旺記餐廳

营业中

休息中

新年期間都見佢哋仲開咁就入去幫襯買個外賣， 初一至初三都要+1， 希望佢哋會俾返多少佢哋員工， 新年假期都冇休息照常開工😛呢度平時食炒粉麵就唔係好掂但係佢哋炸髀同沙律都OK都好食嘅

你平時嚟呢度都係淨係食下午茶餐因為佢啲炸雞皮同沙律都好食嘅， 但係估唔到佢哋啲炒嘢難食到想嘔🤮， 叫咗個星洲炒米都唔知係咩嚟嘅， 我諗住嗌星洲炒米都會穩陣啲啦點不知係驚中伏， 我諗啲世人都係未食過咁難食嘅星洲炒米

食個早餐，上一次已經俾未完全熟晒嘅魚柳俾我，但係側邊個炸燶哂硬哂，我食咗兩啖就算數，然後返到屋企屙咗三、四次。今次直程係生到用叉用刀切唔開吉唔入，成嚿魚柳係炸燶晒嗰種色，但係入面係完全生嘅，然後啲職員嘅態度差到極致，如果想去受氣就去食啦，比塊生嘅魚柳仲夠膽收返原價，56蚊我食咗個煎雙熟蛋米粉同埋一杯大嘅茶走個職員第二次上返個熟嘅俾我，同我講話係咪嗌咗香炸豬扒，我話冇，同埋我嗰陣已經係食晒所有米粉杯嘢都飲埋，我同佢講唔要啦，重新炸都炸，然後後尾係第二個同事同佢講話呢個係魚柳，佢先知係魚柳。。。佢仲要完全唔覺得自己有問題

職員服務態度極之差，午市快餐講明送例湯，眼見冇乜客就去問下樓面冇湯既，職員答 話廚房唔得閒，佢都冇辦法，你唔那識去叫廚房整咩？平日多人都有例湯，假期冇乜人廚房唔那得閒？就係見你冇乜客先問，望入廚房人係到行行企企，執吓果樣執吓呢樣，咁叫唔得閒？就係知你出個快餐都慢過人先叫整個湯飲下姐，樓面就靜執枱 唔嗨去出餐，眼見個餐放係到成兩個字都唔去出餐，吹漲 ，坐左成大半個鐘單都未出，d職員請返黎趕客㗎？，去埋單問我張單係邊？問返我幾號枱，我那知咩？黑口黑面唔想做咪那做啦，唔想做生意咪嗨做啦，第一次感受到幫襯食個飯都谷鬼氣，永遠黑名單，老闆你冇客幫襯你，你應該要多謝你班樓面同今日7月1代收銀果件，強烈建議唔好去幫襯，會令你有個極不愉快既用餐

唯一屋邨方便食堂，晚飯吃了很多次，水準每天不同，西芹炒鮮魷，－時有落蝦醬，第二日可以白灼無味道，不知道是否每天更換不同㕑師呢，建議大家落order小菜要少咸（健康啲），否則真的鹽分超標，超咸！

9點左右入去叫做個水煮魚 98蚊 加碗飯12蚊個 等左15分鐘左右 個魚到左 食落去第一啖 仲生嘅 脆過脆肉鯇 諗住一兩嚿姐 食左幾嚿都係 叫佢煮過 佢真係煮過吖！ 兩分鐘拎返出嚟 跟住真係有一兩嚿係冧啲嘅 但其餘都係脆身嘅 數數埋埋都唔知有冇十幾嚿 可能10嚿多一嚿囉 餐廳內嘅海報寫水煮魚係滑嫩 但真係呃人囉 由於本人胃唔係幾好 食到一半已經想嘔 總括嚟講又貴又唔好味又少 總要生嘅添 想唔翻工 唔翻學 攞病假紙可以嚟！！！ 餐廳內仲要係收唔到數據 紙巾亦都係唔提供 所以準備好晒先好去呀

剛搬來附近，是但搵晚餐食旺記好出色，西蘭花鮮魷 菜還菜 鮮魷還鮮魷 蝦醬另上。啫啫雞煲也一樣 醬還醬 雞冇味。連烚菜都失敗，居然冇落油。做到咁失敗 不如執左佢啦廚師根本冇心做！

秋風起，三蛇肥！當然今次不是吃蛇搭輕鐵到洪水橋站，行5分鐘路程，到了洪福商場一個很新、很空曠的商場。更家人進入這間茶餐廳，點了一個二人中式晚餐以及一個一人套餐，套餐包括一個例湯，一碗白飯及一杯飲品，價錢相當化算點了一碟椒鹽豬扒，一碟冬瓜海鮮煲，以及一個炒四季豆！椒鹽豬扒揸得很香口，蒜鹽很香很脆，但略嫌豬扒揸得太乾泰龍，肉質有點結實！炒四季豆正常水平，四季豆很爽脆，肉丁及果仁口感不錯，但略嫌味道太淡（可能遠思想食下健康點吧）冬瓜海鮮煲大件夾抵食，我見每一台差不多都會點這味餸，冬瓜很清新，褒忠有青口、蝦仁、柱貝、魚柳，所以材料頗多的，海鮮湯也很夠味道總結，在屋村內能夠吃到這樣的晚餐，真的算很不錯，而且看見餐廳七成入座率，也代表有一定水準。

早上9點25分左右去食早餐，一坐低等好耐先叫到野，大約9點30分，等到10點10分都未到，等左半個鐘有多都算，而我隔離嗰個9點55分到，就有野食，我去問隔離枱你叫既野食啱唔啱有無黎錯？因為照道理點都係我先過佢啦，佢話無錯，🤬😡火都黎，去問樓面啦，個樓面就話我咩都唔知，點我去問收銀，走去問櫃檯落左單未啦，點知收銀仲串到不得了，又話睇唔到我好忙既咩？又話問我都無用㗎，咁我就好嬲啦，咪問佢落左單未，跟住隔離個侍應態度一樣咁差咁答我未，咁既服務態度以後都唔會去呢間無禮貌，無質素，無服務既餐廳，不知所謂，其實我唔介意等，只係點解啱啱黎果個會有野食而我坐左半個鐘有多都未落單？

放假間中都會去呢到食早餐，選擇都幾多，而且價錢合理，而且好大，坐得舒服，食晚飯的小菜選擇都多了，有時懒得煮飯，近近地都會黎呢到食。早餐通常我會叫沙嗲牛肉米線，熱奶茶不錯，與其他茶餐廳無麥分別。

38下午茶算便宜， 但無諗過少餸到咁， 半塊叉燒加一茶匙蛋炒成碟飯你食， 好似食白飯咁，又乾，吞落去都塞喉嚨， 食完好似無食過咁， 要去第二間再食， 咁無heart， 要blacklist

今日既晚飯，去左元朗洪福邨的旺記食飯。入面好大好多座位，星期日夜晚7：30繁忙時間去到都唔洗等位，立即有得坐。我地2個大人+2個小朋友，叫左2個餸，京都豬扒和涼爪抄排牛肉，另外仲叫左碗肥牛米線。京都豬扒酸酸甜甜好啱我胃口。苦瓜亦係我至愛，雖然炒得有點苦，但我食得苦。每個餸加10蚊會有一碗湯和飯，個湯係蓮藕紅蘿蔔豬骨湯，飲落都ok。肥牛米線係專叫比小朋友食的，早排黎食下午茶第一次食呢個米粉，佢地就愛上左啦。不得不提，上次下午茶我叫呢個吉列豬扒拼西多士，見到咁厚既西多士我立即眼前一亮，好開心咁食完。但件吉列豬扒就唔得啦，好乾好乾好乾，差唔多成件無食。另外當時同時叫左個干炒牛河，好油好油，我咁愛食肥豬肉都頂唔順。總結黎講，呢間餐廳有好野食亦有唔好既野食，祝大家好運! 今晚餐飯埋單，叫左3樣野4個人食，平均每人約45元。

平時多數自已煮既我, 因過年前係屋企大掃除, 中午就同老公兩個落樓下食算啦, 雖然近, 但因為除非返工, 係屋企就好少落街食, 見呢間最近轉咗手, 咪入去試下, 入去就是旦係叫咗係午餐度揀, 我叫咗個咖哩魚塊飯, 我老公就叫咗個炒河(因早兩個幾月前, 唔係記得佢叫個乜炒河, 但都係當日既午餐). 當時天氣都叫做有D凍, 我個飯到先, 個飯只係叫做暖, 仲要個碟同圍都好多水, 下邊有D飯都比D水浸過, 個咖哩都唔熱, 亦無唔夠咖哩味. 到我老公炒河到, 都一樣只係暖, 亦都係冇乜味. 天寒地凍, 食物冇味兼唔夠熱, 真係叫人點食? 唉.......洪水橋真係冇乜邊間好食, 搞到我煮少餐都唔得, 真可憐