早晨麵包 (已結業)

今日過中環辦點公事,路經此店,買左件迷你new york芝士餅$8,芝士幾幼滑,幾濃!$8件,一點都不馬虎!

下班後往蘇豪區途中，路經此店。下午六點後，麵包特價發售，人頭湧湧。買了枚「朱古力甜甜圈」為一會兒的「泡吧」而打底。五塊錢一枚，以街坊舖而言，不算便宜。味道一般，倒是冬甩麵糰發酵得剛好，不會有「食風」的感覺，挺實在的口感。

家姐收工o係早晨麵包買左一大條香蕉麵包. 佢話收工後買有discount, 成大條香蕉麵包都唔駛十蚊. 個香蕉麵包味道同la rose幾似, 呢度買一大條o既價錢仲平過o係la rose買一塊(相等於前者五分一), 好抵食!

家姐買左個家庭裝提子什皮包返黎. 什皮其實係橙皮. 包裡面唔係有好多橙皮同提子, 可幸包o既質地夠鬆軟, 香脆表面烤得金黃色, 提子好味. 買得過!

唔知係咪因為而家多左人去買佢既麵包今日俾北方既麵同豆沙餅激親之後因為想食甜野但又唔想咁大件就諗起呢度既迷你CHEESE CAKE黎到見到新出品-- 腰果BROWNIES買左一件7蚊試下(無特價)同埋一個朱古力鮮奶包作為聽日早餐點知有D失望件BROWNIES 朱古力味唔夠濃好彩夠甜味又唔會好苦但冇乜腰果七蚊係平但唔值ENCORE囉我諗都係佢D麵包出品會好D啦於是為左補償遺憾撕左一啖既朱古力鮮奶包食點知仲失望個飽唔軟熟又唔香唔得喎以前OK仲好食過佢呀

琴日買左一個今朝先食大家真係冇介紹個皮好脆又唔入面又夠軟熟好好味呀!我真係未食過d 咁正既法包雖然叫做細法包但都好大個架有一個手板咁大咁都只係賣$2.5抵到爛呀!簡直係必食推介呀!

去完生記食粥突然好想食甜品醒起呢頭有間日日都讚既麵包舖買左一件迷你紐約芝士蛋糕同一個細法包聽日做早餐件new york cheese cake 味道唔錯有芝士香味質地都係硬硬地不錯至正都係佢冇因為係細餅而用左軟底佢個硬冇馬虎到仍然係一個似消化餅硬底o岩晒我既口味正呀!細細件8蚊好抵(無特價架)又唔會話食完太飽又滿足到我想甜品既慾望不過因為係麵飽特價時間所以真係好多人舖頭細細但人真係好多黎買前要有心理準備

$8條, 短D gei~當然好過delifrance~外脆內軟整得好正! 同das gute有得揮~$8都幾合理~不過服務麻麻, 因為我冇手要求佢夾,佢就咁話"你羅個盤自己夾啦"到我夾趺出個盤佢先幫我,不過我費事自己整出個盤,又要下個客食, 所以叫佢夾返o個個比我...

萬聖節前食過o既南瓜items仲包括早晨麵包o既袋裝南瓜提子包. 一袋五個, 每個size同餐包差唔多大. 食落無南瓜味, 只係普通提子包一個, 可幸提子香甜, 麵包鬆軟, 係一個高質素o既提子包!

前果排放工行左去上環,走左黎試下佢d 包包;有一排係上環返工,但係都唔知有間咁正既面包店;好多款式,有d都幾特別架;先後試左幾款包:雙料芝士包(入面有一粒粒既芝士,面頭係平時芝士包咁,有d沙律醬,唔錯)、雜菜包(有磨菇同埋蕃茄係面,好好味啊~~)雞尾包(個面好好味,但係入面好少餡);我最中意既鮮奶球(好大個,不過唔夠脆;另有朱古力鮮奶球)同埋香草芝士包(呢隻好好味;個包似豬柳漢堡個包咁,入面係一粒粒芝士,正~~); 可惜朝早唔夠時間去買,所以我通常放左工先去買..不過到左放工果個時間去買面包半價,勁平;抵食啊!

$8一件, 不過係mini size, new york cheese cake, 面頭只不過係普通cream, 但係texture都唔錯, $8食得過~

前日經過, 發覺呢間街坊麵包舖都有士干嫁! 不過要一袋袋買, 兩個或者三個一袋.avg $4一個, 味道唔太甜, 都唔錯!

新鮮出爐香蕉蛋糕有天然香蕉香氣，食落口有一陣香蕉甜味，除質感之外，好似食蕉咁，隔夜依然好味。價錢又唔貴，原價$9，6點係$6.3，有半條麵包咁大舊，抵食。藍莓蛋糕好似鬆餅咁，蛋糕面脆脆地，nice!

上次，我同男友、媽咪去探姑姐...姑姐介紹我o地去呢間麵包舖買麵包，因為o個陣已經下晝5點幾，所以買麵包有discount...我o地買o左個吞拿魚包包，原來個包包好大個，所以我就同男友一齊分享..嘩！好好味呀！個麵包皮同其他麵包舖o既與別不同，餡料又多，又夠好味^.^^.^我o地下次仲會試埋其他味道o既包包添!!!

阿媽有時會買呢度啲嚟返屋企，所以大部分都食過下對於佢啲麵包，個人覺得麻麻，佢啲曲奇則一般啦，但有樣嘢我係頗為鍾意既就係：蛋糕仔，佢比一般size大同扁，質地幾掂下，硬中帶軟，軟中帶硬，口感同味道都唔錯