日牛涮涮鍋專門店 (已結業)

早一天的晚上忘記了什麼原因, 就是應該是玩到通宵達旦吧...總之就是今天又訓到日上三竿才起來...晚上打算在將軍澳看戲, 而且又太肚餓的關係, 決定去吃一個早時段的任食...因為我們兩人都比較少去將軍澳區, 所以又上黎Openrice搵下有咩任食, 最後就黎到左日牛涮涮鍋專門店喇!可能因為我地今日比較早的關係 (大約6PM...), 唔駛等位直接入就得喇 坐底先知道係一人一鍋, 冇得一齊"烚下烚下"開頭有少少失望, 不過可以一人揀一個湯底試下, 都有佢既好處既~我自己個鍋就揀左牛骨清湯, 飯伴就揀左骨膠原湯底, 相比之下, 佢個湯底既味道好味D, 不過就唔係太感覺到好骨膠原; 至於我個清湯就真係清左少少, 不過飯伴試完我果個就話都有牛味 (因為佢唔食牛的).成個放題食90分鐘, 都唔駛話要食得好急。一黎就梗係試一牛一豬先喇! 牛肉算是中規中舉的質量, 脂肪算平均(不會有一大片白色脂肪), 肉味一般, 尚算合格。豬肉很多時在標明牛肉放題的食店都會被忘記, 要一讚這店子的豬肉質素不錯! 肉味比較突出同比較香, 而且烚耐少少都唔會話好韌. 飯伴吃得很開心!至於在出面自己任拿的食物, 有以下

這次完全可以用“巧合”來形容到訪日牛其實以前已到過日牛的鑽石山分店數次，那時的感覺一直不錯可惜後來少了機會到鑽石山，便沒了去鑽石山日牛的借口今次將軍澳坑口店開張，剛好路過的我又怎能不吃呢？等座位有點久，（在等候的時間，有一對坐在門口的母子，在繁忙時段明知自己已經過了九十分鐘的時間，結帳了仍不離座，店員也無可奈何，真的難做呢）近九時才能入座，已經很餓了，在門外說好要的骨膠原湯底，一入座便立即出去拿各式菜品，有一些簡單的菜類：例如生菜菠菜，冬菇，豆腐等，材料不俗，由其是豆腐也夠軟滑。有葛粉絲，烏冬等：葛粉絲是吃日牛才第一次吃到的，以後每次來也有去那一點，那種QQ的口感，又彈牙又滑，真的不錯，所以每次皆吃一點；烏冬也是很滑的一種，到最後字吃飽的這，別忘了來一碗！有一些丸類腸類：不是普通沒味道的便宜貨，吃下有著丸類的味道，已經不是一般打邊爐的貨色了。當然主題就是牛和豬肉吧，雖然吃比較便宜的一種，但也不是只有一大片脂肪的牛，吃下來沒有硬筋或過油的感覺，不錯；豬肉是比牛肉淋身點，不過也會比較有點諧口，當然也要看個人口味如何，筆者認為豬也是不錯的。而重點是兩者的肉色皆鮮，看得出此店雖然是集團式經營，

上次只吃了一份長腳蟹唔夠喉，今次得我地兩公婆，一於食過夠。去到唔駛等位即刻入得，不過要坐間開嗰隻大枱，張枱冇乜位放食物咁，冇牛陣咁舒適自在。今次我地冇點期間限定既湯，叫番大路既牛骨清湯同辛辣味噌湯。為了吃長腳蟹放題，今次就點了$163+10%既上級牛肉... 其實我都唔記得佢個名，總之係尾二平既級數啦，咁每位加多$70就可以任吃長腳蟹。湯底﹑一牛﹑一豬同一蟹到了，等湯滾既同時老公去配料自助區度攞丸呀﹑菜呀﹑菇呀！仲有調味料同飲品。湯滾了，馬上下部份配料之餘梗係先涮牛肉啦！記得上次來吃最平既牛肉唔得，冇牛味又嚡口，簡直叫人失望。反觀今次稍為高一檔次既牛肉就唔同，樣靚之餘，仲有牛味，用心涮一涮都算滑。難得既係 refill 極都咁靚，我地唔計第一碟，追加既三碟牛都一樣睇得又食得呢！長腳蟹就唔駛講，同上次一樣都好新鮮甜美。第一次上桌既會有兩份蟹腳，即一隻蟹既份量；往後追加既就只會出一份，即半份。我地後追加了兩次，即平均每人吃了一隻蟹啦！配料中既粟米好甜，最值得提。又講番個湯底，辛辣味噌湯超正，彷彿食梗韓國部隊鍋咁，所以我勁淥烏冬同葛粉呀！但齋飲就有啲過鹹，反而清湯真係好清，可能我冇乜淥菜，所

來這裡吃放題主要係被長腳蟹既圖片吸引了，只要幫襯上級牛肉放題(或價錢以上的)，加$70就可以任吃長腳蟹了。只可惜同行友人不吃蟹，我們唯有散點一客好了。原來這裡既放題是一人一鍋，季節限定湯底分別為野菜鹽麴雞湯及酒粕味噌湯，各自點了鍋底，就到配料區取自己愛吃的了。配料區頗大，選擇不少，多款丸類包括炸魚腐﹑鱈魚豆腐﹑八爪魚丸等，其他蔬菜配料包括蓮藕片﹑粟米﹑豆腐﹑菇類等，主食除了有薯粉﹑稻庭烏冬﹑芋絲外，亦有糙米飯，不過沒有伴吃的咖哩汁。湯滾了，除放配料外，二話不說烚牛了，味道尚可，但還是牛涮鍋的較佳，豚肉也是一般，反而長腳蟹好鮮甜，只可惜這次不是任吃，不夠痛快。吃罷所有食物，我們便弄乳酪軟雪糕吃，有多款醬及toppings同吃，很滿足呀！

在6月9日.星期日,置身人山人海的東港城中毫無頭緒找食店午膳,突然眼前有日牛的廣告.雖則我在鑽石山光顧過一次感覺不太好,也選擇此店,總不能一次光顧的經驗.就永不踏足呢間店.等了20分鍾終於入座,2人坐在4人大枱,旁邊足夠位置放戰利品,和鄰座距離也遠日牛只有90分鍾限時,無論限一碟,任食也90分鍾.平日更不設限時.同類食店而言,呢間選是最經濟的.呢間店無論食物補充.衛生,服務也比鑽石山好.店員更周時幫客人控制個爐.添湯等,一人一碟肉,出面的菜.丸任食,汽水任飲,乳洛任食.平均入場費都是80元左右.任食的丸類.菜類,都好衛生.金菇菜乾水,沒有黑色的根.菜乾淨.沒有黃葉,相當青綠,蕃茄也新鮮.粟米亦相當鮮甜,至於丸類魚旦質感好硬.根本零味道.反而綠色丸類像菜類的丸,味道反而鮮甜,好好食.80元左右一位的火鍋.絕不可要求有和牛,豬肉和牛肉,豬肉肉質較鞋,感覺較乾身,肉質亦較韌,沒有肉汁,肉味相當薄弱,牛肉亦全無肥油.入口無渣,當然沒有油香,同缺乏肉味,但以呢個價錢這種品質又可以接受.乳洛:我反而覺得幾好食,不會太快溶,夠挺身,而質感很滑.味道帶少少酸,質素已算不俗.90分鍾,汽水飲幾杯,吃到飽

之前在鑽石山的分店吃過好幾次晚餐，服務態度良好，食物的款式及種類很多和清潔。 將軍澳新開的食店，便試試午餐，價錢也相當合理。任食的配菜都是自助的，選擇和晚餐一樣蠻多！骨膠原湯底及柚子味的醬料配合薄薄的牛肉和豚肉，恰到好處。 最後還有任食的乳酪雪糕，當然超滿足。簡直是健康之選！以新店來說，食品質素都仍能保持水準，只可惜當天 （2013年2月16日）沒有我心愛的玻璃粉（好似是葛粉絲）。服務態度不錯，當天室溫很熱，我們請服務生調校溫度，她也馬上處理。希望改善的地方：地面很滑，取食品時要特別小心，避免滑倒！