日船章魚小丸子 (已搬遷) 新店位置

本来我系like东京站章鱼小丸子多啲, 但上次食又干又硬成旧粉咁, 所以试下日船章鱼小丸子家下咩环境. 章鱼小丸子呢家野基本上只要够热就唔会死人, 日船今次做得到, 不过可以再热多啲, 头两粒系够热, 不过好快冻, 后面𠮶啲只系暖. 八分流心状态, 如果落返七分再creamy啲就更好. 小丸子里面有一粒八爪鱼撑场, 我对八爪鱼无乜好感, 有存在过就足够, 不过菜唔系好多, 但本来而家都无食过边间系多菜. 酱汁畀好多, 唔会唔够, 但系食哂一盒会好渴, 呢个唔怪得佢, 少汁又唔好食, 所以食之前最好买定野饮, 唔系食完要扑水. 总之而家算唔错, 将佢入返list, 不过可以再更好. 小丸子其实唔多啱单身汪食, 呢啲野又唔可以慢慢食, 一次过连续自队好漏下😥 $24一盒六粒暗藏柴鱼下, 东京站系畀紫菜, 我边样都无乜所谓.芥辣好温和, 劲劲劲大pat咁食先有丁屎通鼻效果, 绝对可以放心去马.其实整定哂系到热住真系好难遇到标准流心状态, 无好似东京站干到沙漠咁已经算唔错.