無肉食 (洗衣街)

营业中

休息中

蕃茄湯係家裏湯水嘅味道 可以再飲❣️雖然係對牆坐，但係都有少少圖案睇下嘅👁️紫米露正正😁有咬口外面都要二三十蚊㗎，喺度飲多兩三碗啦\⁠(⁠ϋ⁠)⁠/⁠pizza ok喎，下圖 可以食✓✓肉讚👍🏼

以前係其他分店已經光顧開無肉食旺角係咁多間入面 種類最多冷盤除左有常見既壽司 豆腐 沙律菜仲有幾種水果，想食甜甜地既仲有涼粉同椰糕熱盤不外乎蔬菜，例如西蘭花 生菜 羅白等啱哂無肉食既你而且仲有其他選擇，好似蕃茄炒蛋，豆角，菇類想邪惡少少食啲炸物又得多數都係南瓜 蕃薯 煙煙靭靭 又健康仲有芝士愛好者最愛既芝士pizza同多士真係每樣都金黃色bling bling der除左以上咁多樣，仲有飲品 粥 糖水任飲 白飯任裝視乎當日分店供應邊款環境大又靚同frd一齊來食個性價比高既素食buffet 兼吹吹水簡直係假期一大樂事

同朋友喺平日夜晚大約7點嚟旺角分店，見餐廳入面人頭湧湧，好彩有book定位好快入座😌對上一次嚟無肉食已經係幾年前，水準依然keep到，可能因為多人幫襯食物新鮮，而且refill得算快。最有驚喜嘅係芝士撻🤩真係好好食。牛角包都好香，食完又食。珊瑚草亦係呢度比較特別嘅食物，味道清新，口感特別，有啲似蒟蒻但比蒟蒻爽口，印象中無喺其他餐廳食過。無肉食嘅炸物都好好食，完全不覺油膩或者厚粉，平時不愛吃煎炸嘢嘅我都忍唔住食咗幾件😋比較不推嘅係碗仔翅😗因為好鍾意食碗仔翅無論幾飽都會試，但呢度嘅碗仔翅比較杰身，感覺似拎咗餸嘅芡嚟食咁，可能唔係咁啱我口味啦～總括而言無肉食旺角分店食物種類多，味道走清新路線唔會好似舊式素食咁重口味，好適合平時食太多太滯嘅都市人嚟清腸胃(*´∇｀*)

旺角沒甚麼素食餐廳，約朋友都係去這間素食自助餐最方便，平靚正又可以一餐食好多款蔬菜。由熱氣炸蔬菜炸豆腐、糖醋骨素叉燒、炒麵炒腸粉、涼拌到涼粉真係數之不盡每樣都想食下，唔好唔記得仲有湯和糖水可以吃，飲品都好多款茶俾你揀呢！入門口先付費，平日晚市HK$138/位，可以吃90分鐘，價錢幾抵食㗎。晚餐時間七點半左右到達，勁多人坐滿晒，來吃之前可能訂個位比較穩陣。無肉食的炸物部一向蠻多蠻厲害，不過熱氣呀唔好太放肆。熱盤大概有二十款，當中有部分係蛋奶素，要自己留意清楚。無肉食唔會用很多素肉，主要係蔬菜和豆腐之類，中式菜都係有少少偏油膩，但我個人覺得可以接受的程度。平常自己煮就懶洗咁多菜，來吃自助餐正好吃一些平日缺的營養，甚麼都吃一點就對了。

$100唔駛就有得食自助餐仲要咁多款式又係食素健康之餘又支持環保綠色生活幾推介多謝我個fd帶左我黎野食質素都中上refill得好快座位都寬落舒服❤️❤️❤️❤️

嗰日約咗朋友一齊去食齋，上OpenRice睇吓就搵到呢間嘢朋友呢排好沉迷食齋，試過幾間比較出名嘅，今日食呢間感覺都唔錯。單憑食物種類來講，跟同類型的餐廳比較，食物種類尚算頗多，小炒、蒸品、甜品等等都有。有個皮蛋粥，非常綿滑，係有生以來食過最好食的皮蛋粥另外甜品等等有蒸糕點、糖水會再試Recommend to those who really want to try vegetarian diet！！！！！！！！！手

到場已是12:26，原來最多人流是此午市時段，舉機拍攝場內也避不了人面，反而一點後入座的人僅零星。高於120 cm一律成人計，先購票後搵位再取食物。建議搭升降機，雖說2樓，樓底高，實則要行四層。舖面L型，兩邊廳，目測千呎。天時暑熱沒啥凍飲，得熱羅漢果茶、菊花茶，沾邊凍飲得檸水。有涼粉，伴隨疑似罐頭菠蘿粒，若想再添水果僅哈密瓜可選。是日糖水：熱芋頭西米露，芋頭不夠粉，極低糖，但夠糊。較特別有涼伴珊瑚草，口感似貴刁又像蒟蒻。綠茶冷麵的好處是旁邊大大樽濃郁胡麻醬任加。炸饅頭小巧外脆，多吃幾個不感膩。寫着「蛋奶素」的黑鍋內藏碗仔翅，但搵食過份勤快，最後沒緣嚐。鼓勵用餐完畢自助清理碗碟餐具紙巾。有職員噴灑消毒清理經用膳後的枱面。倘用同類同區已結業之心裡有素作比較，舒適度以無肉食勝；食物烹煮技巧調味及創意度則心裡略勝一籌。

近年不少香港人注重健康飲食，比起每餐大魚大肉，偶爾吃全素清腸胃已成不少人的習慣，各種素食餐廳亦在香港百花齊放。是次到訪的素食餐廳主打廉價中式自助餐，平日下午茶時段更低至$70/位，該時段開始前15分鐘到達時已有幾位食客在排隊等級，入座15分鐘後已座無空席，可見人氣十足。由於食物種類較多，以下介紹少許個人較愛的款式：🍜 菠菜冷麵口味清新，混合了少許沙律醬調味提升整體味道且沒肥膩感🥒 迷你勝瓜一口大小方便進食，口感爽嫩，上方醬汁混合了薑蒜令味道昇華🍆 蔬菜天婦羅有南瓜、芋頭、冬菇等款式，外層炸皮香脆而不油膩，調味沒有過鹹🎃 蒸小南瓜蒸焗過後的小南瓜香甜被完全帶出，外皮亦已軟化容易消化🍰 馬拉糕口感鬆軟，甜度適中👍🏻 同行食伴一口氣吃了4塊😂🥤 安寧檸檬玫瑰花蜜淡淡玫瑰芳香，輕微甜味不苦澀，適合現今愛少糖健康的風氣，但以味道優先來說的話個人認為再甜一點會更佳🗒️ 總結食物整體味道佳，補給迅速，款式亦會在中途變換，食品及環境均比其他同類廉價中式素食自助餐優秀👍🏻✏️ 食客需在進餐後自行收拾餐具到回收處

今日係十五，同事話想去食齋，我們便去了無肉食。這是一個自助餐形式的齋菜館。齋菜種類繁多，一定找到適合嘅東西。頭盤係沙律和冷麵等，我最喜愛食秋葵。秋葵本身已經非常健康，這種冷盤更是野味。面上加了芝麻醬汁，更加開胃和增加食物的味道。炸物，脆口感，是基本的要求。炸青椒，但能讓青椒內的水份，留在炸青椒內，確實是極好的菜式。番薯，不錯，很甜。炒麵、炒飯，當然不少得。羽衣甘蘭，豐富維生素和降膽固醇物質，都好健康，真係要食多啲。

想去如心廣場果間，打左好耐電話都無人聽，怕無位，於是照舊去旺角呢間食。一行五人，三大兩小，沒有長者優惠，只是一個仔減廿蚊。我們今日吃晚餐，5：30來到，關晒燈，未開始入坐，但好在可以俾我們在大門口坐坐。5：45就安排坐位，坐一陣就開始可以拎食物了。今次都好多新野蘋果沙律，蜜汁叉燒，芝麻冬菇，碎蛋牛角包，仲有蛋餅，真係好有新意，好味道。這個價錢真心不錯。我仔最喜愛的是冷面，鲁水蛋，粥同湯，encore了好多次。這間餐廳認真用心做，希望長做長有，我眼見佢好多間分店都執左，希望可以陪著我地繼續啦！好再幫趁的！

💥復活節過後，食素平衡下📍無肉食｜旺角📍人均消費 $ 9 X#CL旺角 #CL四圍食 #CL素食⚪️⚪️⚪️⚪️⚪️⚪️⚪️⚪️⚪️⚪️復活節幾乎日日都大魚大肉，WEEKEND決定食素清吓腸胃🙉以往印象係素菜都係好油膩😳無肉食完全係平反左呢個印象🧏🏻‍♀️場內大約有熱葷十多款，另外有啲沙律、冷盤、天婦羅、湯同甜品🤤樣樣都有試下，絕對唔係盤盤都一樣味咁樣去Hea你✨同埋個湯都香濃，唔講真係唔知自己飲緊素湯🥣相信佢座無虛席都唔係浪得虛明，食得出用心💖🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌘🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

今日好開心， 可以去食素食自助餐， 百零蚊嘅晚餐， 就可以食到全面嘅營養， 又好味嘅食物。 我鍾意食嘅味道 ，係食物嘅原味為主， 而唔係添加嘅調味料， 所以呢度嘅自助餐就啱曬我啦。 首先呢度係全素食 ，90分鐘足夠喇 。一開始就飲返碗清潤嘅湯水， 木瓜紅蘿蔔湯 ，好甜好潤， 又夠熱。 跟住就開始不同顏色嘅營養攝取 。紅色， 有紅椒 ，紅菜頭 ，蕃茄。 黃色 ，有雞蛋 ，雞蛋都分 炒蛋 ，鹵水蛋。 綠色特別多， 有大芥菜， 靚靚菜心， 好嫩嘅窩筍 。紫色當然係茄子 。黑色有冬菇 ，雲耳 。橙色 當然係有橙 ，有木瓜。 白色有椰菜花，淮山， 有大量不同嘅豆製品。 吸收唔同嘅營養， 喺植物唔同嘅部分。 例如葉，花， 梗 ，種子， 果實 ，最意外嘅就係呢度竟然有栗子食， 好開心， 食咗好多粒。 最健康嘅食物呢度都有， 例如羽衣甘藍， 西蘭花 ，椰菜花， 番薯 ，南瓜等。 甜品都唔少㗎 ，紅豆糕 ，馬拉糕， 仲有芝士撻 ，蛋白質 ，纖維， 碳水化合物 ，樣樣兼備 ，營養齊全 ，顏色鮮豔 ，喺香港食素都可以非常豐富美味。

新年日日大魚大肉，都要食返清淡啲先得，今日同同事一齊去旺角無肉食，今次係第二次到旺角分店食lunch buffet了，食物質素都保持到，CP值非常高👍🏻我最欣賞嘅食的有麻辣雲耳、青瓜、芝麻醬秋葵、羅漢果茶、紅豆糕、炸饅頭、紅豆沙、炒麵、炸芋頭……但冇我最鍾意食嘅春卷😢

晚市$135如果初一十五就$155有啲日子都好似係$155好想食得平啲，就要揀午餐段嚟啦不過唔肯定午餐嘅話款式係咪同晚市一樣場內有好多款炸物勁like炸秋葵（條條都勁粗勁大炸蝦炸芋頭春卷炸南瓜炸蛋散（超好食呀炸豆腐扮唐揚雞塊既椰菜花冷盤有醃蘿蔔、薯仔沙律、幾款涼拌小菜/麵熟食就各款菜沙律菜連少見既羽衣甘藍都有個人覺得最驚喜嘅係牛油果粟米沙律半隻牛油果去核之後，中間凹陷嘅話，用嚟裝粟米沙律好正牛油果迷🥑可以不停食！呢款菜式坊間好少見嘢飲選擇唔多檸水、薑茶，普通茶冇凍飲冇紙包飲品先俾錢後之後就完全自助自己搵位坐食完自己收拾餐具$135會想再幫襯款式係冇有心思既

廚房出嚟上菜，見有人夾緊嘢唔出聲，個廚房都幾大件下，一嘢撞落我屋企人度，佢係正面行出嚟，冇理由見唔到有人喺佢前面呀我知做自助餐係忙，平又唔算平，幾個人食其實都七百幾蚊，絕對可以出去叫餸品質仲好，客人唔係乞食，咁嘅態度真係冇下次你唔小心就話，直情迎面撞落嚟仲黑面冇道歉，做服務業做到咁。建議定期服務培訓，或請員工時多留意質素。請一個幫你趕客嘅人，幫老闆倒米。如果下次又有相同事件發生，分分鐘俾人嘈攪大件事。