好要d 餸都一樣之嘛!! 嘩, 果時我地真係完全o 晒嘴!! 完全唔知講乜重點一提呢間野真係超dirty, service 係極差!!!

呢間係我公司隔離，所以唔想諗就入左去食野Lunch時間，D人好多，仲要同人搶位坐，都算啦本身唔係咁舒服，病病了，就叫左碗碎牛粥，等左好耐先有得食，叫D staff叫左幾次先應你，過左成半個鐘D野食先到，點知食食下有3-4隻蚊係入裡，整左出黎，都算啦，但知有條好似竹簽咁既野係裡面，真係嚇到嚇死我，叫左杯利賓納，諗住冇死啦，點知...有張錫紙仔係入裡low，我諗係個個玻璃樽個D掛，我真係唔會再去食，尤其是佢D粥

昨晚到了這裡吃晩餐,原本打算吃沙律但原來這間是沒有沙律無供應的,那就算了,就點了個沙爹牛肉公仔麵.嘩!好好食呀!如果d麵質在爽返少少,就更加好呢!這裡的waiter好polite,可能客人比較少所以就可以有多d耐性serve客呢!點講都係抵讚ga,感覺上比翠華餐廳更好呢!

黎過哩度一次，好似係食左個常餐，味道……一般，環境唔係好得，同埋好嘈，伙記好似唔想做咁，之後就一直冇黎過！

基本上很少食, 因為唔坐得耐...有次同同事食晏, 叫左個牛脯麵食, 冇mud 特別好食..反而同事叫了個米粉就真係好差D, 米粉啉得滯, D湯仲要係唔夠熱, 不過同事話冇下次wor...D 伙記勁吹你落order呀咁, 真係坐耐D都唔舒服,可能係因為lunch hour啦...

趕工趕左足足一星期....終於完成所有個案...不用'壓'過年....下午三時終於可以食飯..見這裡不多人..選擇也多..坐下來叫了雜扖餐...豬,牛,雞奕, 雞肉腸..最好食是...薯條..紅湯..ok..熱一點重好這裡較光猛..都好坐...忙得不可開交...但夠飽...食味..當然是一般

看其裝修及食物實屬中下水平, 但其價錢卻是中上水平, 不合理! 可能他們眼見附近餐廳不多故吊高來賣...

上環區内這店的晚餐收費比其他貴，每晚普通的四款碟頭粉麵飯都要３８元一客包例湯或熱飲，煲仔飯索價四十多元都不連飯品，雖然味道不錯，都跟同區平均廿多元一客相似的晚餐計，實在貴了一點，所以只是本人間中幫襯之選。

23/8 （Tue）Breakfast今日要做Ｄ私事先返工，於事有時間坐低慢慢嘆個早餐。揀0左腿通，煎雙蛋加方包烘底，凍啡，其實味道就無乜0野可以評論，但果度0既人真係好好禮貌，佢想收你隻碟，係會講：請問你係咪唔要架喇？咁樣∼我係buy lee樣∼有時點解對一間食肆情有獨鍾，相信就係咁既原因。