日日涮 (已結業)

一開始諗住是但搵間邊爐打下 係樓下個廣告牌見到寫住火鍋加刺身就上佐黎 一望6點幾 個場一半人都坐唔夠 心知都唔係好對路 正常旺角6點幾都應該要等位 火鍋醬料比起其他火鍋店差 款式少 豉油又無味辣椒唔係新鮮辣椒（完全唔辣）火鍋湯底淡而無味 火鍋配料少 好多大路既配料例如蟹柳 芝士丸都冇 個料又唔得 個底又唔得 刺身更加不值一提 非常乾身 真係隨便一間都好食過佢 未食到一半已經想走 深信大家都係樓下廣告呃佐入黎 no take two 不值得一試

可能因為疫情期間冇乜人食，啲質素好一般🤭，可以講係我試過咁多打邊爐最差既一間，首先我叫咗$178既餐，原先安排一人一鍋，我地兩個人想要個大鍋，所以叫人換，就坐係全店最入面既位置，加上前面好多人食緊嘢好多煙，店員完全見唔到我地😂，坐低差唔多有10分鐘都冇人問/經過問要咩湯，又有好多時候係選擇性睇唔到咁🤷🏻‍♀️。全店得幾個人，冇人落單又冇鐘可以禁，下下都行出去搵人，而且又要成日冇人🤷🏻‍♀️ 有一次出去拎野食想叫碟雞，一位疑似經理既女士行過，咁我叫同佢講xx號想要碟雞，佢冇回應然後好不屑我就行走咗😗再者到有人得閒加湯，店員只行到我地前面個檯客，而我地個湯已經差唔多可以煮到燶底咁，都冇人理我地，但係其實我地同前面張檯唔係近幾百米咁遠🤣 都見唔到我地都冇問我地要唔要加湯，最後要自己走出去加湯，而且湯底都冇咩只剩低少量。講返啲肉，豬肉個質地好奇怪，牛肉好老，不過入面啲丸/菜的確幾多品種，飲品只有凍😨如果唔飲凍嘢就可以選擇熱茶。醬料方面，豉油冇味，冇辣椒粒，只有辣椒粉。湯底方面，揀鴛鴦鍋，壽喜燒同辣，壽喜燒比例唔好，好鹹完全冇甜味，辣既湯底，得很多辣椒同埋紅油，唔辣唔麻唔香，冇後勁😗到最後埋單，一位

成日都好想打邊爐同時又想食吓刺身😵今次係旺角又搵度一間可以一次過享受晒☺️食物質素整體都唔錯😍加上呢度啲坐位夠闊落又唔會同人搭枱，唔洗同人逼來逼去又唔驚有其他人係度傳播病毒😙🍣刺身質素唔錯，新鮮得嚟又唔覺有雪味👍🏻上盤速度都叫快，以前人多個陣食都等好耐但今次好快就上盤😂同坊間大部分放題店差唔多但冇乜雪味😋🥘湯底 - 壽吉燒及小魚蕃茄湯甜鼓油都可以接受😋唔會太甜同太濃，配牛肉/豬肉十分適合👍🏻但蕃茄湯底係完全冇味，好似清水咁淡👎🏻要去到食完先有啲蕃茄味出嚟😭🥩肉類牛肉試咗美國頂級牛小排，肉質普通，口感尚可接受☺️豬肉反而有驚喜🤩係黑毛豬豚肉，比牛小排更佳，肉味同口感更勝一籌🥰🍥火鍋材料材料同平時火鍋店差唔多冇乜特別😊但都會有少量熟食，由於每日不同，啱食都可以一試🥰.是日甜品就較為普通😟有少量糕點同雪糕揀，冇乜特別😀飲品都係大部分打邊爐嘅飲品，款式都叫多👍🏻.角落評分：🌕🌕🌕🌗🌑角落翻兜指數：🌕🌕🌕🌑🌑

同朋友見到這間店好似新開😊立即去試吓💪價錢合理二百幾蚊任食放題👍環境非常衛生✨位置坐得舒服💪出邊有自助美食亭自己拿蔬菜魚蛋公仔麵🍜仲有刺身任食自己叫💕刺身比想像中新鮮💪之後我哋就開咗個湯底打邊爐🤪牛肉豬肉非常新鮮✨好有肉味💕之後就食海鮮✌️龍蝦非常新鮮超級好食👍帶子又夠大隻又係非常新鮮❤️通常放題海鮮盤都不是太新鮮但這間舖真係非常有驚喜💪💪💪💪💪下次會再約朋友去食🥰甜品方便有雪糕有豆腐花✌️不過食到好飽只食咗豆腐花🤪

食過呢度幾次 今次終於的起心肝寫食評今次我地一行二人 叫左最平果個course 《晚市120分鐘 特級美國肥牛$178任食》 個course包刺身 火鍋 飲品 少量熟食 甜品 雪糕（openrice有做優惠價$148 但要早一日打去confirm）基本上呢個價錢有刺身同火鍋任食 我對佢要求都唔會太苛刻既 你估我唔驚遭天譴咩！-肉類方面 不過不失啦 正常美國牛既質素 我地都食左幾round既 -刺身都同樣係不過不失正正常常咁囉 佢第一round上既刺身（份量都幾多 尤其係三文魚）我地都有食晒 不過之後就冇再加單 主要想食熱野-火鍋配料選擇都唔少 正常既丸類 粉麵 菜類都有 值得一提既係有原包出前一丁麻油麵任拎唔嬲 都算係幾闊佬既-湯底方面 有日式壽喜燒 骨膠原雞湯 四川麻辣湯 小蕃茄湯 日式昆布湯等等記得之前明明有豆乳湯底ga 點解冇左 希望佢會有返啦 -飲品選擇都幾多 啤酒 道地解茶 Lemon CC 呢一類比較貴價（平價放題黎講）都有得任飲-服務唔錯 入座既時候有位係相信係經理既職員好細心講解個course包d乜 點落order 其他職員都普遍有禮貌 不過就有幾次將我地同隔離枱既or

比樓下廣告呃左, 又話有Haagen-Dazs同Movenpick食, 但上到去原來只有雀巢, 泰國杯裝雪糕同不知名牌子果汁雪條,，刺身方面帶子又無油甘魚又無，感覺俾人呃左！。牛無牛味，反而個豬仲好食過佢，不過都係唔好味，浪費quota咁打邊爐最緊要當然係個爐啦, 今次我揀咗個細爐，但係個爐竟然用咗我成半個鐘頭都唔滾，叫個店員幫我換爐，仲慢慢行黎行去話幫我安排，行吓行吓仲當無事發生咁，白白浪費咗成個鐘嘅邊爐時間，真係無下次。

新年流流來個火鍋 暖暖身 年初二與知己聚頭 聊聊近況 餐廳格局闊落 桌與桌間有足夠空位 兩人打邊爐 桌面位置也夠寬 可放火鍋料和小食。擺放材料的桌面整潔 有丸類 菜類和 涼盤小食 另外也設醬汁區 和飲料區 好像也有甜品。較失策是我們茹方便素 不吃肉 整體上 對少吃肉者而言 在性價比上較為低 但餐廳環境舒適 不會太吵 也適合傾計。 魚生刺身方面也不過不失，也新鮮的。

天氣凍突然好想打邊爐去左日日涮呢間去試食話說去到揀左$238果一款既牛小排放題+刺身；湯底揀左四川麻辣同壽喜燒，個人覺得四川麻辣味道係ok ge, 真的辣，但太油。而牛肉同刺身分別叫左3round, 3round 都係一致靚牛，刺身都係，可以睇相核對下😆加上都有牛味，不錯不錯：）唔似平時去既日x, 牛x, 牛xx果啲，會食第2，3round時明顯啲肉無咁靚同埋比較少。刺身係好味，仲係好味過本地某「高速」連鎖壽司店佢其他自助任食既類別其實有好多，仲有好多特別既熟食，但我太飽，無試太多～反而走左去試佢啲蛋糕，恕我唔識欣賞，唔食一啲都唔會浪費既。雪糕雪條方面只係雀巢公司，不過有啲特別款「紫糯米雪條」好似糖水既☺️都不錯果日係年初三，有位，坐既空間都唔錯，唔逼，可以三、五知己食飯暢談都ok話說都有個小插曲係我叫左湯底去等左十幾分鐘都未黎個鍋，但後來者已有鍋，有少少不爽，但叫侍應幫我追，佢立即在我面前call咪跟進，好快就有啦，真係覺得有人跟進！所以整體感覺良好，主要既牛雞豬同刺身都好味😋我估會再去食！

日日涮幫襯過五六次，每次都覺得食物啲質keep得好好。直到最近呢次，大家食到撒手擰頭一致認同係差左。海鮮無以前咁新鮮，生意亦明顯地無以前咁好。未食之前好期待快啲食，但係呢次就麻麻了

於openrice訂位已註明是生日，亦已電話確認訂單仲講比職員聽係生日，職員話會送香檳，點知最後又冇送。仲有我book6點入左，正常食到8點，兩個鐘，7點15找數截單都算，7點40分有個男職員叫我地離座，我就同職員講，唔係兩個鐘咩，個職員話係兩個鐘，7點50分又再催交枱，仲話我係5點55分入座，仲要態度超差

爐又廢 等成半個鐘先可以煮野食 d牛又上得慢 落次單要追4.5次先有得食 出面自助d野食無晒又唔補 d侍應態度又差 係禁話俾時間你禁邊個俾返d時間我 成2舊水食得個小小野唔會再黎

食物質素：服務態度：抵食程度：成班朋友去食飯揀依間係唔錯既選擇～坐得舒服，性價比高唔記得前一日要買定優惠劵，不過好彩服務員話照食，照計優惠比我地$160咋（計埋加1） 食足兩個鐘！任食刺身火鍋～食物唔差👍🏻 絕對會再去～*記得提早一天訂個張劵

戒左口一段時間，今晚決定要大開殺戒，食海鮮！🤩海鮮，識食一定係食蒸既，因為只有新鮮既海鮮蒸既時候先會有鮮甜味，亦都係原汁原味。見到呢個二人份量既兩層蒸鍋已經食指大動🤩有侍應會幫你計時，同serve你，時間來得剛剛好👍🏻蟶子好鮮甜，值得一讚係隻龍蝦，連膏都係甜架🤤蒜蓉粉絲蒸帶子好食就梗既，最愛既甲殻類都鮮甜，最抵讚係隻蝦，又大隻肉又爽，最緊要係甜添呀🤤蒸完海鮮，侍應幫我地每人盛左一碗南瓜粥，入面有晒海鮮既精華🤤跟手出去自己夾任食既火鍋料，好多選擇👍🏻又衛生👍🏻仲有小食可以食住等🤗泡椒雞翼正呀🤤先黎一客刺身，全部都好肥美。豬肉牛肉兩款肉都可以不停encore，食到你唔想食😂除左出面任食既雀巢雪糕，仲有每人限定一份既甜品😍性價比高呀👍🏻

琴日凌晨去食都係98一位，有超多配料同飲品，而且豬牛雞都係仼添，真係超抵食。湯底仲有好多項揀，壽喜燒個味超濃，加埋蛋汁就更加好食😋甜品方面都有好夠種揀，仲有得自己整棉花糖添🤣

  早幾日老公話想食蒸海鮮，我話又要買餸，又要處理海鮮，又驚唔新鮮，咁多功夫不如出去算😅  所以今晚出去旺角就去食日日涮嘅八寶蒸高峰😋蒸海鮮＋粥底＋火鍋放題,上到去先知原來宜家2-4位再送鮑魚，每位＋$60重有埋 任食刺身😍不得了啦！  侍應服務好好，叫餐唔洗兩分鐘已經擺好晒海鮮鍋陣，set咗蒸幾分鐘，我哋就利用呢個時間出去拎嘢飲同倒豉油，任食火鍋配料選擇超多，一排全丸一排全菜，上面高掛 #勿做大嘥鬼 告示👍非常好嘅提醒，所以我都係拎飲品先得啦  好少見放題有超過3個雪櫃嘅飲品揀😲日日涮真係好有誠意，堅唔Hea, 抵讚！  返埋位夠鐘食得第一層🤩 有波士頓龍蝦、花甲、蜆同鮑魚，全部都好夠鮮味，波士頓龍蝦比寶貝仔搶埋兩隻嚟食🙈睇嚟應該好正，偷食到一啖，肉好實淨鮮甜，正。  我就主攻刺身， 甜蝦、螺頭、八爪魚、赤貝同帶子，全部都係我最愛🤣所以是晚我基本上都係食海鮮👍  第二層海鮮重有扇貝、蟶子王、蠔，真係食到😋😋😋食埋個肉碎南瓜粥，加湯再食美國肥牛同黑毛豬豚肉，試問係屋企邊度有咁豐富嘅食材去打邊爐😂都係出街食好～食晒重有杯movenpick雪糕食，大滿足之夜🌛