旺順火鍋牛肉專門店

营业中

休息中

不是第一次光顧,對這兒的牛煲和胡椒豬肚湯印象難忘.由於訂不了高流灣,忽發其想這兒應較易book枱,於是便於2日前訂位,8pm,6位.今晚準時8pm到達,但沒有枱!香港的食店就是如此,訂了位也要等... 老闆娘和另一位阿姐叫我們等一會.過了20分鐘,她們想安排我們坐卡位,會只可坐4位,所以放棄.再過10分鐘,由於一直也沒有枱,已我們還有2位會9時後才到,阿姐們於是我們便叫我們先坐卡位,有枱時再轉.甫坐下便立刻點湯鍋和食材.等了超過10分鐘只來了酸菜和花生!我們的是角位,被一張大枱阻著,很難叫到侍應.而且那枱的電制燒了, 一遍混亂後才叫到侍應幫我們跟單....後來阿姐說單不知在那裏 要再order!!!! 我的朋友說好像見她第1次收了我們的order紙後,跟隔離枱談話,之後手上的紙當垃圾棄掉... 這店子似乎應付不了人潮... 人多,手腳便亂了...幸好再order後很快湯鍋和食材便到.剛開始食的時候我見到開始有大枱free up.當然又要叫阿姐幫忙轉枱.轉枱時還發生了小意外:1. 阿姐打翻了其中一杯庶水.幸好朋友的外衣只被濺到少許,阿姐也很快的清理現場,不過她忘了把紙巾交給朋友. 不過

牛什癡的我上年冬季被金牌迷住了, 每次想起都會有再吃的衝動. 早一個月前, 從報紙上看到這店的廣告, 心中即時又勾起了癮來, 看到在開飯食評全是有贊無彈, 立即剪了優惠券因有刺身送, 但來到卻又不記得, 也就浪費了這著數印了開飯地圖但也找了好一陣子, 地方比想像中細, 二人被安排坐窗邊卡位, 座位寬落. 朋友未到就慢慢的看餐牌, 侍應沒催促之餘還用心的講解提問, 見他們忙著還面帶笑容, 未吃已令人感覺舒服胡椒豬肚煲 - 來到當然想試牛骨煲, 但兩個恐怕吃下而不能容納其他, 退而求其次的要了胡椒豬肚, 咸酸菜和豬肚真不少, 好像吃不完的, 胡椒味越滾越出, 香濃得可當湯喝鮑魚 - 鮑魚放下還在躍動, 長痛不如短痛的就快快放入煲中, 配上不太搶的胡椒豬肚湯底, 鮑魚鮮味更能突出, 鮑身煙韌彈牙, 如沒記錯應是賣$48一隻, 實是超值本地手切肥牛 - 吃火鍋最喜歡的就是本地牛, 貪其肉味濃, 而是晚要了最普通的, 雖不是什麼頂級貨, 但牛味香濃, 半肥膏的入口無渣嫩滑, 收足貨秘製牛什 - 吃不下原煲的, 來一碟當補償也很不錯, 牛肚牛腸牛肺牛腩牛筋樣樣有, 唯獨是最愛的牛膀卻不見蹤影, 牛

尋晚同朋友去朗豪坊途中路經此店舖, 抱住一試心態去食先. 先叫咗胡椒豬肚湯, 都是不錯的湯底 再叫一碟泰蝦刺身熱身先, 都幾好味 跟住叫咗以下火鍋料1. 本地肥牛: 超好味, 仲好味過我之前去方榮記同稻香呀 2. 羊腩: 都ok 3. 蝦: 一般啦4. 蟹子丸: 普通啦5. 金菇菜: 普通啦6. 唐生菜: 普通啦7. 炸腐皮卷: 都ok總括黎講, 有好既肥牛就已經好滿足. 哈哈哈!!!

看到全是好的食評, 於是朋友聚舊便選這間!金牌牛骨煲 - 越食越濃味, 煲內的牛什很入味,正呀! 朋友說不用點醬汁啦!手切肥牛 - 有牛味, 品質與價錢付合! 幾好!魚皮餃 - okay!烏冬 - 好味,叫咗兩碟! 不是一般超巿貨。牛丸 - 無食, 但朋友說好味, 小女孩都話好味!白鱔片 - 好新鮮, 物超所值! 睇價錢, 以為一般貨式, 入口比想像中好!桂花蚌 - 都係好新鮮, 正!鵝腸 - 份量多, 無食, 但朋友不停手呀!炸腐皮 - 無小肥牛咁好食, 所以每人食咗一件就無食! 唐生菜 - 普通整體都okay! 一定會再去, 環境不俗, 我地得五個人, 俾張大枱我地, 侍應話坐得舒服啲! 食物不錯, 不明白點解咁少人?!唯一美人不足是, 我們點西洋菜, 但侍應送上唐生菜, 我們告知侍應時, 她才說:無西洋菜喎, 唐生菜得唔得呢? 其實事前應該話我地知, 不過我們也無所謂!

一向好喜歡火鍋，尤重湯底，係一次偶然機會下，在去朗豪坊途中，抬頭一看，見到旺順牛骨鍋的招牌，便到樓下看看有關介紹，並相約幾位好友一同來試試。誰知一試便上了癮，現在已經多次光顧了。火鍋的靈魂是湯底。招牌牛骨鍋，是濃濃的牛什鍋，材料甚豐富，牛腩牛肚牛腸牛肺牛筋牛骨等全部甚具質素，調味料也有生蒜炸蒜芫茜沙爹醬指天椒等可供選擇，可以滿足不同人士需要。食物方面，很多都很出色，主力牛肉固然出色，丸類餃類蔬菜類也有很多選擇，連烏冬也是手打的，當然不及坊間其他主打烏冬的食店，但也遠勝超市質素。Refill湯方面，佢地會睇下你個鍋會否太濃，太濃會加水等個湯唔好太咸，否則也會加湯，都幾細心丫！可能地方唔算太顯眼，所以次次都唔會full house，亦唔駛book位。誠意推介俾大家，有機會真係值得一試，絕對好過同區任點任食的火鍋好多！

夜晚12點同男友諗食咩好 行過呢間諗住诋下~叫左個沙嗲湯底~好正~~田雞-仲識郁架~超新鮮~!正~d肉好滑海蝦~又係識郁既~超新鮮秘制牛肉~正~~生菜~都好新鮮~鵝腸~都唔錯~~整體very good~ service都好好~會同我地傾計~不過唔知點解呢間野咁少人食我去到第一枱人~haha

曾經差不多每星期都吃一次火煱,但這幾個月吃的次數明顯少了很多,因為一食唔停得口,辛苦減幾磅真係一煱返晒嚟!難得友人提議就一於兩個人照食！沙爹湯底----認真麻麻!!味淡,湯底很削很薄.本來想叫牛骨煱但怕好似豬骨煱咁一大煲嚟到剩係食個煱唔駛叫其它嘢食.秘制牛筋小食----鐘意食淋就一定話佢唔惦!因為質地非一咬即爛,但又未至於咬唔開,好似台灣人形容果隻--好Ｑ有咬口.手切肥牛----以本地牛來說算有交代,牛肉味偏淡但入口無渣.幾好！手打四寶丸----四款都好新鮮彈牙!其蝦丸及牛丸最出色,牛丸味濃及蝦丸有很多蝦肉粒粒！竹筒牛滑----食完牛丸後決定再叫的一款!同樣是新鮮夠彈.滑雞件----平時興趣不大一件起兩件止,因為覺得恰雞有幾咁好食呀又？但今次試過後,出奇地又滑又有雞味.....食完再叫多一碟!豬腳筋----無特別感覺,咬落淋淋滑滑咁囉！脆肉鯇片----肉質結實,但有少少草青味.皇帝菜----食咗幾條,菜係老咗少少.稻庭烏冬----雖則唔算係靚貨.質地滑滑都似樣！起碼唔係＋蚊三包貨色,竹庶水----又唔係飲糖水果隻喎,清清地幾好.地方不大,環境乾淨企理,唔會嘈到頭痛.唉!又係兩個人叫四人

:湯底: 胡椒豬肚湯 & 秘製痳辣湯 ($58 +$10 = $68) ==== > 好一般但其他火煱食物, 就真係意想不到!例如: 本地手切肥牛 ($98) ===> 好味!!!唔韌!!! 正!!!香港仔魚蛋 ==> 有魚味! 唔係一舊粉! 一食就知新鮮!自製牛肉餃 ===> 最有驚喜! 惦! (必試)竹筒墨魚滑 ===> 我一向都唔多鐘意食既墨魚滑.... 我食完都覺得唔錯!炸枝竹 / 娃娃菜==> 穩陣菜汽水一罐 ($10)原來醬料每人十元 : 一早又唔講, 一座低, 就即刻幫你倒豉油, 其實嗰諜豉油, 我用都無用過, (如果食物新鮮, 又使勿用醬料丫)前菜一碟十元 (因有一諜前菜係花生, 我完全冇興趣, 本住冇謂浪費, 所以叫佢收番, 埋單才發現, 可以唔要唔收錢)

上星期日（2/11），我和女友去完長洲返到九龍，晚上約了好友D先生和他的未婚妻打邊爐，其實一直好想試這間，因為我對這間位於旺角差不多一年卻祇有兩個“笑”的火鍋店很感興趣。不過未來D太卻想去“譚魚頭”，經我多番遊說和軟硬兼施後，終於決定了來這店。約七時左右來到，店內地方不大，環境光猛，約有一半的客，樓面的阿姐、阿叔很好好招呼。我們四人點了以下食物：蕃茄薯仔豬骨鍋：這個湯底就是原本未來D太想在“譚魚頭”吃的，所以見到這裡有類似的，不用考慮就點了這個湯底。湯底味道很淡，隱約有豬骨湯味，蕃茄薯仔每樣祇有幾舊，就算滾到食完整個湯底味道依然很淡。手切本地肥牛（大）：牛味幾重，入口易咬和不韌，而且切得尚算均勻，不是雪得太厲害，不錯！鯇魚腩：幾大件，約有八件，有魚味，幾滑；自製白菜餃：不是冰箱貨，餡料頗多，味道不錯；魚腐：不是我們一向食開的那種，口感很怪，我覺得似菇類，D先生覺得似炸麵，女友覺得似獅子狗的食物，總之就覺得這碟不像魚腐，但是有魚味的！豆腐：有兩磚的布包豆腐，不錯；白菜：是矮肥的那種，尚算新鮮；炸芋頭：原來滾很耐，食落幾“粉”，幾好食；樓面阿叔很好招呼，見D先生喝了半杯啤酒就不喝，就問是否

上星期六同三位朋友一同到此家火鍋一試，果然名如其實，湯底一來本覺得一般，但發現越食湯底牛骨發揮味道越濃，的確一流！而配料亦十分新鮮，無論牛肉或其他配料都屬上上之選飲品亦不算太貴，中規中矩而且主動加湯(並非加水)，而且飲完飲品亦會主動給予茶水，更可以食完坐幾耐都唔詐型，有得睇now足球，三五知己睇波一流，亦有兩間房可以訂，人數大約十人左右，更可以再房內給予某些有需要人士"呼吸"整體而言絕對係一個好地方

睇雜誌介紹,話呢間老板係輝哥火鍋做過,係輝哥既師弟. 所以去試試. 果然好食,牛好有牛味. 金牌牛骨煲好正,即是牛雜煲,好足料,打邊爐有好多唔同牛既位置都可以揀,連少地方有既牛腦,牛睪丸,牛喉・・・都有. 本人覺得選擇多過牛皇星, 第一次試左花綢酒浸牛腦黎打邊爐,好特別,又幾好食. 但唔敢食太多,高膽固朜嘛! D waiter 十分有禮貌, 仲會話俾我地有乜新鮮. 十分細心. 第二次去又係食金牌牛骨煲, 都隔左成個月, 水準保持, 除左本地肥牛外, 今次仲食左牛展,仲正,好重牛味. 其他如豬腰,豬紅,蠔都好. 但炸腐皮就太厚. 薄少少會好D. 介紹過朋友仔去食都話正…但話象拔蚌刺身麻麻地, 魚既刺身(唔記得係乜)就正..總之鐘意食牛既―定要試. 價錢合理.