影片
更多
2020-07-08
592 浏览
中了伏中之伏 ಠ﹏ಠ 食得好委屈嘅一餐，大家三思呀！Ó╭╮Ò事源早两日放工睇戏，买完飞得返半个钟唔够，冇时间慢慢揾野食同拣餐厅，大部份餐厅都要等嘅情况下见到呢间野嘅外卖promotion! 价钱正常偏平，外卖应该都快快地挂，所以就决定点单！去到门口，个阿姐问左句「几多个？」，我话外卖，佢唔理我自己行返去收银个位🤦🤦做咩呢？十万个黑人问号😒到我行去收银，佢就话「谂好食咩先过黎？」。我当下反应系「下，你咩事...？」因为赶时间早就谂好食咩，谂住快啲买好，快啲食完去睇戏，唔好多事。所以我忍....就点左咖哩饭同个寿司谂住都会好快啦！但阿姐真系好劲，落单落到唔想落咁，全程串同无礼貌，我真系觉得你唔想做外卖你出声啦！🤬落到咁唔情愿，唔好做外卖啦！虽然我觉得堂食客得到嘅对待应该差唔多😠落单系第一个冲击，等外卖系第二个冲击😤😤落完单我企门口度睇下，等下，个阿姐行出黎我同讲「你唔好企喺度呢等，去第度等」哗！你咩意思呢！我左住你到咁，咩态度呢😠佢个门口其实都好阔，我真心冇左住佢....讲还讲，尊重啲啦！终于等左三个几字，有得食！第三个冲击黎😤寿司餐睇落可以，但我话你知仲衰过地铁站x鲜，我食果啲都好过佢.
事源早两日放工睇戏，买完飞得返半个钟唔够，冇时间慢慢揾野食同拣餐厅，大部份餐厅都要等嘅情况下见到呢间野嘅外卖promotion! 价钱正常偏平，外卖应该都快快地挂，所以就决定点单！
去到门口，个阿姐问左句「几多个？」，我话外卖，佢唔理我自己行返去收银个位🤦🤦做咩呢？十万个黑人问号😒
到我行去收银，佢就话「谂好食咩先过黎？」。我当下反应系「下，你咩事...？」因为赶时间早就谂好食咩，谂住快啲买好，快啲食完去睇戏，唔好多事。
所以我忍....就点左咖哩饭同个寿司谂住都会好快啦！但阿姐真系好劲，落单落到唔想落咁，全程串同无礼貌，我真系觉得你唔想做外卖你出声啦！🤬落到咁唔情愿，唔好做外卖啦！虽然我觉得堂食客得到嘅对待应该差唔多😠
落单系第一个冲击，等外卖系第二个冲击😤😤
落完单我企门口度睇下，等下，个阿姐行出黎我同讲「你唔好企喺度呢等，去第度等」哗！你咩意思呢！我左住你到咁，咩态度呢😠佢个门口其实都好阔，我真心冇左住佢....讲还讲，尊重啲啦！
终于等左三个几字，有得食！第三个冲击黎😤
寿司餐睇落可以，但我话你知仲衰过地铁站x鲜，我食果啲都好过佢....寿司饭干，鱼生冻唔冻、暖唔暖，好古怪....样样个味都一样架，如果呢盒野$60，我谂个应该有3/4喺个租度..
咖哩鸡扒饭，平心而论，份量同味道系好正常！虽然个卖相差左啲，不过叫做食得，呢个价钱俾呢个质素我觉得好合理~
总的而言，服务态度同餐厅讲招牌食寿司就真心非常唔Okay, 如果有经济考虑想试，我觉得首先有心理准备先好去....我自己虽则唔算好有米，但要我再去，我情愿去第二间，好食同食得开心，要我俾多多都愿....呢间唔洗钱我都唔会再去...何必攞苦黎辛...对自己好啲😆😆
如果俾多啲钱先会俾好态度，觉得果啲先系客，你真系认真谂下呢个时势点做生意啦！我唔系俾唔起钱，系你值唔值😒😒
张贴
