旺記冰室 (惠芳閣)

营业中

休息中

今早突然諗到旺記，就去嘆返個豐富早晨先早人7點幾不太多人，食物亦好快到，不用等，始終早餐最緊要快靚正今次叫左沙爹牛肉麵，滑蛋多士正另外三文治四重奏必食，今次試免治牛肉我覺得咸牛肉好食d咖啡好飲！！一定會再試

見黎開呢頭，旺記又唔使排隊，所以就入去食咗個lunch。仲記得當年一開鋪嘅時候超多人排隊，當時嘅滑蛋真係超級滑豉油都夠香，成個叉燒滑蛋飯係好好食。 但呢一兩年都食過幾次覺得唔同咗，今日再食更覺得同之前水準真係差得幾遠，個蛋太老，豉油亦都唔夠香，好彩杯奶茶仲係好飲既。希望舖頭見到d食評可以改善下啲食物質素。

其實已經係前排食，不過試過一次之後冇下次，唔係嘢食難食，而係因為好污糟。咁啱啱試過籬M6嘅叉燒滑蛋飯，勾起番喺旺記嘅慘痛回憶而因此不吐不快。座位係有d逼，不過去得茶餐廳預咗，亦唔期望會有服務，叫咗個叉燒蛋飯，正常，但以價錢同味道計唔值得排隊。M6抗疫外賣先$38，服務態度仲要好d。跟住杯熱鴛鴦先瀨嘢。。。冇落糖所以飲之前冇攪，飲到差唔多底時～咦點解有粒嘢嘅，lur岀嚟一望，頂檸檬核嚟嘅，有冇核突d呀😡從此心理陰影太大，岀去飲嘢點都攪下先飲…

本人15/1收工去拎外賣，叫左三個餐（下圖有單），番到屋企打開俾左個牛肉蛋飯，但一來夜晚menu跟本冇呢個餐，二來我係叫咖喱雞扒+蛋+香草腸，打番過去話個同事執錯左，話送番過嚟，但我已經番左柴灣，果一刻都冇客，更何況夜晩menu跟本冇呢個餐，點解又會煮到俾個客呢，真係佢地唔知搞緊乜？其實個伙計執之前望一眼，咁就可以避免到，再講，你執錯多一兩次，D客就會幫襯第二間，隔離果間M6其實差唔多類型，仲有而家既晚餐menu選擇唔多，明想慳皮費，但如果可以多D選擇，客人仲會容易幫襯！

呢日係附近行完山， 就黎旺記食返個下午茶。🥢麥包三文治四重奏 （脆脆午餐肉，雞蛋，花生醬，生菜）呢個配搭好有驚喜，午餐肉煎得好脆口，雞蛋炒得好嫩滑，配上清爽既生菜， 再搽上甜甜既花生醬， 又咸又甜既新鮮配搭，意想唔到咁味😋。🥢南乳炸雞脾配薯條雞脾肉嫩多汁，雞皮脆卜卜， 薯條熱辣辣又脆口，再配少少清爽既沙律菜， 好正👍。🏠 旺記冰室🛤️ 鰂魚涌英皇道955-957號惠芳閣地下A號舖📍港鐵鰂魚涌站A出口，步行約3分鐘

去鰂魚涌行山之前可以去呢度食個豐富嘅早餐1. 特濃蕃茄湯午餐肉粒通粉 $45鍾意食好傑番茄湯嘅朋友就啱晒 再配埋午餐肉粒 係一份好滿足嘅早餐😋2. 忌廉雞湯鮑魚火腿絲通粉$38唔想食午餐肉咁Heavy嘅人就可以食呢個鮑魚火腿絲通粉 佢呢個通粉嘅湯底好好味 兩個套餐都配有炒蛋 呢度嘅炒蛋都好出色仲可以加$5將多士轉奶油豬 個奶油豬都係我必食！有一次冇晒奶油豬 侍應都會幫你將多士轉做奶油多👍🏻 呢度嘅咖啡係忌廉即磨咖啡 同平時茶餐廳嘅咖啡唔同 我覺得好好飲

今晚出街食，平時食開個間休息，隨便行過旺記點個餐買外賣，餐牌幾年都冇換過，來來去去得幾款，就揀個類似早餐的 “晚餐”。攞起外賣輕飄飄、返家打開份量似縮咗，都覺 不抵食，咁嘅時勢外賣還要加 $1、算到盡、滴水不漏。睇下多士只得半塊，紙包住索了一半油，轉什麼烤包還要加 $5 ；好彩冇聽佢講。通粉份量不但少，還要湯水索哂通粉乾了。就算冇飲湯，食完都覺口乾要飲好多水。呢次真實體驗，普通餐都冇質素真唔啱食。😓

鰂魚涌有好多美食每逢lunch都好多排隊嘅人龍所以今次特登一朝早去試🙌🏻終於都試左旺記既馳名滑蛋🍳全店採用🇯🇵蛋 加牛乳炒🤩食落真係好嫩滑💯💯自家製叉燒 肥瘦均勻 食落又唔會韌😋蝦仁好新鮮 爽口彈牙🙌🏻配埋佢地自家製既甜豉油真係好快清左碟飯💯🌟滑蛋叉燒飯🌟滑蛋蝦仁飯仲可以揀雙拼或者牛肉等全部都真係好吸引🙌🏻🙌🏻🙌🏻店內座位唔算好多所以建議堂食嘅話預返唔好lunch time去❗️

鰂魚涌旺記無論係早餐定午飯時間都大排長龍，平日都懶得排，見今日開會要early lunch唔洗排就黎食下。早、午、tea time都有set，價錢合理，坐落感覺都好乾淨。我揀左個午餐set 5，特級蕃茄湯午餐肉通粉+炒蛋多士連嘢飲$49。 多士用麥包，烘得幾脆下👍🏽 不過奶油唔係好夠，有d位咬落好乾。蛋加左牛乳炒非常滑，好好味😋蕃茄湯都好香好夠味，不過感覺同餐肉唔夾，又鹹又甜又酸，下次想食午餐肉都係要最唔健康嘅餐蛋公仔麵😂

經過旺記，想食佢哋遠近馳名嘅日本炒蛋，就買個外賣返屋企嘆下😬餐牌貴精不貴多，主打滑蛋+主菜，我一向鍾情呢度嘅豬，無論叉燒、豬扒都好好食，睇得出呢度著重質素，呢個價錢食到更優質嘅食物。諗咗一輪，就食海鮮XO醬豬肉眼豬扒飯 $58，包飲品；另加$10配日本炒滑蛋。日本炒蛋，無得頂！係屋企整開炒蛋嘅都知道呢個份量，起碼要2隻蛋先夠炒；而且滑滑的，火喉剛好，好食丫。XO醬配肉眼豬扒，XO醬好惹味，似自家出品，辣度剛好，加落d炒蛋度一齊食，超正🥰肉眼豬扒有3大塊，而且厚切無骨，對女仔嚟講好豐富😊肉眼豬扒整得淋滑，餣得入味，又少少燶邊，送飯一流。

好久沒來旺記冰室吃滑蛋飯了，特別想念日本蛋和甜醬油，今天放工之後，特意過來公司附近吃飯。餐廳很寬敞，人也不算多，價錢好像比之前便宜了一些，真實良心價錢。爽口蝦仁日式滑蛋飯 ＄58 配熱朱古力雞蛋鮮嫩爽口，米飯🍚粒粒分開，勁道有嚼勁。最喜歡的是自家製甜醬油，鮮美的同事，給飯增添不少靈魂。蝦仁特別新鮮，咬下去，鮮美的味道就在嘴裏化開來。玉子蛋，煎得剛剛好，不會太老也不會太生，配上小小蔥花，和醬油調味，裹上一口飯，簡直營養十分充足。周圍的食客大多是放工後過來吃晚餐。好好挑選自己喜愛的食物，為忙碌的一天畫上一個完美句號。朱古力爽口潤滑，給自己補充元氣和能量。下次來想要嘗試野菜烏東面，隔壁桌的美食，看上去也是那麼吸引人。

旺記冰室在午市一定大排長龍,原因是味道真的不錯.尤其他們家的招牌"叉燒滑蛋飯" 真的是值得回頭既一家店.其實市面上茶餐廳有很多,但他們家餐牌其實不像傳統的那麼多選擇只有早餐.午餐及下午餐. 而招牌叉燒滑蛋飯是全天候供應但雖然選擇不多,但每一味都不遜色飯既份量適中,不算很大也不會很少除了叉燒滑蛋飯外,我亦都喜歡點這個下午茶餐, 就是炸雞脾薯條這是兒時最愛既配搭.現在從這裡吃回童年既味道 雞脾雖然是炸,但不算很油,而且有南乳味

疫情關係，少咗出街食飯。最近心血來潮，好想食旺角既炒滑蛋，於是外賣咗盒返屋食。旺記既炒蛋向來出名，除咗可以配叉燒外，仲可以揀蝦仁牛肉炒蛋。我今次就嗌咗蝦仁牛肉炒蛋飯，仲配咗其他茶記少有既薑汁奶茶，拎返屋企慢慢嘆。即使係外賣，旺記都保持到水準，大大隻蝦，而且爽口彈牙，又唔會過老，而牛肉片都好嫩。至於主角滑蛋，真係好滑，入口除咗試到有蛋香味外，仲有陣陣既奶味，入口好滑。不過飯就有啲乾，唔知係咪因為我有翻叮過盒飯既原因。而薑汁奶茶，其他地方都好少見，所以點都嗌杯試試。薑汁加奶茶都係少見既配搭，薑味加埋滑既香滑奶茶，值得一試。旺記仲有好多其他美食，下次再叫其他試試先。

公司附近呢度開咗唔少冰室今日仲要繼續做野 所以晚飯就去呢間未食過嘅冰室買咗蝦仁滑牛肉雙併蛋飯外賣 再埋杯冰檸茶等得唔算好耐 返到公司仲係熱辣辣份量都唔少 牛肉煮得啱啱好唔會太鞋 有一定嘅厚度有口感 唔係薄切切個種 對得住滑牛之名 個滑蛋雖然食唔出係咪日本蛋 但真係煮得都好嫩滑 可能因為佢加左牛奶 搭配埋彈牙蝦仁真係一流享受 個價錢比起附近冰室算較便宜 值得再黎滑蛋飯確實係好多餐廳都有但係呢間真係煮得幾出色 而家比佢餐牌個小確幸雞扒吸引左 好快又會再黎

最近都繼續食緊外賣🤭，今晚自己一個搵食就來到旺記冰室試試佢。叫左個 野菜蕃茄麵豉湯讚岐烏冬（$56），見餐牌寫住150g特多蔬菜，覺得好吸引。 怕唔夠飽，店員就建議我叫雙倍菜（+$10），非常健康。先講佢啲野菜，因為係雙倍菜，所以外賣盒著左三分之一全部塞滿菜。 入面有木耳絲、火腿絲、蘿蔔絲、超級多洋蔥、超級多椰菜同埋粟米粒粒。個人鐘意撈埋蕃茄湯來食，濕濕地好易入口。鮮蝦整得幾乾淨，爽同埋有蝦味。 滑蛋亦都好大塊，好好食，真係非常滑。最重點嘅讚岐烏冬塞滿左個外賣盒，拎到返屋企食都仲好彈牙，就算浸住湯都唔會變成一pat pat 🤣🤣。蕃茄麵豉湯幾好飲，唔知係咪因為加左麵豉醬，佢入口一啲都唔酸。 撈完野菜同烏冬，唔好嘥野，成盒拎起飲埋啲湯。跟餐有野飲，天口熱叫左杯凍檸茶（+2），碎冰、檸檬唔苦。Menu張相無呃秤，真係有咁多料。以一個女仔嘅份量來講，可以話係食到飽飽。出餐快，店員nice，會再回頭。