早晨麵包 (已結業)

見到大家的介紹，放工專登走過去買0來試下，我買左三個包包，有粟米菠蘿磨菇，黑椒牛肉磨菇同埋一個腸仔菠蘿pizza，因有半價優惠，埋單都係9蚊咋，而且個個都好有份量，唔會將貨就價。我買0個陣勁多人，而且我仲見不停有包包新鮮出爐，最衰全屋得我一個包怪，唔係實買多幾個食，嘻。返到屋企食左一個，好味!! 第二朝再食，都仲係好好味。個人意見，呢度比Simply Bread更好味更抵。

always go there after working out at the gym nearby. large variety of breads and taste good too...... really good deal after 6... many people in there during the discounted time~~

呢間包鋪响上環都幾出名吓, 每朝返工時間同六點後(麵包有特價）都人頭湧湧咪睇佢鋪仔細細,佢啲包包唔係一般包鋪既款式,雖然都唔係咩特別既用料,但經佢mix&match後就好似吸引啲咁,同埋佢的包好大個,我諗男仔食一個做早餐都夠飽其實佢啲包包最初都吸引唔到我,係有一次七點幾放工肚餓入去望下,見佢有隻包新鮮出爐,味道其香,個包細細個白白地色,雖然其貌不揚但一問之下原來係香草芝士包,有齊我最鍾意既材料,既刻買番幾個試下. 一食之下即刻愛上,個包裏面有一粒粒既cream cheese,包身既味好似豬柳漢堡個包咁,同啲粒粒芝士一齊食,非常極之美味! 呢隻包通常會pack好一袋四個(無芝士既淨香草包係一樣樣架,但就一袋五個),正價$12,六點後七折$8.4,通常一出就好快賣晒,喜歡食芝士的朋友不容錯過!!!!

今日買左方包(4塊$3.5)要黎塗jam, 好平呀!港式方包同日式方包唔同o既地方係前者有好淡淡o既鹹味, 而後者係甜o既!呢度o既方包好食在個皮係煙韌, 而中間就軟軟o既, even唔塗jam就咁食都好正!

這裡的方包真係幾多款式，數埋真係有成十款，全部自家製，新鮮熱辣出爐時係好正。除左芝麻方包外，菠蘿忌廉芝士包都幾好味的，5蚊6毫一個。仲有一杯杯的大菜糕賣，天時熱吃杯雪涷了的大菜糕係幾正。個人覺得什果味只平平，可以試下利賓納大菜糕，唔係話特別好食，但唔太甜都幾特別的。

今朝食過泰昌o既菠蘿包之後, 覺得始終係"早晨" o既正d, even隔夜用microwave叮熱食個皮都係脆嫁!

認識呢間面包店係因為佢o既芝麻方包好出名, 有好多人都會專登黎買!我媽咪鍾意食佢o既波蘿包同埋雞尾包, 我就嫌佢o既雞尾包個餡唔夠(不過就好大個)朝早好多人o係度買面包, 條龍排到出門口嫁!