昌發泰國粉麵屋

营业中

休息中

馬拉盞炒通菜馬拉盞通菜係廚師推介，可惜馬拉盞味道不突出，菜的份量算多嘅。冬蔭功 (小)份量啱晒兩個人，每人大概有兩大碗。雖然冇得揀辣度，但係呢個預設嘅辣度啱香港人口味。不過，味道酸咗少少。 內裏的冬菇和蕃茄仔都好多，大蝦就有一隻半。炸蝦餅拼魚餅上碟時兩樣嘢都係熱嘅蝦餅兩件切半，入面有少少馬蹄增加爽口感，正常嘢。魚餅偏硬少少，係正宗個款泰式魚餅，好重香料味。清邁豬肉生菜包上碟熱辣辣， 肉碎和生菜嘅份量都好多， 兩個人食唔使追加生菜。不過，肉碎實在太鹹了，食完呢餐飯嗰晚好口渴🥵生蝦刺身生蝦都算大隻，個人認為肉質比較硬，未夠爽口，係新鮮嘅，印象中好似得6隻定8隻，泰汁唔係向泰國綠色個款，但友人都已經覺得好辣五樣餸加可樂，埋單395蚊，價錢算係咁。不過味道一般，相信同區會有更好的選擇。

朋友係英國返黎，又去返飯堂，以前成日食，呢幾年少咗。叫左個木瓜沙律，只係覺得個價錢比以前貴左一倍，黎到勁大蝶😂以為比錯。個青咖喱真係好好味，以前必叫。叫左個椰菜苗，但居然無😅以前去食差唔多full house,而家得我哋一枱客…. 其實佢有的食物真係可以保持質素，已經唔錯.

玩完潑水節更係係九龍城食埋飯先走喇🤩平時食開一間又想試新野行過見到昌發印象中上網見多人都讚二話不說就入左去泰式生蝦大大隻👍🏻夠凍👍🏻又彈豬牛雞串燒除左牛串好多筋之外豬同雞都好食👍🏻至於個酸辣明鱸魚整左半個鐘先到好濃既湯但濃到係醬黎既條魚又乾又多骨呢個真係超級伏

一想食泰國野就一定會黎九龍城，皆因夠正宗夠道地！雖然餐廳環境沒有華麗裝修，但個人認為夠地道，以往去泰國餐廳一定會叫以下幾款， 今次都唔例外-燒豬頸肉豬頸肉燒得香脆，切得均勻，而且醃製入味！個人認為重點是伴隨的豬頸肉辣醬，沾少少已辣得過癮。拼盤炸物是邪惡的！叫拼盤可一次過試所有口味， 拼盤有炸春卷、炸蝦餅、炸雞卷及魚餅！ 炸得香脆，又唔會太油膩。鮮蝦炒金邊粉金邊粉的份量是一人份量，蝦肉大隻爽口; 炒粉香味撲鼻，伴花生碎及青檸，是泰國口味！青檸蒸烏頭魚每次食魚都好期待，因為泰式蒸煮烏頭都會連爐一齊上，保持住熱度！成條魚上面鋪滿多塊青檸檬加辣椒；賣相已經好吸引！烏頭肉質鮮甜，大條厚肉，夾雜青檸等配料十分開胃惹味 ; 而且辣度十足!

九龍城一直都係地道泰菜集中地，今次就去咗昌發，想食泰麵就要識😆食完真心驚喜👏🏻小店嚟講，呢度唔單止多選擇，食物質素高，價錢夠抵，真正大件夾抵食，會再幫襯。1️⃣遊船河(金邊粉) $50天氣涼番，食碗熱辣辣♨️嘅船河填肚好滿足。呢個船河湯頭都算濃郁，配牛肉片同豬肉丸。粉麵揀番金邊粉，我認為係最吸收到湯汁精華😋，泰式香料都新鮮，整體水準有B+，香港食到嘅味道嚟講叫正宗啦！2️⃣泰東豬肉生菜包 $69泰國東北菜較重口味，著重辣、咸同酸味，所以呢個生菜包嘅肉碎會更酸辣開胃，米香味出眾，配爽脆生菜，一啖咬落去真係好夾，份量仲要足到爆，食極唔完咁👀3️⃣蠔仔煎蛋 $128見隔離枱食得咁開心，聞落又好香，所以抵受唔住引誘叫咗😆。想講：值得嗌！蠔仔煎蛋用鐵板上，熱力將香氣送入你個鼻，仲要大大塊好震撼。煎蛋嘅底部酥脆香口💯，蠔仔夠多，肥美又唔腥，仲有海量芽菜墊底平衡油膩感👍🏻👍🏻，附上甜辣醬，所以一啖接一啖都唔覺滯。不過有時店舖會轉粉多脆口個款，所以落單嗰時可以講明要腍嗰隻。4️⃣芒果沙冰 $38勁勁勁大杯，滿到瀉；芒果味可以再濃啲，不過唔係死甜，都收貨啦😌📍環境較細、座位偏窄、唔算光猛整潔，但老舖小店，小妹唔太介懷📍自

以前間唔中黎食船麵，今次試飯，揀左青咖哩雞飯（50蚊），等左15分鐘，其他遲我入坐既都食緊了...  個青咖喱汁幾惹味，有6舊切半既泰式圓茄子，至於雞肉呢，全部都係骨多過肉，兩舊斬半既雞翼骨，半截雞腳，一隻細雞翼尖😤 啲肉加埋都唔夠一條冰鮮雞胸肉咁多，食到一半已經係食汁撈飯。啲飯又乾又硬勁似隔夜飯。

聖誕日去九龍城行吓，又幫親昌發。船河真的好味，是正宗泰國味，河粉是肥身的，份量算足夠，配料不少，另叫了豬手撈麵(全蛋麵)，味道也很好，小食是蝦餅拼雞卷，$79而言，份量偏少。

經過九龍城都要嘆泰國菜啦，找了幾間最後試吓昌發，叫咗船河、燒雞翼同埋炸蝦餅，嘢食到咗有驚喜，船河好有泰國風味，燒雞翼好香，炸蝦餅不錯. 我已經打算會相約下次再去幫襯😋

今日同夫君去左九龍城揾船麵食，搵完一輪入左昌發，恕我孤陋寡聞，原來去得九龍城揾麵食都識得昌發。夫君叫左豬什米，湯底深啡色，帶有濃濃嘅滷水味，夫君大讚正宗！我難得見到餐牌上面有個彩虹湯粉（In Da Fu），因為之前向泰國食過, 南乳湯少少酸 。今日呢碗好失望，完全兩回事，不過公平啲講，香港真係好少舖頭做彩虹湯，多數做船麵，清湯，所以冇得比較。泰式奶茶 朋友叫咗少甜，所以感覺唔夠濃。我叫咗杯藍色特飲另外仲叫咗泰國酸腸（西角二省），感覺中等。

趁著Songkran黎到九龍城感受一下節日氣氛💦 見到呢間粉麵店好出名就冒著被水淋既風險黎到🤪 老實說店舖位置都幾窄 唔算坐得舒服😅但不得不讚粉麵果然有泰式道地的口味🛵⭐️ 冬陰功濃湯河 🌶️冬陰功湯底辣中帶酸🍋做到特色的泰國口味🇹🇭 河粉亦比一般的粗同滑非常掛湯🥘⭐️ 清邁咖哩米線 🍜咖哩比較香料味重🌿 料唔算多以肉碎雞腳豬紅為主🥩 坦白說以下欄野為主卻幾有風味🌝⭐️ 蠔仔煎蛋 🍳感覺好香口似係半炸過既感覺🔥 蠔仔算新鮮🦪但係口感偏有而且底下太多芽菜索曬油⭐️ 芒果沙冰 🥭甜得黎都算食到芒果既味道💛 解渴度不錯⭐️ 芒果糯米飯 🍚糯米飯既黏糯程度做得不錯而且帶椰汁香🥥 可惜泰國芒果口味偏酸

外賣與堂食海南雞飯賣相完全不一樣，雞肉散得像手撕雞似的，差極！蝦餅和菠蘿炒飯還可以，份量也很足夠。希望是個別事件，這種食物質素和態度完全不能接受，做外賣生意也不能太隨便吧！

食泰國菜，梗係去九龍城啦。原本食另外一間，但係要book位又book唔到，就食返之前食過嘅昌發。鳳妹又未至於好差嘅，係要自己寫Number落單，叫侍應攞嘢都好快手嘅食物依然保持水準，依然咁好味～🍤鮮蝦刺身（$98）鮮甜美味，但略貴🍤炸蝦餅，冇得輸，肉質彈牙脆，卜卜超好食炒金邊粉，甜酸啱啱好🍲冬陰功夠酸又夠辣，超級開胃🐮青咖喱牛，覺得起咗少少，但味道唔錯（唔記得影相）🐷燒豬頸肉一定要食，燒得啱啱好，好好食🥭必叫芒果沙冰，勁大杯，好香芒果味，每次都必叫❤️坐出面熱啲，好彩今次坐入面，坐得好舒服～～原本仲想食炸蠔餅同芒果糯米飯，但實在食得太飽，食唔落🤣下次再食～四個人埋單六百零，好抵食～

隔了大半年，今晚餐飯好掃興。我哋二人叫左豬頸肉，沙嗲，香葉炒牛河，木瓜沙律。Order 不夠5分鐘，第一道系豬頸肉，食落只有少少暖，感覺攤左好耐只是叮熱少少，同時切得分不開，豬頸肉汁似開水，很淡冇酸辣味。隔一分鐘系沙嗲，出奇地快，沒有炭燒味，似叮熱少少，沙嗲汁咸又不香。再過三分鈡系干炒牛河，沒有即炒的香葉味，又係暖暖地，又係叮翻熱少少。點解全部要時間煮嘅就很快出嚟？反而最後的是木瓜沙律，可是不夠酸，咸，辣味，欠缺應有的泰式味道。坐位，環境一向都麻麻，只是之前食過的食物味道還可以才會再光顧。還有令人不明白成班待應好似在歺廳嬉戲，有個女待應遞菜給我之後卻被他另一個女同事做了不雅動作。為何眾目葵葵可以這樣？成餐飯食得不舒服，食物質素下降不止，沒有服務，環境又不乾淨，但價錢又貴了。不會有下次啦！

趁泰國新年期間，想同fd入九龍城食個泰國嘢。1點幾到，見到好多人排隊，以為入唔到去食，但好好彩又入到去。樓下無位，所以上咗樓上坐。提提大家樓上係網路沙漠，無上網訊號，個餐廳wifi我哋又用唔到，唯有專心食飯。我就叫咗個香葉肉碎飯，好正宗味道濃郁，譚仔5小辣辣度，份量超足夠。再點杯椰汁冰沙，慢慢椰奶味，天時熱辣辣最適合不過。椰汁冰沙，解渴又清涼。沙爹燒烤串，雞牛豬都有叫到，個人覺得🐔最好食，最入味。同行友人叫咗船河，偷飲咗個湯，不得了要下次嚟食過。總括嚟講，如果掛住泰國嘢食，推薦入九龍城，食翻餐。

有人建議小編黎九龍城食完野時可買個芒果糯米飯做飯後甜品，小編就揀左之前睇開既YouTube 介紹既昌發泰國粉麵屋買左盒返屋企試下！😋😋【芒果糯米飯做飯】$58 （外賣+$2）原來盒飯係即叫即整，落order 後等左大約10-15分鐘新鮮熱辣出爐，好大盒😋，我諗其實應該當正餐唔可以當甜品。芒果大大個，唔算好甜。椰漿亦唔係好甜，鐘唔鐘意就視乎你係嗜甜與否。😆💥 昌發泰國粉麵屋 📍 九龍城城南道25-27號地下