無肉食 (洗衣街)

营业中

休息中

平時成日都食肉，有時都會想食下素，今次就同朋友黎到呢間位於旺角既素食自助餐廳，一於食多啲齋，健康一下！呢間餐廳係先俾錢，然後就可以任拎野食架啦！估唔到素食既選擇都有好多，沙律、冷盤、炸物、壽司、熱盤、湯、甜品、飲品等，而且會不停refill，款式亦會有所唔同！冷盤，有木耳、刀拍青瓜、芽菜、皮蛋等，味道都好夠，好好食！炸物，炸物有春卷、椒鹽粟米、蕃薯等，當中椒鹽粟米咸咸香香，好正呀！熱盤，選擇超多，有素的羊腩煲、節瓜圃、炒四季豆、生菜包、涼瓜炒豆卜、茄子、蕃茄炒蛋、多款炒菜等，每款味道都好正，完全打破食齋會好淡無味既框框！當中我最喜愛生菜包同埋涼瓜炒豆卜，味道都好正！湯，湯有蘑菇湯同埋中湯，中湯用上多款豆類煲成，味道絕對唔會好淡！甜品，有芝士蛋糕、紅豆糕等，仲有糖水可以揀！飲品，有羅漢果茶、洛神花茶、普通茶同埋水可以揀！

我胃慈悲，近排食得太喪，有感罪孽深重，間唔時一餐走肉，個人好似冇咁冇戾氣同胃氣呢間冇肉食餐廳旺角、荃灣、、中環同北角都有分店，方便胃民隨時告解放題式晚餐嚟講，價錢算係幾平。一入場就見到好大個拔絲塔，大半個人咁高裡面可以夾出拔絲芋粒出嚟，認真有趣炸物方面，大胃覺得炸地瓜圓真係好正，密度接近八九成，而且好有蕃薯香。煎堆粒、炸秋葵、炸金菇、春卷都好脆口壽司卷胃弟都好鍾意食，有肉鬆同蟹棒味，當然都係仿肉嚟啦，但味道依然好過癮講到仿肉，素羊腩更還原到肉類嘅纖維，大大啖食真係好似食緊真肉咁，加埋醬汁真係冇得頂蘿蔔糕估唔到一啲都唔熱氣，先蒸後微煎，所以食落水份爆燈，口感好飽滿，但唔會油膩同滯胃食粥食飯，任君選擇食到第N round，pizza就新鮮上場，大胃好好彩第一個攞到，拉晒絲咁，咬落好熱好綿甜品亦有幾款選擇，有橙、芝士蛋糕同糕點，芝士蛋糕真係好有芝士香，同埋幾搶手吓㗎飲品有四樣嘢飲，檸水、羅漢果、茶同夏枯草，夏枯草凍冰冰又唔太甜，好健康咁，其他就熱飲嚟嘅食完記得自己收拾餐具去回收處，做個負責任同有質素嘅食客，咁就功德無量喇

平日接近兩點可以即刻入席，先付款，後自助選位，空置桌面都收拾乾淨。有字句提示客人需佩戴口罩及每次用新餐具取食物以提高衛生，當時見有位女士忘了戴口罩到食物區，在旁補給食物的職員亦有馬上上前提點。食物數量不多，但已涵蓋醃漬炸物、沙律、水果糕點、十多盤熱餸飯麵、粥羹、中湯糖水，以及飲品。相中兩盤已經是大部分的菜式，味道普通，勝在價錢不貴但可以任選任食，可借今次沒有芝士撻。不用等上菜，所以即使限時75分鐘都很夠用。

酒店自助餐、日式放題就食得多，第一次食素菜自助餐，十分有驚喜！菜式選擇非常多，由沙律、熱葷，到甜品糖水都應有盡有!! 就算無肉食，都夠哂豐富自助區細分為熱葷、沙律、炸物、甜品和飲品區。先講沙律區，除咗有常見既沙律菜，最高回頭率一定係各款既麻辣涼拌小菜！仲有四五款既選擇，係開胃既好選擇。而最吸精既當然係炸物區～有豆腐、蕃薯、粟米、煎堆等等，連pizza同蛋散都有!! 每一款都炸到金黃色，又吸引又香口熱葷區亦提供至少八款選擇，各種蔬菜，炒麵都有，亦有自助餐少見既煎糕同燉蛋，如果係無飯不歡既人士都唔需要擔心，呢道仲有壽司同紅米飯任裝，絕對係健康之選。食完各款主菜，當然唔少得甜品環節有西式亦有中式，個人超級推薦佢地自家製既芝士蛋糕係日式芝士蛋糕既口感，好輕盈又唔會太甜，令人不禁食咗四五次！！！芝士愛好者仲要記住試佢地既芝士撻，鹹鹹甜甜勁正！！而中式甜品有紅豆糕同馬豆糕，想食濕濕地既話，仲有超足料喳咋!!另外仲有橙同好甜既哈蜜瓜。飲品方面，除咗有中湯，仲有夏枯草、羅漢果同檸檬水。最抵讚係服務食物既refill速度非常之快，保證新鮮熱辣，枱上從未出現空位，而且不斷推出新既菜式，每次行出去都有新既選

初嚐素食自助餐比想像中多好多唔同款式既食物重點係好多都好好食最最最推介係佢個韓式炸雞真係好正好逼真脆脆地加埋d酸酸甜甜既醬格外好開胃感覺上如果以後都食素食炸雞都唔錯😋其次要推介既係佢個竽頭西米露甜度剛剛好又多西米唔會得水我忍唔住食咗兩碗啊 哈哈😛再推介既係個pizza 材料配搭得宜食落去仲啖啖料好正❤️佢d沙律同哈密瓜都好新鮮好甜我同我朋友都食咗好多🤣佢個q彈波波都好煙韌 好好咬口😋最無奈係食得太飽，未能食到佢既紅豆糕🥲同春卷🥲但我下次一定會再同朋友去😋十分推介啊‼️

呢排應酬多，腸胃好似有啲頂唔順，但又好想見朋友，聽聞旺角中旅社附近有一間食齋嘅🌱🥦，今日特登同好姊妹上去試吓先！一上到去，就要喺門口先俾錢，原來係自助餐形式😛 除咗特別「留坐」唔可以坐，其他都係自己揀位，幾好喎👍🏻佢嘅食物種類都好齊全，有冷盤沙律，有香口野，有熱菜，熱湯，糖水等等⋯⋯其實有啲眼花撩亂🤪🤪🤪放工實在太攰，所以一次過攞咗幾碟，乜都要啲，就坐低慢慢食：In general, 口味比較清淡，食完唔覺有味精，材料全部都好新鮮，尤其雜果沙律，由細到大都好鍾意食，可惜係屋企整實在太花時間，今次可以任食，大滿足！🥰🥰🥰眼闊肚窄，以為自己可以食好多，但係有好多菜式未試已經覺得好飽，下次一定要約朋友再嚟過！

假日午市素食自助餐75分鐘$88/位價錢幾相宜，食物選擇好多樣化，有沙律，前菜小食，炸物，熟食小炒，湯，糖水，糕點，水果，粥粉麵飯及熱飲。雖然無「假肉」菜色，但食物款式一直換，每次行出去攞食物都有新鮮感。食物質素亦唔差，熟食我推介椒鹽玉子同粟米炒蛋，兩款我都有Encore！各款炸物都好食，胡椒湯好夠味，紅豆沙亦好足料，我食左三Round已經飽晒！店內客人多，所以無點影店內環境同自助食物區，食完快手執好餐具離開比店家翻枱好過啦。好好彩無訂枱都有得直入，走果陣見好多人等位。

食物質素差，又沒有限制人數，全部位也有人坐，好似搶食世界咁，伙記也一起搶食，又冇添加食物。所有熱食好似餸頭餸尾，菜有苦味，瓜完全硬，吾淋，食物味道勁差，啲湯好似溝水咁，紅豆沙也是苦的，好似一口槳糊。炸物沒有味道，種類也少。之前客人提供的食物圖片，可能是下午時段，所有圖片的食物我也看不見，見吾到pizza,芝士達，拔絲........建議大家要吃晚餐時段，下午時段80元，雖然好便宜，但我食吾到半小時已經吾想再食，本人吃過一次以後不會再光顧。

昨天午餐時段，一家三口在旺角初嘗素食自助餐。由於未有預訂，到達時需輪候十分鐘左右，一時十五分可入座。我自己午餐食量今日都算幾驚人，一碗湯，兩杯羅漢果茶，三碟素菜。丈夫讚蔬菜煑得好，女兒讚蘿蔔糕正(食咗六件)，我自己就比較喜歡炸物，炸饅頭及春卷是新鮮炸起，皮鬆脆不厚，其他如沙律及前菜如醃蘿蔔都好味道！補充食物及時，環境乾淨，坐得舒服！洗手間內環境較一般，地面乾爽，垃圾桶蓋上滿佈抹手紙但未有人處理，如果可以換上免用手按開關的就更合乎衛生情況！

最近成日大魚大肉，男朋友(難得)表示想食清啲!😏既然係咁，一於去食齋啦~🌽🍅🥕餐廳唔算好大，中間係自助區，野食選擇唔算好多但勝在款式輪流轉，keep住都有啲新野出黎👍🏻~ 當日閒日午市$70/人(限時75分鐘)，價錢算抵食!🤩今次先簡單總結，整體就🌟3.5/5分啦~食物分為5大類，味道大部分都正常，無食到一樣係難食既😆雖然唔算好突出，但呢個價錢完全收貨啦! 有時唔知食乜，想清淡少少，或者係一個唔錯既選擇☺️✅前菜類主要係沙津同涼拌菜🥗🥒前者選擇唔多，有薯仔沙津同自選沙津區，不過都算新鮮。後者就有6款，其中木耳帶輕微麻酸辣，味道唔錯!😋✅小食類以烤/炸為主，keep住有唔同款出，當日好似有8-10款左右!🥰女朋友推薦椒鹽豆腐同蕃薯天婦羅， 前者外脆內嫩，後者夠哂甜~✅熱食類款式有12-15款左右，不定時更新👍🏻大部分都係家常菜😇雖然味道正常，但亦難以令人留下深刻印象!🤨男朋友就覺得蕃茄炒蛋、辣炒蓮藕、炆冬瓜唔錯~✅澱粉類完全唔驚食唔飽架😏有白飯、白粥、炒麵、炒銀針粉、煎蘿蔔糕等等。銀針粉幾惹味🤤其他就不過不失。✅其他湯有是日靚湯同胡椒湯。前者係老火湯，幾清甜，飲落舒服亦唔口渴😋甜品有馬拉糕

我係由北角初店食到現在，發覺佢哋越做越冇心機，以前D食材好新鮮，而家D食材差咗好多，今晚食咗個粟米羹味道oK，但個D粟米老到好似食柴咁!D皮蛋皮呆部分唔知點解會硬到好似起骨咁!唔識形容，菜芯又係老，連D南瓜都整到冇味同硬，夏枯草淡到冇味!最好食係沙律，芝士撻，古早蛋糕，經過呢次之後，我諗我唔會再去!好失望!keep唔到水準!😓😓😓仲有近厨房位置，個地下好滑，铺咗地毯都冇用!老人家去真係要小心!食物方面希望佢哋只係個別分店厨司問題，如果唔係連北岛間老店個招牌都可能冇理了，期待佢哋有改變啦!

以前對素食好抗拒 覺得烹調方式好單一 款式選擇少 同埋會懷疑食唔飽😂但近年素食潮流興起 多左好多素食餐廳 款式超級多元化😍😍呢間主打素食自助餐😋最正係中意食咩就夾咩食👍🏼👍🏼 每款都整得好精緻😙 都唔記得自己食緊蔬果或者其他素食產品😂😂 同朋友試咗好多款試😛😛 最深刻而且中意嘅食有蘿蔔糕 雖然煎得唔夠香口 但食到蘿蔔清甜😍芝士撻一啲都唔膩 食多兩三個都得另外素嘅韓式炸雞（椰菜花）都做得好出色😌😌 如果疫情期間怕幫襯自助餐 都可以買外賣 任你夾滿飯盒走😬仲可以拎湯/糖水都唔錯😝 十分推薦！

疫情下把握堂食的機會💪🏻，保留自助餐的餐廳更少之又少，好幸運呢度還有自助餐供應。值得一讚係，職員會重覆清潔枱面，用清潔劑抹兩次，而食客都要戴口罩夾食物。🔸沙拉🥗：有羽衣甘藍🥬、車厘茄、薯仔沙拉等，食客可自行揀沙律醬。🔸涼菜：有素肉鬆豆腐、木耳、拍青瓜等🔸炸物：炸雲呑、蛋散（👍🏻👍🏻推介）、炸番薯🍠、炸豆腐🔸熱食：都係一般炒菜/野菌/豆類製品，有炒飯同炒麵。🔸另有白粥、中湯和糖水，是日糖水係雪耳糖水，煲至起膠好潤喉👍🏻。

一日一黃店 初試素食自助餐後感 呢間應該都幾多人知 平時行過旺角都見到 最近要（扮）減肥 一於去試試素食自助餐 望落價錢好平 最平下午茶任食都係$50 冇加一 （價錢睇圖）呢間仲係良心店 見到佢哋有小量文宣1130開始 岩岩開店 唔算多人 1200坐滿.入店前會提醒你 要做足防疫 呢日在場9成9都好守規矩 唯一有個婆婆忘記戴口罩 離開座位 即刻比店員大聲提醒 感覺店內防疫做得幾足嘅.食物方面 種類好多 全部野食大概30款 up熱盤款式幾多 大概14款up 有麻辣白菜 炒菜心 豆豉茄子 蕃茄炒蛋 咖喱薯仔等等 食完會再轉其他野食炒菇 炒菜 炒瓜 炒腐皮 炒炒炒炒 轉唔同汁 其實唔會食悶（好似有舊白色野 淮山？ 我唔鐘意🤦🏻‍♀️）.炸物有8款 全部熱辣辣👍🏻春卷同腐皮卷 都係勁脆 咬開爆碎嗰隻👍🏻腐皮卷好好食 👎🏻春卷係芋頭餡（挑食寶寶出現）👌🏻炸南瓜 似天婦羅南瓜.主食有 3款👍🏻茄汁蛋炒飯 做到粒粒分明👍🏻炒銀針粉 幾彈牙幾滑 類似乾炒牛河果類 好油身👎🏻白粥 真係白粥冇味（別想太多）（挑食寶寶又出現）.仲有生果 沙律 綠豆沙 粟米蘿蔔湯 煎蘿蔔糕 芋頭糕...飲品得2款 熱檸檬水

作為一個食肉獸，我都好少會成餐食素食，只係有時會學校飯堂食羅漢齋（好食）。但係最近見到有素食嘅自助餐，我就覺得要試吓啦！睇完人哋啲圖之後，估唔到素食都有咁多種類！無肉食係中環、北角、旺角、佐敦同荃灣都有分店，夢想要成為一個出色MK妹嘅我就去咗旺角分店。星期一夜晚嚟，晚餐時段都只係$120（免加一），可以一次過試晒由頭盤到甜品嘅素食簡直係抵啦！平時我都鍾意食菜，只係唔會特登成餐都冇肉，因為平時款式唔多，嚟呢到就可以試到好多新嘢。炸物區都好多款，我最鍾意佢同埋同埋炸金針菇。炸嘢食得多會膩，但係一咬落去啲菇嘅汁爆曬出嚟，中和返成個味道。仲有佢個粉紅色醬好特別，食落係沙律醬味。主食區啲食物就好似家常便飯，好有家嘅感覺，有十幾種餸、有粥、有湯、有飯。我好中意西蘭花同冬菇，好有媽媽feel。個是日例湯都好好飲，估唔到冇肉都咁入味。生果同沙律款式都好多，啲哈蜜瓜同埋火龍果好新鮮好甜！甜品我就最中意佢個燕麥糕、迷你芝士撻、芝士蛋糕。好香、好滑。枱同枱之間分得好開，好闊落，坐得好舒服。唔使搭枱、冇咩壓迫咁！出去攞嘢食要帶返口罩㗎！仲有啲畫 (ARTour)，好有藝術氣氛。本身好期待嘅嗰座拔絲同Pizza