日日香鵝肉飯店 (威靈頓街)

营业中

休息中

喺威靈頓街咁大間舖，又專食鵝嘅，心諗一定好貴啦，望一望，咦，又唔係喎，雖然有加一，但係晚市有套餐連嘢飲都ok招牌滷水鵝肉飯($72)(右)金牌滷水鵝片飯($88)(左)鵝肉係有骨嘅，係胸部以外嘅地方，而鵝片主要係鵝胸，只有肉冇骨，鹵水醇香， 肉係非常嫩滑！鵝片唔肥， 反而鵝肉有啲肥， 好似話係獅頭鵝，果然靚鵝出靚肉是日嘅原盅燉湯係花旗參竹絲雞(+$38)，飲落係好重花旗參味，好足料好香好飲滷汁菜心(+$24)又大碟又甜配熱飲

#中環抵食滷水飯中環食午飯 好多時百零蚊起跳 條數好襟計 今日經過呢間潮式滷水飯店 門口好多人等外賣 堂食價錢合理 舖面新淨衛生 於是入去坐低 -🍚招牌滷水鵝肉飯 $68櫥窗掛嘅滷水鵝 隻隻肥大好肉 難怪咁多人叫 鵝肉切件算係俾得多 另有滷水蛋半隻 滷水豆腐 同埋鹹酸菜油菜 都幾足料-🍚滷水豬腩肉飯 $70豬瘦肉同肥膏相間 味道甘鹹有咬口 飯粒吸收滷水汁同埋油脂甘香 點止淨係飯香咁簡單-🥣是日例湯 +$9食飯唔飲嘢會好口渴 飲汽水又嫌高糖分 加十元八塊就有碗老火湯 濕潤口腔 正氣又下火 -📍日日香鵝肉飯店中環威靈頓街50號華威大廈地下B號舖

今日去開中環，行過呢間專賣鵝肉嘅飯店，門口玻璃已經望到好吸引又新鮮嘅滷味，就直接行咗入去。真係好耐冇食過正宗潮州滷水，特別係滷水鵝，鵝頭、鵝頸、鵝腎、鵝掌、鵝翼等咩都有。我哋叫咗午市套餐嘅金牌滷水鵝片飯&滷水雙拼飯（豬耳/豬大腸），附送咖啡或茶，仲可以加錢轉例湯。呢度嘅鵝肉果然好正👍🏻一啲都唔油膩，味道好正宗，直程同我去潮州時食嘅滷肉一樣味道仲好足料添，有魚片，配潮州嘅榨菜，酸得來又甜甜地，鵝片點埋餐廳特制嘅蒜蓉醋同滷水汁，真係一流！雙拼飯嘅豬耳同豬大腸都好值得推介，豬耳脆爽彈牙，豬大腸口感嚼勁，唔會好硬之餘，味道濃郁

“特級滷水鵝皇飯”($148)“招牌滷水鵝肉飯”($72)本身諗住喺中環街市食餐飯但發現實在太多人,所以行遠少少去咗威靈頓街🤣見到呢間環境企理又光猛嘅滷水鵝專門店🦢唔想再行所以入咗去食飯😂坐底發現原來餐廳2003年就開業,至今已經18年😳因為係滷水鵝專門店,所以我地叫咗2個精選套餐分別係特級滷水鵝皇飯同招牌滷水鵝肉飯🦢特級嗰款有鵝片/鵝腎/鵝肝/鵝腸/鵝蛋☺夾埋招牌滷水鵝肉飯就可以試哂咁多款鵝😆呢道嘅滷水味偏向清香而且唔會膩☺鵝片厚薄適中,油脂味甘香☺鵝腸同鵝腎都十分爽脆,鵝肝軟腍另外嘅鵝肉份量超足,肉質滑溜唔鞋口😋每碗飯都落咗啲鹹酸菜,食落帶點微辣送飯一流枱面仲有支滷水汁同食滷水鵝必點嘅蒜泥醋🧄畀食客因應個人口味自己調配😋套餐會跟咖啡/茶我地叫咗凍檸茶同凍檸樂,分別加$3/$8仲可以揀配燉湯或者滷汁時蔬🥬不過食完個飯都已經好夠飽🤣

原來依家日日香鵝肉飯店開到黎中環，lunch/dinner又多款選擇✌🏻✨特選滷味飯～材料都幾豐盛，有豬大腸、豬腩肉、紅腸、滷水雞蛋同埋豆卜，仲有啲酸菜點綴，呢幾款裏面我最like就係豬大腸，淋得來夠入味，而且整得好乾淨，又冇乜肥膏，口感爽滑。雖然豬腩肉肥嘅位比較多，不過又出奇地爽口，令人忍唔住都會食多少少😄✨金牌滷水鵝片 例牌～肉質都唔錯，肥瘦適中，而且食落有汁，有支滷水汁擺咗喺枱面，亦方便客人，口味甜甜地，很有潮式風味，如果份量再多啲就好了。

呢一間係茶餐廳形式嘅潮州餐廳，佢啲滷味飯份量都幾多，男仔食都會夠飽。價錢就唔算平但係中環黎講到唔算貴。不過佢嘅滷味就唔覺得係特別出色，因為香港都有幾多好食嘅潮州餐廳，所以佢只係算中規中矩，試過一次短期內都唔會再食住🤷🏻‍♂️

Lunch時間又要諗食乜，同事搵到e間又好耐無食滷水嘢，所以就過去試一試去到都係可以安心 or 寫紙，問左我地兩位。。但眼見舖頭冇吉位wor點知原來間舖頭別有洞天，行入去再轉彎有一個閣樓位咁嘅地方。好似我影嗰幅相咁嘅位置都幾好入嚟嘅時候見到個個食嗰啲滷水野嘅考試都好吸引，之後就研究吓個餐牌，不過侍應阿姐好快就吹我哋落單第一次食咁都要睇吓嫁我心諗之後一人一個餐，好快上枱。滷水鵝肉好食，啲肉幾滑仲要冇骨墨魚都OK ！不過墨魚就唔夠爽同埋溫度可以熱番少少，即係好似打冷啲滷水拼盤咁呢會加啲熱嘅滷水汁上去會更加好過我OK嘅，不過我屋企人潮州人我由細到大都食開呢啲滷水嘢，個滷水就唔夠入味個味道淨係流於表面。。不過都收貨服務方面就一般般，都係你妹食完一樣嘢就即刻收走，之後坐下飲埋杯嘢，跟住就走埋嚟叫我哋埋張單直接我都明中環午飯時間係好多人嘅，不過個人就覺得呢啲非常之反感，所以都唔會有下次㗎啦

這間位於中環威靈頓街的餐廳，餐廳主打食鵝肉，朋友介紹聽講話鵝肉飯好好食，所以想來試試，不過今次要等位，天氣上太熱，所以有點辛苦，不過唔緊要，最緊要食物高質，我願意等😃📍招牌滷水鵝肉飯同朋友點了一人一個滷水鵝肉飯，朋友就點了瀨粉招牌滷水鵝肉果然名不虛傳，鵝肉好入味，肉質一點都不鞋，肉質滑溜，旁邊還加了一點酸菜點綴，米飯粒粒都好煙韌彈牙，好好食😋餐廳的滷水汁做得非常出色👍🏻餐廳好細心，枱面旁邊仲有一支滷水汁給客人

自從喺潮州嗰邊食過一次滷水鵝，已經念念不忘，返到嚟香港都周圍去食吓，至今仍然未有一間係可以做到潮州正宗嗰種味道，所以今次都懷着一種期望嘅心情嚟食呢間。餐廳望落去幾乾淨衛生，裝修佈局都唔錯，我叫咗一個特級滷水鵝皇飯，朋友叫咗金牌滷水鵝片飯，首先講個份量，份量都唔算少，絕對對得住呢個價錢！鵝片-鵝肉好淋，味道普通，鵝肉唔係好濃郁嘅鵝味，不頭就片得好靚鵝腎-軟硬適中，食落冇乜味道鵝腸-好彈牙爽口，份量都算多，但食落冇乜味道鵝肝-完全唔係潮州嗰種好香好滑嘅口感，佢嘅鵝肝係有少少實同硬㗎，食落冇乜味鵝蛋-好普通，食落有少少實整體而言如果以食物嘅份量同服務來講係值得一試，不過味道就完全唔係潮州嗰隻味，都差幾遠下，但係唔難食嘅！如果純粹經過又諗唔到食乜都會再嚟試吓。

平時都有食下隔離鏽記嘅燒鵝，諗住試吓新野就去咗呢間買！因為經過見到有啲明星照，上網查一查又見OpenRice有50幾個好評，重點係冇負評，咁就諗住試吓一定OK冇死，點知酸酸叔叔唔係幾好味喎唔知係咪因為外賣自取嘅關係，所以冇咁新鮮啦！不過其實我都係買返去就即刻食其實成間鋪一直都係得我一個，諗返起都好似麻麻哋，有機會呢間冇乜人買，所以啲嘢食積咁耐就變咗唔新鮮...買咗滷水鵝：呢個唔使點執都非常之鹹！其實都幾明顯係佢啲嘢唔新鮮，所以整鹹啲遮蓋浸味，鹹得來又冇其他香味...好差啊鵝腸：呢個極度唔新鮮，叫佢去肥膏都冇乜點去，酸酸醙醙真係好晒錢！ 又唔係平...墨魚片一樣係酸酸醙醙好不安不過唔係100%全部都係咁嘅…鵝紅正常（冇醙）、鵝腎味道ok(終於唔會死咸，但冇咩味) & 口感唔錯（爽彈）~ 可惜overall體驗太差…其實都幾後悔揀咗呢間買咗咁多嘢食，買得多野嘅 揀餐廳真係要小心啲！不過，姐姐服務好的（其實都係sell左我入去嘅其中一個原因🙈🤣⋯⋯）

日日香鵝肉飯店之前已經多次外賣日日香鵝肉飯店鵝片加餸今次堂食, 質素同價錢都好公道, 所以同大家介紹一下。 滷水雙拼飯 ($98, 凍飲另加$3)師傅刀功都好了得, 鵝肉份量都幾多,皮薄肉嫩,肥瘦適中厚薄均勻，肉質鮮嫩多汁！個鹵水豆腐卜整得入曬味, 還有咸菜、滷水蛋同埋豆卜, 真係好豐富。大腸軟滑甘香，豬大腸𥚃𥚃外外都清潔得乾乾淨淨, 正!!友人點了鵝腎爽口, 都唔錯~ 我哋兩個人食完都飽飽, 嘆埋杯凍檸茶真係爽！！

終於試久仰大名的日日香，好多朋友都推介，今日單點了一個招牌滷水鵝片飯，鵝片厚薄適中，鵝肉肉質嫩滑，滷水汁非常出色，獨有的滷水香味其他地方食唔到，滷蛋都非常入味，還有旁邊的榨菜送飯直頭一流！喜出望外，值得推介！

今晚收工收得特別夜，搞掂埋啲嘢過幾日就唔再係呢區翻工。於是，想睇睇附近有咩好食。一落樓下，就發現好似新開咗間日日香鵝肉飯店。我同朋友叫咗個鵝肉飯同滷水鵝片飯。當個鵝肉飯嚟果陣，我食咗一啖，然後忍唔住大啖大啖咁食，因為真係好好味。份量上非常充足，有時係出面食鵝肉飯，少不免會有一堆骨，但係日日香鵝肉飯店就真係俾得好足料，基本上塊塊都係肉。另外，鵝片皮薄肉嫩，師傅手勢高明，將鵝肉俐落去骨，連皮連肉，再分成薄片，鵝片完整，亦厚薄均勻，食起黎啖啖滋味。鵝片本身肥瘦適中，皮脂不過肥，肉質鮮嫩多汁！

每次嚟到中環都唔知食啲乜嘢好。地段貴之餘，嘢食都好貴🥺我依啲窮小子，梗係要搵返啲平民嘢食啦用平民價錢食有質素嘅滷水飯🙌🏻聽講有一間食滷水鵝一流，我梗係唔輸蝕要去朝聖一下🤗✨招牌滷水鵝肉飯鵝肉脂肪分布平均，肥瘦適中鵝皮腍滑，又切去多餘的脂肪再配上特製嘅醋。令到口感更加提升，更會有開胃感鵝肉充滿滷水味，肉質嫩滑，肉片比較清香🦢✨特選滷味飯(豬大腸，豆卜，紅腸，滷雞蛋🥚，豬腩肉)大腸洗得好乾淨，爽脆，彈牙，又唔會有喳，咬落去，仲會滲出滷水。豬腩肉，肉質好林，岩哂鐘意啖啖肉的食肉獸🐖再配上其他配料豆卜，紅腸，滷雞蛋🥚豐富滿瀉🥰滷雞蛋🥚仲好入味🙌🏻✨是日燉湯(烏雞湯)另外可以套餐價$38有多碗滋潤嘅燉湯材料並不輸蝕火候剛剛好，有家的味道烏雞加上豬肉，令到成個湯都好鮮甜🙌🏻

牛肉，豬肉，雞肉經常吃，所以這次就吃點不一樣的，就是鵝肉。🦢一進去就覺得店鋪整潔乾淨，光線明亮，有2張大桌子，其他的都是2人座位，一共大概可以坐到20多人左右。看了一下菜單，提供2人精選套餐，小食，精選套餐，滷水拼盤。想了想決定點鵝3拼，3拼是固定的，分別是鵝肉，鵝掌，鵝翼。鵝肉有嚼勁，不油膩，鵝掌肉厚，鵝翼有咬口，滷水味香濃，不會過鹹，底下還有一些豆卜，充分吸收了滷水，很惹味。下午2點半到6點來惠顧還有88折，很划算，點多一點也不會肉痛。