日常茶室

营业中

休息中

喺將軍澳附近游完水 正值下午茶時間 嚟到呢間叫日常茶餐的餐廳 沙嗲牛肉西多士超吸引西多士市入邊嘅沙嗲牛肉好多切開有驚喜!! 山炸雞髀亦都出色再配埋芝士撈丁啱啱游完水食！極邪惡

質素唔錯嘅早餐，叫咗一個日常沙嗲牛肉麵餐，同埋一個牛扒拼法蘭克腸餐。侍應都好親切，唔係趕頭趕命落order，會同你傾吓偈講吓笑，幾有親切感。沙嗲牛肉麵正常發揮，無咩好評價。牛扒唔係薄切切，有返啲厚度，而且煎得好香口，唔多筋，值得一讚。

今日諗住帶隻狗出去散步🐕 ，順便喺將軍澳一間茶餐廳買外賣早餐。見呢一間好似幾繁忙，好多人幫襯，就覺得應該都唔差。於是叫咗三個早餐。（早餐去到11:30am) 可能早餐時間，到11:30前都好繁忙。由落單去到拎外賣，等咗四個字左右。係有少少耐。🤏 打電話過嚟落單會好啲。期間都見到好多速遞員撤出咁轉，拎走一包二包嘅外賣送外賣 😂👍🏻 多人幫襯 ，就覺得冇錯。野食幾好味👍🏻👌🏻 合乎期望。外賣包裝完好，跌跌撞撞咗4個字拎到去郊野公園食嗰陣，都冇漏晒啲汁出嚟。包得好好👍🏻 要讚嘅係杯凍阿華田沖得好好飲👍🏻👍🏻

將軍澳海濱長廊附近多數是貴價西餐廳，其實仲有間比較少有的港式茶餐廳，在這個地區，價錢算大眾化，全部食品都正常價錢而且好大份，味道都非常唔錯。想過嚟散步又想食啲實惠嘅食物都可以選擇呢間。呢間餐廳都幾有誠意，睇得出用心處理，食物份量都算多，而且價錢大眾化，味道清淡比較低鹽，唔會食完好口渴。水吧很有懷舊特色，係一間坐得幾舒服嘅茶餐廳。總括來說，與週邊的餐廳相比，這是一個吃快餐的好地方，味道合格又健康，服務都可以，這裡的性價比還是不錯的。

上午入去叫左個咖喱牛腩飯，等左半個鐘變左下午仲未有，要吹單先有，一句話好忙答左我問題。原來等半個鐘係有原因，因為碟牛腩飯變左牛肉乾飯，硬到用哂32隻牙齒都咬唔到。

2023年5月28日11:25am 叫了一個外賣早餐 板燒雞扒通粉+炒蛋+餐包 $51 ，等到12點仲未有，眼見好多人等外賣，包餐的一片混亂，外賣平台的車手不停追餐，職員忙著包佢地既餐，根本沒有空包客人即場order既餐，而且包餐的態度惡劣，然後本人要求退款，以後都不會再光顧。2023年5月28日11:25am 叫了一個外賣早餐 板燒雞扒通粉+炒蛋+餐包 $51 ，等到12點仲未有，眼見好多人等外賣，包餐的一片混亂，外賣平台的車手不停追餐，職員忙著包佢地既餐，根本沒有空包客人即場order既餐，而且包餐的態度惡劣，然後本人要求退款，以後都不會再光顧。

話説鵝大大放完幾日假之後發覺好似肥左幾Kg, 就拿拿淋約班朋友仔去將軍澳Monterey 會所打羽毛球啦「鍛煉」下啦。🏸🏸💦激戰左2個鐘之後鵝大大正準備返屋企時，經過門口間冰室時朋友仔問要唔要試下可能係全區最抵既下午茶，呢一個moment鵝大大當然好肚餓啦又。🌝🌝仲洗講，9秒9衝入去坐低就大嗌：生炸雞髀配紅豆冰丫唔該!! 🍗🫘🧊🐧可能侍應哥哥見到鵝大大就知距好肚餓，6分鐘後熱辣辣既雞髀同紅豆冰就安全送達啦。雖然選擇紅豆冰就無其他配菜，但黎到有沙律菜同蕃茄仔伴碟🥗，都好有誠意丫。😋😋雞髀外表睇落似乾左D，但一咬落去係竟然無好硬同好Dry既感覺；反而皮夠哂脆亦唔油膩，可以放心唔怕肥肥連皮都食埋。生炸雞髀既雞肉先係精髓，咬落又多汁又夠味道，唔會太鹹同零雪味！正呀喂！😍😍📣📣美中不足既係杯紅豆冰就一般左啲，紅豆唔太甜不過份量有啲少，牛奶煉奶假如再多DD就啱啱夠滑啦。🥲🥲重點係埋單以為自己睇錯，呢區竟然$39咋，無錯係$39咋！Unbelievable~~ 😱😱😱朋友仔果然好介紹😈😈味道：🐧🐧🐧🐧價錢：🐧🐧🐧🐧🐧滿足：🐧🐧🐧🐧日常茶室 地址：將軍澳唐俊街23號MONTEREY Place 地下G

今日朝早去左將軍澳探朋友新出世既小朋友，咁啱係附近搵下早餐食，誤打誤撞入咗呢間叫日常茶室既茶餐廳 茶餐廳黎講，空間都算係比較足夠，座位唔會有好迫嘅感覺 店員態度亦都非常友善早餐黎講，呢一間都算合格，煎蛋同埋午餐肉都係熱辣辣，唔係事前煮好嘅，再加一個餐包 一開始淨係食頭呢三樣都有少少飽 我嘅套餐，仲有一個豬扒米粉，豬扒都幾大件，調味都做得唔錯，識落唔會有太鹹嘅感覺，豬扒亦都唔會咬唔開，米粉嘅份量都足夠，整體上用餐過程愉快

小編居住的商場只有金記、太興、茶魚飯后這幾間茶餐廳，味道一般、菜式沒有驚喜……今晚踩單車去將軍澳南的「日常茶室」試下！ 餐廳裝潢格局一茶餐廳格局。單車可以放在餐廳店內夠安全，方便我們這些單車友。晚上食客不算太多，反而留了不少位置去準備外賣。菜式款式有炒粉麵飯、焗飯、中式小炒……等。價格定位相對南澳餐廳叫做街坊價錢。乾炒豬扒公仔麵$72 包中湯或飲品。豬扒鬆化肉質不嚡口，公仔麵炒得夠乾身，調味不太咸，整體味道不錯。土魷蒸肉餅$69 即蒸製作時間需時，差不多食完才上枱，建議早些下單。肉餅質素佳，值得等待。肉餅不乾身、鬆化好味。土魷用半乾濕，口感及香味佳。椒鹽牛仔骨$99，加$16 有白飯、中湯或飲品。椒鹽味道香好惹味，辣度恰到好處夠開胃。只可惜牛仔骨肉質硬身、不夠鬆軟。份量多、價格比小編屋企附近茶餐餐廳略高。是日中湯 ~ 味道偏淡，至少不是味精湯。「日常茶室」食物味道不錯款式又多，只是茶餐廳晚市竟然冇水吧，冇基本的咖啡、奶茶……只有汽水就有少少奇怪。

我住附近，所以有時都會去食早餐。其實堂食係冇問題嘅質素有水準。不過早餐外賣自取感覺就非常差，每次都要等超過30分鐘以上，週末多人都明白。最差係等咗一段時間之後拎到返屋企，啲湯係完全唔夠。係完全冇倒瀉嘅情況下最多得四啖湯。呢個情況已經唔係第一次發生。非常失望

個餐全部濕立立撈埋一齊，超核突真係好唔開胃，魚柳又比d蛋同汁浸到濕晒啲醬又唔知點解會撈埋一齊，又同啲雞蛋黐埋一齊，明明張相所有濕嘅嘢都係分開最後淨係食咗半塊魚柳同埋多士

咁啱去一去朋友屋企，又見肚餓喎！即刻去食返個下午茶先！見到附近有間日常茶室！見到幾乾淨餐牌又幾吸引！就一於去試吓！下午茶茶餐都選擇好多！見到有款寫住"懶矜貴黑松露炒蛋多士"就比個名吸引咗，因為本身我係黑松露控！ 有黑松露嘅嘢就好好食！所以就叫咗呢個，試一試先！首先個多士幾厚！夠晒鬆軟！炒蛋夠晒滑！好香！雖然黑松露好似好多！但係味道唔算突出！唔夠融入喺個炒蛋入面！雖然有啲扣咗分，但係整體都不錯！係會再食嘅！始終39蚊實在太平喇！仲要包野飲！外賣自取仲有折添！ 唔記得讚一讚佢哋嘅服務員工相當有禮貌！唔係一般茶餐廳嘅粗聲粗氣！下次一定會再來幫襯！試埋其他款！

今天去將軍澳海傍散一散步，見這間茶餐廳有下午茶款式甚多，既有奶油脆豬、大熱狗、鹹牛芝士潛艇、亦有日式雞扒炒烏冬、鹹魚雞粒炒飯、雪菜肉絲炆米等等，三四十有交易，便入去試一試！以茶餐廳來說，這間餐廳算寬闊，冷氣夠，一入去侍應熱情招呼。燒牛肉炒意粉炒得很香有鑊氣，黑椒味濃，意粉炒得非常香，牛肉嫩滑彈牙，醬汁調校得好，雖然只是$46元，但沒有將貨就價鹹魚鷄粒炒飯即炒，熱辣辣，賣相討香，真的有鹹魚香，生菜絲爽，飯粒乾爽即磨咖啡香濃，檸檬茶不錯，茶膽好

澳南異國菜比較多，中式貼地粵菜暫時只有”日常“，星期日約8點🕗晚餐，人流唔算多，但見到外賣不斷！有相片嘅餐牌,圖文並茂, 我鍾意, 將食物分類，日常食肉獸，日常食多啲菜，日常一煲，日常小炒，日常一蒸，好有心思，非常好！點了魚香茄子煲🍆$79, 另加$16有白飯🍚，例湯🥣，飲品🥤是日例湯： 老黃瓜排骨花生眉豆個湯足料到不得了，唔太肥，有媽媽嘅味道魚香茄子煲🍆，熱辣辣滾住上菜，十分野味，好餸飯🍚，小小魚香味唔太鹹，最緊要係唔算太油膩！ 芝麻西寧🍋雞🐓$79，另加$16有白飯🍚，例湯🥣，飲品🥤賣相可口，炸漿薄，雞肉🐔嫩滑，檸檬味🍋突出！ 總結💝： 下之會試其他菜式，因為叫過人叫，賣相吸引

朋友介紹，平時好多人，有日咁岩經過冇人就去試吓。。。結果伏到一個點🥲叫左個焗豬同炸脾，先講個焗豬，豬扒太實冇揼鬆，五香粉應該落太多，比一般更差🥲中伏主角炸脾黎料，酸既😮‍💨個蛋就係咁二加d蛋汁上面當滑蛋。。。