昌發泰國粉麵屋

营业中

休息中

想去泰國？去不了！那來一頓泰國菜吧這個泰國街頭feel的餐廳分分鐘出片 好多人問我是不是去了泰國🇹🇭環境：難得有的外擺位置真的很度假feel！復古裝修配上泰式美食不知道的可能真的以為我在曼谷度假菜系推薦：豬雜船面🍜滿滿的料配上小菜搭配在注入鮮甜的湯爽滑的船面 給個👍泰式香葉肉碎蛋飯🍚wow滿滿一大碗的肉碎撲面再加入一個半熟蛋地道風肉串🍖上來我😱就好大一串一定要趁熱吃還有甜品🍮芒果糯米飯：芒果很大一個，糯米飯椰香味很足，這邊不用倒椰奶調味，是本身料理就已經用新鮮椰子注入了！斑斕椰汁千層糕：真的斑斕汁做的，裡面可以看到葉子的紋路，真的很用心！

小時候，屋村的茶樓中有一個泰國食品區，食物是由一位泰國人煮的。那時候去茶樓總會叫一碗大大的泰國河粉跟家人分享。隨著酒樓倒閉就沒有再吃過了，相信也有20年之久。今天到九龍城吃飯，九龍城有很多泰國食店，這家店我還是頭一次嘗試。這裡的河粉就是我兒時的味道，要說是不是用了十分貴的食材 — 不是要說是不是美味無窮 — 也不是但這個味道就是我兒時跟家人跟兄妹的味道價錢相宜，食物質素合格以上。真心推薦炭燒豬頸肉。一碗簡單的河粉讓我回想到那時候的時光。

-{九龍城泰菜🥘}經朋友介紹試依間泰菜！黎到食個晚飯🙌🤤燒豬頸肉🤤($78)唔算話好燶邊 份量就正常偏少 不過個醬汁超辣😂😂👖褲評: 5/10🤤菠蘿炒飯🤤($68)好多海鮮！味道正常啦 菠蘿係新鮮嗰種有啲酸幾fresh!! 炒得幾香😎👖褲評: 7.5/10🤤遊船河🤤($58)有幾件牛肉片同丸 再配金邊粉超掛湯 湯底好香肉味唔味精🥰牛肉肥瘦適中😋果然係招牌😍🥳👖褲評: 8.5/10🤤泰式炒金邊粉🤤 ($68)入面有幾隻蝦唔算鮮食落普通 炒得乾濕度啱啱好👍😙酸甜味好出 重點係勁大碟😂係平時嘅兩碟好誇張！👖褲評: 8.5/10🤤泰東豬肉生菜包🤤($69)都幾酸同辣好惹味🤣😍生菜都多嘅 不過豬肉仲多🤓👖褲評: 8/10🤤馬拉盞炒通菜🤤($69)都係咁上下嘅味 不過咸啲啲 菜都fresh嘅！👖褲評: 7/10個椰汁珍多冰好好咬又夠椰香係必嗌的☺️仲有個船河真係必試😋🥳性價比: 8.5/10服務: 8/10環境: 7.5/10🚩 昌發泰國粉麵屋 🚩地址: 九龍城城南道25-27號地下 #fuudjai #fuudjai九龍城 #fuudjai東南亞菜

兩間相連舖，入咗其中一間，上咗閣樓。好處：相對清靜；壞處：要遞落單紙仔要等咁啱有侍應上嚟傳菜，或，自助落樓梯飛紙仔。原始自助落單：自己寫號碼落單遞紙仔。都可能係頗多手機台喺呢邊數據只收得1格，所以提供埋免費Wi-Fi賬戶密碼黐喺牆上。豬什河反而其他雜餸仲多過豬什：銀芽、豬大腸、腸粉、豆卜、豬腩片、烚蛋半隻、豬紅、少量通菜，唔怪得舖頭叫泰式粉麵舖，似乎整呢啲粉麵佢比較穩打穩紮。有牛味嘅半肥瘦叉燒咁，有可能近坑腩位，好夠牛味，因而口感極受喜愛，有堆芥蘭、例牌一片生菜墊底，食得過。視覺上「芒果沙冰」同「夏威夷梳打」用嘅杯同隔離枱杯椰汁珍多冰大四分一，但見佢兩杯珍多冰都同樣居然飲剩一半，好飲度存疑⋯⋯講番自身嘅「芒果沙冰」，用水仙芒，不太欣賞因本身呢種芒果得死甜芒果香不足，所以攪出嚟杯沙冰都淡；「夏威夷梳打」飲一啖暗叫瀨嘢⋯完全複製咳藥水味道，只不過因為加咗片薄薄青檸先唔係車厘子咳水味唧⋯有啲搲頭蝶豆花本身係草本味居然變種到咳水味？？串燒喺餐牌上寫就寫雞牛豬，雞3串，另外3串有啲取巧，其實係將牛肉同豬肉攪到變肉餅（想像漢堡扒感覺）再燒，食落係豬肉味重過牛味蝦餅嚟到得微溫，脆度一般。

本來心情好好諗住去食泰式嘢，特別想食湯河，見到上網咁多人介紹呢間就試吓啦。由一開始等待入餐廳，門口店員愛理不理，指點我哋去旁邊另一間分店坐。坐低睇完餐牌想問一問店員餐牌上食物既分別，叫唔該，員工大叫：點餐嘅自己寫號碼！唔過嚟之餘仲頭也不回走咗。由於我哋係下午時段過去，店面已冇其他客人，唔知道佢忙乜嘢所以唔過嚟。但因為我哋真係好想問一問食物嘅分別於是再叫多次唔該想問嘢，佢今次停低咗但依然唔過黎，服務態度極度惡劣，叫員工落單員工態度傲慢想問吓都一副教車師傅嘅態度，清湯咪清啲黑湯咪咸啲囉！問咩呀！咁樣🥴洗手間環境極差，我知道九龍城環境都唔會好得去邊但係佢嗰度真係差好污糟好多食物嘅殘渣。最後越諗越唔開心，以至我餐都冇點直接走人。。

🇭🇰昌發泰國粉麵屋·呢間係我哋睇米紙見谷德昭推介 所以就跟住佢地黎食 估唔到真係幾有驚喜😈😈·乾炒海鮮河$65 l 遊船河$48佢個乾炒海鮮河真係超有鑊氣 炒出黎惹味得黎完全唔會油膩 我自己好鍾意😍😍之後佢入面海鮮既份量都好多 而且出奇地質感都唔錯🦐之後佢個船麵湯底都好濃嘅 而且入面啲配料都唔錯 不過佢呢個default係用一種闊身既卷粉既 我自己覺得唔算話好掛汁 大家可能轉返河粉會好食啲🫢🫢😂·#rbyeat#rby東南亞菜#rby九龍城·📍九龍城城南道25-27號地下

7月21日揾食肥華到九龍城，李基診所例檢完後，專誠到位於城南道嘅呢間泰國菜館一試佢哋個，衹售$45元嘅泰式海南鷄飯午餐，因此店舖面偏細，枱椅擺得好逼狭，仲有幾張枱面细坐椅窄的迷你二人位，好彩肥華當日在12點前就到達此店，可以坐到較闊落的座位再加上餐枱上已擺放咗一瓶凍水及泰式菜館應有的調味醬料，肥華對此菜館充滿好感，講番個今日主角此店嘅泰式海南鷄飯，以肥華食呢樣嘢嘅口味來講，係唔合格嘅，飯偏淋無味入口亳無驚喜，而啲鷄肥華就嫌此店做得過熟，入口感覺不似預其，反而跟餐個碗湯及杯凍青檸水就非常好味，不過以$45元能食到個有湯，有飯，有鷄仲有杯凍飲嘅午餐，在九龍城都算係👍👍

【#海南雞皇🐔 】#昌發泰國粉麵屋我係好鍾意食 #海南雞飯， 尤其是對泰式🇨🇷海南雞更加有份情意結😍 因為自己最愛果間泰國海南雞店已結業，更令我好掛住當日既人情味😇一直都知九龍城出名食泰國菜，但正因太多選擇，自己又唔熟路，所以一直都冇食過🤤 剛好留意到有網友介紹依間，午餐$45就有一份海南雞飯➕凍飲，聽落好似幾抵就決定試吓🤣依間應該係老字號，人地叫做粉麵屋應該食船河出名，而我偏偏就來食海南🐔🤣😎 碟飯份量都算多，雞肉都算嫩滑，肉質唔會死實，係好食既👍 飯都夠多，不過有少部分偏硬少少，油飯香味一般。反而個辣汁真係幾夠辣，好惹味，點完雞再撈飯一齊食真係好正♥附送一個湯同凍飲，湯就係普通一碗跟海南雞飯既湯，凍飲要咗 #凍青檸水，用咗放係檯面比你裝水果隻杯仔😂送既就冇乜要求，味道都夠酸，幾清新👍之前網友都有提過，話依間餐廳服務久奉，今日我都覺，雖然佢係一腳踢好忙，不過就好似缺乏咗🇨🇷既一種熱情同親切感🤔推介指數：6.5/10昌發泰國粉麵屋九龍城城南道25-27號地下@foodiehck2022 #港飲港食平靚正 #九龍城 #九龍城美食 #泰國菜 #午餐 #城南道

我去九龍城睇中醫，炎炎夏日冇乜胃口，唯有去吃泰式遊船河。 這間店的午餐set很抵食，$45 泰式遊船河粉再送上一杯凍泰式飲料，有泰式奶茶、泰式咖啡、泰式青檸茶和青檸水選擇。 我叫咗泰式遊船河，粉麵類我選了卷粉，其實即係廣東白腸粉。 泰式遊船河內有魚蛋、豬肉片、 通菜和芽菜。 這店的湯底ok有泰式風味，香料味不是很濃，湯底不會很咸，但配料份量不算很多。卷粉配上湯底我覺得很好吃，雖然有其他食評話卷粉不是很掛湯，但我覺得如果把卷粉拆開放在湯再吃，亦會掛湯的。 我是腸粉控，所以卷粉很對我的胃口。 整體來說味道不錯，但整體份量不是很足， 比較能吃的朋友們來吃的話，可能要兩碗才夠飽呢。飲品方面我叫了泰式青檸茶，雖然已叫了少冰少甜，但係我依然覺得很甜很多冰。

【九龍城泰國菜功略🇹🇭唔洗排隊都有高質泰菜🤩】九龍城最多泰國菜，出名嘅間間要排但小編試過有啲overrated🫠 今次教大家點樣食 高質x抵食x大份 泰菜🇹🇭 ___ ___ ___ ___ ___ ___ ___ ✨鮮蝦炒金邊粉 pad thai $59顏色偏黃，冇落甘多茄汁，味道都好夠鑊氣，仲出緊煙，份量足，可以重花生味多啲😋😋✨招牌蝦餅拼魚餅 $69蝦餅🦐有4塊 魚餅🐟5塊，外皮炸得好酥脆，蝦餅彈牙魚餅較重味，沾醬食完全係將味道昇華，個人大推呢款小食尤其係蝦餅 🍤✨青檸沙冰 $38勁大杯2個人share 最岩，清涼❄️🧊爽，青檸味足，少少太甜九龍城食泰國菜🇹🇭其實味道間間都差唔多都係泰國人掌廚，係差左份量同排隊秘訣係要間啲有人氣，姐係多人買外賣同時唔多人排堂食。 今次間呢個超random見多人買外賣證明街坊都認證呢間好食😋有2邊鋪呢間上菜速度要～15分鐘，所以可以儘快簡定等食，較大油煙味，但味道💯

📍九龍城 《昌發泰國粉麵屋》#九龍城泰國菜九龍城出名泰國菜夠正宗，昌發都係網上推介頭幾位，但唔知係咪水準越做越差...😣燒豬頸肉 $𝟕𝟗.本身滿懷期待既燒豬頸肉，燒得唔夠香口，做唔到燶邊焦脆既效果，上菜時已經係微暖，豬肉仲有少少豬騷味🥶炸蝦餅 $𝟔𝟗.蝦餅係熱辣辣上枱，夠脆同彈牙，不過味道過鹹🙈鮮蝦炒金邊粉 $𝟓𝟗.味道算唔錯，不過略嫌太油同埋得三隻🦐哈哈哈芒果沙冰 $𝟑𝟖.芒果沙冰好大杯滿到瀉，但味道太淡唔夠芒果味🤔味道：𝟓/𝟏𝟎性價比： 𝟔/𝟏𝟎

遊船河（金邊粉）豬手撈麵椰青、椰汁冰疫情關係無得山出關，唯有去本地泰國遊。湯麵嘅湯頭好好味👍👍有喺泰國食嘅味道。如果籃芽菜喺道，有得自己加牙菜就更加似去咗泰國😂😂😂。加小小醋同埋魚露，個湯就山真喺無敵。撈麵就麻麻地，可能食唔慣個味。

平價泰國菜，口味正宗，經常都嚟食，各式各樣嘅湯粉麵，炒粉麵飯，小菜，蒸炒炸嘅海鮮，湯羹類，特色飲品，都有齊晒，選擇算係多，所以經常都嚟幫襯，就算過嚟食晚餐，人均消費都係百零蚊左右。如果下午茶時段，或者午餐時間過嚟食，會仲抵份量其實都算大，足料，雖然環境普通一般，但係比起豪華裝修嘅泰國餐廳，我覺得呢度更加好食，而且價錢好合理，每張枱都會有齊所有調味料，如果唔知食邊樣要落乜嘢，可以問服務員，佢哋都好樂意答你。依家有咗地鐵，出去直行一個街口就到，方便左好多。門口比較細，唔覺意行快啲就會路過左，黎咁多次，都係要搵一陣。。

今日lunch過左黎九龍城搵食，黎到大名鼎鼎既昌泰。一入到餐廳已經充滿泰國既特色 — 熱！坐近門口好似冇咩冷氣咁🫠員工之間對話係講泰文既，同埋一坐低係真係聞到有陣泰國既特有香味，泰國回憶出晒黎！🇹🇭🇹🇭星期一至五既lunch set真係好抵食！全部都係$45 仲要包埋泰式凍飲！遊船河 配泰式奶茶 （$45）見到佢既船麵好出色，即刻叫番碗試試先！個湯底好濃郁好出色，真係同泰國食既一樣味🥹 我揀左卷粉，類似港式腸粉咁，第一次食的我覺得好神奇！ 滑係好滑 但略厭冇咁掛汁，所以我攤左左佢地黎食🤣麵仲配左豬肉片，肉丸同豬潤，餸都好爽口彈牙，呢個價錢 呢個份量 真係好抵食！鮮蝦炒金邊粉 配泰式奶茶 （$45）出面叫金邊粉閑閑哋都六七十蚊，呢度$45食到咁大碟真係超值！因為係即叫即炒，所以等得比較耐，但真係好值得！食落有鑊氣 又足料，賣相完全唔馬虎，仲有兩樣算大隻既蝦，推介！泰式奶茶就普通，有啲啲細杯，但呢個價錢真係冇咩好怨言🤣 熱辣辣飲真係透～心～涼～正價加左個炸蝦餅 （$69），外脆內彈牙，好實肉好好食！餐廳性價比高，下次會自備風扇仔再黎😋🤣👍🏻

叫咗燒牛肉同檸檬蒸魷魚，嘢飲係好快到，不過等咗半個鐘都未有嘢食，職員好hea咁話呢兩樣嘢要等耐少少，但係眼見有幾枱都話食物太耐未到要取消。等咗40分鐘忍唔住再催一次，貌似全間餐廳最大個位女職員/老闆娘話：「呢兩樣嘢食比較複雜，要耐啲，如果想快啲我建議你哋可以改叫湯粉，係真嘅！」一句唔好意思都冇，火都黎！如果我要食湯粉我一早叫咗啦，洗鬼你建議咩，不停喺度出外賣，枱枱都催緊嘢食，仲覺得係食客叫嘅嘢食太複雜所以先咁慢，簡單嘅嘢我唔洗出街食啦！如果處理唔到複雜菜式，不如唔好寫喺餐牌！最後分別等咗45分鐘同一個鐘先嚟到，咩心情都冇哂，嘢食普通，冇服務態度可言，慢到咁真係冇下次，其他泰國菜都有呢兩樣菜式，又唔見人哋要整咁耐？不知所謂！👎🏻