影片
营业时间
今日营业
06:30 - 23:45
星期一至日
06:30 - 23:45
以上资料只供参考，请与餐厅确认详情
三文治即叫即整熱辣辣份量普普通通味道都係一般勝在新鮮熱辣奶茶一流極力推薦除咗三文治仲有其他粉麵同埋特別嘅嘢飲最特別我係出邊比較少見滾水蛋買咗杯外賣奶茶俾朋友朋友飲時話落咗糖我朋友飲奶茶係唔落糖所以要提提大家如果外賣嘢飲平時冇落糖記得叫走甜
继续阅读
蛋牛治的外觀吸引，外脆內軟，吐司的烤焗程度恰到好處。內餡的牛肉和蛋黃混合，味道濃郁，必食瑞士雞髀的色澤誘人，醬汁濃厚，雞腿肉質鮮嫩多汁。瑞士汁好正,滿足感十足。豬手麵的湯底清澈，味道鮮美，豬手肉質軟嫩，與細麵的搭配相得益彰。湯中還有青菜，增添了清新感，是一道令人滿意的主食。西多士外脆內軟，搭配的牛油讓口感更加豐富。表面金黃酥脆，非常適合搭配熱飲整體而言，菜品各具特色，，都能滿足不同的味蕾需求。餐廳的氣氛也讓人感到放鬆，是聚餐的好去處。
继续阅读
深水埗對於好多人嚟講，絕對係超容易盪失路嘅熱點，唔知你有無同感呢？話說我有一日因為要去深水埗買嘢，喺唔識路嘅情況之下，依稀記得經過一間懷舊茶記，門口大大隻寫住「馳名蛋牛治」！但嗰日趕時間，所以無停低食下午茶。當隔咗一段時間之後，我嘅記憶只係剩返懷舊茶記，次次特登去搵但都搵唔翻！今日嚟到深水埗，我已經完全無咗呢回事，偏偏新香園大大隻寫住嘅「馳名蛋牛治」終於喺我面前再次出現，一於試試！新香園分店環境好啲，價錢都會貴少少；另外因為新香園分店個廚房大啲，所以推出唔少總店無嘅食物。不過，作為第一次嚟新香園，就梗係要試吓最基本嘅馳名蛋牛治啦！本身我冇諗過要烘底，但店員極力推薦，原來真係有驚喜！首先烘過嘅麵包夠香脆，而炒過嘅蛋牛又嫩滑，所以口感一流！牛肉份量好多，唔會炒得老，仲有唔少蛋汁，真係超級超級好味！Um…麻麻哋啦！因為新香園亦有售賣潮州粉麵，所以呢個沙嗲牛肉螺絲粉帶有一浸鹼水味。牛肉係入味嫩滑嘅，不過相信冇人想喺一碗沙嗲牛肉粉面入邊識到鹼水嘅感覺。
继续阅读
同老友去咗附近一間茶餐廳，都係懷舊又經典嘅味道👀👀🍛🍛沙爹牛肉公仔麵沙爹香氣嗰股濃郁得嚟帶住微微辣意調配嘚啱好，牛肉片厚切又大片入口嫩滑，肉香同沙爹香完美融合。公仔麵保持住彈牙口感，一啖面一啖牛肉，再飲啖沙爹湯，嗰種滋味正到痹!!🍲🍲肉片通粉通粉軟硬度啱啱好，咬落有彈性。肉片新鮮嫩滑，湯底清淡鮮美，襯托出通粉同肉片本味，食落好舒服唔會膩。🍞🍞餐牛治煎至兩面金黃，外層酥脆內裡嫩滑，一口咬落去，各種味道層次豐富，每啖都充滿港式茶餐廳嘅經典味道。
继续阅读
為了一試麻辣蛋牛治，與同事早點出門口放lunch，仲搭埋uber衝過去。由於未到1點食飯時間，所以唔使等位，但就要搭枱坐，同台是遊客，佢哋三人各叫了一份麻辣蛋牛治，好誇張！我哋想試其他食物，所以4人叫了兩份麻辣蛋牛治烘底，再分別叫了咖哩牛脷撈公仔麵、瑞士汁雞髀蛋飯、雲吞麵及炸醬麵，連埋兩杯嘢飲，一杯係跟餐，盛惠$230，都算合理價錢！麻辣蛋牛治係夠辣，但因為比較辣關係蓋過了牛味同蛋味，我食牛脷撈公仔麵，咖哩汁唔夠多同埋唔夠辣，我要再加辣椒油，麵太淋，牛脷好厚，尚算夠淋咬到入口！普遍食物正正常常茶餐廳水準，食只係個分懷舊氣氛！
继续阅读