昇平粉麵餐廳

营业中

休息中

今日再次走到屯門，冇咩idea食咩所以就揀食咗好多次嘅「昇平」作為享用晚餐的餐廳今次試吓蘿蔔崩沙腩飯 $61，配埋紫菜湯另外仲叫咗一個淨雲吞 $35崩沙腩飯份量充足，崩涉沙腩大約有八件，有一定厚度，帶腩衣嘅牛腩爽嫩富韌勁，口感一流，牛香都好豐富；蘿蔔新鮮冇渣，不過就未算好腍甜嗰一種，腩汁調味啱啱好，唔會過鹹，整體實真係幾好味，推介！跟飯嘅紫菜湯熱度好高，都幾清甜又唔油膩，仲加咗少少胡椒，好暖胃至於雲吞就正常水平，蝦微爽蝦味一般，大地魚粉味道啱啱好，豬肉都算新鮮

今日天氣涼咗想食啲湯粉，成個龍門居同富健剩返呢一間麵檔有開，城仔記一早收鋪。岩岩叫咗碗牛腩牛肺河粉，牛腩同牛肺數量都各有約五件，賣相同份量幾好。牛腩同河粉正正常常，但係牛肺就咬極都咬唔爛，質感好似香口膠一樣，最後我夾晒出嚟擺喺枱冇食到。埋單嗰陣，我一路喺銀包拎錢一路對收錢阿姐講「唔好意思多口講聲，啲牛肺好似香口膠咁」，不過我真係O晒嘴，因為佢竟然一句都冇回應，一個「哦」字都無。唔講唔知仲以為我自己講緊英文佢聽唔明，服務態度「良好」👍🏻BTW可能佢儘管見到我夾晒啲肺出黎係枱都覺得我出聲係想R折頭掛～見佢咁好服務，我都冇出聲，找完錢就行走，心諗唔會有下次。相我就冇影，但如果大家出門好奇心用四五十蚊試下香口膠牛肺，人一世物一世可以一試。

今天走到屯門，諗唔到食咩所以再次到訪「昇平粉麵餐廳」簡簡單單食一餐，因為午餐食左好多肉，所以冇再點牛腩-牛丸米 $35+$8 配凍奶茶牛丸5粒，口感實淨而爽口彈牙，但牛香只屬一般而且唔夠Juicy米粉發揮正常唔係碎濕濕，湯底清甜不膩凍奶茶比例不錯，甜度可接受-紫菜清湯 $18紫菜冇沙，清理得好，份量都唔少；湯夠熱而唔油膩，不過略嫌稍鹹-腐乳通菜 $18份量夠多，通菜翠綠爽嫩，腐乳唔會過鹹但未算有豐富腐乳香的一種

🍴餐廳：昇平粉麵餐廳📍地點：屯門龍門路45號富健花園地下51號舖落大雨好多餐廳都冇開門，呢間昇平粉麵，之前試過買等咗好耐好耐，同埋價錢唔平，今次試下有冇改善今次等得唔算耐嘅，叫咗三碗粉麵牛雜粗麵可能落多咗醋嘅關係呢度口味係偏酸，又唔係變壞咗嗰種酸，係好重醋味，我個人就一般般，麵嘅份量唔多，不過餸都算多雲吞麵得幾粒好細好細嘅雲吞，湯都比較淡紫菜四寶河得少少紫菜材料都唔多，最好食係一粒墨魚丸總括嚟講唔值呢個價錢，唯一可以讚嘅，係包裝唔錯

上次食過的「昇平粉麵」質素唔錯，今次試埋佢哋的招牌牛腩一到店，女店員一句「歡迎你」富親切感，加分！淨牛三寶牛腩、牛肚及牛筋，以大量蘿蔔墊底牛腩約十件，表面偏乾，肉質緊實帶不錯的牛香牛筋炆得夠時間，口感偏向軟腍，夠入味牛肚為較便宜的草肚，軟滑有口感蘿蔔煮得不夠時間，甜度不高，不及格；湯底感覺有點死鹹整體牛三寶選材不錯，惟調味偏重及蘿蔔比例太高，唔抵食鮮蝦雲吞麵加左紫菜雲吞4粒，只配以一條生菜雲吞皮薄，蝦肉略帶鮮味但未算爽口，豬肉以適量大地魚粉調味紫菜夠香，發揮不錯；幼麵煮得爽滑，鹼水味不重；上湯鮮甜不油膩

茶餐廳，最緊要係夠平同夠快唔出事，唔會太中伏好難食就OK 今次嚟到屯門呢一間茶記想快快脆脆食碗麵因為趕時間出銅鑼灣佢果然好快脆叫咗一個炸醬撈麵+咖喱牛腩飯唔夠6分鐘，就嚟咗撈麵過多3分鐘嚟買牛腩飯雖然佢啲牛腩係湯麵嗰啲切嘅牛腩，再撈咖喱汁所以感覺有啲Hea但係炸醬撈麵，我覺得都正常嘅最後埋單，$107 我覺得都合理⭐️😊

收銀員阿姐非常冇禮貌，態度十分串，問佢一句嘢啫，串過鬼！唔想人幫襯咪岀聲囉！啲嘢食又難食，食物份量又少，衛生情況又差，員工態度又西，真係貼錢買難受，以後都唔會再幫襯！

一向這間粉面的品質也不錯, 所以常常來外賣. 地方坐位真係比其他屯天區粉麵好. 但係今次外賣個浄豬手真係硬過舊石頭. 未炆林就唔好攞嚟賣啦… 非常失望!以後一定唔會再來叫豬手!

昇平呢間餐廳出名食牛腩今次餐牌上有一項叫做特色飯咁啱見到我平時好鍾意食嘅梅菜扣肉飯就二話不說即刻落咗單不過因為啱啱收工好攰所以買咗外賣返屋企食𝐎𝐫𝐝𝐞𝐫::⧐梅菜扣肉飯 | $ 49↬凍檸茶少甜少冰 | +$8↬紫菜湯原來呢度嘅梅菜扣肉飯應該係預先整好一包包當你落單嘅時候就會拎出嚟翻熱呢個飯嘅扣肉同梅菜都好多而且好多汁撈飯一流扣肉嘅肥瘦都幾平均味道唔會話太過濃郁食落啱啱好而且有生菜底叫做有菜食下幾健康而且仲送咗紫菜湯不過感覺上就有少少味精可能我唔係太喜歡所以就冇咩點飲整體來講都唔錯如果唔係好想食牛腩都可以試吓佢呢度嘅特色飯啊！

因為住係附近，所以成日都心思思想入去食，無煮飯要出街食飯時，總會諗起昇平粉麵環境整潔，座位地方闊落坐得舒服，唔會感覺好擠迫今次叫了牛腩河$35，今次既牛腩略微肥了些，但係牛腩都係炆得淋既，湯底依然香濃好味，唔會好重味精味，飲完好頸渴咁牛肚牛肺河$35，牛肚牛肺好淋，好易咬開唔會好似橡膠咁，河粉份量多，吸收曬湯汁精華，好好味腐乳通菜$17，通菜新鮮大大碟，腐乳醬汁有陣陣酒香味，腐乳通菜真係絕配跟餐凍飲加$8，好抵食

4月4日買咗 ，炸醬粗麵同埋雲吞河 ，返到屋企先發覺到，雲吞河變咗魚蛋河 ，都唔知呢間點做嘅，真係應該冇下次，都唔係第一次啦。疫情期間個個都係外賣咁樣做法點做生意呀 我覺得有少少欺騙成分囉如果唔係欺騙嘅就即係話佢自己大意

富健花園作為龍門居既一份子，居民都可以享受美味既夜市，但除左夜市之外，其實早市同午市都一樣咁有質素，今次要介紹返既係昇平粉麵餐廳。𝐎𝐫𝐝𝐞𝐫:⧐ 牛筋河⧐凍檸茶牛筋比起牛腩無咁肥，而且含有豐富既骨膠原，所以我通常食牛筋多過食牛腩，但有一點係一樣既，就係佢地同樣咁好味，牛筋煮得好腍，易入口，咬落去又有口感。————————————📝評分味道 ³ / ⁵環境 ³/ ⁵服務 ³/ ⁵衛生 ³/ ⁵抵食 ³/ ⁵————————————餐廳: 昇平粉麵餐廳 (屯門)地址:屯門龍門路45號富健花園地下51號舖

每次經過都聞到陣牛雜味好香，吸引我入去試下，雖然我唔係入去食牛雜😂·1️⃣紫菜海什河粉($35)海什有蠔仔、墨魚同蝦仁，好足料，蠔仔食極都仲有，唔會腥，墨魚大大舊，好新鮮好彈牙😍🤤蝦仁就普通啲，滑蛋炒蝦仁果種，爽口但無乜特別🤣·2️⃣常餐-沙嗲牛肉公仔麵配丹麥吐司&火腿奄列($40)雖然無加錢食出前一丁，但佢嘅公仔麵都唔錯😳幾彈牙同入味，因為揀左沙嗲牛肉，所以成碗麵都好香😆火腿奄列反而有啲乾身，丹麥吐司好好食，有得揀緊係食丹麥吐司唔食普通白方包🤣🤣烘過仲香口好多🤤·不過最近兩次去，唔知係咪因為夏天熱左，舖頭唔大但已經俾我見到有成三四隻烏蠅，仲痴住左係某個食客身上🤢間唔中又飛下🤢一路食一路都好驚佢會飛過黎🥲職員應該檢視下呢個問題，見到咁多隻烏蠅我唔想再食喇

我的家😀在這裡，美食特別多 多 多天氣有啲熱，放工回家，疲倦..都不想入廚房不如去昇平粉麵餐廳，除咗粉麵，仲有飯可以選擇，門口已經聞到陣陣好味😋個人特愛牛什，大大碗牛雜米粉（走蔥）份量多，牛肚、牛旁、肺、腸（瘦）每款都是大件，抵食，夠入味湯 味濃、偏咸，不能喝太多😀炸醬麵 走青，麵質一般，伴葱花湯一碗再來碟菜心，嫩綠 ，加上腩汁，更加好味😋紫菜什河，材料豐富，🦐蝦、蠔仔、鮮魷，少量紫菜，湯有海鮮味吃飽飽，散散步🚶‍♀️ 歸家啦

上星期同朋友行完山之後就黎左依度食麵，由於我以前已經黎過食牛腩麵，就其實唔太中意啲牛腩，因為實在太多肥肉，去左啲肥肉之後，明明一大舊牛腩會得返一小啖仔…..所以次我同朋友都叫左一碗牛三寶麵 (HKD37)，就真係好好食，牛肚好爽口，牛筋都好入味，唔會太鹹。另外就係杯阿華田沖得好好飲，甜度好適中，飲落夠甜又唔會過龍，差啲就想叫多杯仲有，之前黎既時候有叫過佢地既魚皮，哇真係一定要試，勁脆勁好食，不過有少少鹹，買黎打邊爐或送麵食係會好正