日日香鵝肉飯店 (威靈頓街)

营业中

休息中

經常路過中環威靈頓街這道街，也看到迢間鹵水店。只知道有數間分店，想不不一查之下，原來於內地有三十多年歷史，是潮洲老品牌。午市跟晚市套餐的價格只相差少許，非常划算。金牌滷水鵝片飯 - $85店家秘製的滷水汁香濃而不油膩，有別於傳統那種死咸；鵝片雖然薄切，但份量絕對不會給少，油份不會過多，入口更加嫩滑甘香；更配半隻滷水蛋、滷肉卷片、酸菜、豆卜和菜芯；不吃飯的朋友仔可以免費轉米粉、河粉或瀨粉。招牌滷水鵝肉飯 - $68鵝肉同樣鮮嫩，滷得特別入味，部份連著骨頭，不會顯得乾柴。凍奶茶 & 凍檸茶 +$3/1

好耐冇約好朋友出來撐枱腳，約定今日大家收工後到中環找間餐廳食飯傾計。行到中環威靈頓街，除了1-2間店舖外，幾乎整條街食肆大執位，以前食開的全部換了新餐廳。行到這間新開的日日香鵝肉飯店時，門口已聞到一陣五香滷水撲鼻而來，食慾大增。我們2人點了2個套餐，金牌滷水鵝片飯，鵝腎豬耳，再配上滷水墨魚仔。份量是真的多，2人吃完是捧著肚皮出來的，好飽滿。先講下滷水鵝片飯，香噴噴的鵝片配上紅腸滷水蛋、豆腐、酸菜及菜芯和白飯，各種所需要營養基本上已齊備。鵝片大塊，肉味同五香味濃，配上滷水汁，非常惹味。另外一味鵝腎豬耳雙拼飯，爽脆的豬耳其實很適合配啤酒。滷水墨魚好大份，配有豆腐，墨魚好彈牙爽口，唔錯呀！套餐包飲品，奶茶值得一讚，難得一間滷水鵝飯店可以沖得出茶餐廳冰室水準備的絲襪奶茶實屬難得。

每次經過都見到好多人等外賣,約埋同事黎食個飽飯先~特選滷味飯 $75豬大腸; 豬腩肉; 紅腸; 滷雞蛋; 豆卜淨係賣相已經贏晒!個腩肉超正, 唔肥又唔瘦, 個豬皮煙煙靭靭, 好鬼正!我一向都麻麻地豬大腸,不過呢度個豬大腸洗得好乾淨,無so味!!仲有個魚餅?? 墨魚餅??好味喎!同事叫左招牌滷水鵝肉飯 $65啖啖肉, 好正!加$9 配鵝骨湯無得輸!都市人最缺錢之外, 第二樣就係湯水!只需加$9就有鵝骨湯, 真材實料, 滋補養生!

成日都食茶餐廳, 好想試下新野!😅 見到間裝修舒服, 又光猛, 又闊落既 🦢日日香鵝肉飯店, 即刻入去食喇!講到明日日香鵝, 一定係食鵝!🤗 叫左碗特級滷水鵝皇飯- 一大碗, 有鵝片, 鵝腎, 鵝肝, 鵝腸, 鵝蛋!- 鵝片! 好有口感, 唔un, 唔酥, 啖啖肉, 好味!- 鵝肝! 非常甘香, 好似食緊牛油咁, 好creamy!🥰- 鵝蛋! 蛋白好彈牙, 鵝蛋黃好大個, 好香!另外叫左碗 🐷特選滷水飯, 都係一大碗, 但就以豬為主!豬腩肉, 豬大腸, 紅腸, 滷雞蛋, 豆卜! 全部都好入味, 撈飯食真係好正!😋

老公附近返工，有提過話想試吓呢間餐廳就去左試啦以往食滷水嘅餐廳比我感覺都係比較old school😅😅😅（廢事講到咁白啦），但係呢間唔同，裝潢光猛潔淨，講真自疫情，大家都食肆嘅衛生要求都提升左，絕對覺得係好事👍🏻我點左滷味飯，好豐富，有紅腸，豆腐，蛋，腩肉，豬大腸，時菜，酸菜同豆卜豆腐口感好似魚蛋咁彈，好驚喜呀。腩肉瘦而不鞋，豆卜入味，豬大腸啖啖膏（要注意健康間唔中食下好啦）酸菜惹味開胃。老公叫嘅雙拼飯有鵝腸，鵝肉都有時菜，豆腐，豆卜同酸菜講真平時兩個人食雙燒鵝買得少份量嘅質素都一般，平時真係好少食（其實平時對鵝鴨都興趣不大）， 但今之拎左老公一舊鵝嚟食， 睇嚟真係又令我對鵝嘅觀感有所改變，以前真係太過揀飲擇食，今次試過係覺得唔肥膩但有嫩滑口感（勁想偷多舊嚟食😅）由於大頭蝦無睇清潔自己碗飯有豬大腸又走去叫多碟小食都係豬大腸😓不過都係好食到清埋份量大，各位叫嘅時候唔好眼闊肚窄最欣賞斬料位，乾淨企理，平時行過老字號嗰啲舖真係會卻步原本想點埋個鵝湯，可惜無晒啦，記住下次其他食評有講嘅嘢真係唔好掉以輕心🤣🤣🤣🤣🤣

今日出中環做嘢，跟中環同事出街食飯，他帶我去食滷水鵝。餐廳光猛新淨，食物有質素，價錢合理，還有咖啡奶茶送。我們叫了鵝肉腩肉雙拚飯（$78）和金牌鵝片飯（$85）。還加了個鵝骨湯（$18）。兩碗飯都好多餸，夠曬豐富。鵝肉鵝片都又入味又腍，肉多肥膏少，鵝皮好薄，連皮都食埋。腩肉是五層肉，非常爽滑，豬皮肥肉全部都食晒。除了主菜，還有很多配料，每碗都有滷蛋，扎肉片、豆卜，青菜和酸菜。其中酸菜份量不少，酸甜適中；反而豆卜比較乾，如果是滷水浸過的會更好味。飯是我最喜歡的乾身白飯，配滷水汁更是一流。每枱都有醋和滷水汁隨意添加，提昇味道。18元的鵝骨湯更是驚喜，這個原盅上的老火湯好抵飲又好好飲。鴨骨、瘦肉、圓肉、茶樹菇、南北杏，非常清甜、滋潤。

在中環食燒鵝就食得多，原來中環威靈頓街開了一間“日日香鵝肉飯店“，潮州鹵水鵝肉店真是買少見少 。在中環上班的一族有褔了，價錢豐儉由人外賣還有7折呢！店內的環境闊落座位分明，令人感覺舒適。我們order了招牌滷水鵝片飯，半肥瘦的鵝肉嫩滑，加埋秘製的白醋汁更惹味。 另外， 豬手片五花腩飯更是令人難忘，一口接一口的將骨膠原吃進肚子中。伴菜還有滷水蛋、鹹酸菜、紅腸、豆付卜等等…十分豐盛。鵝紅真是第一次食，它比起豬紅軟滑又彈牙。滑滑的鹵水豆腐滷水味濃郁，是必叫item.

中環區這間日日香鵝肉飯店正正開在威靈頓街，同行高手林立，仲可以做到咁耐，一定有番唔少斤兩！路過見到都幾吸引，所以入內一試！店鋪光猛乾淨，有分午餐，下午餐，晚餐時段。特選滷味飯(豬大腸，豬腩肉，紅腸，雞蛋，豆卜), 豬大腸細嫩綿滑，清潔得乾淨！豬腩肉夠厚切又幾肥美，食落口感好豐富帶彈性，這2款滷水味都非常突出幾正。豆卜都幾吸味幾香！鵝肉拼紅腸雙拼米粉，鵝肉帶光澤感，油脂分怖平均！肉嫩香甜，食到停唔到口，色香味有齊！細心位係餸和粉分開上，唔會令到變淡！值得加分。

身為潮州妹 滷水鵝片係我其中一樣無法抗拒既食物 可以個個禮拜食都唔厭(食咁多鵝會唔會太毒😂) 一知道中環開左日日香 即刻叫人陪我放工去食 之前係黃埔食過覺得好正 但因為好少去個頭所以無再食過 呢間裝修得幾靚 好新穎 食都食得舒服d叫左個鵝片飯 雙拼瀨粉 一碟菜心同一盅燉湯 再加鹹檸雪碧金牌滷水鵝片飯套餐 ($88) - 最鍾意鵝片啖啖肉 上面d鵝皮好有油脂香 配埋d滷水汁撈飯一流 旁邊既配菜每一款都好好味 豆卜魚蛋滷蛋酸菜 滷水雙拼飯套餐 ($82) - 雙拼叫左墨魚同腩肉 同埋轉左做瀨粉 佢地d瀨粉好好味 個湯底有炸蒜係入面好香 淨食碗瀨粉都唔覺寡 腩肉見網上好多人推介所以試下 果然係正 佢半肥瘦 個皮煙煙韌韌 墨魚有好多塊 正常貨色 相比之下腩肉係有驚喜 朋友話腩肉完全無比鵝片比下去蟲草花竹絲雞燉湯 (+$38) - 清清地既雞湯 有淡淡既花旗參味 甘甘地 但易入口既 係冬天飲暖粒粒既湯寧舍幸福滷汁時蔬(+$18) - 要左菜心 菜就唔洗多講啦 夠嫩就係好菜😂 份量超大套餐包左2杯飲品 叫左杯鹹檸雪碧(+$8) 同埋熱檸水 粒鹹檸好夠鹹 唔洗點篤已經夠味 檸水既檸檬係唔苦澀既 唔知

見到呢一間潮州滷水店開咗好多分店，仲未試過，今次好奇就同friend嚟試吓先！🥰份量都幾多，除咗有數件鵝肉之外，仲有一啲滷水豆腐。因為我聽隔離檯介紹，鵝腸都好好食，🤤所以就單點左一個鵝腸，真係好入味，而且夠爽口。去哂肥油，所以剩係得鵝腸瘦嘅部份，每一條都食到彈牙嘅口感❤金牌滷水鵝肉，好入味，而且鵝肉好滑，我哋仲叫咗佢哋嘅燉湯，😘燉湯係花旗參煲烏雞湯，非常之滋補，秋天乾燥就最啱啦！烏雞清甜，而且燉得耐，啲骨都燉淋晒，好正好入味，😋好有家嘅感覺。

一入門口就聞到滷水香料味環境坐位唔會太擠迫，職員帶路落幾級轉入有個小小地庫室,有卡位同幾張枱，望落都乾淨枱面唔會油冧冧A - H , 8個滷水套餐，唔同時段唔同價錢，仲可以轉米粉、瀨粉之類要咗招牌滷水鵝肉轉瀨粉 ($68 + 10%) + 奶茶除咗鵝肉仲有滷蛋半隻、豆卜、魚片既東西!? 伴碟，幾豐富鵝肉甘香，滷水入味，食完有D想切料返屋企加餸好耐無食過瀨粉覺得幾好食，有米香爽口滷水味道幾好，鵝肉黎講價錢唔算貴，下次會想試滷水豬手飯。

最近見呢間餐廳愈開愈多分店，於是便約友人放工後到中環分店一試，餐廳環境舒適，牆上掛了語句表明餐廳是使用獨門滷水秘方，滿心期待的我倆便2款滷味飯套餐——————🥢 特選滷味飯（$78）呢個飯好豐富，有豬大腸、豬腩肉、紅腸、滷蛋、豆卜🤩 滷水又真係幾好味，夠入味，咸甜適中，豬腩片肥瘦適中，而白飯粒粒分明，拌在飯內的滷水汁有淡淡的滷水味，但又唔會覺得咸，反而增加了米飯的油潤度👍🏻附配的酸菜係甜既酸菜，同埋有2片潮式扎肉，幾好味🥢 滷水雙拼飯（$82）選了鵝肉及墨魚，欣賞佢地既鵝肉，鵝肉帶甜味，有彈性，皮薄且帶油光；而墨魚爽彈鮮甜👍🏻個飯都有配豆卜、酸菜、滷蛋、扎肉，唯一要改善既係豆卜較乾身，如果可以輕輕浸一浸滷水會好點🥢 滷水鵝腸（$58）爽脆入味又帶點油香

氣溫忽然急跌，特別想食滷水，之前在銅鑼灣見過這家，但一直未吃過，今晚走著走著，發現原來中環都有分店。滷水鵝脾飯鵝皮好薄，還附有濃縮的滷水汁，夠香，而鵝脾位置走動多，肉較扎實，味道柔和 易入口，配上沒煮爛的米飯，吃起來沒那麼飽濟。例湯竟然是老火湯，價錢好平，材料有鵝骨桂圓肉南北杏等，味清甜，質地不稀，大為驚喜。滷水包仔豆腐最喜歡豆類產品的我，當然不錯過豆腐啦，濃香滲出，而且不漏，入口凍凍地甚冰涼，豆腐很滑，有微微豆腐香，像是一道清爽涼菜。豆卜最最最難會難吃的豆卜，量不少，出面脆，入面軟，更加飽足，索盡汁料，食味芳香。紅腸小時第一次接觸，是媽咪在街市買來的。近年懷愐興起，也好像變成我的新歡。薄腸衣爽脆，腸肉軟熟，口味佳，同平時的不一樣，有些臘腸的油香。食後感：地方寬敞，冷氣充足好舒服。鵝肉飯及小食整體亦不俗，賣相來得精緻可口。

中環都有日日香鵝肉飯店，廚窗掛滿鵝肉滷水食物，每次行過都想入去食 餐廳整潔又光線充足😊夠晒空間感 滷水雙拼都好多選擇，有鵝肉、雞腎、鵝腸、鵝頭、鵝頸、豬大腸、豬腩肉、豬手、豬耳、墨魚、紅腸 滷水雙拼 $82鵝肉及豬耳 滷水雙拼 $82鵝肉及豬大腸 鵝肉肉質嫩滑，滷水味好滋味，而且有滷水汁可以添加，豬耳爽口，豬大腸做得好乾淨，味道唔錯雙併套餐除左自選兩款外，仲有滷水蛋半隻、豬肉條、豆斗、甜酸菜及時菜，加一杯飲品🧋，或者加$9 轉鵝骨湯，加碟芥蘭油菜$24

平時返工雖然都係喺中環 但都好少會經過呢邊反而今日放假行過見到呢間食燒鵝嘅好似唔錯 就一於入左去試試🙈雖然係食燒鵝 但喺得中環開應該有冇咁上下質素嘅😏而裝修又點會求其🙈呢到都有幾款套餐揀 仲可以有唔同鵝嘅部位拼添！叫左冇幾耐就有野食啦🙈•金牌滷水鵝肉(例)🦢•-呢碟雖然只係例牌 但份量都好足夠兩人食！鵝嘅肉質都幾滑 咬落去唔會好韌咬唔開而重點係個肉汁做得相當好 滷水汁完全鎖住喺肉入邊 非常入味👍🏻•特選滷味飯🦢•-呢款拼盤就有豬大腸 豬腩肉 紅腸 豆卜同滷水蛋 相當豐富！全部嘅味道都好濃 好入味！而大腸都幾乾淨 口感仲幾爽！跟餐唔要飯仲可以配粉麵添！而我地就揀左瀨粉 湯底雖然濃左少少 但個粉幾爽 配埋個拼盤一齊食好夾👍🏻-喺得中環開果然有返咁上下質素 推介要試個滷水鵝 幾惹味！😆