日和号壽司料理 (已結業)

嗰晚我地去德福睇戲，散場已經接近八點。德福又極多人，所以我地想轉場去Megabox搵食。點知Megabox都不遑多讓，都係好多人。所以我地就上咗去十樓睇下搵唔搵位食飯先。巡咗一圈，見到這間日和號似乎仲有位，咁我地就去咗撳飛仔攞位啦，等咗一陣就安排我地入座，原來裡面嘅空間都幾大下，而且都仲有好多吉枱。坐低打開餐牌睇下，選擇都幾多，有壽司、刺身、拉麵等等。我地為咗穩陣起見，就點咗拉麵嚟食。兩碗拉麵（豬軟骨同叉燒）賣相都唔錯，味道都正常。到埋單時，先發現除咗收加一服務費外，仲要收3蚊位茶錢！真係好少見要收茶錢嘅日式餐廳。。。Ｏ咗咀。。。

中了伏中之伏 ಠ﹏ಠ 食得好委屈嘅一餐，大家三思呀！Ó╭╮Ò事源早兩日放工睇戲，買完飛得返半個鐘唔夠，冇時間慢慢搵野食同揀餐廳，大部份餐廳都要等嘅情況下見到呢間野嘅外賣promotion! 價錢正常偏平，外賣應該都快快地掛，所以就決定點單！去到門口，個阿姐問左句「幾多個？」，我話外賣，佢唔理我自己行返去收銀個位🤦🤦做咩呢？十萬個黑人問號😒到我行去收銀，佢就話「諗好食咩先過黎？」。我當下反應係「下，你咩事...？」因為趕時間早就諗好食咩，諗住快啲買好，快啲食完去睇戲，唔好多事。所以我忍....就點左咖哩飯同個壽司諗住都會好快啦！但阿姐真係好勁，落單落到唔想落咁，全程串同無禮貌，我真係覺得你唔想做外賣你出聲啦！🤬落到咁唔情願，唔好做外賣啦！雖然我覺得堂食客得到嘅對待應該差唔多😠落單係第一個衝擊，等外賣係第二個衝擊😤😤落完單我企門口度睇下，等下，個阿姐行出黎我同講「你唔好企喺度呢等，去第度等」嘩！你咩意思呢！我左住你到咁，咩態度呢😠佢個門口其實都好闊，我真心冇左住佢....講還講，尊重啲啦！終於等左三個幾字，有得食！第三個衝擊黎😤壽司餐睇落可以，但我話你知仲衰過地鐵站x鮮，我食果啲都好過佢.

MeagBox入面食肆都算多，今日揀咗日和號食下午茶，價位大概$50-80，以商場嘅價位都算合理。天氣咁熱唔想食飯，就叫咗呢個石鍋烏冬，呢個石鍋唔係道貝，係真心熱ga佢地嘅讚歧烏冬好彈牙，豬骨湯底都正正常常，配料都俾得大方，算係不過不失啦！最鍾意係佢嘅芝士玉子燒，本身已經好鍾意玉子燒，加埋芝士真係好正呀！睇食評話佢地嘅壽司同剌身一般般，所以都無太大期望，朋友食嘅餐跟咗兩件加州卷，感覺比較實，但有沙律醬撘救，整體都算合格啦！

我同其他朋友一齊去食，佢地既野已經到咗，我同另外三個朋友寄野好耐都未到，等咗差唔多一個鐘都未到，但係野飲到咗，野食未到，原來佢冇落到單，係咁叫人都冇人理我地，以後唔會再去食！！

炒飯超難食，仲衰過鼓油撈飯。刺身飯啲三文魚腥味重。叫既野有個炒飯，刺身飯，6客壽司，沙律，除左沙律外真心冇樣得，日本料理整到咁難食都經典，仲要張枱醬油又收鬼走晒，問佢拎好似殺左佢全家咁既樣，呢間野吾掂。話說8點幾去到，職員就話9點半收鋪，9點截單，照入去食，職員已經態度吾好，坐低冇餐牌，好多野都冇，咁是但叫啲野食，未到9點啲野都未黎齊，個啲職員已經無時無刻咁比啲面色我地睇阻佢地收工，想我地快快手食完走。

因為要就睇戲既時間，所以諗住食個快飯，行左咁多間就去左日和號到試下。粒粒角切魚生丼魚生飯既份量都正常，不過得一種白身魚比較多，其他三文魚吞拿魚既份量比例明顯少，角切魚生既SIZE都唔吝惜，特別在呢到加左芥辣八爪魚，加埋魚生飯食落去都幾特別，但有小小怪。不過整體個魚生飯都尚算可以。蟹柳玉子燒本身我都好喜愛食玉子燒，於是就點左份黎試。一上枱見到蟹柳少得可憐，完全其實係沒有任何配料既玉子燒，食落去個蛋都尚算濕潤，但係就完全食唔到蟹柳既味道。腐皮壽司我地叫左吞拿魚同蟹籽沙律既腐皮壽司，普普通通。整體黎講，都係普普通通，上餐速度都尚快。

壽司唔掂 烏冬還好都唔明點解叫壽司店 但對壽司出品一啲要求都無件壽司係單點食物 正價 係無折叫既黎到真係眼都突埋 咁都送得俾客食 係咪有啲唔尊重壽司呢口感 似擦字膠 賣相一眼望曬啦唔會再叫壽司囉佢啲烏冬係ok 既 如果係去 可以唔好叫壽司

我從來都唔會寫食評，但係為唔想大家中伏，決定要寫一次。同老公收左工入去mega box搵野食，果陣9點，好多鋪都關門，見呢間野未食過就試下，一入門口就有人招呼，最搞笑既係果陣已經9點但係佢同我地講9點5要離坐，坐低之後枱上有壼茶倒出黎得半杯仲要係已經凍晒既，有個正價餐牌同半價餐牌，跟正價餐牌寫好晒先同我地講有部份同半價係同款既話就寫半價個number，算喇我重寫，落單之後隔左陣先同我講冇晒三文魚腩，咁咪轉三文魚囉，但係上菜果陣又有三文魚腩又有三文魚，食落好腥，再隔一陣，又話冇晒蝦刺身，點解唔係我落單果陣一次過講既？整到先知冇？真係離晒譜！結果上到海膽壽司既時候先最恐怖，竟然咁既形態咁既顏色，個樣仲差過爭鮮既質素！試左一dd就想嘔，一絲絲既野好嘔心，問佢咩黎佢話唔同品種所以唔同色。。。 真係俾300蚊買個知字，以後都唔洗去。

Stopped in for lunch with my family. Selection is not very good, options are quite limited and after we ordered they brought one meal at a time over 45 minute period. Reccomend you avoid this place at all costs. There are many other good options.

石鍋極上芝士番茄牛肉讚岐烏冬最正！😱😱太好味，唔記得影相！哈哈，要再去食咗次至得。😂佢啲番茄味好濃，烏冬又好彈牙，加上濃濃嘅芝士，即使唔落牛肉就已經好好味😋其他的义燒拉麵同泡菜牛肉拉麵都做得不錯。跟餐可揀加州卷或三文魚🍣，仲有餐飲。勁抵，勁飽。

今日去megrabox買家私，行到tea time 就上左7樓food court ，見到呢間日本野個下午茶set賣相同價錢都几吸引（$50到再加一)就入左去試下。餐廳環境都寬躺，大部分都係卡位設計。我哋叫左兩個茶歺，分別係壽司併盤同火炙松葉蟹柳三文魚丼，不太理想。-小丸子好軟好散太林，一夾就散哂。另外支條竹韱黑唒。-刺身唔新鮮，壽司飯太濕，唔好食-烏冬味噌湯底好喊，食兩啖都要揾水飲真係麻麻地，無想食第二次。

同男朋友去左megabox行完街，想食返餐平平地嘅晚餐，見到呢間做緊海膽丼大特價，為食嘅我決定就試一試呢間🤤🤤呢間餐廳坐位都比較舒服我同男朋友分別叫左一個海膽丼、叉燒拉麵同埋鐵板魷魚燒🥰🥰🥰但係店員點餐個陣好大頭蝦，幫我地兩個叫嘅野double mark低，所以大家埋單一定要對一對單🙈迷你海膽丼：迷你丼size的確好細，只係得我手掌咁大；我自己就夠食，不過男仔就一定一定要叫兩個，味道方面，正常海膽味，唔算好腥，平平地又想食海膽可以叫下叉燒拉麵：拉麵唔重揀水味，幾彈牙，叉燒都幾滑😋，性價比唔錯鐵板魷魚燒：樣唔係好吸引，不過好大碟，不過不失

今日好想食sushi，但megabox 好難找到有最後係10樓 見到一間食sushi既 本身都無期望既，應該都吾差餐廳入邊嘅裝飾好似一架火車甘一卡一卡我同男朋友 又吾係話好肚餓 所以最後叫左6时三文魚壽司 (2件）七味火炙鱈場蟹壽司 (2件）劍魚腩壽司 (2件）玉子壽司 (2件）芝士蟹籽軍艦 (2件）火炙柚子胡椒帆立貝壽司 (2件）油金魚壽司 (2件）炸軟殼蟹蟹子沙律最好食嘅係炸軟殼蟹蟹子沙律但D壽司真係麻麻，尤其係三文魚普普通通！

本身琴晚去食宵夜，入邊啲嘢幾好食同埋都算抵，但係去到10點幾嗰陣，聽到個男經理係咁鬧個員工，之後一聲巨響，個員工鬧番個男經理，一間正常嘅食肆餐廳，都比唔到一個安靜嘅環境我哋顧客食嘢，個男經理處事手法好有問題，佢唔係叫個員工細聲啲冷靜啲，而係直接同佢去大聲對質，好影響我地顧客嘅食慾，好好笑嘅係，個男經理反駁唔到個員工，睇到我哋好好笑，最後一句叫佢唔做就完場。其實我想講嘅係公司係抵食，個老闆唔識培養員工同埋經理，尋晚呢種情況真係好影響我嘅食慾，奉勸大家夜晚嗰陣想要安靜環境，就唔好去依間餐廳食，唉

落去IKEA睇吓有咩日常用品買，行吓行吓一路都揀唔到心水要食乜嘢，咁樣就索性一路向上行，女朋友大人一路都話口渴，其實已經買咗兩杯嘢飲俾佢飲，我就算再低能都知道，佢行得攰要坐下，咁樣將戰利品全部放晒上車先，就直接睇吓有咩食，佢食乜嘢真心唔多記得，我就好肚餓啦，叫咗一個大漁船盛餐，前菜有中華沙律同螺肉，有兩件腐皮卷壽司，三件加州卷，油甘魚，三文魚，帶子，北寄貝壽司各一件，三件三文魚刺身，牛肉烏冬，食物味道其實唔錯，最主要飽肚