新麻蒲 BBQ (東港城) (已結業)

想唔到星期六既東港城係咁鬼多人同同事食Lunch, 都等左一陣先入到去坐食物:帶到座位前, 枱上已經有三碟小食喇,有泡菜、辣魚片、沙律菜,份量都唔少, 邊食邊睇menu好開心因為我唔太食得辣, 食下泡菜又換下食沙律, 等我中和, 不錯~  同事話唔想食韓燒, 怕太熱氣...我地兩個都揀左清爽/滋補系列~ 烤肉與冷麵冷麵個份量好多呀, 食極都仲有咁!食食下先諗起.... 係喎, 個麵點解係黑色既?睇相好似米白色架.... 唔理lu, 好食彈牙就得啦~加左醋同芥末醬, 真係幾醒胃, 如果夏天黎食, 悶熱天氣都一一掃走配菜我地都好鍾意, 同事話係蘿蔔片, 我話係雪梨片, 佢話係爽既, 我話係甜既, 事旦啦, 各有各鍾意,最緊要係好食, 可能兩樣都有呢烤肉甜甜地啱晒我口味牛肉牛骨濃湯麵估唔到個牛肉湯麵仲配埋個飯, 嘩~ 咁咪好飽囉~唔知係咪我地掛住傾計, 牛肉湯麵浸到有少少淋...我就喜歡配飯食多d牛展好多片呀, 大大塊, 又夠淋, 一流個湯上既時候熱騰騰, 特別係剛剛食完冷麵, 特別暖胃, 清甜帶有牛肉味, 不錯不錯!不過同事想再濃多dd, 我就幾滿意~明明就係食到好飽...但見到menu上

黎食新麻蒲，都唔一定要韓燒，其實韓式主食，都同樣好味。今日放工後，又想食韓國野，就黎咗新麻蒲。主食類既選擇都唔少，有飯有麵，實有款啱食。未食主菜時，可以先食前菜，有泡菜、青瓜、海帶。我就揀咗章魚石鍋伴飯。石鍋飯一向都多配菜，所以食落整體感覺好豐富。中間既流心蛋仲煎成心形，視覺效果加分。而主角章魚真係好好味，辣辣地，章魚味好出，非常下飯。食石鍋飯另一個亮點，當然係飯焦，底部同邊部既飯脆卜卜，好正。如果中意食辣，可以加埋韓式辣醬。另外，叫咗一客牛胸肉大醬湯，加$15配白飯。上枱時熱辣辣，好啱涼涼地既天氣食，成身暖晒。大醬湯入面有豆腐、大蔥、翠玉瓜，用料都豐富，不過若果能多一啲牛胸肉就好啦。餐廳用餐位置都多，而且坐位空間大，食下野，傾下計，都幾舒服。下次再黎，想試埋烤肉。

Lunch食韓燒好似好有罪惡感但價錢實在太平，最平既食三個lunch Set 送一個所以3-4人黎係好着數！ even星期六日竟然都有衣個優惠一坐低就係例牌韓式小食4款小食, 隨意refill. 新麻蒲部隊鍋$78 set豬腩肉，午餐肉，腸仔，豆腐，泡菜2個人叫一個部隊鍋, 一個燒肉可以Share食, 唔會只係食肉禁dry. 湯底好濃郁，唔會因爲份量太多而淡某某，但就有小小辣！份量剛剛好一個人食！餸比韓式面多藍天檸檬汽水飲品係附送嫁. 食燒肉, 無冰凍野飲點得呢藍色飲品好特別, 但唔會好甜.豬肉套餐$98護心肉80G, 秘制豬頸肉80G, 什錦菇類衣個份量我覺得好足夠女仔食.矜貴既護心肉,  一隻豬唔係好多護心肉炸. 得百幾G, 但衣到已經80G喇. 而且唔太多油, 爽滑彈牙而另一種肉- 豬頸肉就會燒出好多油份出黎, 衣2個配搭真係幾平衡唔會所有肉都好多油, 食到成個肚都係油.

This store is located in a shopping mall in tseung kwan o. The decoration style is Korean, which is very nice. This store is divided into two parts, where the barbecue is and the Fried chicken is eaten. We ordered two plates of marinated beef, one plate about 150, and the portion was very small, but the meat was very delicious, sweet, and colorful. In addition to these, we also ordered a military hotpot, the taste is very authentic, there are instant noodles, rice cakes, spicy

1. 晚餐時間經常路過都很多人排隊🤨，所以未有一試，今次決心試第一次，所以提早晚上6時前便到達，果真未出現等位人潮，walk-in 也可以即時順利入坐😍，帶位職員也很有禮貌地引領我們到2人卡位，但原來燒烤和不燒烤會有不同座位安排，今晚我們便是要燒考，坐下來便發現燒爐旁邊的漕有泡菜😵，以為是上手食家留下，未完成清潔🤦‍♂️，向職員查問後才知道是預先放下，之後會倒上蛋漿加熱進食😑，如果職員有預先說明就好了😢，其後職員都沒有講解醬汁的用法，放下便離開，也沒有提及泡菜及海帶可以添加，如果職業可以提點一下會比較好。2. 打開餐牌後花多眼亂🤢，不想思考下點了牛肉套餐1💲398，簡簡單單基本食材，足夠2人份量，特級箱降牛肉最好吃，油脂分泌剛剛好，有馬場洞韓牛的感覺🤤，其他牛肋排、牛五花肉都不錯，部隊鍋則一般，辣味不足，芝士「一餅餅」，乾身又不煙韌，即食麵無論浸幾耐還是「硬硬的」，最錯是兩舊年糕，攪左大半天都是硬的，似擦膠，不能入口。3. 至於服務有效率，叫喚職員時，職員立即上前服務，看見空盤會立即收回，表現稱心。4. 另外值得一提是枱面空間不足，點了2人餐後已沒有空間擺放其他食物，想點飲品及小食都未必

先前曾喺葵芳新都會廣場食過新麻蒲嘅午餐，韓燒牛肉味道不錯，份量較多，所以性價比算高。今晚就試吓同屋企人試東港城嘅分店，雖然係星期日，但未到６點，所以無須排隊。本來護心肉好味，但係早已賣晒。叫咗特級霜降牛肉同埋韓式秘製烤牛肉，但霜降牛肉較有D厚，燒出嚟有D韌，而且無乜味道。韓式秘製烤牛肉比較好味，可能係已經醃製。以份量及價錢計算，都係食午餐抵好多。但喺ｅ間分店嘅爐邊蛋今次水份好似比較多一點，要等好耐先煮得熟。

好耐冇食過韓國野啦，韓式bbq配可樂或啤酒，諗起都覺得正呀！ 咁岩出將軍澳做野，於是同朋友相約食個飯啦。一入去距已經準備好前菜，kimchi,salad,sauce個d...Kimchi and salad 都好好味。：：：：：：我地叫左2人豬肉餐$35x 再加左護心牛肉，再散叫左d dishes 距地上菜個碟係向高發展ge幾慳位又係令人覺得有taste 的擺設。：：：：：：勁肚餓先燒牛肉，一陣間就食得， 想讚距地醃肉醃得唔錯，味道很好，而且食落口發現肉質也很不錯，配合距提供ge 醬料和生菜一起一口，久違了的韓燒。

先前食過韓國炸雞，今次就試吓似乎係同一集團嘅韓燒，星期日晚飯時間因為尚早，所以不用排隊。本來想叫牛護心肉，但係早已售罄。於是叫咗特級霜降牛肉和韓式秘製烤牛肉。霜降牛肉較厚身，共有6件，味道不算突出，牛肉亦不算軟嫩，覺得不太值這個價錢。但韓式秘製烤牛肉是經醃製，味道不錯，肉切得極薄。佢哋送嘅爐邊蛋、泡菜、海帶、醃籮蔔等配菜係免費任叫。我哋亦叫咗個石鍋牛肉拌飯，味道不錯。整體上性價比不算高，但可接受。

坑口東港城二樓其中一邊經過一輪裝修之後，開左好多新食店，就連一直都好想食嘅新麻蒲都有，終於唔使出到去銅鑼灣先有得食啦✌🏻。成間野個裝修都唔錯，彷彿好似去左韓國一樣（就連service 我地個待應都成個韓仔甘，好靚仔🤭）原來佢有下午茶，價錢仲好似幾抵食，不過難得黍到，梗係食韓燒啦！我地一黍見到個爐邊有泡菜仲以為未清乾淨，細問之下先知係突登放係度，方便一陣待應倒蛋漿做爐邊蛋。個爐邊蛋好正正，唔單止滑仲好濃蛋香味，仲要係免費任添加架，任食唔嬲！至於燒烤方面，我見佢個護心肉（豬肉）除左係推介之外，仲比較少脂肪，岩曬我呢D又要食又怕肥嘅人。好味道，真係好好味道，由於個肉本身已經淹左，所以基本上你唔沾汁都已經好夠味，肉質一D都唔乾又唔韌，仲要好嫩口👍🏻，除左就甘食之外，可以配埋生菜同其他配菜一齊食，一樣好味道，個口感會更豐富。枱面上呢配菜都係可以任添架，個涼伴海帶👍🏻。食完已經掛住個護心肉🤤！

將軍澳韓國菜選擇唔多，好彩依家東港城開左呢間，星期六日中午都有lunch set，感覺即刻抵左。如果可以閒日黎仲抵，平均每個餐再平$10。呢度坐位都幾寬敞，又有卡位坐得舒服。我叫左個特級午市套餐，朋友叫左個海鮮媡豆腐鍋，我地仲心多多咁叫多份海鮮泡菜煎餅。4碟前菜送上黎時已經即刻有啲擔心會唔會點太多，因為前菜份量都唔少。特級午市套餐簡單黎講就係個極豐富既燒肉套餐，有齊多個牛既部位既肉、五花肉同什菇，連大醬湯都齊埋。值得一讚係大醬湯有專屬位置放，可以一邊”慶”住，咁食完肉再飲都仲係熱既。牛肉五花肉都”葉”得好入味，有適當既油脂又唔會覺得好肥。抽氣都做得好好，一路燒肉唔會覺得多油煙。配埋周邊既圍邊蛋、山菜同沙律，仲有個紫菜飯其實已經好飽。海鮮媡豆腐鍋有少少辣，主要有青口、蜆同豆腐。豆腐好滑嫰，湯撈飯好快就食完。海鮮泡菜煎餅大大份，配埋個汁俾你點。佢唔係煎到成塊好脆個款，係中間軟外邊脆，而且幾足料。熱柚子蜜加埋檸檬真係第一次見，原來係好好飲架喎，食完飲完真係超級飽。

今日午餐想吃好一點，於是來到這間韓式餐廳。雖然是星期六，但這裡仍有提供午市套餐。有燒肉、拉麵、冷麵，其他飯及湯麵等等，款式多多，所有套餐更有優惠買3送1呢，可惜今天只有2人前來。我們選了特級午市套餐，芝士炒年糕伴拉麵及海鮮泡菜煎餅，吃到超級飽呢﹗不要忘記還有豐富的4前菜，最好吃的是海帶，有點酸酸的正好開胃。特級午市套餐特級午市套餐是最豐富的燒肉午市套餐，包含牛霜降肉、牛肋排、新麻蒲護心肉、新麻蒲五花肉、什錦菇類及海鮮大醬汁。有牛肉豬肉，又有什菇，還有大醬湯，吃完已經很飽。肉類方面我最欣賞護心肉，肉質軟淋，肉味濃郁，燒一會已經香氣四溢。大醬湯有點少辣，但很足料又惹味。套餐還提供了沙律和山菜，可以用作包肉一同吃。芝士炒年糕伴拉麵芝士可以拉絲，年糕煙韌而且數量不少，拉麵很有咬口不會淋，配上少辣的醬汁令人吃到停不下來。海鮮泡菜煎餅混合了泡菜變成橙色很吸睛，煎餅偏軟身，但邊邊位置仍有少脆，而且吃得出泡菜味道。這裡通風系統做得不錯，抽煙機可以拉得很低即時抽走油煙。而且店員都很殷勤，吃得很滿足的一餐。

中秋節通常都去酒樓食限時圍餐、去燒野食賞月或返屋企做節，而我今年夠哂特別。。兩口子去做過韓燒oppa 啦。係將軍澳附近，搵左間＂新麻浦Bbq ＂。未夠6:00 就座定定，但餐廳已經，都有幾台客人食緊啦⋯⋯什錦煎餅：什菇、翠肉瓜、魚餅值得一提：前菜沙律可以無限refill 味道一流芽菜沙律：有點點辣、又有點酢，好味好夾酸蘿蔔：食韓燒的最佳配菜，沒左蘿蔔就好似有點缺失爐邊蛋：韓燒又一精選主角，可自加泡菜，變成泡菜爐邊蛋（都可refill)雞扒：入味適中、不太咸（份量多點就好啦⋯⋯）濟洲五花豚肉：脂肪分佈都ok 什莓soda :味道可以，價錢抵飲 $50-60（有3款口味）1 jar 可分：3杯多食完熱騰騰的燒肉，食番個冰，口腔降溫抺茶雪花冰：幾特別，同平時甜品點的做法不同。這個有層次的冰，可以一試

同朋友係坑口站行完街街~突然好想食韓燒~!! 剛好見到新麻蒲 BBQ~二話不說就入左去~ 餐廳環境非常闊落，坐得很舒服，一D都唔會有壓迫感，空氣清新，一D油煙味都冇~!朋友決定要一個$168既特級午市套餐，因為內容真係非常豐富~有50g既牛霜降肉 ~ 50g既牛肋排~50g既新麻蒲護心肉 、50g既新麻蒲五花肉 、菇類同一個海鮮湯，仲有一碗紫菜飯(好好食)。GOOGLE完才知道護心肉是豬的橫隔膜，是一頭豬只有200g的非常珍貴肉質~!!烤肉全都很好吃~有朋友之前說話~韓國人喜歡每次只烤一種肉~烤完一種才會燒第二種~所以今回我們也嘗試這種做法XDD火很夠很猛~店員也放了生菜在桌上~~可以包著D肉黎食~有D菜食即刻減少D罪惡感XD 爐邊蛋超級好食!!! 又有泡菜粒~海鮮湯上桌時，店員放在點著火的爐上，超級香啊~!用料都幾豐富~有蝦~超滑口的豆腐~翠肉瓜~個湯好好飲~仲叫多個$78既火山芝士泡菜炒飯~炒飯被滿滿的蛋漿團團圍著~!!芝士滿佈係飯頂~超級罪惡但也超級好食啊!!兩個人SHARE的話一人一口真的超易吃光也不覺膩!!套餐包了的石榴果醋~紅紅的顏色好夢幻漂亮~!非常RELAX 的一餐~絕

同回港既朋友食韓式野，點左個火山芝士泡菜炒飯+特價午市套餐+兩個送贈既飲品。主菜到前有大量小菜配送:有沙律，有普通韓式前菜，有包燒肉既生菜。主菜到啦:特價午市套餐，就甘睇好似份量唔算多 ，但原來仲有配埋一碗紫菜飯，一個大男人食都好夠飽。到講材料，材料算新鮮，味道方面比較偏鹹，食完燒肉，返到家好口渴。依個係火山芝士泡菜炒飯，飯量可以，味道足，大食男人未必夠飽，但女仔就一定夠飽。兩個人食完個午市套餐&火山芝士泡菜炒飯，飽肚地走人。值得一提係環境幾舒適，坐位幾闊，多人一齊食，唔逼又可以試多D款會好D。

入將軍澳探密友，佢介紹東港城二樓，一田超市後邊嘅新麻蒲韓式BBQ，推介服務好又唔趕客，邊傾邊燒咁話，位都未坐定，泡菜、牙菜、好味沙律菜、薄片白蘿蔔、海帶、新鮮唐生菜，好似宮庭上菜咁，上滿半張枱，與此同時爐邊蛋已注入爐邊，睇完餐牌，落完單，蛋都熟得可即食第一轉，皆因所有配菜及爐邊蛋係任食任refill，唔駛餓住等，韓式煎餅拼盤，炸四物，有翠玉瓜、冬菇、雞批菇及魚塊，有D似天婦羅，但脆口度又似港式炸蕃薯，味唔濃清清淡淡都好合我口味；濟洲黑毛豬肩肉，一大塊厚切黑毛豬肩肉，油脂平均，燒後剪開夾生菜食，最佳配搭；燒烤食到熱熱地，叫左jar桑莓果醋，醋味唔係好飮得出，甜甜地，冰夠多，凍到一路飲一路有冷煙出，爽呀👍🏼