無肉食 (洗衣街)

营业中

休息中

今日農曆十五, 想去食素🥦🥬🥕, 不過心血來潮想去吃, 所以都無訂位, 不過估唔到8点半左右上到去, 仍然坐滿晒人👍, 今日十五貴d, 過8点照價8折好抵👍👍, 雖然將近還有一個鐘便收野, 但都有d選擇😋, 各款菜式味道唔差, 炒椰菜花, 西蘭花🥦, 炒娃娃菜🥬, 四季豆, 脆肉瓜, 萵筍, 准山, 唐生菜, 白菜, 炒烏冬, 炒麵, 不過蒸豆腐同蕃茄炒蛋已經無晒😄, 有d芝士🧀多士🍞😋👍, 焗芝士🧀蕃茄🍅👍😋, 炸物無食到, 扮壽司🍣同生果🍉都無食到, 蘋果🍎沙律同薯仔🥔沙律唔錯, 紅菜頭夠健康😃, 飲左一杯熱羅漢果😄👍, 夠熱, 不過今日味道淡d, 飲左一碗紅蘿蔔🥕湯😋👍, 粥試左好少, 係皮蛋粥😁紫米露糖水就無食到了😃

今日年初一又過來食下素😁又估唔到閒日都坐滿晒😄👍不過無乜位, 只好坐緊廚房的面壁位😅或者近廚房, 所以都有d焗😆出去睇下有乜嘢食, 年初一都係同平時款式差唔多, 都係羅白糕, 蒸豆腐, 炒唐生菜, 脆肉瓜, 萵筍, 芋頭, 通菜, 西蘭花, 蕃茄蛋, 涼瓜, 今日有炒腸粉不過無拿, 伊麵拿左少少, 味道唔錯😚今日有pizza, 食左一件好新鮮好脆好有芝士味🍕😁蒸南瓜仔好食要encore🤭今日也是紅蘿白湯好濃好甜又好香👍👍亦試左碗仔翅👍👍夠熱味道又好又足料😘😚今次無食到炸物和生果, 試左一杯熱羅漢果茶, 依然夠熱, 但今日味道淡左少少😅亦試左少少凍菊花茶🤭少甜有d菊花香味都好渴😙😙大家留意年初一同十五價錢會不同😁😚不過喜歡食素依度都算幾多選擇👍👍因為平時素店叫一個餸都係要80-90元多😜😜依度都叫抵食

今次係陪朋友嚟試食諗住如果好食嘅話佢先帶佢媽媽👩🏻‍🦱嚟食生日飯而我哋都慶幸好彩係自己嚟試先唔係直接帶auntie 👩🏻‍🦱嚟打大佬點解咁講呢事關呢度個環境真係麻麻地😵😵😵無錯啲食物款式係好多比起一般齋鋪係真係唔一樣我哋是但執都執到好多但簡完野食埋位坐低呢下個問題就嚟啦現場係有啲烏蠅🪰周圍飛唔知係咪關我哋坐係廚房同自助收盤區附近事總之成個食野過程係要不停邊食邊趕烏蠅🪰趕烏蠅都算坐坐下我同朋友都係被野咬咬到我哋手手腳腳都有紅點，又痕喎😒😒😒搞到野都未食完就立即收拾走人真係唔會再有下次

無肉食算喺新派素自助餐嘅代表，記得之前係佐敦店食過，當時覺得食物都幾新鮮，種類都夠，會係想再去嘅店舖。最近佢哋有個10週年折，再去洗衣街店幫襯，但覺得食物差咗好多。款式太單調，素食並唔係炒菜咁簡單吧，當日只少有3幾樣是清炒菜，應覺唔到廚師對素菜的誠意。老實講，同一個價錢，好更多好的素食自助餐選擇，希望無肉食嚟緊會改善。

之前見到佢宣傳十周年優惠, 可能連放三日假的關係, 所以十二点左右去到都唔算太多人, 唔洗等亦無限時😅拿左熟食先, 依然有不同款式的素菜, 有炒菜心, 炒芥菜, 西🥦蘭心, 椰菜花, 茄子🍆炆麵根, 炒萵筍, 炒脆肉瓜, 亦有羅白, 准山, 油麥🥬菜, 唐生菜, 還有咖哩薯仔, 蟲草花蒸豆腐, 羅白糕, 今次就無整炒飯, 有炒烏冬, 同炒銀針粉, 每款都夾左少少, 依然保持水準, 炒烏冬和銀針粉都炒得好有鑊氣, 亦唔算好油, 之後出左蕃茄🍅炒蛋🥚試左少少, 酸酸甜甜好開胃, 又出左炒瀨粉, 好爽口, 不過依款就油左少少, 佢d炸物試左炒豆角, 脆漿多左少少, 炸豆腐剛剛新鮮出, 食落唔油好好食, 亦試左南瓜粒同薯仔粒, 還有芝麻醬蕃茄片, 珊瑚草, 紅菜頭😜 亦試左素湯, 似係南瓜蕃茄紅蘿蔔煲豆, 清甜👍👍, 亦試左碗仔翅, 好多冬菇片和配料, 又夠熱好味道🥰 亦試左紅豆沙, 唔係太甜又唔差🤩, 今次亦有熱茶, 檸檬凍水, 熱羅漢果茶同冰凍菊花茶, 我都係揀番熱的羅漢果茶😍又熱唔太甜, 飲落好舒服👍👍

我同朋友都唔係第一次去無肉食食素架喇，對住2個唔係好大食既女仔黎講，出面叫2個餐又食唔曬，叫1個餐又怕唔夠食，食buffet就岩岩好，大家食咩就夾咩。旺角分店雖然店頭唔大，但係款式都唔算少，野食turnover都快，keep住出，唔錯唔錯👍🏻

用餐日期：2024/06/12可用餐時段：11:30-14:15，75分鐘用餐費用（每人）：$80餐廳環境：環境整潔乾淨 冷氣足 有不少座位 檯與檯之間有點近 人多時可能環撘檯服務：服務員服務態度正常 食物及時refil 入店前先在前台報上人數+付款 自找位置坐下後就可自由進食 過程快速有效 但食客要自己歸還餐具碗碟去收碟區 對老人家來說不太方便 希望未來店方會提供收碟服務味道：自助區有沙律菜熱食水果甜品湯品飲品 食物款式變化不大 大多不油不咸 選擇多味道好 推薦總結：因之前在這家食自助午餐體驗很好 今天經過發現有十周年9折優惠便再來幫襯 這家環境整潔乾淨 中午自助餐價錢合理 食材新鮮沙律菜熱食飲品都選擇不錯也味道好 是值得推薦的素食自助餐廳提示：10周年優惠到6月19日 全線中午/下午茶9折 晚市8折 注意這優惠是劃一收費沒額外長者價餐牌：

星期一晚，一行6人，大約7點去到餐廳，都有6-7成滿。搵左位之後出去俾錢，成人每位$139（食90分鐘），長者咭仲可以減$15食物俾我想像中多款式除左素食必有嘅各款蔬菜外，仲有比較新派嘅pizza, 三文魚sushi, 牛角包,朱古力酥。三文魚薄薄一塊，口感同真嘅都幾似，真係幾可亂真！而我覺得最有驚喜嘅係咕嚕豆腐估唔到豆腐都可以用咕嚕做法，廚師功藝果然了得。飲品可以揀檸水，洛神花茶同羅漢果茶，另外仲有幾款湯同糖水。眼闊肚窄嘅我，食左2-3 round都已經飽飽了雖然寫限時90分鐘，但我地都可以坐到9:30，滿足地離開。

之前經驗感覺餐廳好好，仲推介給朋友。今天再吃，竟然係食餸尾，冇人加餸菜，職員在休息食飯談天，冇人巡視埸地，下午茶2:15開始，3:00入埸已經冇嘢食，冇人添餸菜，要客人開聲才添如少少食物，對於遲來客人係無理招待，唔會再去希望餐廳重視一下情況，是否應該給予合理食物份量給已付款的客人，或事先提示客人已沒有餸菜添如，由客人決定是否繼續入場進食。絕對不會再來，對這餐廳失望，唔會再考慮這間餐廳，以後唔會再去

是日平日訂了晚上19:30食晚餐，雖然係平日，但幾乎座無虛席。食物擺放係置中，使食客無論坐那一張枱都可以好平均的距離攞到食物。🥙前菜有沙律🥗，有涼拌木耳、青瓜🥒、蓮藕，令人胃口大開。🥙熱葷有泰式素生菜包🥬有驚喜，薑🫚醋蛋好吸引，其他菜式都唔錯，味道不會偏咸。🥙炸物賣相好吸引，而且又有好多款式。🥙生果生果🍊好新鮮同好甜！曾經食過，再次食感覺無論係味道、賣相，種類都比以前好，亦會再想回味。

通常一諗到食齋，就會去食冇肉食嘅自助餐全家人都鍾意，好欣賞佢幾十蚊貨仔你可以試到超過20樣嘅唔同食物種類所有嘢不過不失，炸嘢永遠都保持脆卜卜最有驚喜一定係夜晚個炸銀絲卷蕃茄炒蛋亦都非常夠酸味佢嘅冷盤最好食係麻辣嘅雲耳，但係醃蘿蔔嗰啲就唔夠酸，個人口味啦炒粉麵炒得好夠鑊氣，佢哋自己煲嘅羅漢果茶都非常好味，但係湯同埋糖水雖然好足料，但係唔知點解嚟嚟去去都成啖水咁😵‍💫😵‍💫😵‍💫應該係煲得唔夠火候下午茶都係$70左右所以唔會要求好多

用餐日期：2024/03/22可用餐時段：11:30-14:15，75分鐘用餐費用(每人）：$85.67餐廳環境：環境整潔乾淨 冷氣足 有不少座位 檯與檯之間有點近 人多時可能環撘檯服務：服務員服務態度正常 食物及時refill 入店前先在前台報上人數+付款 自找位置坐下後就可自由進食 過程快速有效 但食客要自己歸還餐具碗碟去收碟區 對老人家來說不太方便 希望未來店方會提供收碟服務 沙律吧：有4款沙律菜 3款配料 7款醬汁 9款已調好味的沙律 1款綠茶麵 1款豆腐 沙律菜新鮮配料選擇很多味道很好 如有提供芝士粉+黑醋醬更好 推薦熱食：有約18款熱食+7款炸物 試了多款熱食+1炸物 大部分菜色都不咸不油味道好 炸物也夠熱夠香口 這家的熱食選擇多 菜差不多完前服務員也及時補上新菜色 推薦蕃茄炒蛋 蒸南瓜 水果：有蕉+切開的橙 蕉味道正常鮮甜 橙沒去皮關係難以進食 如提供去皮的水果更好 希望店方改善湯品：紅蘿蔔湯+碗仔翅 試了紅蘿蔔湯 湯清甜不咸不油 推薦甜品：有類似西米露+涼粉 把2款放在一起味道不錯 推薦飲品：有4款(熱茶 熱羅漢果茶 凍菊花茶 凍檸水) 試了熱茶 味道正常 推薦總結

夜晚臨時決定食素, 即刻去walk in無肉食碰下運氣先!😝雖然無訂位但等左5分鐘就入得了, lucky!幾個月無黎, 佢地既菜式選擇又多左! 要重點推介下呢個新既心頭好, 黑椒蜜糖薯仔炒素肉🍯呢個還原大排檔既味道100分, 好香脆 令到我一舊接一舊薯仔係咁食哈哈! 大家記住試下!之前有既壽司🍣, pizza🍕同天婦羅🍤都係到坐陣鎮, 個人黎講好鍾意食佢個pizza, 真係好惹味 岩哂平時覺得素食一定係淡口味既frd子~ 天婦羅都有好多種唔同蔬菜, 茄子同茹又脆又juicy👍🏻鍾意食麵包既就一定唔可以錯過芝士多士同牛角包, 兩個都焗得好香好酥脆, 好耐無食麵包既我超開心🤣本身唔鍾意食素既朋友, 都話呢到既素菜式好吸引好豐富, 會想再黎食🤤

大年初一第一餐想食下齋, 年三十訂位好彩都訂到👍, 差唔多一点上到去, 已經迫滿客人, 不過都唔洗等好耐就有位, 我哋安排在二人枱仔, 可能真係吃飯時候, 所以勁多人出去拿食物, 樣樣夾d試下, 最愛蒸南瓜仔夠清淡😋, 要encore, 炒芥菜亦好味, 粟米牛油果沙律亦好健康👍, 碗仔翅味道好好亦足料, 好多食客排隊拿, 我拿左熱薑茶飲落幾舒服又不太甜🤩, 最後要碗紅豆沙, 有d陳皮香味🥰好滿足龍年第一餐😅😅

旺角素食自助餐下午茶$88（公眾假期價錢，平日$70，一律免加一）無限時：由2:15pm食到4pm 😍啱哂大食又怕有罪惡感嘅你🔥✨.最近食濟咗，想食清淡少少，就揀咗呢間素食自助餐。既可以滿足為食嘅慾望，又可以健康啲，食多啖都唔怕肥啊💖職員會不斷換新嘅餸菜，每碟都係熱辣辣拎出嚟。呢樣好欣賞佢哋不停保持食物嘅質素( ´▽｀)❣️.不過有啲失望嘅係，本身睇OpenRice見到有好多甜品，但下午茶就無～我諗應該晚市先會有多啲甜品食，不過佢嘅下午茶其實都有好多唔同選擇，又有水果、炸物、家常便飯嘅餸、紅豆沙、飲品⋯下午茶計返都好抵食！我都食咗三轉～勁飽( ´▽｀)🤍下次再試下佢個晚市先(˶‾᷄ ⁻̫ ‾᷅˵).📍:無肉食 (洗衣街) (旺角)旺角洗衣街88號2樓....#素食#素食自助餐#vegetarian#旺角#無肉食#mongkok#健康#健康飲食#健康瘦身#heavylife