新雲景燒臘茶餐廳

营业中

休息中

嗰日呢，突登上到去寶馬山搵讀樹仁大學嘅朋友仔食lunch，點知呢原來成個寶馬山呢得嗰幾間餐廳，咁我就跟佢去左呢間係樹仁大學生御用飯堂，隔離嘅新雲境燒臘茶餐廳，雖然個環境唔算太好，但係個燒味飯又真係幾靚！咁我朋友叫咗一個油雞叉燒飯，而我就叫咗一個燒肉叉燒飯，因為我哋行過嘅時候見到有個阿叔叫咗叉燒好似幾靚幾好食咁樣！我哋都食得好滋味，可能因為係山上面冇咩選擇，可惜佢哋個例湯就麻麻地，只係將d雞腳鴨尾肥燒肉煲埋一大煲，再加d味精，但係我朋友就覺得好好飲好有味！套餐送例湯/飲品

無論你比幾多次機會，試幾多次不同的食物，你都找不到可以讚一下的衝動。我在這裡食過普通到再不能普通的公仔麵，火腿通，燒味飯，如此普通的食物，有著難以置信的難吃。連最簡單的公仔麵也煮得差，味道怎樣可以如此不一樣？火腿通內的粟米味道也很怪，好像剛剛在冰格拿出來，滿有怪味，火腿當然沒有味道，湯亦是怪怪的。真的好難相信食物質素如此低。如果不是獨市生意，這間茶餐廳一定執笠。食物難吃以外，他們用了大量膠碗膠碟膠叉，非常不環保，吃到如此難吃和沒有誠意的食物，真的想如膠碟膠叉一樣，即棄！

行完山做完運動就感到肚餓了～在山腳有一個食肆地帶見到有茶記就坐低！呢度既燒鴨瀨好食 ~ 聽聞都係食燒味正嘅！唔錯。夠juicy 啖啖肉！沙爹牛肉、豬潤河幾足料，不過相對地都係燒味比較吸引～天寒地凍整返個西多，有花生醬餡料的，都是茶餐廳下午茶必食之選～全部茶餐送野飲，茶走澀澀地茶味。係香港人的味道！

聖誕節同一班朋友約了來寶馬山新雲景燒烤，這裡露天園林的環境都不錯👍，燒烤的海鮮很新鮮，而且份量很足，乳豬脆而不膩好吃😋，個個都飽餐了一頓，我們一邊燒烤，一邊喝酒聊天，玩到11點才坐車回家。

🎄聖誕節同一幫朋友👬們約了過來寶馬山賽西湖的新雲景燒烤，露天園林的環境都不錯。我們自己一班人帶了狗狗過來玩，這餐廳地方夠大，可以隨便遛狗狗🐶老闆養了很多的金龍魚還有鸚鵡🦜，一邊吃一邊看下這些可愛的動物們都蠻有樂趣的。小朋友們在這裡玩躲貓貓遊戲，個個跑到滿頭大汗。我們訂了燒乳豬，油光红亮的脆皮乳猪，脆而不膩，好吃到飛起！性價比都蠻高，我們大家飽餐一頓。好快除夕咯，我們家的團年飯準備乳豬外賣安排起來。

一間沒有誠意做生意的燒臘餐廳，不如放棄去做，每次都給自己說一句:「俾次機會佢」，真係再頂唔顺，燒味好差，叫了义燒油雞飯，油雞一如既往奉上最差部分，這個也無可厚非，此终都要有人食，最惨肉質又乾又冷，你明啦! 白飯溝了八成碎米，啲飯尤如回到大陸n年代，最終再忍不了哽啃一碟冰冰冷冷义雞飯，留下八成。現今講求進步的社會，竟然這劣，山上無競爭就可以亂來？以後不敢再去，寧願落山食。

落單45分鐘之後話冇公仔麵，嘥曬人地啲時間。似住多學校係附近加上個山頭冇乜選擇啲人局住都要離食所以啲食物質素極差，常常媽夫了事，不求上進。最差就係成日嘥曬人地啲時間，啲員工又好慢又成日漏單，搞吾。

今日舊地重遊嚟咗呢度, 廿多年前住附近經常上嚟幫襯. 舖頭已經轉咗手感覺完全不一樣. 叫咗兩個茶餐, 三文治連飲品 $ 32 位. 疫情下, 人流唔算多. 都坐得舒服, 下次有機會再來

咁岩上寶馬山探朋友佢就帶左我黎呢間茶餐廳食其實山上面既選擇都比較貧乏而從朋友口中得知呢到既MENU係十年如一日望到MENU上面既頹飯E.G.雞扒腸仔一PAT汁對我都冇咩吸引力朋友就話呢到既燒味唔錯 好多人食咁我都試一試啦我就叫左燒鴨叉燒瀨粉佢湯底既調味係幾好既有D味唔會太淡 不過略嫌其實係有D油佢會有幾塊椰菜提供番都幾好都唔想淨係食燒味啖啖肉有D菜中和下感覺會FRESH一啲瀨粉既口感係正正常常 唔會淋到一PAT嘢咁而燒鴨係唔錯既 味道既香濃同埋咁岩佢係比左個多肉既位叉燒都普普通通 唔肥唔瘦整體而言不過不失山上面冇咩選擇黎講 都可以黎呢到食個燒味既

賽西湖廣場確實是學生福地，這裏不少餐廳都提供學生優惠。所以對於沒有太大經濟能力的學生而言，這裏確實是一個平民飯堂。這裏每天的午餐都會提供五至六個選擇，而我今天選擇了它的黑椒牛肉飯。黑椒牛肉飯的黑椒汁不會太辣，但吃下去時卻感到十分香口。也許是今天我比較肚餓，所以便狼吞虎嚥地吃這個午餐。不過這個黑椒牛肉飯味道確實不錯，因此不少人都點了這個餐來吃。而在未算繁忙的午飯時間，這間餐廳的座位也差不多坐滿。可見餐廳在賽西湖商場有一定的名氣。而凍奶茶的味道與普通茶餐廳無異，不過是因為免費贈飲的關係，所以沒有所謂吧。

The breakfast sets here offer many options from omelettes to noodles to congee with toast, tea and coffee. The place is always bustling with activity. The tv shows news of the Olympics or Hong Kong tv shows for entertainment.

很耐沒返去寶馬山母校了，當年讀中學時，放飯，我地幾個女同學必然會行上景雲茶餐廳食午餐，必選系湯粉麵、炒米粉等，大家坐埋一齊分享美食，早前，咁啱，行經附近，便走入去食返個午餐，味道已不及以前了。入到去，點了一碟黑椒雞扒飯，飯就大大碟，雞扒不但細件，而且黏粉亦好厚，亦不夠脆口，反而黑椒汁，黑椒香味十足，不脷，食完這碟飯，就只靠用汁送飯。

其實到過這地方幾次，但很多時候都是晚上先在這地，所以沒有太留意有咩食點，其實本人都知道有這間餐廳，但本人經常覺得會係高價餐廳，所以都唔會有「食」的衝動。今天下午茶時段就到來，太肚餓，所以四圍搵食，見到這個餐牌： 這個餐牌列明早、午、晚三餐的價錢，我又覺得唔太貴，真係幾「平民」。當然鼓起勇氣去試食啦今次點了經常點的罐頭米粉，就係五香肉丁+餐肉米粉，因為只係罐頭，所以應該唔會太難食。 這個米粉賣相很好，令人有好豐富的感覺，米粉的口感一流，唔係那些漂到白雪雪，發到好厚身的那種，加上其實佢的價錢都唔貴，加罐裝可樂都係30蚊，下午茶都算豐富，人流唔算多，又唔會吹客走，值得一試再試。P.S：睇返食評，原來很多人叫雞翼，我見圖片中那些雞翼都算大隻，下次可以試下。

今天行山經過新雲景餐廳，這間餐廳係我返大學必食嘅餐廳之一，至今仍屹立不到，必有過人之處。多年不到訪，食物質素依舊，但價目表面目全非。最愛食燒脾同分蹄....燒脾雖然不脆, 且應是冷藏。但香甜蜜糖食起來很易伴飯, 配以適當薑蔥, 十分滋味分蹄較少食客會點, 因為燒味平時都係拜神是食的雞鴨鵝叉燒等......這店的分蹄著實不俗, 雖沒有海折和醬油, 但肉皮比例正好, 從不給頭頭尾尾, 一片片斬得清楚分明, 一見師傅刀工。米飯粒粒分明, 是本尊喜歡的濕度, 不喜偏濕的軟飯, 再佐以豉油, 分量充足.當然叉燒亦是一絕，但就要點明半肥瘦。飲品則選了熱賓，溫水份量拿捏得多，不會太甜。分數： 7/10朋友點了一個油脾飯, 他說咸香惹味, 伴飯一流。 礙於禮儀, 沒拍下照片。

和朋友臨時約定去寶馬山行山，一段十分短程的山路，志在舒展一下筋骨。在上山前，朋友介紹去賽西湖一處好地方先吃一個下午茶，要知道賽西湖是一個傳統豪宅地段，依山而建，附近沒有市集，只得一個小商場，更莫提有什麽大型食市，遂跟朋友去一探究竟。行到賽西湖大廈之後的一個入口，見到有一間便利店在入口裡面，朋友居然帶路轉入去，心想不是去便利店食Tea吧？但見他再往前行，原來便利店後面是別有洞天的，眼前出現一處露天茶座，雖不至於裝修精緻，但藍天白雲，群山翠綠，加上人們悠悠偷閒的氣氛，整個畫面十分諧和。坐低望望餐牌，是傳統的中式茶餐廳，有燒味有粉麵。朋友推介這裡的油雞做得出色，遂一起叫了油雞湯幼麵，霎眼瞥見餐牌上有一款蜜汁叉燒治，外面少見，加上聽落亦十分吸引，所以加碼叫多一件試試。油雞麵因為是下午茶餐關係，所以份量不算大，油雞做得嫩滑入味，薄薄沒有肥膏的雞皮帶出甜香的醬油味，嫩嫩的雞肉滲出啖啖雞味，配上一大羹自製蔥油，確是好味，沒有令人失望。蜜汁叉燒治，軟綿麵包夾著幾塊薄叉燒，肉質偏瘦但不會太乾，叉燒鬆化，蜜汁及焦香被白方包吸收，配合得宜，是另一美味之選。在此郊外路邊雅座的下午茶餐每位盛惠$28元正，Hea