日船章魚小丸子 (已搬遷) 新店位置

唔好意思深夜放毒,今日係happy friday,約好左同朋友一齊去旺角行街街,難得聽日星期六唔洗番工,咁緊係同朋友食埋宵夜先一齊走喇,本身大家都諗住去買杯野飲,但行到過去就想食日船既章魚小丸子～好耐之前香港有一陣小丸子熱潮,不過依家都執得7788,所淨無幾,好食既更加寥寥可數,但日船真係不得不讚佢第一,皮薄餡靚,每粒小丸子入面都會有一大粒章魚係入面,同埋佢既麵粉漿唔會太多,佢都唔介意粒丸子既大細,因為方間有好多小丸子都專登整到好大粒以填飽人地個肚,日船可以做到皮薄餡靚真係值得一讚👍🏻😋第二,wasabi配salad真係好好食,佢長勝之處就係wasabi！本身小妹唔係特別喜好wasabi,但佢配上沙律醬食又唔係好辣,夠特別😋小妹同朋友2個人食,加埋綠茶$40有找

日本經典街頭小食「章魚燒」，自從日本引入香港之後，就已經成為了香港街頭的熱門小食。但是坊間每一間食店，都紛紛加入製作「章魚燒」的行列，結果「章魚燒」製成品往往良莠不齊，味道參差有別。反而在香港，真正以製作正宗「章魚燒」見稱的食店「日船章魚小丸子」，「日船章魚小丸子」到現在反而只剩下「油麻地」，以及「銅鑼灣」兩間分店而已。雖然「日船章魚小丸子」已經不復，以往有多間分店的全盛面貌，但是我一去到油麻地分店的「日船章魚小丸子」，就立刻發現還有大量食客光顧購買，「日船章魚小丸子」的「章魚燒」跟「珍珠奶茶」。而且現在的油麻地「日船章魚小丸子」，不單止仍然有很多人慕名上門幫襯，而且現在的油麻地「日船章魚小丸子」樓面雖然依然狹窄細小，但是竟然還有一兩張座位剩下，容許食客可以即場坐下。我看見現在的油麻地「日船章魚小丸子」現場，竟然有座位剩下可以坐，我當然二話不說，立刻找張座位，以及立刻向「日船章魚小丸子」的店員落柯打。由於現在油麻地「日船章魚小丸子」已經不復當年風采，所以現在的「日船章魚小丸子」，還需要推出套餐，以圖留住還有意上門幫襯的食客。例如「日船章魚小丸子」招牌「章魚丸」一客，配一杯冰凍的「珍珠奶

本身我係好鍾意食章魚燒，但香港無乜章魚燒鋪頭係特別出色。經朋友介紹話呢間日船好好食，於是經過就決定試試佢章魚燒首先我想講既係，一行到去發現佢一早煮好一批章魚燒放左係度。感覺唔太新鮮咁行到嚟，都要試下佢既，於是就試左個蛋黃醬章魚燒。師傅問我要唔要芥末醬，我見佢問得應該都唔差得去邊，咁我就話要啦。拎到上手就係熱辣辣既，睇落都好似幾好食咁。食落還可以，不過唔係太出色敗北在於個芥末醬，個芥末醬搶曬章魚燒本身既味。如果有下次一定唔會再加

食過咁多間章魚小丸子，只有日船係最最最最好味😋😋😋原味章魚小丸子係我既至愛❤️個店員好好人咁幫我加多啲啲木魚😍木魚加個沙律醬，熱辣辣咁食真係好正！性價比超高！不過唔知係咪落啲子薑落重左手，薑味濃咗啲啲，如果冇薑味就最好啦👏PS. 見到有人會加Wasabi食，我就冇試過啦，因為好似唔係好夾咁😅

講起日船，可以話係中學回憶，放學掃街必掃既小食，但係以家好少地方有日船章魚小丸子買啦😭😭岩岩同朋友仔係油麻地食完火鍋，諗住行去旺角搭車，路經日船，就算已經食到好飽都忍唔住買左一盒回味下😁😁一盒6粒 $24因為我我食芥末，所以我叫左多沙律醬，味道同以前一樣，沙律甜甜 粘粘的，一粒小丸子一粒章魚，外脆內軟，依然係記憶中既味道👍🏻

呢間由細食到大，而而家食親章魚小丸子一定只光顧佢！因為暫時食過得呢間唔會禁多粉而冇左章魚仔～每一粒小丸子都有章魚同菜絲，粒章魚雖然比以前細粒左，但都ok ge.但佢啲飲品就唔太得，太甜，所以淨小丸子加埋芥末醬唔該。

很久沒吃這個，在油尖旺一帶，好像她是碩果僅存吧?起碼有數年沒吃過了。章魚燒粉漿包著章魚及椰菜絲，燒好後加上沙拉醬山葵醬及木魚絲之後就可奉客了。這裡的粉漿略糊口，章魚是意料之中的不多，椰菜絲更是少得可憐，雖然不是即點即燒的，不過勝在吃時仍然熱辣辣，可惜除了這點之外，就沒有可取的地方了，在下實在很想念，現在只剩下太古店的築地GINDACO的出品啊！😭

琴晚同同事掃街，佢介紹我食呢個章魚小丸子🐙，我之前都聽朋友講到好正好好味，但係唔知琴晚係唔係夜咗D，D小丸子又唔熱，入面又冇乜料，有一粒連章丸都冇，我問我同事，佢話佢嗰份都係一樣，真係有D失望，好彩$24一份都唔算太貴，不過我令願食日本超市嗰D！😔

本來我係like東京站章魚小丸子多啲, 但上次食又乾又硬成舊粉咁, 所以試下日船章魚小丸子家下咩環境. 章魚小丸子呢家野基本上只要夠熱就唔會死人, 日船今次做得到, 不過可以再熱多啲, 頭兩粒係夠熱, 不過好快凍, 後面嗰啲只係暖. 八分流心狀態, 如果落返七分再creamy啲就更好. 小丸子裡面有一粒八爪魚撐場, 我對八爪魚無乜好感, 有存在過就足夠, 不過菜唔係好多, 但本來而家都無食過邊間係多菜. 醬汁畀好多, 唔會唔夠, 但係食哂一盒會好渴, 呢個唔怪得佢, 少汁又唔好食, 所以食之前最好買定野飲, 唔係食完要撲水. 總之而家算唔錯, 將佢入返list, 不過可以再更好. 小丸子其實唔多啱單身汪食, 呢啲野又唔可以慢慢食, 一次過連續自隊好漏下😥 $24一盒六粒暗藏柴魚下, 東京站係畀紫菜, 我邊樣都無乜所謂.芥辣好溫和, 勁勁勁大pat咁食先有丁屎通鼻效果, 絕對可以放心去馬.其實整定哂係到熱住真係好難遇到標準流心狀態, 無好似東京站乾到沙漠咁已經算唔錯.

行行下街 突然覺得有d肚餓 見到前面係好耐都冇食過既章魚小丸子 即刻衝去買盒黎食先 雖然而家市面上都有好多呢類既小丸子賣 不過我覺得呢間既質素咁多年都保持水準我試過有次冇加wasabi 但係覺得有d滯 而今次加左就冇呢種感覺 其實佢既wasabi唔算係好辣 所以建議大家一定要加呀 佢既燒汁甜甜地但係又唔會搶左丸子既味 熱辣辣既丸子表面係脆脆地 中間絕對唔係只係得一堆粉團 而軟淋淋既中間係有椰菜絲同埋有一粒八爪魚粒 $24 6粒雖然唔算好平 不過佢絕對係一個有質素既小丸子 暫時以呢個價錢我覺得係最好味 雖然有時要排下隊 但係佢係不停咁整 所以最多都係等幾分鐘就有得食架啦

星期日收工走左架巴士，打算食d小食暖胃打發時間。巴士站附近有間日船章魚小丸子🐙，已經好耐無食，就買一盒毒食下$24一盒有六粒，價錢算係中等，比某d小丸子店可能貴$4-6，但味道同質素就高好多呢間我去深圳老街都會經常買來食，大陸始終平d。呢間可能多人買，所以新鮮整起熱辣辣，入面好多菜，唔會一大舊粉，章魚就一粒仔啦，個皮就仲好脆，配上蛋黃同芥末醬，仲有木魚絲好味到停唔到口，一口氣食哂6粒日船應該係暫時最岩我口味ge日式小丸子。

細個係百佳都有得食日船，唔知去到初中已經收晒皮😩😩後來惠康都有，不過啲味完全比唔上日船！去到旺角，幾遠都要行去食🙄🤤🤤🤤勁多醬！勁多醬！仲可以叫佢俾少少芥末，食落少少辣，仲正🤤入面唔會成口粉，可以一啖一粒，不過小心熱🤣

雖然睇落條隊有啲長，但排落一陣間就到，嘢食出得好快。小丸子外脆內軟，粒粒章魚都大大粒，外層脆卜卜到一個點，但裏面都唔會乾真真，而係柔軟而奶香重，配合埋醬油同沙律醬 成個層次係非常和諧，沙律醬帶甜，令人愈食愈有食慾，最鍾意就係上面啲木魚，新鮮出爐嘅章魚燒熱氣會令到木魚喺上面跳動，暫時係香港食到最止好食嘅正宗章魚燒😍除咗章魚燒之外都有唔少少食，都係finger food，糖心蛋澀得來醬油味足，蛋香重，芝士麵香滑邪惡，鹹香味濃。其他都算過得去， 性價比唔錯嘅外賣店。

從佢係登打士街未搬鋪開始支持到依家每次係旺角掃街一定諗起呢間日船章魚丸子小丸子看似簡單，但如果粉團、章魚、醬汁是但一樣出事都令到小丸子變得好難食日船既小丸子雖然細細粒，但真材實料小丸子燒到外脆內軟，粉團唔會好似其他地方咁黏口，加上大粒章魚係入面醬汁亦是一大亮眼，佢既沙律醬呈半透明色，食落唔會感覺油膩，配合佢唔會攻鼻既芥辣，令到味道更多層次食過大大小小既小丸子店，當中包括連鎖店，仍然覺得日船的小丸子係最香口、最美味的！

章魚小丸子好多地方都有賣，但要講好食就唔係到到都有。喺油麻地呢間日船可以話係我喺香港食過既小丸子入面排頭3位。一般鋪頭賣既小丸子食落好多都係面粉味過多，感覺食落成口都係粉漿，入面章魚粒似舊膠，完全浪費食材。不過呢間日船賣既小丸子就好唔同，先講個靈魂之處，醬汁調得岩岩好，唔會太甜搶走小丸子既味，加埋芥末食落好好味。而且成粒小丸子唔會淋支支，好似擺左唔知幾耐咁。中間粒章魚都算大粒。每次經過必定買黎食，6粒22蚊，係貴左d，不過真係真心推介既好味小食。