日本料理とん勝 (已結業)

呢間都係我地喜歡去嘅餐廳之一，話說我地想book個地方可以俾我地開住會食個飯，我地有成10個，餐廳幾好，可以有間房俾我地，係我地有事遲左，店員要清潔房，所以我地坐出邊啦。首50份豬扒餐50元，呢個價錢可以食到鬆化豬扒係好扺。佢兩款醬都係好好食，點菜同豬都一流。有人有叫佢鍾情嘅可樂餅，咖哩烏冬，腩肉烏冬，佢地覺得好食嘅。環境舒服，亦都好乾淨，可能係地牢關係，好窩心有埋wifi提供。整體嚟講都係好嘅，係一個幾好傾計嘅地方，有機會試鍋物先。

日本料理とん勝 lunch - 豬柳午市御膳（$78+10%）（每日首30份$50咋可惜我唔夠早🤔）傳聞係真嘅，呢度真係好多日本人黎食！我都係因為咁慕名嚟到呢度。吉列做得好好，酥脆又唔油膩，豬肉採用鹿兒島黑毛豬，炸完仍然多汁鬆軟 ！（幾年前去鹿兒島食過吉列豬真係好好食嫁🙉🙉🙉）芝麻用黑+白芝麻，更香！我食哂😌白飯香甜、面豉湯略咸不過好多料。稍稍失色的是椰菜絲，唔多清甜，而且得芝麻醬揀，如果有柚子醋就好了。另外，其實我加＄8點左杯cranberry juice， 但呢杯野就真心差，唔知點解係灰綠色，勁多冰，而且係沖糖漿出黎....早知係咁飲茶算🙈總結，吉列豬係有水準的！！$80幾蚊抵過丼丼屋！

是晚同幾位好耐冇見嘅朋友食飯聚會，其中一位提議到呢間日式餐廳食飯。七點幾到達，門口疑似有堆人等緊位。因為book咗枱，所以冇多加理會，但心諗呢間餐廳應該唔錯。我叫咗一個吉列豬定食，算係抵食，跟飯，蒸蛋薯仔沙律，仲有一碗拉麵。先講吉列豬，賣相唔錯，外層係鬆脆嘅，但略嫌塊豬嘅脂肪部分過多，會食到成口油，同埋好快膩。至於個拉麵...湯底好咸，冇食哂蒸蛋同薯仔沙律就正常，冇乜特別。唔知係咪塊豬太油喇，食完成晚都有d飽飽濟濟嘅感覺...

多次光顧，水準還是很高。點了二人set(1位$288），叫了四款清酒，一品純米（300ml)、豐臣秀吉、xx生酛、xx極辛口共三盒（180ml x4)，非常滿足。吉列黑豚香脆而不油膩，頗有日本風味，椰菜清甜量足。薑鍋風味甚佳，鹿兒島黑豚有豚肉油香，肉質頗有「嚼勁」，配合薑湯，風味獨特。幾次顧店，店內不少日本客人，侍應精通日語，服務殷勤。日本酒牌種類不少，不乏地酒，價格不算高，可每款一盒（180ml)，一過酒癮，爽呢！三文魚腩酒脂豐腴，魚香突出。甜蝦一般。豬柳中規中舉，欠缺特定產地黑豚之油香，可幸尚算香脆軟熟。佐酒魷魚前菜一流。薑鍋豚肉味道甚佳，賣相一般，但味道豐厚多變。生酛一盒，淡然無味，不甚了了。餐後甜點，明治雪糕否？會員卡85折，嘗酒四款，二人套餐，一人500大洋，價格合理，會再來喔。（下次想試藍藍包裝的夏酒）

比咁嘅價錢真係估唔到質素......叫咗個牛腸煲，等咗好久都未上嘢食，跟住來到眼前係一大煲菜...全部都係菜)))) 全部都係菜))))  肉得好少，一共十幾粒牛腸咁啦，每一粒大約一節手指咁大左右，咁大個煲又咁多菜，又真係要比啲心機先摷到啲肉食的。個湯淡淡地冇乜特別，係有啲柚子味，牛腸少少煙韌係幾好食嘅，而且有小小肥膏會覺得幾香滑，但啲嘢食要煮好耐都唔滾，哋等到好肚餓都未有得食﹐可能個煲火力唔係好夠，煮好久先熟。望住成個嘢真係好失望，成個煲得捲心菜同十零粒牛腸(仲有十多條韮菜啊!)，好單調 (二人份，因為佢話要二人以上先可order)。食埋啲菜都唔夠飽，上去吉魚蛋。

炸物所需的烹調技巧極高，稍有不慎就會將食材炸至焦黑，失去本應黃金亮麗的外表。這天來到赫德道一間位於地庫的炸豬扒店，可能是門口不夠奪目，所以即使是午餐時間都能輕易找到位置。甫坐下連餐牌都不用看，就點了個豬柳午市御膳，每天首三十份只需$50，實在太抵!跟套餐的新鮮椰菜，自由加上芝麻醬，生椰菜之味帶有點點甘香，混合酸酸的芝麻醬就是個不俗的前菜，吃完還可以要求侍應幫忙添加。左上角是一個壓有坑紋的碗，配合附送的小棍就可以將碗內的黑白芝麻壓碎，碎的程度可因應個人喜好，然後倒入炸物醬汁就形成了一個帶有芝麻香氣的醬料了。炸豬柳當然不能與天生帶有點點脂肪香氣的炸豬扒媲美，不過若以$50價錢來說，一份酥脆香口的炸豬柳定食就實在是尖沙咀區上班族的救星了。豬柳面層甘香，內裡肉質鮮味鬆軟，即使深知炸物是減肥女生的天敵，也願意一嚐再嚐呢~

在附近做完gym 誤打誤撞黎呢間餐廳食飯叫咗三樣嘢1. 吉列豬扒定食: 椰菜可無限添加但有少少失望因為豬扒不太厚，但都夠juicy,反而麵豉湯有驚喜，好多料2. 薑汁蛋卷: 薑汁味不太重，但蛋好滑3. 明太子茶漬飯: 唔識講但好好味環境ok,好多枱被訂了，但我只會比ok,因為同類嘅餐廳呢間算偏貴，同要叫先識加茶，但未坐滿客

短短時間已光顧過兩次。一次lunch 一次dinner 。一坐底就見到有一個女侍應是日本人，亦有些日本人客，食物質素應該有保證吧。 吉列豬柳飯lunch 頭30份可以以$50享用！豬柳挺鬆軟，炸粉薄又脆，吃到最後一件仍是脆的，但又不會覺得油膩，外脆內軟，$50絕對值回票價！！！就算用原價$68仍是抵食的！ 一人份量也有這麼這麼大碗椰菜絲，而且更可以refill，椰菜絲很爽，可配芝麻醬，但會不知不覺吃了很多芝麻醬。從來都不太喜歡味噌湯，但在這，我竟然飲得晒之餘仲想encore ! 湯不咸及很足料，紅蘿蔔白蘿蔔大蔥都是大大粒的及煲到很稔。自己磨芝麻喜歡這裡的珍珠飯另一日晚餐吃吉列豬扒$68，加$30轉set。豆腐不是百x喔，是布包豆腐，不夠滑但有豆味，欣賞上面有薑蓉。豬扒跟豬柳一樣咁出色，豬扒則有少量肥膏及比柳juicy

網上搵到一間日本餐廳好似幾吸引！於是約埋朋友去試下！舖然雖然有 d 難揾！但係足知揾到啦！舖內有些日本 feel!先嚟一個什錦魚生飯，嘩！真係好新鮮喎！魚生既賣有光澤感！魚生有新鮮魚味！好耐無試過！肉質又有彈性！好似在日本食嘅時候一樣咁新鮮個係吉列豬扒，真係外脆內軟！脆卜卜！加上特製既調味料！更能帶出吉列豬扒既味道！

想食料理又覺得貴可以點? Lunch time 去食啦~ 呢間餐廳 既 吉列豬柳御膳 有每日首30份特價 $50/份(另有加一), 正價$68, 既然係公司附近, happy Friday 拉d同事陪我去食。首先上一大盤椰菜, 加上芝麻醬超好味 又解膩。吉列处脆, 內裡既豬柳不肥膩。味噌湯我平日是不喝的, 覺得過份死咸, 但大愛這裡的味噌湯, 有蘿蔔、豬肉、牛蒡, 比一般的味噌湯清很多 很好喝。下次會在lunch time 再來試可樂餅, set lunch 同樣$50 而且冇限定呢～

好友難得在香港，上網搜了家在尖沙咀的日本料理試試看。我自己很少來這區，更別說會來這家在K11附近在地庫裏的日本餐廳。沿著樓梯下一層樓便到餐廳，裏面蠻小，但是每張桌子沒有擺得太近所以坐得很舒服。因為地方小，所以建議大家來之前要預訂座位。環繞四周聽到得都是日文，看來很多日本人來這家小店耶o(≧v≦)o餐廳主打吉列類食品和涮涮鍋物。本來很想試試有一個老姜湯底的涮涮鍋，但是每款最少都要叫兩人份以上的，所以這次就先試試吉列豬排膳食。我比較少吃吉列豬排，所以對正確吃法不太熟悉，幸好有個日料通好友哈哈。餐廳先上的是一大碟新鮮椰菜絲。椰菜含有豐富食物纖維促進消化，是吃吉列豬排必不可少的伴菜，讓我們吃美味豬排的時候不會太過油膩。配上店裏的芝麻醬非常好吃！接下來上的是一小碗芝麻。我們要以打圈的方式把芝麻磨碎，然後加入店裏秘制的醬汁攪拌就成了我們點豬排的醬了大概15分鐘我們的炸豬排就上來啦。其實我來之前沒有什麽期待，沒想到竟帶來驚喜！！豬排炸得很酥脆但又不會太油，外面裹的麵包糠還是一小粒一小粒狀的。豬肉肥瘦均勻，在最邊邊是塊肥，入口肉質松軟，讓我想起在東京MAiSEN/まい泉炸豬排店，太好吃了！o(≧v≦)

好久沒有食過午餐，豬柳定食穩定的食物質素，豬柳有肉汁，雖然沒有一年前的厚度，但仍然維持正常質素。飯的硬度和甜度，比一般快餐廳好食，但已沒有從前的，有光澤和明亮度，軟硬適中，甜度適中。服務人員，自從轉了店長，沒有一份親切感。可能，好的食物，要跟店長的親切感和責任感，是息息相關。希望我可以從新建立這份感情。

去得早，餐廳裏就我跟朋友兩人，哈哈。點了吉列猪扒定食，吉列炸蝦和刺身拼盤。豬扒，炸蝦都是外酥裏嫩，非常驚艷。食客自己將炒熱的黑白芝麻磨碎後伴以醬汁佐食更是錦上添花。刺身食材非常贊，鮮甜爽口，尤其是青口，更加讓人讚不絕口。很想試試他們家的壽司，可惜師傅有事回日本，不得不算是個遺憾。有趣的是，當晚我們用餐時候，其他幾桌都是日本人士，看來是來對地方了。

逢節日，都是一個天大藉口吃餐好的！毫無頭緒吃什麼下，朋友突然說想打邊爐，不如就來一個日式sabusabu！去到這間門口，見到門口貼上一張寫著full booking，只招待已訂座的顧客！幸好，我早幾天前已訂座。座位坐得舒服，不太密，容易傾計，加上地庫網路接收差，整間舖都舖了Wifi，在這世代實在太細心、太周到了吧！由於我不吃牛的關係，所以點了豚肉鴛鴦鍋，加上一大盤菜、豆腐、金菇，實在太飽！再叫幾款小食，飲枝酒，實在人生一大樂事！

因為honey生日，咁我就BOOK左位夜晚去食啦，我BOOK左8點，間野其實都唔多人，星期六咁既鐘數都仲有好多位。我本來PLAN好叫一個黑豚肉火鍋同一個吉列豬架，但係個火鍋一定要2人起，諗左好耐，就叫2人火鍋啦，個吉列豬下次先食。一黎到，D食物份量其實好小，佢得一盆菜，2板豬，而每板得8塊，烏冬，飯O個D要加錢，我都諗緊好似唔係好夠，但食左先算啦。我想讚下佢個湯底，真係好好味，未放肉之前飲左幾啖，好清，好好味，之後又忍唔住再飲，之後就落下D豬肉啦，好快熟，因為好薄，都真係唔錯，成餐飯都好快食完。係貴左D，食完有D覺得唔係好夠，7成飽啦。希望下次可以試佢個吉列豬。