旺記餐廳

营业中

休息中

今日既晚饭，去左元朗洪福邨的旺记食饭。入面好大好多座位，星期日夜晚7：30繁忙时间去到都唔洗等位，立即有得坐。我地2个大人+2个小朋友，叫左2个𩠌，京都猪扒和凉爪抄排牛肉，另外仲叫左碗肥牛米线。京都猪扒酸酸甜甜好啱我胃口。苦瓜亦系我至爱，虽然炒得有点苦，但我食得苦。每个𩠌加10蚊会有一碗汤和饭，个汤系莲藕红萝卜猪骨汤，饮落都ok。肥牛米线系专叫比小朋友食的，早排黎食下午茶第一次食呢个米粉，佢地就爱上左啦。不得不提，上次下午茶我叫呢个吉列猪扒拼西多士，见到咁厚既西多士我立即眼前一亮，好开心咁食完。但件吉列猪扒就唔得啦，好干好干好干，差唔多成件无食。另外当时同时叫左个干炒牛河，好油好油，我咁爱食肥猪肉都顶唔顺。总结黎讲，呢间餐厅有好野食亦有唔好既野食，祝大家好运! 今晚餐饭埋单，叫左3样野4个人食，平均每人约45元。